പ്രിയം മോദം പ്രമോദം
*****************************************************
ആനന്ദമയകോശത്തിന്റെ ഗുണങ്ങൾ പ്രിയം , മോദം ,പ്രമോദം എന്നിവ മാത്രമാണ് .

നാം ഒരു മനോഹര വസ്ത്രം ഒരു കടയിൽ കണ്ടു . അപ്പോൾ നമുക്ക് അതിനോട് ഉള്ളിൽ പ്രിയം തോന്നുമല്ലോ.അങ്ങിനെ ഇഷ്ടമുള്ള ഒരു വസ്തു കണ്ടാൽ തോന്നുന്ന വികാരമാണ് പ്രിയം .

പിന്നീട് അത് വാങ്ങിക്കുന്നു .പ്രിയപ്പെട്ട വസ്തു നാം സ്വന്തമാക്കുന്നു . അപ്പോൾ ഉള്ളിൽ നിറയുന്നത് മോദം എന്നറിയപ്പെടുന്നു .

പിന്നെ വീട്ടിൽ എത്തിയ ശേഷം ആ വസ്ത്രം ധരിച്ചു കണ്ണാടിയുടെ നിന്ന് സ്വയം ആസ്വദിക്കുമ്പോൾ ഒരു അതുല്യ സുഖം അനുഭവപ്പെടുമല്ലോ .അതേ വികാരം അത് നാലാള് കണ്ടു പ്രശംസിക്കുമ്പോഴും കിട്ടും .അതാണ്‌ പ്രമോദം.

നമ്മുടെ നിത്യജീവിതത്തിൽ ഈ സുഖങ്ങൾ എല്ലാം മിന്നിമറയുമെങ്കിലും അത് മാത്രമല്ലല്ലോ ജീവിതത്തിൽ അനുഭവിക്കുന്നത് .

പക്ഷേ ആത്മജ്ഞാനി കാരണശരീരത്തിൽ മാത്രമാണ് വസിക്കുന്നത് .അതിനാൽ ആത്മജ്ഞാനി ഈ പ്രിയം ,മോദം ,പ്രമോദം എന്നി വികാരങ്ങൾ മാത്രമേ അനുഭവിക്കുന്നുള്ളു .