ഉറുമ്പിന് ഓണം
കുഞ്ഞുറുമ്പിനും ആപത്തു പറ്റിയാൽ കരയുന്ന പഴയ തലമുറയെ ഓർത്ത് ഞാനിത് കുറിക്കുന്നു.
തിരുവോണ നാളിൽ സന്ധ്യക്ക് വിളക്ക് വെക്കുമ്പോൾ വീടിന്റെ നാലു മൂലയിലും തിരിതെളിയിച്ച് ചെറിയ വാഴയിലയിലോ. പ്ലാവില കോട്ടി കുമ്പിളാക്കിയതിലോ പായസം, ഓണപ്പൂവട ,ശർക്കരയും കൂടെ തേങ്ങ ചുരട്ടിയതും -ഇവയിൽ ഏതെങ്കിലുമൊക്കെ പകർന്ന് അമ്മ മുടങ്ങാതെ കൊണ്ടുവന്ന് വെക്കുമായിരുന്നു.കൊച്ചു കുട്ടിയായ ഞാൻ കൌതുകത്തോടെ ഒപ്പം ചെല്ലുമായിരുന്നു. ഉറുമ്പിന് ഓണസദ്യ വിളമ്പുകയാണ് അമ്മ. ഇല്ലെങ്കിൽ ഉറുമ്പു കടിക്കുമെന്ന് ഞങ്ങളോട് തമാശയും പറയും.
പശുവിനെ വിഷുക്കണി കാണിക്കുന്ന, പശു പ്രസവിച്ച് ആദ്യമായി കറന്നെടുത്ത പാൽ കൊണ്ട് ഉണ്ടാക്കിയ വിഭവങ്ങൾ പശുകിടാവിന്റെ വായിൽ കൊടുത്ത് ചെവിയിൽ ശ്രീ പാർവതി എന്ന് പേരോ തുന്ന അമ്മയുടെ ചിത്രം ഇപ്പോഴും മനസ്സിലുണ്ട്.
എത്ര നല്ല സമഭാവനയാണ് പണ്ട് ഉണ്ടായിരുന്നത്!!!
ഈ ഓണത്തിനും ഉറുമ്പിന് വിളമ്പാൻ മകളായ ഞാൻ മറന്നില്ല.
അടുത്ത തലമുറ ഇത് തുടരുമോ, ആർക്കറിയാം.
പാർവതി നേത്യാർ🙏.                         🙏🌹🌺🌸💐🌹🙏