ഭഗവദ് ഗീതാ -സാംഖ്യയോഗം - പ്രഭാഷണം -  158
ദേഹീ നിത്യമവ /ധ്യോയം                ദേഹേ സർവസ്യ ഭാരത!             തസ്മാത്  സർവാണി ഭൂതാനി         നത്വം ശോചിതുമർഹസി
ഹേ ഭാരത സർവ്വസ്യ ദേഹേ , എല്ലാവരുടെ ദേഹത്തിലും ഉള്ള ഈ ദേഹി നിത്യം ശാശ്വതമായി അവധ്യ: വധിക്കാൻ കഴിയാത്തവനാണ്, നശിപ്പിക്കാൻ കഴിയാത്തവനാണ് , അതു കൊണ്ട് ഒരു പ്രാണികളെ ക്കുറിച്ചും നീ ദുഃഖിക്കണ്ട ആവശ്യം ഇല്ല. എന്നു പറഞ്ഞ് കുറച്ചും കൂടി താഴെ ഇറങ്ങി വന്ന് ഭഗവാൻ പറയാണ് സ്വധർമ്മത്തിന്റെ തലം.
സ്വധർമ്മമപി ചാവേക്ഷ്യ                        ന വികമ്പിതുമർഹസി             ധർമമ്യാദ്ധ്യി യുദ്ധാത്  ശ്രേയോ/ന്യത്   ക്ഷത്രിയസ്യ ന വിദ്യ തേ
സ്വധർമ്മത്തിന്റെ തലത്തിൽ നിന്നും നോക്കാണെങ്കിലും ചലിക്കാൻ പാടില്ല .എന്തുകൊണ്ട് എന്നു വച്ചാൽ ധർമ്മയുദ്ധം ചെയ്യാ എന്നുള്ളതിനേക്കാളും ക്ഷത്രിയന് ശ്രേയസ്കരമായാട്ട് മറ്റൊന്നില്ല. ധർമ്മത്തിനു വേണ്ടി, ലോക ക്ഷേമത്തിനായി, ഈ ലോകമംഗളത്തിനായി മറ്റുള്ളവരെ രക്ഷിക്കാനായിട്ട് യുദ്ധം ചെയ്യുക എന്നുള്ളതിനേക്കാളും ക്ഷത്രിയന് ശ്രേയസ്കരമായിട്ട് വേറെ ഒന്നും ഇല്ല. അങ്ങനെ ചെയ്യുകയാണെങ്കിൽ തനിക്ക് സ്വർഗ്ഗത്തിനുള്ള ദ്വാരം തുറന്നിട്ടിരിക്കും. അത് ധർമ്മശാസ്ത്രങ്ങൾ പറയണതാണ്. ധർമ്മയുദ്ധത്തിൽ മറ്റുള്ളവർക്കു വേണ്ടി ശരീരം ത്യജിക്കുന്നവൻ ഉയർന്ന ലോകത്തിനെ പ്രാപിക്കും. ഒരു പക്ഷേ ജ്ഞാനം നേടിയിട്ടില്ലെങ്കിലും അവന് ഉയർന്ന ഒരു മണ്ഡലത്തിൽ ജനനം ഉണ്ടാവും. അതാണ് ഭഗവാൻ അടുത്ത ശ്ലോകത്തിൽ പറയുന്നത് .
( നൊച്ചൂർ ജി )
Sunil Namboodiri