പഞ്ചദേവതാസ്തോത്രം ॥
ശ്രീഗണേശായ നമഃ ।
ഗണേശവിഷ്ണുസൂര്യേശദുര്‍ഗാഖ്യം ദേവപഞ്ചകം ।
വന്ദേ വിശുദ്ധമനസാ ജനസായുജ്യദായകം ॥ 1॥

ഏകരൂപാന്‍ ഭിന്നമൂര്‍തീന്‍ പഞ്ചദേവാന്നമസ്കൃതാന്‍ ।
വന്ദേ വിശ്ണുദ്ധഭാവേനേശാംബേനൈകരദാച്യുതാന്‍ ॥ 2॥

കല്യാണദായിനോ ദേവാന്നമസ്കാര്യാത്മഹൌജസഃ ।
വിഷ്ണുശംഭുശിവാസൂയഗണേശാഖ്യാന്നമാംയഹം ॥ 3॥

ഏകാത്മനോ ഭിന്നരൂപാന്‍ ലോകരക്ഷണതത്പരാന്‍ ।
ശിവവിഷ്ണുശിവാസൂര്യഹേരംവാന്‍ പ്രണമാംയഹം ॥ 4॥

ദിവ്യരൂപാനേകരൂപാന്നാനാരൂപാന്നമസ്കൃതാന്‍ ।
ശിവാശങ്കരഹേരംബവിഷ്ണുസൂര്യാന്നമാംയഹം ॥ 5॥

നിത്യാനാനന്ദസന്ദോഹദായിനോ ദീനപാലകാന്‍ ।
ശിവാച്യുതഗണേശേനഡുര്‍ഗാഖ്യാന്‍ നൌംയഹം സുരാന്‍ ॥ 6॥

കമനീയതനൂന്ദേവാന്‍ സേവാവശ്യാന്‍ കൃപാവതഃ ।
ശങ്കരേനശിവാവിഷ്ണുഗണേശാഖ്യാന്നമാംയഹം ॥ 7॥

സൂര്യവിഷ്ണുശിവാശംഭുവിഘ്നരാജാഭിധാന്‍സുരാന്‍ ।
ഏകരൂപാന്‍ സദാ വന്ദേ സുഖസന്ദോഹസിദ്ധയേ ॥ 8॥

ഹരൌ ഹരേ തീക്ഷ്ണകരേ ഗണേശേ ശക്തൌ ന ഭേദോ ജഗദാദിഹിതേഷു ।
അധഃ പതന്ത്യേഷു ഭിദാം ദധാനാ ഭാഷാന്ത ഏവം യതതോഽച്യ്താശ്രമാഃ ॥ 9॥

ഇതി ശ്രീമദച്യുതാശ്രമവിരചിതം പഞ്ചദേവതാസ്തോത്രം സമ്പൂര്‍ണം ॥