ക്ഷേത്രത്തിലെ പ്രസാദം പക്ഷിമൃഗാദികൾക്ക് നൽകാമോ?

പക്ഷിമൃഗാദികൾക്കു ക്ഷേത്രത്തിലെ പ്രസാദം കൊടുക്കുന്നത് ശരിയാണോ? ഒരു മനുഷ്യനു ചില പക്ഷികളുടെയും മൃഗങ്ങളുടെയും കാരകത്വമുണ്ട്. ജനനവർഷത്തെ അടിസ്ഥാനമാക്കിയും പക്ഷിമൃഗാദികൾ ഉണ്ട്. ഏതു സമയത്തും ഇവരിൽ ചിലർക്കു ഭഗവാന്റെ ശ്രീകോവിലിൽ പ്രവേശിക്കാൻ കഴിയും. ഉദാഹരണം അനന്തപത്മനാഭൻ കോടിശ്വരനാണല്ലോ. രാത്രി രണ്ടു മണിക്ക് ഉടമസ്ഥന് പത്മനാഭനെ കാണാൻ തോന്നിയാൽ നടക്കുമോ, ഇല്ല ഒരു പൂച്ചയ്ക്കോ എലിക്കോ തവളയ്ക്കോ ഈ സമയത്തു ശ്രീകോവിലിൽ പ്രവേശിക്കാൻ പറ്റും. അതുപോലെ എല്ലാ ദൈവങ്ങൾക്കും പക്ഷിമൃഗാദികൾ വാഹനമായിട്ടുണ്ട്. ക്ഷേത്രങ്ങളിൽ ഉത്സവം നടക്കുമ്പോൾ പള്ളിവേട്ട കഴിഞ്ഞ് ശ്രീകോവിലിനടുത്ത് ഭഗവാനെ പ്രത്യേക രൂപത്തിലാണു കിടത്തുന്നത്. അപ്പോൾ പശുവിനെയും കന്നിനെയും കാണിച്ച് ഭഗവാനെ പിറ്റേദിവസം ഉണർത്തുന്നു. അപ്പോൾ അതു തെറ്റല്ല.

ഭഗവാന്റെ പ്രസാദം പക്ഷിമൃഗാദികൾക്ക് കൊടുക്കണം. അതും ആ പ്രസാദത്തെ ബഹുമാനിച്ചുകൊണ്ട് ആവണം. വെറും തറയിലോ, മണ്ണിലോ എറിഞ്ഞുകൊടുത്തോ ആവരുത് പ്രസാദം നൽകാൻ. പ്രസാദം വൃത്തിയുള്ള ഇലയിലോ പാത്രത്തിലോ വെച്ചുവേണം പക്ഷി മൃഗാദികൾക്ക് നൽകാൻ.