ധീമഹീശ ത്വാം ധിയോ യോ നഃ പ്രചോദയാത് ॥ 20॥

വൈശ്വാനരായ ദത്ത്വാഽന്നം വിധിലബ്ധം സദൈവ തേ ।
ഭവാമോ ഭജനേ സക്താ അസ്മാകം ശൃണുധീ ഹവം ॥ 21॥

ഏവാ ത്വാമിന്ദ്ര വിപ്രാസൌ ജാഗൃവാംസോ വിപന്യവഃ ।
സ്തുവന്ത്യേഭ്യോ ഹി തേ കോഽപി ന ജ്യായാँ അസ്തി വൃത്രഹന്‍ ॥ 22॥

പ്രഋഭുഭ്യോ ഗൃണദ്ഭ്യസ്തേ മര്‍ത്യേഭ്യോഽപ്യമൃതത്വമിത് ।
ദത്തം സ്മൃത്വാ തവ മനോരഥ ആയാതു പാജസാ ॥ 23॥

ഇദമുത്യദിഷം ശ്രേയോ യജ്ജഗ്ധ്വാ പരിതൃപ്യതി ।
സാധുസ്തദ്ഭജനം തേഽസ്മേ ഇഷം സ്തോതൃഭ്യ ആഭര ॥ 24॥

ത്വാമഗ്നേ മായിനം മായാം ജേതാരമപരാജിതം ।
ഹിത്വാ കം ശരണം യാമഃ സ നോ ബോധി ശ്രുധീ ഹവം ॥ 25॥

മഹീ മഹേശോഽജ്ഞാനേന ഭവാനവതു മാവൃതം ।
യഥാ വൈ സൂര്യം സ്വര്‍ഭാനുസ്തമസാവിധ്യദാസുരഃ ॥ 26॥

പ്രയുഞ്ജതീ യദാത്മാനം മനീഷാ മനസാ സഹ ।
തദൈവ ഭവതൈകാന്തം ജാനതാ സങ്ഗമേമഹി ॥ 27॥

ഋതസ്യ ഗോപാസ്ത്വം ദേഹി മഹ്യം ശം യുഞ്ജതേ ധിയഃ ।
ഭീതായ നാധമാനായ ഋഷയേ സപ്തവധ്രയേ ॥ 28॥

ത്വം ഹി പാതാസി നോ ദത്ത പരിബാധസ്വ ദുഷ്കൃതം ।
കാമാദീന്യസ്യ ബീജാനി ജഹി രക്ഷാംസി സുക്രതോ ॥ 29॥

പിബാ സോമമിതി ശ്രുത്വാ യഷ്ടുര്‍ഹൂതിം ശുഭം ദ്രവത് ।
ആയാസി പുരുരൂപ ത്വാമാസു ഗോഷൂപപൃഛ്യതാം ॥ 30॥

ഇന്ദ്രം വോതാന്യം ന പൃഥങ് മന്യേ മായാഭിരിദ്ഭവാന്‍ ।
പുരുരൂപ ഇതീക്ഷേ ത്വമമിത്രാँ സുഷഹാന്‍കൃധി ॥ 31॥

യജ്ഞാ യജ്ഞാധീശ സര്‍വേ ത്വന്‍മയാ അപി തേഷു നഃ ।
ജപയജ്ഞോ മതസ്തേന സമു പൂഷ്ണാ ഗമേമഹി ॥ 32॥

സ്തുഷേ നരാപ്യം തുഷ്ടഃ സന്നഥോ യസ്യാ അയോമുഖം ।
മായാം ജിത്വാ ഭവാന്താം മേ വിശ്വാഹാ ശര്‍മ യച്ഛതു ॥ 33॥

ജുഷസ്വ സ്തോമമീശൈതേ പ്രിയാസഃ സന്തു സൂരയഃ ।
വയം സ്തോമപ്രിയാനേന യച്ഛാ നഃ ശര്‍മ ദീര്‍ഘശ്രുത് ॥ 34॥

ഉഗ്രോ ജജ്ഞേ മൃത്യുരയമദുഗ്ധാ ഇവ ധേനവഃ ।
ധിയോ മേഽനേനേദൃഗീശ ന ജാതോ ന ജനിഷ്യതേ ॥ 35॥

പ്രബ്രഹ്മൈഹീദമാര്‍ണ്യോര്‍വാരുകമിവ ബന്ധനാത് ।
മൃത്യുഞ്ജയ പ്രമാദാഖ്യാന്‍മൃത്യോര്‍മുക്ഷീയ മാഽമൃതാത് ॥ 36॥

യദദ്യ വര്‍ഷ്മ തേനൈവ പശ്യേമ ശരദഃ ശതം ।
സ്തോത്രായ തേ ഹതേ മൃത്യൌ ജീവേമ ശരദഃ ശതം ॥ 37॥

പ്രത്യുത്തമം മഹേശം ത്വാം മനാമഹ ഇഹാഗഹി ।
മൃലാ സുക്ഷത്ര മൃലയ മാ നോ ദുഃശംസ ഈശത ॥ 38॥

തിസ്രോ വാചസ്തേഽത്ര വരാം ക ഈശാനം ന യാചിഷത് ।
ഭക്ത്യാ ഗൃണീമസ്ത്വാം സ്തോത്രൈസ്തേഭിര്‍നസ്തൂയമാഗഹി ॥ 39॥

ദൂരാദ്വിഹായ സര്‍വം ത്വാമൃശയോ യേ ച തുഷ്ട്വവഃ ।
മര്‍താ അമര്‍ത്യസ്യ തേ തദ്ഭൂരി നാമ മനാമഹേ ॥ 40॥

യ ഇന്ദ്ര ത്വം യോ നമസാ സ്വധ്വരോ ഹീതി സംസ്തുതഃ ।
ഇന്ദ്രോ ബ്രഹ്മേന്ദ്ര ഋഷിരിത്യുപ ബ്രഹ്മാണി നഃ ശൃണു ॥ 41॥

വയമു ത്വാ വരം ദേവമസ്മഭ്യം ശര്‍മ സപ്രഥഃ ।
മനാമഹേ പൃണന്തം തദഭിത്വാമിന്ദ്ര നോനുമഃ ॥ 42॥

പ്രകൃതാത്ന്യപി സൂക്താനി ശൃണ്വന്തം ജാതവേദസം ।
ത്വാം ഗൃണന്തി ന കേ ത്വം ഹി യേഷാമിന്ദ്രോ യുവാ സഖാ ॥ 43॥

ത്വാവതഃ പാഹി നോ മര്‍ത്യാന്യത ഇന്ദ്ര ധയാമഹേ ।
ആദിശ്യ പദഭക്തിം തേ തതോ നോ അഭയം കൃധി ॥ 44॥

ആ ത്വാ രഥം ന തുരഗൈഃ സ്തോത്രൈസ്ത്വാ വര്‍തയാമസി ।
സ ത്വം ന ഇന്ദ്ര മൃലയ യസ്യ തേ സ്വാദു സഖ്യമിത് ॥ 45॥

ആ പ്രബോധം ഭവോഽബോധഃ സ്വപ്നവദ്ദുഃഖദോഽശുചിഃ ।
പതിതാന്ദുഃഖിതാന്നൄന്നഃ പാഹി ത്വം ശൃണുധീ ഗിരഃ ॥ 46॥

ഇന്ദ്രായ സാമ തേ ഗാതും ന ക്ഷമോ നാമ തേ ഗൃണേ ।
ബണ്‍മഹാँഽഅസി സൂര്യ ത്വം സത്രാദേവ മഹാँഽഅസി ॥ 47॥

സോമഃ പുനാനോന്താരാമോ മയാ ത്വം നാധിലക്ഷിതഃ ।
ഈക്ഷേ തുച്ഛാന്‍ബഹിര്‍ഭോഗാന്യോഷാ ജാരമിവ പ്രിയം ॥ 48॥

പ്രണ ഇന്ദോരപി സ്മരം രൂപം തേ ദര്‍ശയാമലം ।
നൄന്‍സ്തോതൄന്‍പാഹ്യംഹസോ നോ ജഹി രക്ഷാംസി സുക്രതോ ॥ 49॥

ഹിന്വന്തി ദ്വൈതമസ്ത്യസ്മാദ്ഭയം വിന്ദതി മാമിഹ ।
യദന്തി ദൂരകേ യച്ച പവമാന വി തജ്ജഹി ॥ 50॥

ധര്‍താ കാരകശക്തീനാം സര്‍വേഷാം ത്വമിഹൈക ഇത് ।
യശോഽത്രേദം പവിത്രം തേ വിതതം ബ്രഹ്മണസ്പതേ ॥ 51॥

അസര്‍ജി ഭവതാ വിശ്വമനിത്യമവശം ബൃഹത് ।
ത്വം സംസ്മര ജ്ഞ ശരണ വത്സം ജാതം ന ധേനവഃ ॥ 52॥

പുരോജിതീശ ഭോ ഭൂമന്‍ തത്ര മാമമൃതം കൃധി ।
യത്രാനന്ദാശ്ച മോദാശ്ച മുദഃ പ്രമുദ ആസതേ ॥ 53॥

അയം സ ഇതി വിദ്വാന്ത്സന്യമായ ഘൃതവദ്ധവിഃ ।
കുതോ ജുഹോംയതോഽദേവാ യമായ ജുഹുതാ ഹവിഃ ॥ 54॥

നിവര്‍തധ്വമിനോ ദേവാ ഭദ്രം നോ അപി വാതയ ।
മനോ ഹരേ മാം പാഹ്യാര്‍തം പിതാ പുത്രമിവ പ്രിയം ॥ 55॥

പ്രമാ പ്രമാതാ പ്രമേയം ത്രിപുടീഹ ന വിദ്യതേ ।
രൂപം തേഽവികൃതം സത്ത്വം മധുമന്‍മേ പരായണം ॥ 56॥

പ്രഹോതാരോഽത്രൈവ മനോന്വാഹുവാമഹ ഇത്യതഃ ।
ഗമാദി മനസോ നാസ്യ യോ യജ്ഞസ്യ പ്രസാധനഃ ॥ 57॥

യേ യജ്ഞേനാര്‍ചന്ത്യനേന സര്‍വേ നന്ദന്തി തേ ത്വയാ ।
നാന്യേഽതസ്ത്വത്പ്രിയാ ഏവ വിരൂപാസോ ദിവസ്പരി ॥ 58॥

ദേവാനാം നു വശേ യോഽസ്യ സുമങ്ഗലീരിയം വധൂഃ ।
സ്നേഹേഷു ത്വച്യുതോ ഭോഗീ പതിര്‍ബന്ധേഷു ബധ്യതേ ॥ 59॥

വിഹിതം സര്‍വമിത്തേ ത്വമതോ ജ്യായാംശ്ച പൂരുഷഃ ।
പാദോഽസ്യ വിശ്വാ ഭൂതാനി ത്രിപാദസ്യാമൃതം ദിവി ॥ 60॥

ഹയേ ജായേ ഇതി വദന്യാ സാലാവൃകഹൃത്സമാ ।
തന്‍മയോ ന സ വേദാമുമാത്മാനം തവ പൂരുഷ ॥ 61॥

ഉഭാ ഉപാധിതോഽത്രൈകഃ പാകേന മനസാന്വിതഃ ।
ത്വാം യദീക്ഷേത തം മാതാ രേഹ്രലി സ ഉ രേഹ്ലി മാതരം ॥ 62॥

തദിദാത്മന്‍ഹൃദി വപുഃ പശ്യന്തസ്തേ മനീഷയാ ।
മുനയോ വാതരശനാഃ പിശങ്ഗാ വസതേഽമലാഃ ॥ 63॥

ത്യം ചിന്‍മയം ബുധാ രൂപം സഞ്ജാനാനാ ഉപാസതേ ।
യോ അസ്യ പാരേ രജസഃ സ നഃ പര്‍ഷദതി ദ്വിഷഃ ॥ 64॥

ഇഷേ ത്വോര്‍ജേ ചൌദനേന നിത്യഹോമേഽപി ഗവ്യതഃ ।
യജന്ത്യഹം ത്വകാമസ്ത്വാം ശ്രേഷ്ഠതമായ കര്‍മണേ ॥ 65॥

അഗ്ന ആയാഹീതി ഗാതും ത്വാഽക്ഷമഃ സ്തൌമി കേവലം ।
നിഷീദ മേ ഹൃദി യഥാ നിഹോതാ സത്സി ബര്‍ഹിഷി ॥ 66॥

ശം നോ ദേവീഃ പ്രസാദാത്തേ സന്തു ധീവൃത്തയോഽനിശം ।
ആത്മപ്രവാഹാഃ സ്വാരസ്യാച്ഛംയോരഭിസ്രവന്തു നഃ ॥ 67॥

ജ്ഞാതേഽസ്മിന്‍പാശമുക്തിഃ സകലവിദിതി തത്സ്യാദനിര്‍ദേശ്യമേകം
    സൂക്ഷ്മം ചാതീന്ദ്രിയം സത്തദയമിതി ഗിരാശാബ്ദനിര്‍ദേശ്യമേവ ।
വാക്യൈസ്തത്ത്വം വിരോധേഽപി സതി സുമതിഭിഃ സോഽയമിത്യാദിവത്തദ്-
    ഭാഗത്യാഗേന ലക്ഷ്യം വരഗുരുകൃപയാ ലഭ്യമൈക്യം ഹി തജ്ജ്ഞൈഃ ॥ 68॥

ഇതി ശ്രീപരമഹംസപരിവ്രാജകാചാര്യ ശ്രീ ശ്രീ ശ്രീ
വാസുദേവാനന്ദസരസ്വതീയതി വരേണ്യ വിരചിതം
ശ്രീദത്തവേദപാദസ്തുതിഃ സമാപ്താ ॥

sanskrit document