ആ ഏക പരമാർത്ഥ വസ്തുവിനെ തന്നെ ഉപനിഷത്തുക്കൾ "ബ്രഹ്മം" എന്നും , യോഗശാസ്ത്രത്തിൽ "പരമാത്മാവ്‌ , ഈശ്വരൻ " എന്നും , സാംഖ്യ ശാസ്ത്രത്തിൽ "പുരുഷൻ , പുമാൻ " എന്നും ഭക്തി ശാസ്ത്രത്തിൽ "ഭഗവാൻ " എന്നും ഭിന്ന ശബ്ദങ്ങളാൽ പ്രസിദ്ധനും ആയിട്ടിരിക്കുന്നു.
സകല യോഗങ്ങൾ കൊണ്ടും യോഗികൾ സാധിക്കുന്ന സംഗതി ഒന്ന് മാത്രമാകുന്നു . ആയതു സർവത്തിൽ നിന്നും ആസക്തി ഇല്ലാത്തവനായി ഇരിക്കുക എന്നതു തന്നെ . അത് സാധിച്ചു കഴിഞ്ഞാൽ അതിനെക്കാൾ മീതെ സാധിക്കെണ്ടുന്നത് ആയിട്ട് ഒന്നുമില്ല .
സ്വരൂപത്തെ മറയ്ക്കുന്ന ആവരണം "വിഷയാസക്തി ആകുന്നു " അത് അന്തക്കരണ വികൃത രൂപം ആകുന്നു . അതിനെ നിരോധിക്കുക എന്നത് തന്നെ യോഗം കൊണ്ടുള്ള പ്രയോജനം .ആ ആവരണം നീങ്ങുമ്പോൾ സൂര്യനെന്നപോലെ ബ്രഹ്മം സ്വയമേവ വിളങ്ങുന്നു .
ശ്രീമദ്ഭാഗവതം