ഓം നമോ ഭഗവതേ വാസുദേവായ
ശ്രീ ഗുരുവായൂരപ്പൻ
ഓം നമോ നാരായണായ
നിത്യ പ്രാർത്ഥന.

അല്ലയോ ഗുരുവായൂരപ്പാ!
സംസാരദുഃഖനാശകനായ ഹേ ഭഗവാനേ!
അല്ലയോ ഹൃദയമേ!
ജലപ്രവാഹത്തിൽപെട്ട് ഒലിച്ച്പോകുന്ന ഒരുവന്  നദീതീരത്തേയും, വഴിനടന്നു ക്ഷീണിച്ച ഒരുവൻ വൃക്ഷച്ഛായയേയും, മഴകൊണ്ടു മതിയായവൻ സുഖകരമായ ഭവനത്തേയും, അതിഥി ഗൃഹസ്ഥനേയും, ദരിദ്രൻ ധർമ്മിഷ്ഠനായ ദാതാവിനേയും, കൂരിരുട്ടിൽ കഷ്ടപ്പെടുന്നവൻ ദീപത്തേയും, തണുത്തു വിറയ്ക്കുന്നവൻ തീയ്യിനേയും, ഏതുവിധത്തി ൽ ശരണം പ്രാപിക്കുന്നുവോ അതുപോലെ, എല്ലാവിധ ഭയത്തേയും വേരോടെ നശിപ്പിക്കുന്നതും പരമസൗഖ്യത്തെ നൽക്കുന്നതുമായ ശ്രീ ഗുരുവായൂരപ്പൻറെ  പാദാരവിന്ദത്തെ ഞാൻ ശരണം പ്രാപിക്കുന്നു അനുഗ്രഹിച്ചാലും. .

ത്യാഗവാസനയ്ക്കു നമോവാകം. സൃഷ്ടിക്കപ്പെട്ട ഒരു ജീവിക്കും അങ്ങയുടെ ശരിയായ മഹിമ അറിയില്ല. അനന്തമായ ആ ഐശ്വര്യത്തിനു നമസ്കാരം.

ഉദ്യൽകോടിദിവാകരാഭമനിശം
ശംഖം ഗദാ പങ്കജം ചക്രം
ബിഭ്രതമിന്ദിരാവസുമതീ
സംശോഭി പാർശ്വദ്വയം
കേയുരാംഗദഹാരകുണ്ഡലധരം
പീതാംബരംകൗസ്തുഭോ
ദീപ്തം വിശ്വധരം സ്വവക്ഷസി
ലസച്ഛ്രീവത്സചിഹ്നം ഭജേ..

ഓം നമോ ഭഗവതേ വാസുദേവായ
ഓം നമോ നാരായണായ 
ശ്രീ ഗുരുവായൂരപ്പൻ
ഗുരുവായൂർ അമ്പലനടയിൽ