ആ​രോ​ഗ്യ​ജീ​വി​ത​ത്തി​നു വെ​ല്ലു​വി​ളി​യു​യ​ർ​ത്തു​ന്ന വി​ല്ലന്‍റെ റോ​ളാ​ണ് മ​ധു​ര​ത്തി​നു​ള്ള​ത്. സൂ​ക്രോ​സാ​ണ് (പ​ഞ്ച​സാ​ര)​ശു​ദ്ധ​മാ​യ മ​ധു​രം. ക​രി​ന്പി​ൽ നി​ന്നാ​ണ് അ​തു​ണ്ടാ​ക്കു​ന്ന​ത്. അ​തേ​സ​മ​യം ക്യൂ​ബ​യി​ൽ മ​ധു​ര​ക്കി​ഴ​ങ്ങി​ൽ നി​ന്നും റ​ഷ്യ​യി​ൽ ബീ​റ്റ്റൂട്ടി​ൽ നി​ന്നു​മാ​ണ് പ​ഞ്ച​സാ​ര ഉ​ണ്ടാ​ക്കു​ന്ന​ത്. ശ​ർ​ക്ക​ര, ക​രു​പ്പട്ടി എ​ന്നി​വയിൽ നി​ന്നു കിട്ടുന്ന​തും സൂ​ക്രോ​സ് ത​ന്നെ. 

പ്രാ​യ​മേ​റി​യ​വ​ർ മ​ധു​രം കു​റ​യ്ക്കണം

പ്രാ​യ​പൂ​ർ​ത്തി​യാ​യവ​ർ​ക്ക് ദി​വ​സം 20-30 ഗ്രാം ​പ​ഞ്ച​സാ​ര ഉ​പ​യോ​ഗി​ക്കാം. കുട്ടി​ക​ൾ​ക്ക് 40-50 ഗ്രാം ​വ​രെ ഉ​പ​യോ​ഗി​ക്കാം. പ്രാ​യ​മേ​റി​യ​വ​ർ ക​ഴി​വ​തും പ​ഞ്ച​സാ​ര കു​റ​യ്ക്ക​ണം. അ​ധി​കം മ​ധു​രം അ​വ​ർ​ക്ക് ആ​വ​ശ്യ​മി​ല്ല.

പ​ഞ്ച​സാ​ര ശീ​ല​ിപ്പി​ക്കേണ്ട

ഒ​രു വ​യ​സു​ള്ള കു​ഞ്ഞു​ങ്ങ​ൾ​ക്കും മ​റ്റും പ​ഞ്ച​സാ​ര കൊ​ടു​ത്തു ശീ​ലി​പ്പി​ക്കാ​തി​രി​ക്കു​ന്ന​താ​ണു ന​ല്ല​ത്. പാ​ലി​ൽ പ​ഞ്ച​സാ​ര ചേർത്തു ശീ​ലി​പ്പി​ക്ക​രുത്. മൂ​ന്നു നാ​ലു വ​യ​സാ​കു​ന്പോ​ഴേ​ക്കും പാ​ലി​ൽ നി​ന്നു കിട്ടുന്ന​തി​ലു​മ​ധി​കം മ​ധു​രം മ​ധു​ര​പ​ല​ഹാ​ര​ങ്ങ​ളി​ലൂ​ടെ കിട്ടും. മ​ധു​ര​പ​ല​ഹാ​ര​ങ്ങ​ളാ​ണ​ല്ലോ ഈ ​പ്രാ​യ​ത്തി​ൽ കുട്ടിക​ൾ ഇ​ഷ്ട​പ്പെ​ടു​ന്ന​ത്. എ​ന്നാ​ലും 20 -25 ഗ്രാം ​പ​ഞ്ച​സാ​ര വ​രെ ഈ ​പ്രാ​യ​ത്തി​ൽ അ​വ​ർ​ക്കു കൊ​ടു​ക്കാം.

പ​ഞ്ച​സാ​ര സൈ​ഡ് ഡി​ഷ് അ​ല്ല

കൊ​ച്ചു​കുട്ടി​ക​ൾ മ​ധു​ര​പ്രി​യ​രാ​ണ്. ചി​ല കുട്ടി​ക​ൾ പ​ഞ്ച​സാ​ര വെ​റു​തേ വാ​രി​ക്ക​ഴി​ക്കും. കു​ഞ്ഞു​പ്രാ​യ​ത്തി​ൽ​ത്ത​ന്നെ എ​ല്ലാ വി​ഭ​വ​ങ്ങ​ളി​ലും പ​ഞ്ച​സാ​ര ചേ​ർ​ത്തു ക​ഴി​ക്കാ​ൻ ര​ക്ഷി​താ​ക്ക​ൾ ശീ​ലി​പ്പി​ക്കാ​റു​ണ്ട്. എ​ന്നാ​ൽ ചെ​റു​പ്രാ​യ​ത്തി​ൽ മ​ധു​രം കൊ​ടു​ത്തു ശീ​ലി​പ്പി​ക്കാ​തി​രി​ക്കാ​ൻ ര​ക്ഷി​താ​ക്ക​ൾ ശ്ര​ദ്ധി​ക്ക​ണം. ഉ​പ്പു​മാ​വി​നും പുട്ടിനു​മൊ​പ്പം പ​ഞ്ച​സാ​ര ചേ​ർ​ത്തു കൊ​ടു​ക്കു​ന്ന​തി​നു പ​ക​രം ക​ട​ല​ക്ക​റി​യോ പ​യ​ർ പു​ഴു​ങ്ങി​യ​തോ കൊ​ടു​ത്താ​ൽ പ​ഞ്ച​സാ​ര​യു​ടെ അ​ള​വു കു​റ​യ്ക്കാം, പ്ര​ഭാ​ത​ഭ​ക്ഷ​ണം പോ​ഷ​ക​സ​മൃ​ദ്ധ​മാ​ക്കാം. ദോ​ശ​യ്ക്കൊ​പ്പം പ​ഞ്ച​സാ​ര കൊ​ടു​ക്കു​ന്ന​തി​നു പ​ക​രം ച​ട്ണി​യോ ക​ട​ല​ക്ക​റി​യോ ന​ല്കാം. പ​ഞ്ച​സാ​ര ഒ​രു സൈ​ഡ് ഡി​ഷാ​യി കൊ​ടു​ത്തു പ​ഠി​പ്പി​ക്കാ​തി​രി​ക്കു​ക എ​ന്ന​തു പ്ര​ധാ​നം.

ക​ൽക്ക​ണ്ടം പ​ഞ്ച​സാ​ര ത​ന്നെ

ശ​ർ​ക്ക​ര​യി​ൽ നി​ന്ന് ഇ​രു​ന്പ്, കോ​പ്പ​ർ തു​ട​ങ്ങി​യ ധാ​തു​ക്ക​ൾ കൂ​ടി കിട്ടുന്ന​തി​നാ​ൽ പ​ഞ്ച​സാ​ര​യേ​ക്കാ​ൾ ഭേ​ദം. തേ​ൻ, ക​രു​പ്പട്ടി എ​ന്നി​വ​യും മ​ധു​ര​മാ​യി ന​ല്കാം. ക​ല്ക്ക​ണ്ടം വാ​സ്ത​വ​ത്തി​ൽ പ​ഞ്ച​സാ​ര ത​ന്നെ​യാ​ണ്. റി​ഫൈ​ൻ ചെ​യ്യാ​ത്ത പ​ഞ്ച​സാ​ര. 

അ​മി​ത​ഭാ​രം അപകടം

അ​മി​ത​ഭാ​ര​മാ​ണ് പ​ഞ്ച​സാ​ര കൂ​ടു​ത​ൽ ക​ഴി​ച്ചാ​ലു​ണ്ടാ​കു​ന്ന മു​ഖ്യ ആ​രോ​ഗ്യ​പ്ര​ശ്നം. തൂ​ക്കം പെ​ട്ടെന്നു കൂ​ടും. നാം ​ക​ഴി​ക്കു​ന്ന ആ​ഹാ​ര​ത്തി​ൽ നി​ന്നു ശ​രീ​രം വി​റ്റാ​മി​നു​ക​ളും ധാ​തു​ക്ക​ളും ആ​ഗീര​ണം ചെ​യ്യു​ന്ന​ത​തിന്‍റെ നി​ര​ക്കും പ​ഞ്ച​സാ​ര​യു​ടെ തോ​തു​മാ​യി നേ​രിട്ടു ബ​ന്ധ​മി​ല്ല.

കൗ​മാ​രം ക​രു​ത​ലോ​ടെ...

കൗ​മാ​ര​പ്രാ​യ​ത്തി​ലു​ള്ള​വ​ർ​ക്കു ദി​വ​സം 50 ഗ്രാം ​വ​രെ (10 ടീ ​സ്പൂ​ണ്‍) പ​ഞ്ച​സാ​ര ക​ഴി​ക്കാം. പ​ക്ഷേ, ഇ​പ്പോ​ൾ അ​ത്ര​യും ക​ഴി​ക്ക​ണം എ​ന്നു നി​ർ​ദേ​ശി​ക്കാ​റി​ല്ല. ഇ​പ്പോ​ൾ കൗ​മാ​ര​പ്രാ​യ​ത്തി​ലു​ള്ള​വ​രു​ടെ ശാ​രീ​രി​ക അ​ദ്ധ്വാ​നം തീ​രെ കു​റ​വാ​ണ്. കൗ​മാ​ര​ക്കാ​ർ ക​ഴി​ക്കു​ന്ന ചാ​യ, സോ​ഫ്റ്റ് ഡ്രിം​ഗ്സ്, ചോ​ക്ലേ​റ്റ്, മ​റ്റു മ​ധു​ര​പ​ല​ഹാ​ര​ങ്ങ​ൾ എ​ന്നി​വ​യി​ലൂ​ടെ അ​ത്ര​യും പ​ഞ്ച​സാ​ര ശ​രീ​ര​ത്തി​ലെ​ത്തു​ന്നു​ണ്ട്. പലപ്പോഴും ഷാ​ർ​ജ​ ഷേക്കിലും മ​റ്റും പ​ഞ്ച​സാ​ര​യു​ടെ തോ​ത് കൂ​ടു​ത​ലാ​ണ്. ഇ​തെ​ല്ലാം അ​മി​ത​ഭാ​ര​ത്തി​നും ട്രൈ ​ഗ്ലി​സ​റൈ​ഡിന്‍റെ തോ​തും വ​ർ​ധി​ക്കു​ന്ന​തി​നും ഇ​ട​യാ​ക്കും. കൊ​ള​സ്ട്രോ​ളിന്‍റെ അ​ത്ര​യു​മി​ല്ലെ​ങ്കി​ലും ഹൃ​ദ​യാ​ഘാ​ത സാ​ധ്യ​ത വ​ർ​ധി​പ്പി​ക്കു​ന്ന(​റി​സ്ക് ഫാ​ക്ട​ർ) ഘ​ട​ക​ങ്ങ​ളി​ലൊ​ന്നാ​ണ് ട്രൈ​ഗ്ലി​സ​റൈ​ഡ്.

വി​വ​ര​ങ്ങ​ൾ: ഡോ. ​അ​നി​ത​ാമോ​ഹ​ൻ