ഹരേ ഗുരുവായൂരപ്പാ ശരണം
ഇന്ന് ഗുരുവായൂരപ്പൻ " പീതാംബരം കരവിരാജിത ശംഖം ചക്ര കൌമോദകി സരസിജം കരുണാസമുദ്രം രാധാ സഹായമതി സുന്ദരമന്ദഹാസം വാതാലേശമനിശം ഹൃദി ഭാവയാമി" എന്ന രുപത്തിൽ ഭക്തർക്ക് ദർശനമേകി. അതിസുന്ദരനായി വളരെ ചെറിയ സ്വരൂപ ദർശനം കണ്ടാൽ കംസന്റെ കാരാഗൃഹത്തിൽ ദേവകി ദേവിക്ക് കാണിച്ച ഭാവമാണോ ന്ന് തോന്നിപോകും.

പ്രശ്നോപനിഷത്ത്, പ്രഥമ പ്രശ്നം, ശ്ലോകം ഏട്ട്

" വിശ്വരൂപം ഹരിണം ജാതവേദസം
പരായണം ജ്യോതിരേകം തപന്തം
സഹസ്രരശ്മി: ശതധാ വർത്തമാന:
പ്രാണ: പ്രജാനാമുദയത്യേഷ സൂര്യ: "

വിശ്വരൂപനും സർവ്വത്തിനും ആധാരഭൂതനും ജാതവേദസ്സും സർവ്വജ്ഞനും അദ്വിതിയനും തപിപ്പിക്കുന്നവനും ആയിരം കിരണങ്ങൾ ഉള്ളവനും ജനങ്ങൾക്ക് പ്രാണനുമായ സൂര്യൻ ഉദിക്കുന്നു.

ഗുരുവായൂരപ്പാ ആശ്രയിക്കുന്നവരെ കൈവിടാത്ത, കൽപ്പവൃക്ഷം പോലെ ചോദിച്ചതെല്ലാം നൽകുന്ന, ഇനി നമ്മൾ മറന്നാലും നമ്മളെ മറക്കാത്ത കരുണാസാഗരാ

" വേണുവാദനശീലായ ഗോപാലായാഹിമർദ്ദിനേ
കാളിന്ദീകുലലോലായാ ലോല കുണ്ഡലദാരിണേ" ശ്രീ ഗുരുവായൂരപ്പാ അങ്ങക്ക് കോടി കോടി നമസ്ക്കാരം.

sudhir chulliyil