ഉദകശാന്തി മന്ത്രാഃ
ഓം
ബ്രഹ്മജജ്ഞാനം പ്രഥമം പുരസ്താത് വിസീമതസ്സുരുചോ വേന ആവഃ ।
സബുധ്നിയാ ഉപമാസ്യവിഷ്ഠഃ സതശ്ച യോനിമസത്ശ്ചവിവഃ ॥
ആപോ വാ ഇദ സര്‍വം വിശ്വാ ഭൂതാന്യാപഃ പ്രാണാ വാ ആപഃ
പശവ ആപോഽന്നമാപോഽമൃതമാപഃ സംരാഡാപോ വിരാഡാപഃ
സ്വരാഡാപശ്ഛന്ദാസ്യാപോ ജ്യോതീഷ്യാപോ
യജൂഷ്യാപസ്സത്യമാപസ്സര്വാ ദേവതാ ആപോ
ഭൂര്ഭുവസ്സുവരാപ ഓം ॥
അപഃ പ്രണയതി । ശ്രദ്ധാവാ ആപഃ ।
ശ്രദ്ധാം ഏവാരഭ്യ പ്രണീയ പ്രചരതി
അപഃ പ്രണയതി । യജ്ഞോ വൈ ആപഃ ।
യജ്ഞം ഏവാരഭ്യ പ്രണീയ പ്രചരതി
അപഃ പ്രണയതി । വജ്രോ വൈ ആപഃ ।
വജ്രമേവ ഭ്രാതൃവ്യേഭ്യഃ പ്രഹൃത്യ പ്രണീയ പ്രചരതി ।
അപഃ പ്രണയതി । ആപോ വൈ രക്ഷോഘ്നീഃ ।
രക്ഷസാം അപഹത്യൈ ।
അപഃ പ്രണയതി । ആപോ വൈ ദേവാനാം പ്രിയംധാമ ।
ദേവാനാമേവ പ്രിയംധാമ പ്രണീയ പ്രചരതി ।
അപഃ പ്രണയതി । ആപോ വൈ സര്‍വാ ദേവതാഃ ।
ദേവതാ ഏവാരഭ്യ പ്രണീയ പ്രചരതി ।
ആപോവൈശാന്താഃ । ശാന്താഭിരേവാസ്യ ശുചശമയതി ॥
ദേവോ വസ്സവിതാ ഉത്പുനാതു । അച്ഛിദ്രേണ പവിത്രേണ । വസോഃ സൂര്യസ്യ രശ്മിഭിഃ ।
സ ഹി രത്നാനി ദാശുഷൈ സുവാതി സവിതാ ഭഗഃ । തം ഭാഗം ചിത്രമീമഹേ ॥
ഓം
അഗ്നിമീളേ പുരോഹിതം യജ്ഞസ്യ ദേവമൃത്വിജം । ഹോതാരം രത്നധാതമം ॥
ഇഷേത്വോര്ജേ ത്വാ വായവസ്ഥോപായവസ്ഥ ദേവോ വഃ സവിതാ പ്രാര്പയതു ശ്രേഷ്ഠതമായ കര്മണേ ॥
അഗ്ന ആയാഹി വീതയേ ഗൃണാനോ ഹവ്യദാതയേ । നിഹോതാ സത്സി ബര്ഹിഷി ॥
ശന്നോ ദേവീരഭിഷ്ടയ ആപോ ഭവന്തു പീതയേ । ശംയോരഭിസ്രവന്തു നഃ ॥
കൃണുഷ്വ പാജഃ പ്രസിതിന്ന പൃഥ്വീം യാഹി രാജേവാമവാ ഇഭേന ।
തൃഷ്വീമനു പ്രസിതിം ദ്രൂണാനോഽസ്താഽസി വിധ്യ രക്ഷസസ്തപിഷ്ഠൈഃ ॥
തവ ഭ്രമാസ ആശുയാ പതന്ത്യനു സ്പൃശ ധൃഷതാ ശോശുചാനഃ ।
തപൂഷ്യഗ്നേ ജുഹ്വാ പതങ്ഗാനസന്ദിതോ വി സൃജ വിഷ്വഗുല്കാഃ ॥
പ്രതി സ്പശോ വി സൃജ തൂര്ണിതമോ ഭവാ പായുര്വിശോ അസ്യാ അദബ്ധഃ ।
യോ നോ ദൂരേ അഘശസോ യോ അന്ത്യഗ്നേ മാകിഷ്ടേ വ്യഥിരാദധര്ഷീത് ॥
ഉദഗ്നേ തിഷ്ഠ പ്രത്യാഽഽതനുഷ്വ ന്യമിത്രാ ഓഷതാത് തിഗ്മഹേതേ ।
യോ നോ അരാതി സമിധാന ചക്രേ നീചാ തം ധക്ഷ്യതസം ന ശുഷ്കം ॥
ഊര്ധ്വോ ഭവ പ്രതി വിദ്യാധ്യസ്മദാവിഷ്കൃണുഷ്വ ദൈവ്യാന്യഗ്നേ ।
അവ സ്ഥിരാ തനുഹി യാതുജൂനാം ജാമിമജാമിം പ്ര മൃണീഹി ശത്രൂന്‍ ॥
സ തേ ജാനാതി സുമതിം യവിഷ്ഠ യ ഈവതേ ബ്രഹ്മണേ ഗാതുമൈരത് ।
വിശ്വാന്യസ്മൈ സുദിനാനി രായോ ദ്യുംനാന്യര്യോ വി ദുരോ അഭി ദ്യൌത് ॥
സേദഗ്നേ അസ്തു സുഭഗസ്സുദാനുര്യസ്ത്വാ നിത്യേന ഹവിഷാ യ ഉക്ഥൈഃ ।
പിപ്രീഷതി സ്വ ആയുഷി ദുരോണേ വിശ്വേദസ്മൈ സുദിനാ സാസദിഷ്ടിഃ ॥
അര്ചാമി തേ സുമതിം ഘോഷ്യര്വാക് സന്തേ വാവാതാ ജരതാമിയം ഗീഃ ।
സ്വശ്വാസ്ത്വാ സുരഥാ മര്‍ജയേ മാസ്മേ ക്ഷത്രാണി ധാരയേരനു ദ്യൂന്‍ ॥
ഇഹ ത്വാ ഭൂര്യാ ചരേ ദുപത്മന്ദോഷാവസ്തര്ദീ ദിവാസമനു ദ്യൂന്‍ ।
ക്രീഡന്തസ്ത്വാ സുമനസസ്സപേമാഭി ദ്യുംനാ തസ്ഥിവാസോ ജനാനാം ॥
യസ്ത്വാ സ്വശ്വസ്സു ഹിരണ്യോ അഗ്ന ഉപയാതി വസുമതാ രഥേന ।
തസ്യ ത്രാതാ ഭവസി തസ്യ സഖാ യസ്ത ആതിഥ്യമാനുഷഗ് ജുജോഷത് ॥
മഹോ രുജാമി ബന്ധുതാ വചോഭിസ്തന്മാ പിതുര്ഗോതമാദന്വിയായ ।
ത്വന്നോ അസ്യ വചസശ്ചികിദ്ധി ഹോതര്യവിഷ്ഠ സുക്രതോ ദമൂനാഃ ॥
അസ്വപ്നജസ്തരണയസ്സുശേവാ അതന്ദ്രാസോഽവൃകാ അശ്രമിഷ്ഠാഃ ।
തേ പായവസ്സധ്രിയഞ്ചോ നിഷദ്യാഽഗ്നേ തവ നഃ പാന്ത്വമൂര ॥
യേ പായവോ മാമതേയന്തേ അഗ്നേ പശ്യന്തോ അന്ധന്ദുരിതാദരക്ഷന് ।
രരക്ഷ താന്ത്സുകൃതോ വിശ്വവേദാ ദിപ്സന്ത ഇദ്രിപവോ നാഹ ദേഭുഃ ॥
ത്വയാ വയ സധന്യസ്ത്വോതാസ്തവ പ്രണീത്യാശ്യാമ വാജാന്‍ ।
ഉഭാ ശസാ സൂദയ സത്യതാതേഽനുഷ്ഠുയാ കൃണുഹ്യഹ്രയാണ ॥
അയാ തേ അഗ്നേ സമിധാ വിധേമ പ്രതി സ്തോമ ശസ്യമാനം ഗൃഭായ ।
ദഹാശസോ രക്ഷസഃ പാഹ്യസ്മാന്ദ്രുഹോ നിദോ മിത്രമഹോ അവദ്യാത് ॥
രക്ഷോഹണം വാജിനമാഽഽജിഘര്മി മിത്രം പ്രഥിഷ്ഠമുപയാമി ശര്‍മ ।
ശിശാനോ അഗ്നിഃ ക്രതുഭിസ്സമിദ്ധസ്സ നോ ദിവാ സ രിഷഃ പാതു നക്തം ॥
വിജ്യോതിഷാ ബൃഹതാ ഭാത്യഗ്നിരാവിര്വിശ്വാനി കൃണുതേ മഹിത്വാ ।
പ്രാദേവീര്മായാസ്സഹതേ ദുരേവാഃ ശിശീതേ ശൃങ്ഗേ രക്ഷസേ വിനിക്ഷേ ॥
ഉത സ്വാനാസോ ദിവിഷന്ത്വഗ്നേസ്തിഗ്മായുധാ രക്ഷസേ ഹന്ത വാ ഉ ।
[മദേ ചിദസ്യ പ്രരുജന്തി ഭാമാ ന വരന്തേ പരിബാധോ അദേവീഃ ॥ ]
(The line in [ ] is usually not chanted for auspicious occasions and is included for completeness.)
ഇന്ദ്രം വോ വിശ്വതസ്പരി ഹവാമഹേ ജനേഭ്യഃ । അസ്മാകമസ്തു കേവലഃ ।
ഇന്ദ്രന്നരോ നേമധിതാ ഹവന്തേ യത്പാര്യാ യുനജതേ ധിയസ്താഃ ।
ശൂരോ നൃഷാതാ ശവസശ്വകാന ആ ഗോമതി വ്രജേ ഭജാ ത്വന്നഃ ।
ഇന്ദ്രിയാണി ശതക്രതോ യാ തേ ജനേഷു പഞ്ചസു । ഇന്ദ്ര താനി ത ആ വൃണേ ।
അനു തേ ദായി മഹ ഇന്ദ്രിയായ സത്രാ തേ വിശ്വമനു വൃത്രഹത്യൈ ।
അനു ക്ഷത്രമനു സഹോ യജത്രേന്ദ്ര ദേവേഭിരനു തേ നൃഷഹ്യേ ।
ആ യസ്മിന്ത്സപ്ത വാസവാസ്തിഷ്ഠന്തി സ്വാരുഹോ യഥാ ।
ഋഷിര്ഹ ദീര്ഘശ്രുത്തമ ഇന്ദ്രസ്യ ഘര്മോ അതിഥിഃ ।
ആമാസു പക്വമൈരയ ആസൂര്യ രോഹയോ ദിവി ।
ഘര്മന്ന സാമന്തപതാ സുവൃക്തിഭിര്ജുഷ്ടം ഗിര്വണസേ ഗിരഃ ।
ഇന്ദ്രമിദ്ഗാഥിനോ ബൃഹദിന്ദ്രമര്കേഭിരര്കിണഃ । ഇന്ദ്രം വാണീരനൂഷത ।
ഗായന്തി ത്വാ ഗായത്രിണോഽര്ചന്ത്യര്കമര്കിണഃ ।
ബ്രഹ്മാണസ്ത്വാ ശതക്രതവുദ്വ ശമിവ യേമിരേ ।
അഹോമുചേ പ്ര ഭരേമാ മനീഷാ മോഷിഷ്ഠദാവ്നേ സുമതിം ഗൃണാനാഃ ।
ഇദമിന്ദ്ര പ്രതി ഹവ്യം ഗൃഭായ സത്യാഃ സന്തു യജമാനസ്യ കാമാഃ ।
വിവേഷ യന്‍മാ ധിഷണാ ജജാന സ്തവൈ പുരാ പാര്യാദിന്ദ്രമഹ്നഃ ।
അഹസോ യത്ര പീപരദ്യഥാ നോ നാവേവ യാന്തമുഭയേ ഹവന്തേ ।
പ്ര സംരാജം പ്രഥമമധ്വരണാമഹോ മുചം വൃഷഭം യജ്ഞിയാനാം ।
അപാന്നപാതമശ്വിനാ ഹയന്തമസ്മിന്നര ഇന്ദ്രിയം ധത്തമോജഃ ।
വി ന ഇന്ദ്ര മൃധോ ജഹി നീചാ യച്ഛ പൃതന്യതഃ ।
അധസ്പദന്തമീം കൃധി യോ അസ്മാ അഭിദാസതി ।
ഇന്ദ്ര ക്ഷത്രമഭി വാമമോജോഽജായഥാ വൃഷാഭ ചര്ഷണീനാം ।
അപാനുദോ ജനമമിത്ര യന്തമുരും ദേവേഭ്യോ അകൃണോരു ലോകം ।
മൃഗോ ന ഭീമഃ കുചരോ ഗിരിഷ്ഠാഃ പരാവതഃ ആ ജഗാമാ പരസ്യാഃ ।
സൃക സശായ പവിമിന്ദ്ര തിഗ്മം വിശത്രൂന് താഢി വിമധോ നുദസ്വ ।
വി ശത്രൂന്‍ വി മൃധോ നുദ വി വൃത്രസ്യ ഹനൂ രുജ ।
വിമന്യുമിന്ദ്ര ഭാമിതോഽമിത്രസ്യാഭിദാസതഃ ।
ത്രാതാരമിന്ദ്രമവിതാരമിന്ദ്ര ഹവേ ഹവേ സുഹവ ശൂരമിന്ദ്രം ।
ഹുവേ നു ശക്രം പുരുഹൂതമിന്ദ്ര സ്വസ്തി നോ മഘവാ ധാത്വിന്ദ്രഃ ।
മാ തേ അസ്യാ സഹസാവന് പരിഷ്ടാവധായ ഭൂമ ഹരിവഃ പരാദൈ ।
ത്രായസ്വ നോഽവൃകേഭിര്വരുഥൈസ്തവ പ്രിയാസസ്സൂരിഷു സ്യാമ ।
അനവസ്തേ രഥമശ്വായ തക്ഷന് ത്വഷ്ടാ വജ്രം പുരുഹൂത ദ്യുമന്തം ।
ബ്രഹ്മാണ ഇന്ദ്രം മഹയന്തോ അര്കൈരവര്ധയന്നഹയേ ഹന്ത വാ ഉ ।
വൃഷ്ണേ യത് തേ വൃഷണോ അര്കമര്ചാനിന്ദ്ര ഗ്രാവാണോ അദിതിസ്സജോഷാഃ ।
അനശ്വാസോ യേ പവയോഽരഥാ ഇന്ദ്രേഷിതാ അഭ്യവര്തന്ത ദസ്യൂന്‍ ।
യത ഇന്ദ്ര ഭയാമഹേ തതോ നോ അഭയം കൃധി ।
മഘവഞ്ഛഗ്ധി തവ തന്ന ഊതയേ വിദ്വിഷോ വിമൃധോ ജഹി ।
സ്വസ്തിദാ വിശസ്പതിര്വൃത്രഹാ വിമൃധോ വശീ ।
വൃഷേന്ദ്രഃ പുര ഏതു നഃ സ്വസ്തിദാ അഭയംകരഃ ।
മഹാ ഇന്ദ്രോ വജ്രബാഹുഃ ഷോഡശീ ശര്‍മ യച്ഛതു ।
സ്വസ്തി നോ മഘവാ കരോതു ഹന്തു പാപ്മാനം യോഽസ്മാന് ദ്വേഷ്ടി ।
സജോഷാ ഇന്ദ്ര സഗണോ മരുദ്ഭിസ്സോമം പിബ വൃത്രഹഞ്ഛൂര വിദ്വാന് ।
ജഹി ശത്രൂരപമൃധോനുദസ്വാഥാഭയം കൃണു ഹി വിശ്വതോ നഃ ।
യേ ദേവാഃ പുരസ്സദോഽഗ്നി നേത്രാ രക്ഷോഹണസ്തേനഃ പാന്തു
തേ നോഽവന്തു തേഭ്യോ നമസ്തേഭ്യഃ സവാഹാ
യേ ദേവാ ദക്ഷിണസദോ യമനേത്രാ രക്ഷോഹണസ്തേനഃ പാന്തു
തേ നോഽവന്തു തേഭ്യോ നമസ്തേഭ്യഃ സവാഹാ
യേ ദേവാ പശ്ചാത് സദസവിതൃ നേത്രാ രക്ഷോഹണസ്തേനഃ പാന്തു
തേ നോഽവന്തു തേഭ്യോ നമസ്തേഭ്യഃ സവാഹാ
യേ ദേവാ ഉത്തരസദോ വരുണനേത്രാ രക്ഷോഹണസ്തേനഃ പാന്തു
തേ നോഽവന്തു തേഭ്യോ നമസ്തേഭ്യഃ സവാഹാ
യേ ദേവാ ഉപരിഷദോ ബൃഹസ്പതിനേത്രാ രക്ഷോഹണസ്തേനഃ പാന്തു
തേ നോഽവന്തു തേഭ്യോ നമസ്തേഭ്യഃ സവാഹാഽഗ്നയേ രക്ഷോഘ്നേ സ്വാഹാ യമായ രക്ഷോഘ്നേ സ്വാഹാ
സവിത്രേ രക്ഷോഘ്നേ സ്വാഹാ വരുണായ രക്ഷോഘ്നേ സ്വാഹാ ബൃഹസ്പതയേ ദുവസ്പതേ രക്ഷോഘ്നേ സ്വാഹാ ।
അഗ്നിരായുഷ്മാന്ത്സ വനസ്പതിഭിരായുഷ്മാന്തേന ത്വാഽഽയുഷാഽഽയുഷ്മന്തം കരോമി ।
സോമ ആയുഷ്മാന്ത്സ ഓഷധീഭിരായുഷ്മാന്തേന ത്വാഽഽയുഷാഽഽയുഷ്മന്തം കരോമി ।
യജ്ഞ ആയുഷ്മാന്ത്സ ദക്ഷിണാഭിരായുഷ്മാന്തേന ത്വാഽഽയുഷാഽഽയുഷ്മന്തം കരോമി ।
ബ്രഹ്മായുഷ്മത്തദ് ബ്രാഹ്മണൈരായുഷ്മത്തേന ത്വാഽഽയുഷാഽഽയുഷ്മന്തം കരോമി ।
ദേവാ ആയുഷ്മംതസ്തേഽമൃതേനായുഷ്മംതസ്തേന ത്വാഽഽയുഷാഽഽയുഷ്മന്തം കരോമി ।
യാ വാമിന്ദ്രാ വരുണാ യതവ്യാ തനൂസ്തയേമമ ഹസോ മുംചതം ।
യാ വാമിന്ദ്രാ വരുണാ സഹസ്യാ തനൂസ്തയേമമ ഹസോ മുംചതം ।
യാ വാമിന്ദ്രാ വരുണാ രക്ഷസ്യാ തനൂസ്തയേമമ ഹസോ മുംചതം ।
യാ വാമിന്ദ്രാ വരുണാ തേജസ്യാ തനൂസ്തയേമമ ഹസോ മുംചതം ।
യോ വാമിന്ദ്രാ വരുണാവഗ്നൌ സ്രാമസ്തം വാമേതേനാവ യജേ
യോ വാമിന്ദ്രാ വരുണാ ദ്വിപാത്സു പശുഷു സ്രാമസ്തം വാമേതേനാവ യജേ
യോ വാമിന്ദ്രാ വരുണാ ചതുഷ്പത്സു പശുഷു സ്രാമസ്തം വാമേതേനാവ യജേ
യോ വാമിന്ദ്രാ വരുണാ ഗോഷ്ഠേ സ്രാമസ്തം വാമേതേനാവ യജേ
യോ വാമിന്ദ്രാ വരുണാ ഗൃഹേഷു സ്രാമസ്തം വാമേതേനാവ യജേ
യോ വാമിന്ദ്രാ വരുണാപ്സു സ്രാമസ്തം വാമേതേനാവ യജേ
യോ വാമിന്ദ്രാ വരുണൌഷധീഷു സ്രാമസ്തം വാമേതേനാവ യജേ
യോ വാമിന്ദ്രാ വരുണാ വനസ്പതിഷു സ്രാമസ്തം വാമേതേനാവ യജേ ॥
അഗ്നേയശസ്വിന്യശസേ മമര്പയേന്ദ്രാവതീമപചിതീമിഹാവഹ ।
അയം മൂര്ധാ പരമേഷ്ഠീ സുവര്ചാസ്സമാനാനാമുത്തമശ്ലോകോ അസ്തു ॥
ഭദ്രം പശ്യന്ത ഉപസേദുരഗ്രേ തപോ ദീക്ഷാമൃഷയഃ സുവര്വിദഃ ।
തതഃ ക്ഷത്രം ബലമോജശ്ച ജാതം തദസ്മൈ ദേവാ അഭി സന്നമന്തു ॥
ധാതാ വിധാത പരമോതസംധൃക് പ്രജാപതിഃ പരമേഷ്ഠീ വിരാജാ ।
സ്തോമാശ്ഛംദാസി നിവിദോമ ആഹുരേതസ്മൈ രാഷ്ട്രമഭിസന്നമാമ ॥
അഭ്യാവര്തധ്വമുപമേതസാക മയ ശാസ്താഽധിപതിര്വോ അസ്തു ।
അസ്യ വിജ്ഞാനമനുസരഭധ്വമിമം പശ്ചാദനു ജീവാഥ സര്‍വേ ॥
॥ രാഷ്ട്രഭൃതം ॥
ഋതാഷാഡൃതധാമാഗ്നിര്ഗന്ധര്വസ്സ ഇദം ബ്രഹ്മക്ഷത്രം പാതു തസ്മൈ സ്വാഹാ ।
തസ്യൌഷധയോഽപ്സരസ ഊര്‍ജോ നാമ താ ഇദം ബ്രഹ്മക്ഷത്രം പാന്തു താഭ്യഃ സ്വാഹാ ।
സഹിതോ വിശ്വസാമാ സൂര്യോ ഗന്ധര്വഃ സ ഇദം ബ്രഹ്മക്ഷത്രം പാതു തസ്മൈ സ്വാഹാ ।
തസ്യ മരീചയോഽപ്സരസ ആയുവോ നാമ താ ഇദം ബ്രഹ്മക്ഷത്രം പാന്തു താഭ്യഃ സ്വാഹാ ।
സുഷുംനഃ സൂര്യരശ്മിശ്ചന്ദ്രമാ ഗന്ധര്വഃ സ ഇദം ബ്രഹ്മക്ഷത്രം പാതു തസ്മൈ സ്വാഹാ ।
തസ്യ നക്ഷത്രാണ്യഽപ്സരസോ ബേകുരയോ നാമ താ ഇദം ബ്രഹ്മക്ഷത്രം പാന്തു താഭ്യഃ സ്വാഹാ ।
ഭുജ്യുസ്സുപര്ണോ യജ്ഞോ ഗന്ധര്വഃ സ ഇദം ബ്രഹ്മക്ഷത്രം പാതു തസ്മൈ സ്വാഹാ ।
തസ്യ ദക്ഷിണാ അപ്സരസസ്തവാ നാമ താ ഇദം ബ്രഹ്മക്ഷത്രം പാന്തു താഭ്യഃ സ്വാഹാ ।
പ്രജാപതിര്വിശ്വകര്മാ മനോ ഗന്ധര്വഃ സ ഇദം ബ്രഹ്മക്ഷത്രം പാതു തസ്മൈ സ്വാഹാ ।
തസ്യര്ക്സാമാന്യപ്സരസോ വഹ്ണയോ നാമ താ ഇദം ബ്രഹ്മക്ഷത്രം പാന്തു താഭ്യഃ സ്വാഹാ ।
ഇഷിരോ വിശ്വവ്യചാ വാതോ ഗന്ധര്വഃ സ ഇദം ബ്രഹ്മക്ഷത്രം പാതു തസ്മൈ സ്വാഹാ ।
തസ്യാപോഽപ്സരസോ മുദാ നാമ താ ഇദം ബ്രഹ്മക്ഷത്രം പാന്തു താഭ്യഃ സ്വാഹാ ।
ഭുവനസ്യ പതേ യസ്യ ത ഉപരി ഗൃഹാ ഇഹ ച ।
സനോരാസ്വാജ്യാനി രായസ്പോഷാ സുവീര്യ സംവത്സരീണാ സ്വസ്തി സ്വാഹാ ।
പരമേഷ്ഠയധിപതിര്മൃത്യുര്ഗന്ധര്വഃ സ ഇദം ബ്രഹ്മക്ഷത്രം പാതു തസ്മൈ സ്വാഹാ ।
തസ്യ വിശ്വമപ്സരസോ ഭുവോ നാമ താ ഇദം ബ്രഹ്മക്ഷത്രം പാന്തു താഭ്യഃ സ്വാഹാ ।
സുക്ഷിതിസ്സുഭൂതിര്ഭദ്രകൃത്സുവര്വാന്പര്ജന്യോ ഗന്ധര്വഃ സ ഇദം ബ്രഹ്മക്ഷത്രം പാതു തസ്മൈ സ്വാഹാ ।
തസ്യ വിദ്യുതോഽപ്സരസോ രുചോ നാമ താ ഇദം ബ്രഹ്മക്ഷത്രം പാന്തു താഭ്യഃ സ്വാഹാ ।
ദൂരേ ഹേതിരമൃഡയോ മൃത്യുര്ഗന്ധര്വഃ സ ഇദം ബ്രഹ്മക്ഷത്രം പാതു തസ്മൈ സ്വാഹാ ।
തസ്യ പ്രജാ അപ്സരസോ ഭീരുവോ നാമ താ ഇദം ബ്രഹ്മക്ഷത്രം പാന്തു താഭ്യഃ സ്വാഹാ ।
ചാരുഃ കൃപണകാശീ കാമോ ഗന്ധര്വഃ സ ഇദം ബ്രഹ്മക്ഷത്രം പാതു തസ്മൈ സ്വാഹാ ।
തസ്യാധയോഽപ്സരസശ്ശോചയതീര്നാമ താ ഇദം ബ്രഹ്മക്ഷത്രം പാന്തു താഭ്യഃ സ്വാഹാ ।
സനോ ഭുവനസ്യ പതേ യസ്യ ത ഉപരി ഗൃഹാ ഇഹ ച ।
ഉരുബ്രഹ്മണേസ്മൈ ക്ഷത്രായ മഹി ശര്‍മ യച്ഛ സ്വാഹാ ॥
നമോ അസ്തു സര്പേഭ്യോ യേ കേ ച പൃഥിവീമനു ।
യേ അന്തരിക്ഷേ യേ ദിവി തേഭ്യഃ സര്പേഭ്യോ നമഃ ॥
യേഽദോ രോചനേ ദിവോ യേ വാ സൂര്യസ്യ രശ്മിഷു ।
യേഷാമപ്സു സദഃ കൃമം തേഭ്യഃ സര്പേഭ്യോ നമഃ ॥
യാ ഇഷവോ യാതുധാനാനാം യേ വാ വനസ്പതീരനു ।
യേ വാഽവടേഷു ശേരതേ തേഭ്യഃ സര്പേഭ്യോ നമഃ ॥
॥ പംചചോഡാഃ ॥
അയമ്പുരോ ഹരികേശഃ സൂര്യരശ്മിസ്തസ്യ രഥഗൃത്സശ്ച രഥൌജാശ്ച സേനാനിഗ്രാമണ്യൌ
പുഞ്ജികസ്ഥലാ ച കൃതസ്ഥലാ ചാപ്സരസരസൌ യാതുധാനാ ഹേതി രക്ഷസി പ്രഹേതിസ്തേഭ്യോ
നമസ്തേ നോ മൃഡയന്തു തേ യം ദ്വിഷ്മോ യശ്ച നോ ദ്വേഷ്ടി തം വോ ജംഭേ ദധാമി ।
അയം ദക്ഷിണാ വിശ്വകര്മാ തസ്യ രഥസ്വനശ്ച രഥേ ചിത്രശ്ച സേനാനിഗ്രാമണ്യൌ
മേനകാ ച സഹജന്യാ ചാപ്സരസരസൌ
ദങ്ക്ഷ്ണവഃ പശവോ ഹേതി പൌരുഷേയോവധഃ പ്രഹേതിസ്തേഭ്യോ
നമസ്തേ നോ മൃഡയന്തു തേ യം ദ്വിഷ്മോ യശ്ച നോ ദ്വേഷ്ടി തം വോ ജംഭേ ദധാമി ।
അയം പശ്ചാദ്വിശ്വവ്യചാസ്തസ്യ രഥപ്രോതശ്ചാസമരഥശ്ച സേനാനിഗ്രാമണ്യൌ
പ്രംലോചന്തീ ചാനുംലോചന്തീ ചാപ്സരസരസൌ സര്പാ ഹേതിര്വ്യാഘ്രാഃ പ്രഹേതിസ്തേഭ്യോ
നമസ്തേ നോ മൃഡയന്തു തേ യം ദ്വിഷ്മോ യശ്ച നോ ദ്വേഷ്ടി തം വോ ജംഭേ ദധാമി ।
അയമുത്തരാത്സംയദ്വസുസ്തസ്യ സേനജിച്ച സുഷേണശ്ച സേനാനിഗ്രാമണ്യൌ
വിശ്വാചീ ച ഘൃതാചീ ചാപ്സരസാവാപോ ഹേതിര്വാതഃ പ്രഹേതിസ്തേഭ്യോ
നമസ്തേ നോ മൃഡയന്തു തേ യം ദ്വിഷ്മോ യശ്ച നോ ദ്വേഷ്ടി തം വോ ജംഭേ ദധാമി ।
അയമുപര്യര്വാഗ്വസുസ്തസ്യ താര്ക്ഷ്യശ്ചാരിഷ്ടനേമിശ്ച സേനാനിഗ്രാമണ്യാവുര്വശീ
പൂര്വചിത്തിശ്ചാപ്സരസരസൌ വിദ്യുദ്ധേതിരവസ്ഫൂര്ജന്പ്രഹേതിസ്തേഭ്യോ
നമസ്തേ നോ മൃഡയന്തു തേ യം ദ്വിഷ്മോ രശ്ച നോ ദ്വേഷ്ടി തം വോ ജംഭേ ദധാമി ।
॥ അപ്രതിരഥം ॥
ആശുഃ ശിശാനോ വൃഷഭോ ന യുധ്മോ ഘനാഘനഃ ക്ഷോഭണശ്ചര്ഷണീനാം ।
സംക്രന്ദനോഽനിമിഷ ഏകവീരഃ ശത സേനാ അജയത്സാകാമിന്ദ്രഃ ॥
സംക്രന്ദനേനാനിമിഷേണ ജിഷ്ണുനാ യുത്കാരേണ ദുശ്ച്യവനേന ധൃഷ്ണുനാ ।
തദിന്ദ്രേണ ജയത തത് സഹധ്വം യുധോ നര ഇഷുഹസ്തേന വൃഷ്ണാ ॥
സ ഇഷുഹസ്തൈഃ സ നിഷങ്ഗിഭിര്വശീ സസ്രഷ്ടാ സ യുധ ഇന്ദ്രോ ഗണേന ।
സസൃഷ്ടജിത് സോമപാ ബാഹുശര്ധ്യൂര്ധ്വധന്വാ പ്രതിഹിതാഭിരസ്താ ॥
ബൃഹസ്പതേ പരി ദീയാരഥേന രക്ഷോഹാഽമിത്രാ അപബാധമാനഃ ।
പ്രഭഞ്ജന്ത്സേനാഃ പ്രമൃണോ യുധാ ജയന്നസ്മാകമേധ്യവിതാ രഥാനാം ॥
ഗോത്രഭിദം ഗോവിദം വജ്രബാഹും ജയന്തമജ്മ പ്രമൃണന്തമോജസാ ।
ഇമ സജാതാ അനു വീരയധ്വമിന്ദ്ര സഖായോഽനു സ രഭധ്വം ॥
ബലവിജ്ഞായഃ സ്ഥവിരഃ പ്രവീരഃ സഹസ്വാന് വാജീ സഹമാന ഉഗ്രഃ ।
അഭിവീരോ അഭിസത്വാ സഹോജാ ജൈത്രമിന്ദ്ര രഥമാ തിഷ്ഠ ഗോവിത് ॥
അഭിഗോത്രാണി സഹസാ ഗാഹമാനോഽദായോ വീരശ്ശതമന്യുരിന്ദ്രഃ ।
ദുശ്ച്യവനഃ പൃതനാഷാഡയുദ്ധ്യോഽസ്മാക സേനാ അവതു പ്ര യുത്സു ॥
ഇന്ദ്ര ആസാം നേതാ ബൃഹസ്പതിര്ദക്ഷിന്ണാ യജ്ഞഃ പുര ഏതു സോമഃ ।
ദേവസേനാനാമഭിഭഞ്ജതീനാം ജയന്തീനാം മരുതോ യന്ത്വഗ്രേ ॥
ഇന്ദ്രസ്യ വൃഷ്ണോ വരുണസ്യ രാജ്ഞ ആദിത്യാനാം മരുതാ ശര്‍ധ ഉഗ്രം ।
മഹാമനസാം ഭുവനച്യവാനാം ഘോഷോ ദേവാനാം ജയതാമുദസ്ഥാത് ॥
അസ്കാകമിന്ദ്രഃ സമൃതേഷു ധ്വജേഷ്വസ്മാകം യാ ഇഷവസ്താ ജയന്തു ।
അസ്മാകം വീരാ ഉത്തരേ ഭവന്ത്വസ്മാനു ദേവാ അവതാ ഹവേഷു ॥
ഉദ്ധര്ഷയ മഘവന്നായുധാന്യുത് സത്വനാം മാമകാനാം മഹാസി ।
ഉദ് വൃത്രഹന് വാജിനാം വാജിനാന്യുദ്രഥാനാം ജയതാമേതു ഘോഷഃ ॥
ഉപ പ്രേത ജയതാ നരഃ സ്ഥിരാ വസ്സന്തു ബാഹവഃ ।
ഇന്ദ്രോ വശ്ശര്മ യച്ഛത്വനാധൃഷ്യാ യഥാഽസഥ ॥
അവസൃഷ്ടാ പരാ പത ശരവ്യേ ബ്രഹ്മസശിതാ ।
ഗഛാമിത്രാന് പ്രവിശ മൈഷാം കം ചനോച്ഛിഷഃ ॥
മര്മാണി തേ വര്മഭിശ്ഛാദയാമി സോമസ്ത്വാ രാജാഽമൃതേനാഭിഽവസ്താം ।
ഉരോര്വരീയോ വരിവസ്തേ അസ്തു ജയന്തം ത്വാമനു മദന്തു ദേവാഃ ॥
യത്ര ബാണാഃ സമ്പതന്തി കുമാരാ വിശിഖാ ഇവ ।
ഇന്ദ്രോ നസ്തത്ര വൃത്രഹാ വിശ്വാഹാ ശര്‍മ യച്ഛതു ॥
ശം ച മേ മയശ്ച മേ പ്രിയം ച മേഽനുകാമശ്ച മേ
കാമശ്ച മേ സൌമനസശ്ച മേ ഭദ്രം ച മേ ശ്രേയശ്ച മേ
വസ്യശ്ച മേ യശശ്ച മേ ഭഗശ്ച മേ ദ്രവിണം ച മേ
യന്താ ച മേ ധര്താ ച മേ ക്ഷേമശ്ച മേ ധൃതിശ്ച മേ
വിശ്വം ച മേ മഹശ്ച മേ സംവിച്ച മേ ജ്ഞാത്രം ച മേ
സൂശ്ച മേ പ്രസൂശ്ച മേ സീരം ച മേ ലയശ്ച
മ ഋതം ച മേഽമൃതം ച മേഽയക്ഷ്മം ച മേഽനാമയച്ച മേ
ജീവാതുശ്ച മേ ദീര്ഘായുത്വം ച മേഽനമിത്രം ച മേഽഭയം ച മേ
സുഗം ച മേ ശയനം ച മേ സൂഷാ ച മേ സുദിനം ച മേ ॥
॥ വിഹവ്യം ॥
മമാഗ്നേ വര്‍ചോ വിഹവേഷ്വസ്തു വയം ത്വേന്ധാനാസ്തനുവം പുഷേമ ।
മഹ്യം നമന്താം പ്രദിശശ്ചതസ്രസ്ത്വയാഽധ്യക്ഷേണ പൃതനാ ജയേമ ॥
മമ ദേവാ വിഹവേ സന്തു സര്‍വ ഇന്ദ്രാവന്തോ മരുതോ വിഷ്ണുരഗ്നിഃ ।
മമാന്തരിക്ഷമുരു ഗോപമസ്തു മഹ്യം വാതഃ പവതാം കാമേ അസ്മിന് ॥
മയി ദേവാ ദ്രവിണമാ യജന്താം മയ്യാശീരസ്തു മയി ദേവഹൂതിഃ ।
ദൈവ്യാ ഹോതാരാ വനിഷന്ത പൂര്വേഽരിഷ്ടാസ്സ്യാമ തനുവാ സുവീരാഃ ॥
മഹ്യം യജന്തു മമ യാനി ഹവ്യാഽഽകൂതിഃ സത്യാ മനസോ മേ അസ്തു ।
ഏനോ മാ നി ഗാം കതമച്ചനാഹം വിശ്വേ ദേവാസോ അധി വോചതാ മേ ॥
ദേവീര്ഷ്ഷഡുര്ര്വീരുരുണഃ കൃണോത വിശ്വേ ദേവാസ ഇഹ വീരയധ്വം ।
മാ ഹാസ്മഹി പ്രജയാ മാ തനൂഭിര്മാ രധാമ ദ്വിഷതേ സോമ രജന്‍ ॥
അഗ്നിര്മന്യും പ്രതിനുദന് പുരസ്താദദബ്ധോ ഗോപാഃ പരിപാഹി നസ്ത്വം ।
പ്രത്യഞ്ചോ യന്തു നിഗുതഃ പുനസ്തേഽമൈഷാം ചിത്തം പ്രബുധാ വിനേശത് ॥
ധാതാ ധാതൃണാം ഭുവനസ്യ യസ്പതിര്ദേവ സവിതാരമഭിമാതിഷാഹം ।
ഇമം യജ്`നമശ്വിനോഭാ ബൃഹസ്പതിര്ദേവാഃ പാന്തു യജമാനന്നയര്ഥാത് ॥
ഉരുവ്യചാ നോ മഹിഷശ്ശര്മ യസദസ്മിന് ഹവേ പുരുഹൂതഃ പുരുക്ഷു ।
സ നഃ പ്രജായൈ ഹര്യശ്വ മൃഡയേന്ദ്ര മാ നോ രീരിഷോ മാ പരാ ദാഃ ॥
യേനസ്സപത്നാ അപ തേ ഭവന്ത്വിന്ദ്രാഗ്നിഭ്യാമവ ബാധാമഹേ താന്‍ ।
വസവോ രുദ്രാ ആദിത്യാ ഉപരിസ്പൃശം മോഗ്രം ചേത്താരമധിരാജമക്രന് ॥
അര്വാഞ്ചമിന്ദ്രമമുതോ ഹവാമഹേ യോ ഗോജിദ്ധനജിദശ്വജിദ്യഃ ।
ഇമം നോ യജ്ഞം വിഹവേ ജുഷസ്വാസ്യ കുര്മോ ഹരിവോ മേദിനം ത്വാ ॥
॥ മൃഗാരം ॥
അഗ്നേര്മന്വേ പ്രഥമസ്യ പ്രചേതസോ യം പാഞ്ചജന്യം ബഹവസ്സമിന്ധതേ ।
വിശ്വസ്യാം വിശി പ്രവിവിശിവാ സമീമഹേ സ നോ മുഞ്ചത്വഹസഃ ॥
യസ്യേദം പ്രാണന്നിമിഷദ്യദേജതി യസ്യ ജാതം ജനമാനം ച കേവലം ।
സ്തൌംയഗ്നിം നാഥിതോ ജോഹവീമി സനോ മുഞ്ചത്വഹസഃ ॥
ഇന്ദ്രസ്യ മന്യേ പ്രഥമസ്യ പ്രചേതസോ വൃത്രഘ്നഃ സ്തോമാ ഉപ മാമുപാഗുഃ ।
യോ ദാശുഷഃ സുകൃതോ ഹവമുപ ഗന്താ സ നോ മുഞ്ചത്വഹസഃ ॥
യഃ സംഗ്രാമം നയതി സംവശീ യുധേ യഃ പുഷ്ടാനി സസൃജതി ത്രയാണി ।
സ്തൌമീന്ദ്രം നാഥിതോ ജോഹവീമി സ നോ മുഞ്ചത്വഹസഃ ॥
മന്വേ വാം മിത്രാവരുണാ തസ്യ വിത്ത സത്യൌജസാ ദൃഹണാ യന്നുദേഥേ ।
യാ രാജാന സരഥം യാഥ ഉഗ്രാ താ നോ മുഞ്ചതമാഗസഃ ॥
യോ വാ രഥ ഋജുരശ്മിഃ സത്യധര്മാ മിഥുശ്ചരന്തമുപയാതി ദൂഷ്യന് ।
സ്തൌമി മിത്രാവരുണാ നാഥിതോ ജോഹവീമി തൌ നോ മുംചതമാഗസഃ ।
വായോസ്സവിതുര്വിദഥാനി മന്‍മഹേ യാവാത്മന്വദ്ബിഭൃതോ യൌ ച രക്ഷതഃ ।
യൌ വിശ്വസ്യ പരിഭൂ ബഭൂവതുസ്തൌ നോ മുഞ്ചതമാഗസഃ ॥
ഉപശ്രേഷ്ടാ ന ആശിഷോ ദേവയോര്ധര്മേ അസ്ഥിരന്‍ ।
സ്തൌമി വായു സവിതാരം നാഥിതോ ജോഹവീമി തൌ നോ മുംചതമാഗസഃ ॥
രഥീതമൌ രഥീനാമഹ്വ ഊതയേ ശുഭം ഗമിഷ്ഠൌ സുയമേഭിരശ്വൈഃ ।
യയോര്വാം ദേവൌ ദേവേഷ്വനിശിതമോജസ്തൌ നോ മുഞ്ചതമാഗസഃ ॥
യദയാതം വഹതു സൂര്യായാസ്ത്രിചക്രേണ സ സദമിച്ഛമാനൌ ।
സ്തൌമി ദേവാവശ്വിനൌ നാഥിതോ ജോഹവീമി തൌ നോ മുഞ്ചതമാഗസഃ ॥
മരുതാം മന്വേ അധി നോ ബ്രുവന്തു പ്രേമാം വാചം വിശ്വാമവന്തു വിശ്വേ ।
ആശൂന്ഹുവേ സുയമാനൂതയേ തേ നോ മുഞ്ചത്വേനസഃ ॥
തിഗ്മമായുധം വീഡിത സഹസ്വദ്ദിവ്യ ശര്‍ദഃ പൃതനാസു ജിഷ്ണു ।
സ്തൌമി ദേവാന്മരുതോ നാഥിതോ ജോഹവീമി തേ നോ മുഞ്ചത്വേനസഃ ॥
ദേവാനാം മന്വേ അധി നോ ബ്രുവന്തു പ്രേമാം വാചം വിശ്വാമവന്തു വിശ്വേ ।
ആശൂന് ഹുവേ സുയമാനൂതയേ തേ നോ മുഞ്ചത്വേനസഃ ॥
യദിദം മാഽഭിശോചതി പൌരുഷേയേണ ദൈവ്യേന ।
സ്തൌമി വിശ്വാന്ദേവാന്നഥിതോ ജോഹവീമി തേ നോ മുഞ്ചത്വേനസഃ ॥
അനുനോഽദ്യാനുമതിര്യജ്ഞം ദേവേഷു ം അന്യതാം ।
അഗ്നിശ്ച ഹവ്യവാഹനോ ഭവതാംദാശുഷേ മയഃ ॥
അന്വിദനുമതേ ത്വം മന്യാസൈ ശം ച നഃ കൃധി ।
ക്രത്വേ ദക്ഷായ നോ ഹി നു പ്രണ ആയൂഷി താരിഷഃ ॥
വൈശ്വാനരോ ന ഊത്യാഽഽപ്ര യാതു പരാവതഃ । അഗ്നിരുക്ഥേന വാഹസാ ॥
പൃഷ്ടോ ദിവി പൃഷ്ടോ അഗ്നിഃ പൃഥിവ്യാം പൃഷ്ടോ വിശ്വാ ഓഷദീരാവിവേശ ।
വൈശ്വാനരസഹസാ പൃഷ്ടോ അഗ്നിസ്സനോ ദിവാ സാരിഷഃ പാതു നക്തം ॥
യേ അപ്രഥേതാമമിതേഭിരോജോഭിര്യേ പ്രതിഷ്ഠേ അഭവതാം വസൂനാം ।
സ്തൌമി ദ്യാവാപൃഥിവീ നാഥിതോ ജോഹവീമി തേ നോ മുഞ്ചതമഹസഃ ॥
ഉര്‍വീ രോദസീ വരിവഃ കൃണോതം ക്ഷേത്രസ്യ പത്നീ അധി നോ ബ്രൂയതം ।
സ്തൌമി ദ്യാവാപൃഥിവീ നാഥിതോ ജോഹവീമി തേ നോ മുഞ്ചതമഹസഃ ॥
യത് തേ വയം പുരുഷത്രാ യവിഷ്ഠായവിഷ്ഠാ വിദ്വാസശ്ചകൃമാ കച്ചനാഽഽഗഃ ।
കൃധീ സ്വസ്മാ അദിതേരനാഗാ വ്യേനാസി ശിശ്രഥോ വിഷ്വഗഗ്നേ ॥
യഥാഹ തദ്വസവോ ഗൌര്യം ചിത് പദിഷിതാമമുഞ്ചതാ യജത്രാഃ ।
ഏവാ ത്വമസ്മത് പ്ര മുഞ്ചാവ്യഹഃ പ്രാതാര്യഗ്നേ പ്രതരാന്ന ആയുഃ ॥
॥ സര്‍പാഹുതീഃ ॥
സമീചീ നാമാസി പ്രാചീദിക്തസ്യാസ്തേഽഗ്നിരധിപതിരസിതോ രക്ഷിതാ
യശ്ചാദിപതിര്യശ്ച ഗോപ്താ താഭ്യാം നമസ്തൌ നോ മൃഡയതാം
തേ യം ദ്വിഷ്മോ യശ്ച നോ ദ്വേഷ്ടി തം വാം ജംഭേ ദധാമി ।
ഓജസ്വിനീ നാമാസി ദക്ഷിണാ ദിക്തസ്യാസ്ത ഇന്ദ്രോഽധിപതിഃ പൃദാകൂ രക്ഷിതാ
യശ്ചാദിപതിര്യശ്ച ഗോപ്താ താഭ്യാം നമസ്തൌ നോ മൃഡയതാം
തേ യം ദ്വിഷ്മോ യശ്ച നോ ദ്വേഷ്ടി തം വാം ജംഭേ ദധാമി ।
പ്രാചീ നാമാസി പ്രതീചീ ദിക്തസ്യാസ്തേ സോമോഽധിപതിഃ സ്വജോ രക്ഷിതാ
യശ്ചാദിപതിര്യശ്ച ഗോപ്താ താഭ്യാം നമസ്തൌ നോ മൃഡയതാം
തേ യം ദ്വിഷ്മോ യശ്ച നോ ദ്വേഷ്ടി തം വാം ജംഭേ ദധാമി ।
അവസ്ഥാവാ നാമാസ്യുദീചീ ദിക്തസ്യാസ്തേ വരുണോഽധിപതിസ്തരശ്ച രാജീ രക്ഷിതാ
യശ്ചാദിപതിര്യശ്ച ഗോപ്താ താഭ്യാം നമസ്തൌ നോ മൃഡയതാം
തേ യം ദ്വിഷ്മോ യശ്ച നോ ദ്വേഷ്ടി തം വാം ജംഭേ ദധാമി ।
അധിപത്നീ നാമാസി ബൃഹതീ ദിക്തസ്യാസ്തേ ബൃഹസ്പതിരധിപതിഃ ശ്വിത്രോ രക്ഷിതാ
യശ്ചാദിപതിര്യശ്ച ഗോപ്താ താഭ്യാം നമസ്തൌ നോ മൃഡയതാം
തേ യം ദ്വിഷ്മോ യശ്ച നോ ദ്വേഷ്ടി തം വാം ജംഭേ ദധാമി ।
വശിനീ നാമാസീയം ദിക്തസ്യാസ്തേ യമോഽധിപതിഃ കല്മാഷഗ്രീവോ രക്ഷിതാ
യശ്ചാദിപതിര്യശ്ച ഗോപ്താ താഭ്യാം നമസ്തൌ നോ മൃഡയതാം
തേ യം ദ്വിഷ്മോ യശ്ച നോ ദ്വേഷ്ടി തം വാം ജംഭേ ദധാമി ॥
॥ ഗന്ധര്‍വാഹുതീഃ ॥
ഹേതയോ നാമസ്ഥ തേഷാം വഃ പുരോ ഗൃഹാ അഗ്നിര്വ ഇഷവഃ സലിലോ
വാതനാമം തേഭ്യോ വോ നമസ്തേനോ മൃഡയത
തേ യം ദ്വിഷ്മോ യശ്ച നോ ദ്വേഷ്ടി തം വോ ജംഭേ ദധമി ।
നിലിമ്പാ നാമസ്ഥ തേഷാം വോ ദക്ഷിണാ ഗൃഹാ പിതരോ വഇഷവഃ സഗരോ
വാതനാമം തേഭ്യോ വോ നമസ്തേനോ മൃഡയത
തേ യം ദ്വിഷ്മോ യശ്ച നോ ദ്വേഷ്ടി തം വോ ജംഭേ ദധമി ।
വജ്രിണോ നാമസ്ഥ തേഷാം വഃ പശ്ചാദ്ഗൃഹാ സ്വപ്നോവ ഇഷവോ ഗഹ്വരോ
വാതനാമം തേഭ്യോ വോ നമസ്തേനോ മൃഡയത
തേ യം ദ്വിഷ്മോ യശ്ച നോ ദ്വേഷ്ടി തം വോ ജംഭേ ദധമി ।
അവസ്ഥാവാനോ നാമസ്ഥ തേഷാം വ ഉത്തരദ്ഗൃഹാ ആപോവ ഇഷവഃ സമുദ്രോ
വാതനാമം തേഭ്യോ വോ നമസ്തേനോ മൃഡയത
തേ യം ദ്വിഷ്മോ യശ്ച നോ ദ്വേഷ്ടി തം വോ ജംഭേ ദധമി ।
അധിപതയോ നാമസ്ഥ തേഷാം വ ഉപരി ഗൃഹാ വര്ഷം വ ഇഷവോഽവസ്വാന്
വാതനാമം തേഭ്യോ വോ നമസ്തേനോ മൃഡയത
തേ യം ദ്വിഷ്മോ യശ്ച നോ ദ്വേഷ്ടി തം വോ ജംഭേ ദധമി ।
ക്രവ്യാ നാമസ്ഥ തേഷാം വ ഇഹ ഗൃഹാ അന്നം വ ഇഷവോഽനിമിഷോ
വാതനാമം തേഭ്യോ വോ നമസ്തേനോ മൃഡയത
തേ യം ദ്വിഷ്മോ യശ്ച നോ ദ്വേഷ്ടി തം വോ ജംഭേ ദധമി ।
॥ അജ്യാനി ॥
ശതായുധായ ശതവീര്യായ ശതോതയേഽഭിമാതിഷാഹേ ।
ശതം യോ നഃ ശരദോ അജീതാനിന്ദ്രോ നേഷദതി ദുരിതാനി വിശ്വാ ॥
യേ ചത്വാരഃ പഥയോ ദേവയാനാ അംതരാ ദ്യാവാപൃഥിവീ വിയന്തി ।
തേഷാം യോ അജ്യാനി മജീതി മാഹവാത്തസ്മൈ നോ ദേവാഃ പരിദത്തേഹ സര്‍വേ ॥
ഗ്രീഷ്മോ ഹേമന്ത ഉതനോ വസന്തഃ ശരദ്വര്ഷാഃ സുവിതന്നോ അസ്തു ।
തേഷാമൃതൂനാ ശതശാരദാനാം നിവാത ഏഷാമഭയേ സ്യാമ ॥
ഇദുവത്സരായ പരിവത്സരായ സംവത്സരായ കൃണുതാ ബൃഹന്നമഃ ।
തേഷാം വയ സുമതൌ യജ്ഞിയാനാം ജ്യോഗജീതാ അഹതാഃ സ്യാമ ॥
ഭദ്രാന്നഃ ശ്രേയഃ സമനൈഷ്ട ദേവാസ്ത്വയാഽവസേന സമശീമഹി ത്വാ ।
സ നോ മയോഭൂഃ പിതോ ആവിശസ്വ ശന്തോകായ തനുവേ സ്യോ നഃ ॥
ഭൂതം ഭവ്യം ഭവിഷ്യദ്വഷട്സ്വാഹാ നമ ഋക്സാമയജുര്വഷട്സ്വാഹാ നമോ
ഗായത്രീത്രിഷ്ടുപ്ജഗതീവഷട്സ്വാഹാ നമഃ പൃഥിവ്യന്തരിക്ഷം ദ്യൌര്വഷട്സ്വാഹാ
നമോഽഗ്നിര്വായുഃ സൂര്യോ വഷട്സ്വാഹാ നമഃ പ്രാണോ വ്യാനോഽപാനോ വഷട്സ്വാഹാ
നമോഽന്നം കൃഷിര്വൃഷ്ടിര്വഷട്സ്വാഹാ നമഃ പിതാ പുത്രഃ പൌത്രോ വഷട്സ്വാഹാ നമോ
ഭൂര്‍ഭുവഃ സുവര്വഷട്സ്വാഹാ നമഃ ।
॥ അഥര്‍വശിരസം ॥
ഇന്ദ്രോദധീചീ അസ്ഥഭി । വൃത്രാണ്യപ്രതിഷ്കുതഃ । ജഘാന നവതീര്നവ ।
ഇച്ഛന്നശ്വസ്യ യച്ഛിരഃ । പര്വതേഷ്വപശ്രിതം । തദ്വിദച്ഛിര്യണാവതി ।
അത്രാഹ ഗോരമന്വത । നാമ ത്വഷ്ടുരപീച്യം । ഇത്ഥ ചന്ദ്രമസോ ഗൃഹേ ।
ഇന്ദ്രമിദ്ഗാഥിനോ ബൃഹത് । ഇന്ദ്രമര്കേഭിരര്കിണഃ । ഇന്ദ്രം വാനീരനൂഷത ।
ഇന്ദ്ര ഇദ്ധര്യോഃ സചാ । സമ്മിശ്ല ആവചോ യുജാ । ഇന്ദ്രോ വജ്രീഹിരണ്യയഃ ।
ഇന്ദ്രോ ദീര്ഘായ ചക്ഷസേ । ആസൂര്യ രോഹയദ്ദിവി । വിഗോഭിരദ്രിമൈരയത് ।
ഇന്ദ്ര വാജേഷു നോ അവ । സഹസ്രപ്രധനേഷു ച । ഉഗ്ര ഉഗ്രാഭിരൂതിഭിഃ ।
തമിന്ദ്രം വാജയാമസി । മഹേ വൃത്രായ ഹന്തവേ । സാ വൃഷാ വൃഷഭോഽഭുവത് ।
ഇന്ദ്രഃ സ ദാമനേ കൃതഃ । ഓജിഷ്ഠഃ സബലേഹിതഃ । ദ്യുംനീ ശ്ലോകീ സസൌംയഃ ।
ഗിരാ വജ്രോ ന സംഭൃതഃ । സബലോ അനപച്യുതഃ । വവക്ഷുരുഗ്രോ അസ്തൃതഃ ।
॥ പ്രത്യംഗിരസം ॥
ചക്ഷുഷോ ഹേതേ മനസോ ഹേതേ । വാചോഹേതേ ബ്രഹ്മണോ ഹേതേ ।
യോമാഽഘായുരഭിദാസതി । തമഗ്നേ മേന്യാഽമേനിം കൃണു ।
യോ മാ ചക്ഷുഷാ യോ മനസ । യോ വാചാ ബ്രഹ്മണാഘായുരഭിദാസതി ।
തയാഽഗ്നേ ത്വം മേന്യാ । അമുമമേനിം കൃണു ।
യത്കിഞ്ചാസൌ മനസാ യച്ച വാചാ । യജ്ഞൈര്ജുഹോതി യജുഷ ഹവിര്ഭിഃ ।
തന്മൃത്യുര്നിരൃത്യാ സംവിദാനഃ । പുരാദിഷ്ടാദാഹുതീരസ്യ ഹന്തു ।
യാതുധാനാ നിരൃതിരാദു രക്ഷഃ । തേ അസ്യഘ്നന്ത്വനൃതേന സത്യം ।
ഇന്ദ്രേഷിതാ ആജ്യമസ്യ മഥ്നന്തു । മാ തത്സമൃദ്ധി യദസൌ കരോതി ।
ഹന്‍മി തേഽഹം കൃതഹവിഃ । യോ മേ ഘോരമചീകൃതഃ ।
അപാംചൌ ത ഉഭൌ ബാഹൂ । അപനഹ്യാംയാസ്യം ।
അഗ്നേര്ദേവസ്യ ബ്രഹ്മണാ । സര്‍വം തേഽവധിഷംകൃതം ।
പുരാഽമുഷ്യ വഷട്കാരാത് । യജ്ഞം ദേവേഷു നസ്കൃധി ।
സ്വിഷ്ടമസ്മാകം ഭ്യൂയാത് । മാഽസ്മാന്‍ പ്രാപന്നരാതയഃ ।
അന്തിദൂരേ സതോ അഗ്നേ । ഭ്രാതൃവ്യസ്യാഭിദാസതഃ ।
വഷട്കാരേണ വജ്രേണ । കൃത്യാഹന്മി കൃതാമഹം ।
യോ മാ നക്തം ദിവാ സായം । പ്രാതശ്ചാഹ്നോ നിപീയതി ।
അദ്യാതമിന്ദ്ര വജ്രേണ । ഭ്രാതൃവ്യം പാദയാമസി ।
പ്രാണോ രക്ഷതി വിശ്വമേജത് । ഇര്യോ ഭൂത്വാ ബഹുദാ ബഹൂനി ।
സ ഇത്സര്‍വം വ്യാനശേ । യോ ദേവോ ദേവേഷു വിഭൂരന്തഃ ।
ആവൃദൂദാത് ക്ഷേത്രിയധ്വഗദ്വൃഷാ । തമിത്പ്രാണം മനസോപശിക്ഷത ।
അഗ്രം ദേവാനാമിദമത്തു നോ ഹവിഃ । മനസശ്ചിത്തേദം ।
ഭൂതം ഭവ്യം ച ഗുപ്യതേ । തദ്ധിദേവേഷ്വഗ്രിയം ।
ആ ന ഏതുപുരശ്ചരം । സഹ ദേവൈരിമ ഹവം ।
മനഃ ശ്രേയസി ശ്രേയസി । കര്മന്യജ്ഞപതിം ദധത് ।
ജുഷതാം മേ വാഗിദ ഹവിഃ । വിരാഡ് ദേവീ പുരോഹിതാ ।
ഹവ്യവാഡനപായിനീ । യയാ രൂപാണി ബഹുദാ വദന്തി ।
പേശാസി ദേവാഃ പരമേ ജനിത്രേ । സാ നോ വിരാഡനപസ്ഫുരന്തി ।
വാഗ്ദേവീ ജുഷതാമിദ ഹവിഃ । ചക്ഷുര്ദേവാനാം ജ്യോതിരമൃതേ ന്യക്തം ।
അസ്യ വിജ്ഞാനായ ബഹുധാ നിധീയതേ । തസ്യ സുംനമശീമഹി ।
മാ നോ ഹസീദ്വിചക്ഷണം । ആയുരിന്നഃ പ്രതീര്യതാം ।
അനന്ധാശ്ചക്ഷുഷാവയം । ജീവാ ജ്യോതിരശീമഹി ।
സുവര്ജ്യോതിരുതാമൃതം । ശ്രോത്രേണ ഭദ്രമുത ശൃണ്വന്തി സത്യം ।
ശ്രോത്രേണ വാചം ബഹുധോദ്യമാനാം । ശ്രോത്രേണ മോദശ്ച മഹശ്ച ശ്രൂയതേ ।
ശ്രോത്രേണ സര്‍വാ ദിശ ആശൃണോമി । യേന പ്രാച്യാ ഉത ദക്ഷിണാ ।
പ്രതീച്യൈദിശഃ ശൃണ്വന്ത്യുത്തരാത് । തദിച്ഛ്രോത്രം ബഹുധോദ്യമാനം ।
അരാന്നനേമിഃ പരിസര്വം ബഭൂവ ।
സിഹേ വ്യാഘ്ര ഉത യാ പൃദാകൌ । ത്വിഷിരഗ്നൌ ബ്രാഹ്മണേ സൂര്യേയാ ।
ഇന്ദ്രം യാ ദേവീ സുഭഗാ ജജാന । സാ ന ആഗന്വര്ചസാ സംവിദാനാ ।
യാ രാജന്യേ ദുന്ദുഭാവായതായാം । അശ്വസ്യ ക്രന്ദ്യേപുരുഷസ്യ മായൌ ।
ഇന്ദ്രം യാ ദേവീ സുഭഗാ ജജാന । സാ ന ആഗന്വര്ചസാ സംവിദാനാ ।
യാ ഹസ്തിനി ദ്വീപിനി യാ ഹിരണ്യേ । ത്വിഷിരശ്വേഷു പുരുഷേഷു ഗോഷു ।
ഇന്ദ്രം യാ ദേവീ സുഭഗാ ജജാന । സാ ന ആഗന്വര്ചസാ സംവിദാനാ ।
രഥേഅക്ഷേഷു വൃഷഭസ്യ വജേ । വതേ പര്ജന്യേ വരുണസ്യ ശുഷ്മേ ।
ഇന്ദ്രം യാ ദേവീ സുഭഗാ ജജാന । സാ ന ആഗന്വര്ചസാ സംവിദാനാ ।
രാഡസി വിരാഡസി । സംരാഡസി സ്വരാഡസി ।
ഇന്ദ്രായ ത്വാ തേജസ്വതേ തേജസ്വന്ത ശ്രീണാമി ।
ഇന്ദ്രായ ത്വൌജസ്വത ഓജസ്വന്ത ശ്രീണാമി ।
ഇന്ദ്രായ ത്വാ പയസ്വതേ പയസ്വന്ത ശ്രീണാമി ।
ഇന്ദ്രായ ത്വാഽഽയുഷ്മത ആയുഷ്മന്ത ശ്രീണാമി ।
തേജോഽസി । തത്തേ പ്രയച്ഛാമി । തേജസ്വദസ്തു മേ മുഖം ।
തേജസ്വച്ഛിരോ അസ്തു മേ । തേജസ്വാന് വിശ്വതഃ പ്രത്യങ് ।
തേജസാ സമ്പിപൃഗ്ധി മാ ।
ഓജോഽസി । തത്തേ പ്രയച്ഛാമി । ഓജസ്വദസ്തു മേ മുഖം ।
ഓജസ്വച്ഛിരോ അസ്തു മേ । ഓജസ്വാന് വിശ്വതഃ പ്രത്യങ് ।
ഓജസാ സമ്പിപൃഗ്ധി മാ ।
പയോഽസി । തത്തേ പ്രയച്ഛാമി । പയസ്വദസ്തു മേ മുഖം ।
പയസ്വച്ഛിരോ അസ്തു മേ । പയസ്വാന് വിശ്വതഃ പ്രത്യങ് ।
പയസാ സമ്പിപൃഗ്ധി മാ ।
ആയുരസി । തത്തേ പ്രയച്ഛാമി । ആയുഷ്മദസ്തു മേ മുഖം ।
ആയുഷ്മച്ഛിരോ അസ്തു മേ । ആയുഷ്മാന് വിശ്വതഃ പ്രത്യങ് ।
ആയുഷാ സമ്പിപൃഗ്ധി മാ ।
ഇമമഗ്ന ആയുഷേ വര്ചസേ കൃധി । പ്രിയരേതോ വരുണ സോമ രാജന്‍ ।
മാതേവാസ്മാ അദിതേ ശര്‍മ യച്ഛ । വിശ്വേദേവാ ജരദഷ്ടിര്യഥാഽസത് ।
ആയുരസി വിശ്വായുരസി । സര്വായുരസി സര്വമായുരസി ।
യതോ വാതോ മനോജവാഃ । യതഃ ക്ഷരന്തി സിന്ധവഃ ।
താസാന്ത്വാ സര്വാസാ രുചാ । അഭിഷിംചാമി വര്ചസാ ।
സമുദ്ര ഇവാസി ഗഹ്മനാ । സോമ ഇവാസ്യദാഭ്യഃ ।
അഗ്നിരിവ വിശ്വതഃ പ്രത്യങ് । സൂര്യ ഇവ ജ്യോതിഷാ വിഭൂഃ ।
അപാം യോ ദ്രവണേ രസഃ । തമഹമസ്മാ ആമുഷ്യായണായ ।
തേജസേ ബ്രഹ്മവര്ചസായ ഗൃഹ്ണാമി ।
അപാം യോ ഊര്മൌ രസഃ । തമഹമസ്മാ ആമുഷ്യായണായ ।
ഓജസേ വീര്യായ ഗൃഹ്ണാമി ।
അപാം യോ മധ്യതോ രസഃ । തമഹമസ്മാ ആമുഷ്യായണായ ।
ആയുഷേ ദീര്ഘായുത്വായ ഗൃഹ്ണാമി ।
അഹമസ്മി പ്രഥമജാ ഋതസ്യ । പൂര്‍വം ദേവേഭ്യോ അമൃതസ്യ നാഭിഃ ।
യോ മാ ദദാതി സ ഇദേവ മാ വാഃ । അഹമന്നമന്നമദന്തമദ്മി ।
പൂര്വമഗ്നേരപി ദഹത്യന്നം । യത്തോ ഹാസതേ അഹമുത്തരേഷു ।
വ്യാത്തമസ്യ പശവസ്സുജംഭം । പശ്യന്തി ധീരാ പ്രചരന്തി പാകാഃ ।
ജഹാംയന്യന്നജഹാംയന്യം । അഹമന്നം വശമിച്ചരാമി ।
സമാനമര്ഥം പര്യേമി ഭുംജത് । കോ മാമന്നം മനുഷ്യോ ദയേത ।
പരാകേ അന്നം നിഹിതം ലോക ഏതത് । വിശ്വൈര്ദേവൈഃ പിതൃഭിര്ഗുപ്തമന്നം ।
യദദ്യതേ ലുപ്യതേ യത്പരോപ്യതേ । ശതതമീ സാ തനൂര്മേ ബഭൂവ ।
മഹാന്തൌ ചരൂ സകൃദ്ദുഗ്ധേന പപ്രൌ । ദിവംച പൃശ്ഞി പൃഥിവീം ച സാകം ।
തത്സംപിബന്തോ ന മിനന്തി വേധസഃ । നൈതദ്ഭൂയോ ഭവതി നോ കനീയഃ ।
അന്നം പ്രാണമന്നമപാനമാഹുഃ । അന്നം മൃത്യും തമു ജീവാതുമാഹുഃ ।
അന്നം ബ്രഹ്മാണോ ജരസം വദന്തി । അന്നമാഹുഃ പ്രജനനം പ്രജാനാം ।
മോഘമന്നം വിന്ദതേ അപ്രചേതാഃ । സത്യം ബ്രവീമി വധ ഇത്സ തസ്യ ।
നാര്യമണം പുഷ്യതി നോ സഖായം । കേവലാഘോ ഭവതി കേവലാദി ।
അഹം മേഘസ്തനയന്വര്ഷന്നസ്മി । മാമദന്ത്യഹമദ്യന്യാന് ।
അഹസദമൃതോ ഭവാമി । മദാദിത്യാ അധി സര്‍വേ തപന്തി ।
ദേവീം വാചമജനയന്ത ദേവാഃ । താം വിശ്വരൂപാഃ പശവോ വദന്തി ।
സാ നോ മന്ദ്രേഷമൂര്ജം ദുഹാനാ । ധേനുര്വാഗസ്മാനുപസുഷ്ടുതൈതു ।
യദ്വാഗ്വദന്ത്യവിചേതനാനി । രാഷ്ത്രീ ദേവാനാന്നിഷസാദമന്ദ്രാ ।
ചതസ്ര ഊര്ജംദുദുഹേ പയാസി।ക്വസ്വിദസ്യാഃ പരമം ജഗാമ ।
അനന്താമന്താദധി നിര്മിതാം മഹീം । യസ്യാം ദേവാ അദധുര്ഭോജനാനി ।
ഏകാക്ഷരമാം ദ്വിപദാഷത്പദാഞ്ച । വാചം ദേവാ ഉപജീവന്തി വിശ്വേ ।
വാചം ദേവാ ഉപജീവന്തി വിശ്വേ । വാചം ഗന്ധര്വാഃ പശവോ മനുഷ്യാഃ ।
വാചീമാവിശ്വാ ഭുവനാന്യര്പിതാ । സാ നോ ഹവം ജുഷതാമിന്ദ്രപത്നീ ।
വാഗക്ഷരം പ്രഥമജാ ഋതസ്യ । വേദാനാം മാതാഽമൃതസ്യ നാഭിഃ ।
സാനോ ജുഷാണോപ യജ്ഞമാഗാത് । അവന്തീ ദേവീ സുഹവാമേ അസ്തു ।
യാമൃഷയോ മന്ത്രകൃതോ മനീഷിണഃ । അന്വൈച്ഛന്ദേവാസ്തപസാ ശ്രമേണ ।
താം ദേവീം വാചഹവിഷാ യജാമഹേ । സാ നോ ദധാതു സുകൃതസ്യ ലോകേ ।
ചത്വാരി വാക്പരിമിതാ പദാനി । താനി വിദുര്ബ്രാഹ്മണാ യേ മനീഷിണഃ ।
ഗുഹാ ത്രീണി നിഹിതാ നേഗംയന്തി । തുരീയം വാചോ മനുഷ്യാ വദന്തി ।
ശ്രദ്ധയാഗ്നിഃ സമിധ്യതേ । ശ്രദ്ധയാ വിന്ദതേ ഹവിഃ ।
ശ്രദ്ധാം ഭഗസ്യ മൂര്ധനി।വചയാ വേദയാമസി ।
പ്രിയശ്രദ്ധേ ദദതഃ । പ്രിയശ്രദ്ധേ ദിദാസതഃ ।
പ്രിയം ഭോജേഷു യജ്വസു । ഇദം മ ഉദിതം കൃധി ।
യഥാ ദേവാ അസുരേഷു । ശ്രദ്ധാമുഗ്രേഷു ചക്രിരേ ।
ഏവം ഭോജേഷു യജ്വസു । അസ്മാകമുദിതം കൃധി ।
ശ്രദ്ധം ദേവാ യജമാനാഃ । വായുഗോപാ ഉപാസതേ ।
ശ്രദ്ധാ ഹൃദയ്യയാഽഽകൂത്യാ । ശ്രദ്ധയാ ഹൂയതേ ഹവിഃ ।
ശ്രദ്ധാം പ്രാതര്ഹവാമഹേ । ശ്രദ്ധാം മധ്യംദിനം പരി ।
ശ്രദ്ധാ സൂര്യസ്യ നിംരുചി । ശ്ര്‍ദ്ധേ ശ്രദ്ധാപയേഹ മാ ।
ശ്രദ്ധാ ദേവാനധിവസ്തേ । ശ്രദ്ധ വിശ്വമിദം ജഗത് ।
ശ്രദ്ധാം കാമസ്യ മാതരം । ഹവിഷ വര്‍ധയാമസി ।
ബ്രഹ്മജജ്ഞാനം പ്രഥമം പുരസ്താത് । വിസീമതസ്സുരുചോ വേന ആവഃ ।
സ ബുധ്നിയാ ഉപമാ അസ്യ വിഷ്ഠാഃ । സതശ്ച യോനിമസതശ്ച വിവഃ ।
പിതാ വിരാജാമൃഷഭോ രയീണാം । അന്തരിക്ഷം വിശ്വരൂപ ആവിവേശ ।
തമര്കൈരഭ്യര്ചന്തി വത്സം । ബ്രഹ്മ സന്തം ബ്രഹ്മണാ വര്ധയന്തഃ ।
ബ്രഹ്മ ദേവാനജനയത് । ബ്രഹ്മ വിശ്വമിദം ജഗത് ।
ബ്രഹ്മണഃ ക്ഷത്രന്നിര്മിതം । ബ്രഹ്മ ബ്രാഹ്മണ ആത്മനാ ।
അന്തരസ്മിന്നേമേ ലോകാഃ । അന്തര്വിശ്വമിദം ജഗത് ।
ബ്രഹ്മൈവ ഭൂതാനാം ജ്യേഷ്ഠം । തേന കോഽര്ഹതി സ്പര്ധിതും ।
ബ്രഹ്മന്ദേവാസ്ത്രയസ്ത്രിശത് । ബ്രഹ്മന്നിന്ദ്രപ്രജാപതീ ।
ബ്രഹ്മന് ഹ വിശ്വാ ഭൂതാനി । നാവീവാന്തഃ സമാഹിതാ ।
ചതസ്ര ആശാഃ പ്രചരന്ത്വഗ്നയഃ । ഇമം നോ യജ്ഞം നയതു പ്രജാനന് ।
ഘൃതം പിന്വന്നജര സുവീരം । ബ്രഹ്മസമിദ്ഭവത്യാഹുതീനാം ।
ആഗാവോഅഗ്മന്നുത ഭദ്രമക്രന് । സീദന്തു ഗോഷ്ഠേരണയന്ത്വസ്മേ ।
പ്രജാവതീഃ പുരുരൂപാ ഇഹ സ്യുഃ । ഇന്ദ്രായ പൂര്വീരുഷസോ ദുഹാനാഃ ।
ഇന്ദ്രോ യജ്വനേ പൃണതേ ചശിക്ഷതി । ഉപദ്ദദാതി ന സ്വം മുഷായതി ।
ഭൂയോ ഭൂയോ രയിമിദസ്യ വര്ധയന് । അഭിന്നേ ഖില്ലേ നിദധാതി ദേവയും ।
ന താ നശന്തി ന ദഭാതി തസ്കരഃ । നൈനാ അമിത്രോ വ്യഥിരദധര്ഷതി ।
ദേവാശ്ച യാഭിര്യജതേ ദദാതി ച । ജ്യോഗിത്താഭിസ്സചതേ ഗോപതിഃ സഹ ।
ന താ അര്‍വാ രേണുക കാതോ അശ്നുതേ । ന സസ്കൃതത്രപുപയന്തി താ അഭി ।
ഉരുഗായമഭയന്തസ്യ താ അനു । ഗാവോ മര്ത്യസ്യ വിചിരന്തി യജ്വനഃ ।
ഗാവോ ഭഗോ ഗാവ ഇന്ദ്രോ മേ അച്ഛാത് । ഗാവഃ സോമസ്യ പ്രഥമസ്യ ഭക്ഷഃ ।
ഇമാ യാഗാവസ്സജനാ സ ഇന്ദ്രഃ । ഇച്ഛാമീദ്ധൃദാ മനസാ ചിദിന്ദ്രം ।
യൂയം ഗാവോ മേദയഥാ കൃശംചിത് । അശ്ലീലം ചിത്കൃണുഥാ സുപ്രതീകം ।
ഭദ്രം ഗൃഹം കൃണുഥ ഭദ്രവാചഃ । ബൃഹദ്വോ വയ ഉച്യതേ സഭാസു ।
പ്രജാവതീഃ സൂയവസരിശന്തീഃ । ശുദ്ധാ അപസ്സു പ്രപാണേ പിബന്തീഃ ।
മാവസ്തേന ഇശത മാഘശസഃ । പരിവോഹേതീ രുദ്രസ്യ വൃംജ്യാത് ।
ഉപേദമുപപര്ചനം । ആസു ഗോഷൂപ പൃച്യതാം ।
ഉപഷഭസ്യ രേതസി । ഉപേന്ദ്ര തവ വീര്യേ ।
താ സൂര്യാചന്ദ്രമസാ വിശ്വഭൃത്തമാമഹത് ।
തേജോ വസു മദ്രാജതോ ദിവി । സമാത്മാനാചരതസ്സാമ ചാരിണാ ।
യയോവ്രതന്നമമേ ജാതുദേവയോഃ । ഉഭാവന്തൌ പരിയാത അര്‍ംയാ ।
ദിവോ നരശ്മീസ്തനുതോവ്യര്ണവേ । ഉഭാ ഭുവന്തീഭുവനാ കവിക്രതൂ ।
സൂര്യാ ന ചന്ദ്രാ ചരതോ ഹതാമതീ । പതീദ്യുമദ്വിശ്വവിദാ ഉഭാ ദിവഃ ।
സൂര്യാ ഉഭാ ചന്ദ്രമസാ വിചക്ഷണാ । വിശ്വവാരാ വരിവോ ഭാവരേണ്യാ ।
താ നോഽവതം മതിമന്താ മഹിവ്രതാ । വിശ്വ വപരി പ്രതരണാ തരന്താ ।
സുവര്വിദാ ദൃശയേ ഭൂരി രശ്മീ । സൂര്യാ ഹി ചന്ദ്രാ വസുത്വേഷ ദര്ശതാ ।
മനസ്വിനോ ഭാഽനുചരതോനുസംദിവം । അസ്യ ശ്രവോ നദ്യഃ സപ്ത ബിഭ്രതി ।
ദ്യാവാക്ഷാമാ പൃഥിവീ ദര്ശതം വപുഃ । അസ്മേ സൂര്യാം ചന്ദ്രമസാഽഭിചക്ഷേ ।
ശ്രദ്ധേകമിന്ദ്ര ചരതോ വിചര്തുരം । പുര്വാപരംചരതോമായയൈതൌ ।
ശിശൂ ക്രീഡന്തൌ പരിയാതോ അധ്വരം । വിശ്വാന്യന്യോ ഭുവനാഽഭിചഷ്ടേ ।
ഋതൂനന്യോ വിദധജ്ജായതേ പുനഃ ।
ഹിരണ്യവര്ണാഃ ശുചയഃ പാവകാ യാസു ജാതഃ കശ്യപോ യാസ്വിന്ദ്രഃ ।
അഗ്നിം യാ ഗര്ഭം ദധിരേ വിരൂപാസ്താന ആപശ്ശ സ്യോനാ ഭവന്തു ॥
യാസാ രാജാ വരുണോ യാതി മധ്യേ സത്യാനൃതേ അവപശ്യം ജനാനാം ।
മധുശ്ചുതശ്ശുചയോ യാഃ പാവകാസ്താ ന ആപശ്ശ സ്യോനാ ഭവന്തു ॥
യാസാം ദേവാ ദിവി കൃണ്വന്തി ഭക്ഷം യാ അന്തരിക്ഷേ ബഹുധാ ഭവന്തി ।
യാഃ പൃഥിവീം പയസോന്ദന്തി ശുക്രാസ്താ ന ആപശ്ശ സ്യോനാ ഭവന്തു ॥
ശിവേന മാ ചക്ഷുഷാ പശ്യതാപശ്ശിവയാ തനുവോപ സ്പൃശത ത്വചം മേ ।
സര്‍വാ അഗ്നീ രപ്സുഷദോ ഹുവോ വോ മയി വര്‍ചോ ബലമോജോ നിധത്ത ॥
ആപോഭദ്രാ ഗൃതമിദാപ ആസുരഗ്നീഷോമൌ ബിഭ്രാത്യാപ ഇത്താഃ ।
തീവ്രോ രസോ മധുപൃചാമരംഗമ ആ മാ പ്രാണേന സഹ വര്‍ച സാഗന്‍ ॥
ആദിത്പശ്യാംയുത വാ ശൃണോംയാമാ ഘോഷോ ഗച്ഛതി വാങ് ന ആസാം ।
മന്യേഭേജാനോ അമൃതസ്യ തര്‍ഹി ഹിരണ്യവര്ണാ അതൃപം യദാവഃ ॥
നാസദാസീന്നോ സദാസീത്തദാനീം । നാസീദ്രജോ നോ വ്യോമാ പരോ യത് ।
കിമാവരിവഃ കുഹ കസ്യ ശര്‍മന്‍ । അംഭഃ കിമാസീദ്ഗഹനം ഗഭീരം ।
ന മൃത്യുരമൃതം തര്‍ഹി ന । രാത്രിയാ അഹ്ന ആസീത് പ്രകേതഃ ।
ആനീദവാത സ്വധയാ തദേകം । തസ്മാദ്ധാന്യം ന പരഃ കിംചനാസ ।
തമ ആസീത്തമസാ ഗൂഢമഗ്രേ പ്രകേതം । സലില സര്‍വ മാ ഇദം ।
തുച്ഛേനാഭ്വപി ഹിതം യദാസീത് । തമസസ്തന്മഹിനാ ജായതൈകം ।
കാമസ്തദഗ്രേ സമവര്തതാധി । മനസോ രേതഃ പ്രഥമം യദാസീത് ।
സ തോ ബന്ധുമസതി നിരവിന്ദന് । ഹൃദിപ്രതീഷ്യാ കവയോ മനീഷാ ।
തിരശ്ചീനോ വിതതോ രശ്മിരേഷാം । അധസ്വിദാസീ 3 ദുപരിസ്വിദാസീ 3 ത് ।
രേതോധാ ആസന്മഹിമാ ന ആസന്‍ । സ്വധാ അവസ്താത് പ്രയതിഃ പുരസ്താത് ।
കോ അദ്ധ വേദ ക ഇഹ പ്രവോചത് । കുത ആ ജാതാ കുത ഇയം വിസൃഷ്ടിഃ ।
അര്വാഗ്ദേവാ അസ്യ വിസര്ജനായ । അഥാ കോ വേദയത ആ ബഭൂവ ।
ഇയം വിസൃഷ്ടിര്യത ആബഭൂവ । യദി വാ ദധേ യദി വാ ന ।
യോ അസ്യാധ്യക്ഷഃ പരമേ വ്യോമന് । സോ അംഗ വേദ യദി വാ ന വേദ ।
കിസ്വിദ്വനം ക ഉ സ വൃക്ഷ ആസീത് । യതോ ദ്യാവാപൃഥിവീ നിഷ്ടതക്ഷുഃ ।
മനീഷിണോ മനസാപൃച്ഛതേ ദുതത് । യദധ്യതിഷ്ടദ്ഭുവനാനി ധാരയന് ।
ബ്രഹ്മ വനം ബ്രഹ്മ സവൃക്ഷ ആസീത് । യത്തോ ദ്യാവാപൃഥിവീ നിഷ്ടതക്ഷുഃ ।
മനീഷിണോ മനസാ വിബ്രവീമി വഃ । ബ്രഹ്മാധ്യതിഷ്ടദ്ഭുവനാനി ധാരയന് ।
പ്രാതരഗ്നിം പ്രാതരിന്ദ്ര ഹവാമഹേ । പ്രാതര്മിത്രാവരുണാ പ്രാതരശ്വിനാ ।
പ്രാതര്ഭഗം പൂഷണം ബ്രഹ്മണസ്പതിം । പ്രാതഃ സോമമുത രുദ്ര ഹുവേമ ।
പ്രാതര്ജിതം ഭഗമുഗ്ര ഹുവേമ । വയം പുത്രമദിതേര്യോ വിധര്താ ।
ആഘ്രശ്ചിദ്യം മന്യമാനസ്തുരശ്ചിത് । രാജാചിദ്യം ഭഗം ഭക്ഷീത്യാഹ ।
ഭഗ പ്രണേതര്ഭഗ സത്യരാധഃ । ഭഗേമാം ധിയമുദവദദന്നഃ ।
ഭഗ പ്രണോ ജനയ ഗോഭിരശ്വൈഃ । ഭഗ പ്രനൃഭിര്നൃവന്തഃ സ്യാമ ।
ഉതേദാനീം ഭഗവന്തഃ സ്യാമ । ഉത പ്രപിത്വ ഉത മധ്യ അഹ്നാം ।
ഉതോദിതാ മഘവന്ത്സൂര്യസ്യ । വയം ദേവാനാ സുമതൌ സ്യാമ ।
ഭഗ ഏവ ഭഗവാ അസ്തു ദേവാഃ । തേന വയം ഭഗവന്തഃ സ്യാമ ।
തന്ത്വാ ഭഗ സര്‍വ ഇജ്ജോഹവീമി । സനോ ഭഗ പുര ഏതാ ഭവേഹ ।
സമധ്വരയോഷസോനമന്ത । ദധിക്രാവേവ ശുചയേ പദായ ।
അര്വാചീനം വസുവിദം ഭഗന്നഃ । രഥമിവാശ്വാ വാജിന ആവഹന്തു ।
അശ്വാവതീര്ഗോമതീര്ന ഉഷാസഃ । വീരവതീഃ സദമുച്ഛന്തു ഭദ്രാഃ ।
ഘൃതം ദുഹാനാ വിശ്വതഃ പ്രപീനാഃ । യൂയം പാത സ്വസ്തിഭിഃ സദാ നഃ ।
അഗ്നിര്നഃ പാതു കൃത്തികാഃ । നക്ഷത്രം ദേവമിന്ദ്രിയം ।
ഇദമാസാം വിചക്ഷണം । ഹവിരാസം ജുഹോതന ।
യസ്യ ഭാന്തി രശ്മയോ യസ്യ കേതവഃ । യസ്യേമാ വിശ്വാ ഭുവനാനി സര്‍വാ ।
സ കൃത്തികാഭിരഭിസംവസാനഃ । അഗ്നിര്നോ ദേവസ്സുവിതേ ദധാതു ॥
പ്രജാപതേ രോഹിണീവേതു പത്നീ । വിശ്വരൂപാ ബൃഹതീ ചിത്രഭാനുഃ ।
സാ നോ യജ്ഞസ്യ സുവിതേ ദധാതു । യഥാ ജീവേമ ശരദസ്സവീരാഃ ।
രോഹിണീ ദേവ്യുദഗാത്പുരസ്താത് । വിശ്വാ രൂപണി പ്രതിമോദമാനാ ।
പ്രജാപതി ഹവിഷാ വര്ധയന്തീ । പ്രിയാ ദേവാനാമുപയാതു യജ്ഞം ॥
സോമോ രാജാ മൃഗശീര്ഷേണ ആഗന്ന്‍ । ശിവം നക്ഷത്രം പ്രിയമസ്യ ധാമ ।
ആപ്യായമാനോ ബഹുധാ ജനേഷു । രേതഃ പ്രജാം യജമാനോ ദധാതു ।
യത്തേ നക്ഷത്രം മൃഗശീര്ഷമസ്തി । പ്രിയ രാജന്‍ പ്രിയതമം പ്രിയാണാം ।
തസ്മൈ തേ സോമ ഹവിഷാ വിധേമ । ശന്ന ഏധി ദ്വിപദേ ശം ചതുഷ്പദേ ॥
ആര്ദ്രയാ രുദ്രഃ പ്രഥമാ ന ഏതി । ശ്രേഷ്ഠോ ദേവാനാം പതിരഘ്നിയാനാം ।
നക്ഷത്രമസ്യ ഹവിഷാ വിധേമ । മാ നഃ പ്രജാ രീരിഷന്മോത വീരാന് ।
ഹേതി രുദ്രസ്യ പരിണോ വൃണക്തു । ആര്ദ്രാ നക്ഷത്രം ജുഷതാ ഹവിര്നഃ ।
പ്രമുഞ്ചമാനൌ ദുരിതാനി വിശ്വാ । അപാഘശസന്നുദതാമരാതിം । ॥
പുനര്നോ ദേവ്യദിതിസ്പൃണോതു । പുനര്വസൂനഃ പുനരേതാം യജ്ഞം ।
പുനര്നോ ദേവാ അഭിയന്തു സര്‍വേ । പുനഃ പുനര്‍വോ ഹവിഷാ യജാമഃ ।
ഏവാ ന ദേവ്യദിതിരനര്വാ । വിശ്വസ്യ ഭര്ത്രീ ജഗതഃ പ്രതിഷ്ഠാ ।
പുനര്വസൂ ഹവിഷാ വര്ധയന്തീ । പ്രിയം ദേവാനാമപ്യേതു പാഥഃ ॥
ബൃഹസ്പതിഃ പ്രഥമം ജായമാനഃ । തിഷ്യം നക്ഷത്രമഭി സംബഭൂവ ।
ശ്രേഷ്ഠോ ദേവാനാം പൃതനാസുജിഷ്ണുഃ । ദിശോഽനു സര്‍വാ അഭയന്നോ അസ്തു ।
തിഷ്യഃ പുരസ്താദുത മധ്യതോ നഃ । ബൃഹസ്പതിര്നഃ പരിപാതു പശ്ചാത് ।
ബാധേതാന്ദ്വേഷോ അഭയം കൃണുതാം । സുവീര്യസ്യ പതയസ്യാമ ॥
ഇദ സര്പേഭ്യോ ഹവിരസ്തു ജുഷ്ടം । ആശ്രേഷാ യേഷാമനുയന്തി ചേതഃ ।
യേ അന്തരിക്ഷം പൃഥിവീം ക്ഷിയന്തി । തേ നസ്സര്പാസോ ഹവമാഗമിഷ്ഠാഃ ।
യേ രോചനേ സൂര്യസ്യാപി സര്പാഃ । യേ ദിവം ദേവീമനുസഞ്ചരന്തി ।
യേഷമശ്രേഷാ അനുയന്തി കാമം । തേഭ്യസ്സര്പേഭ്യോ മധുമജ്ജുഹോമി ॥
ഉപഹൂതാഃ പിതരോ യേ മഘാസു । മനോജവസസ്സുകൃതസ്സുകൃത്യാഃ ।
തേ നോ നക്ഷത്രേ ഹവമാഗമിഷ്ഠാഃ । സ്വധാബിര്യജ്ഞം പ്രയതം ജുഷന്താം ।
യേ അഗ്നിദഗ്ധാ യേഽനഗ്നിദഗ്ധാഃ । യേഽമുല്ലോകം പിതരഃ ക്ഷിയന്തി ।
യാശ്ച വിദ്മയാ ഉ ച ന പ്രവിദ്മ । മഘാസു യജ്ഞ സുകൃതം ജുഷന്താം ॥
ഗവാം പതിഃ ഫല്ഗുനീനാമസി ത്വം । തദര്യമന് വരുണമിത്ര ചാരു ।
തം ത്വാ വയ സനിതാര സനീനാം । ജീവാ ജീവന്തമുപ സംവിശേമ ।
യേനേമാ വിശ്വാ ഭുവനാനി സഞ്ജിതാ । യസ്യ ദേവാ അനുസംയന്തി ചേതഃ ।
അര്യമാ രാജാഽജരസ്തു വിഷ്മാന് । ഫല്ഗുനീനാമൃഷഭോ രോരവീതി ॥
ശ്രേഷ്ഠോ ദേവാനാം ഭഗവോ ഭഗാസി । തത്വാ വിധുഃ ഫല്ഗുനീസ്തസ്യ വിത്താത് ।
അസ്മഭ്യം ക്ഷത്രമജര സുവീര്യം । ഗോമദശ്വവദുപസന്നുദേഹ ।
ഭഗോഹ ദാതാ ഭഗ ഇത്പ്രദാതാ । ഭഗോ ദേവീഃ ഫല്ഗുനീരാവിവേശ ।
ഭഗസ്യേത്തം പ്രസവം ഗമേമ । യത്ര ദേവൈസ്സധമാദം മദേമ । ॥
ആയാതു ദേവസ്സവിതോപയാതു । ഹിരണ്യയേന സുവൃതാ രഥേന ।
വഹന് ഹസ്ത സുഭ വിദ്മനാപസം । പ്രയച്ഛന്തം പപുരിം പുണ്യമച്ഛ ।
ഹസ്തഃ പ്രയച്ഛ ത്വമൃതം വസീയഃ । ദക്ഷിണേന പ്രതിഗൃഭ്ണീമ ഏനത് ।
ദാതാരമദ്യ സവിതാ വിദേയ । യോ നോ ഹസ്തായ പ്രസുവാതി യജ്ഞം ॥
ത്വഷ്ടാ നക്ഷത്രമഭ്യേതി ചിത്രാം । സുഭ സസംയുവതി രാചമാനാം ।
നിവേശയന്നമൃതാന്മര്ത്യാശ്ച । രൂപാണി പിശന് ഭുവനാനി വിശ്വാ ।
തന്നസ്ത്വഷ്ടാ തദു ചിത്രാ വിചഷ്ടാം । തന്നക്ഷത്രം ഭൂരിദാ അസ്തു മഹ്യം ।
തന്നഃ പ്രജാം വീരവതീ സനോതു । ഗോഭിര്നോ അശ്വൈസ്സമനക്തു യജ്ഞം ॥
വായുര്നക്ഷത്രമഭ്യേതി നിഷ്ട്യാം । തിഗ്മശൃംഗോ വൃഷഭോ രോരുവാണഃ ।
സമീരയന് ഭുവനാ മാതരിശ്വാ । അപ ദ്വേഷാസി നുദതാമരാതീഃ ।
തന്നോ വായസ്തദു നിഷ്ട്യാ ശൃണോതു । തന്നക്ഷത്രം ഭൂരിദാ അസ്തു മഹ്യം ।
തന്നോ ദേവാസോ അനുജാനന്തു കാമം । യഥാ തരേമ ദുരിതാനി വിശ്വാ ॥
ദൂരമസ്മച്ഛത്രവോ യന്തു ഭീതാഹ് । തദിന്ദ്രാഗ്നീ കൃണുതാം തദ്വിശാഖേ ।
തന്നോ ദേവാ അനുമദന്തു യജ്ഞം । പശ്ചാത് പുരസ്താദഭയന്നോ അസ്തു ।
നക്ഷത്രാണാമധിപത്നീ വിശാഖേ । ശ്രേഷ്ഠാവിന്ദ്രാഗ്നീ ഭുവനസ്യ ഗോപൌ ।
വിഷൂചശ്ശത്രൂനപബാധമാനൌ । അപക്ഷുധന്നുദതാമരാതിം । ॥
പൂര്ണാ പശ്ചാദുത പൂര്ണാ പുരസ്താത് । ഉന്മധ്യതഃ പൌര്ണമാസീ ജിഗായ ।
തസ്യാം ദേവാ അധിസംവസന്തഃ । ഉത്തമേ നാക ഇഹ മാദയന്താം ।
പൃഥ്വീ സുവര്ചാ യുവതിഃ സജോഷാഃ।പൌര്ണമാസ്യുദഗാച്ഛോഭമാനാ ।
ആപ്യായയന്തീ ദുരിതാനി വിശ്വാ । ഉരും ദുഹാം യജമാനായ യജ്ഞം ।
ഋദ്ധ്യാസ്മ ഹവ്യൈര്നമസോപസദ്യ । മിത്രം ദേവം മിത്രധേയം നോ അസ്തു ।
അനൂരാധാന് ഹവിഷാ വര്ധയന്തഃ । ശതം ജീവേമ ശരദഃ സവീരാഃ ।
ചിത്രം നക്ഷത്രമുദഗാത്പുരസ്താത് । അനൂരാധാ സ ഇതി യദ്വദന്തി ।
തന്മിത്ര ഏതി പഥിഭിര്ദേവയാനൈഃ । ഹിരണ്യയൈര്വിതതൈരന്തരിക്ഷേ ॥
ഇന്ദ്രോ ജ്യേഷ്ഠാമനു നക്ഷത്രമേതി । യസ്മിന്‍ വൃത്രം വൃത്ര തൂര്യോ തതാര ।
തസ്മിന്വയമമൃതം ദുഹാനാഃ । ക്ഷുധന്തരേമ ദുരിതിം ദുരിഷ്ടിം ।
പുരന്ദരായ വൃഷഭായ ധൃഷ്ണവേ । അഷാഢായ സഹമാനായ മീഢുഷേ ।
ഇന്ദ്രായ ജ്യേഷ്ഠാ മധുമദ്ദുഹാനാ।ഉരും കൃണോതു യജമാനസ്യ ലോകം । ॥
മൂലം പ്രജാം വീരവതീം വിദേയ । പരാച്യേതു നിരൃതിഃ പരാചാ ।
ഗോഭിര്നക്ഷത്രം പശുഭിസ്സമക്തം । അഹര്ഭൂയാദ്യജമാനായ മഹ്യം ।
അഹര്നോ അദ്യ സുവിതേ ദദാതു । മൂലം നക്ഷത്രമിതി യദ്വദന്തി ।
പരാചീം വാചാ നിരൃതിം നുദാമി । ശിവം പ്രജയൈ ശിവമസ്തു മഹ്യം ॥
യാ ദിവ്യാ ആപഃ പയസാ സംബഭൂവുഃ । യാ അന്തരിക്ഷ ഉത പാര്ഥിവീര്യാഃ ।
യാസാമഷാഢാ അനുയന്തി കാമം । താ ന ആപഃ ശ സ്യോനാ ഭവന്തു ।
യാശ്ച കൂപ്യാ യാശ്ച നാദ്യാസ്സമുദ്രിയാഃ । യാശ്ച വൈശന്തീരുത പ്രാസചീര്യാഃ ।
യാസാമഷാഢാ മധു ഭക്ഷയന്തി । താ ന ആപഃ ശ സ്യോനാ ഭവന്തു ॥
തന്നോ വിശ്വേ ഉപ ശൃണ്വന്തു ദേവാഃ । തദഷാഢാ അഭിസംയന്തു യജ്ഞം ।
തന്നക്ഷത്രം പ്രഥതാം പശുഭ്യഃ । കൃഷിര്വൃഷ്ടിര്യജമാനായ കല്‍പതാം ।
ശുഭ്രാഃ കന്യാ യുവതയസ്സുപേശസഃ । കര്മകൃതസ്സുകൃതോ വീര്യാവതീഃ ।
വിശ്വാന് ദേവാന് ഹവിഷാ വര്ധയന്തീഃ । അഷാഢാഃ കാമമുപായന്തു യജ്ഞം ॥
യസ്മിന്‍ ബ്രഹ്മാഭ്യജയത്സര്വമേതത് । അമുഞ്ച ലോകമിദമൂച സര്‍വം ।
തന്നോ നക്ഷത്രമഭിജിദ്വിജിത്യ । ശ്രിയം ദധാത്വഹൃണീയമാനം ।
ഉഭൌ ലോകൌ ബ്രഹ്മണാ സഞ്ജിതേമൌ । തന്നോ നക്ഷത്രമഭിജിദ്വിചഷ്ടാം ।
തസ്മിന്വയം പൃതനാസ്സഞ്ജയേമ । തന്നോ ദേവാസോ അനുജാനന്തു കാമം ॥
ശൃണ്വന്തി ശ്രോണാമമൃതസ്യ ഗോപാം । പുണ്യാമസ്യാ ഉപശൃണോമി വാചം ।
മഹീം ദേവീം വിഷ്ണുപത്നീമജൂര്യാം । പ്രതീചീ മേനാ ഹവിഷാ യജാമഃ ।
ത്രേധാ വിഷ്ണുരുരുഗായോ വിചക്രമേ । മഹീം ദിവം പൃഥിവീമന്തരിക്ഷം ।
തച്ഛ്രോണൈതിശ്രവ ഇച്ഛമാനാ । പുണ്യ ശ്ലോകം യജമാനായ കൃണ്വതീ ॥
അഷ്ടൌ ദേവാ വസവസ്സോംയാസഃ । ചതസ്രോ ദേവീരജരാഃ ശ്രവിഷ്ഠാഃ ।
തേ യജ്ഞം പാന്തു രജസഃ പുരസ്താത് । സംവത്സരീണമമൃത സ്വസ്തി ।
യജ്ഞം നഃ പാന്തു വസവഃ പുരസ്താത് । ദക്ഷിണതോഽഭിയന്തു ശ്രവിഷ്ഠാഃ ।
പുണ്യന്നക്ഷത്രമഭി സംവിശാമ । മാ നോ അരാതിരഘശസാഽഗന്ന് ॥
ക്ഷത്രസ്യ രാജാ വരുണോഽധിരാജഃ । നക്ഷത്രാണാ ശതഭിഷഗ്വസിഷ്ഠഃ ।
തൌ ദേവേഭ്യഃ കൃണുതി ദീര്ഘമായുഃ । ശത സഹസ്രാ ഭേഷജാനി ധത്തഃ ।
യജ്ഞന്നോ രാജാ വരുണ ഉപയാതു । തന്നോ വിശ്വേ അഭി സംയന്തു ദേവാഃ ।
തന്നോ നക്ഷത്ര ശതഭിഷഗ്ജുഷാണം । ദീര്ഘമായുഃ പ്രതിരദ്ഭേഷജാനി ॥
അജ ഏകപാദുദഗാത്പുരസ്താത് । വിശ്വാ ഭൂതാനി പ്രതി മോദമാനഃ ।
തസ്യ ദേവാഃ പ്രസവം യന്തി സര്‍വേ । പ്രോഷ്ഠപദാസോ അമൃതസ്യ ഗോപാഃ ।
വിഭ്രാജമാനസ്സമിധാ ന ഉഗ്രഃ । ആഽന്തരിക്ഷമരുഹദഗന്ദ്യാം ।
ത സൂര്യം ദേവമജമേകപാദം । പ്രോഷ്ഠപദാസോ അനുയന്തി സര്‍വേ ॥
അഹിര്ബുധ്നിയഃ പ്രഥമാ ന ഏതി । ശ്രേഷ്ഠോ ദേവാനാമുത മാനുഷാണാം ।
തം ബ്രാഹ്മണാസ്സോമപാസ്സോംയാസഃ । പ്രോഷ്ഠപദാസോ അഭിരക്ഷന്തി സര്‍വേ ।
ചത്വാര ഏകമഭി കര്‍മ ദേവാഃ । പ്രോഷ്ഠപദാ സ ഇതി യാന്‍ വദന്തി ।
തേ ബുധ്നിയം പരിഷദ്യ സ്തുവന്തഃ । അഹി രക്ഷന്തി നമസോപസദ്യ ॥
പൂഷാ രേവത്യന്വേതി പന്ഥാം । പുഷ്ടിപതീ പശുപാ വാജബസ്ത്യൌ ।
ഇമാനി ഹവ്യാ പ്രയതാ ജുഷാണാ । സുഗൈര്നോ യാനൈരുപയാതാം യജ്ഞം ।
ക്ഷുദ്രാന് പശൂന് രക്ഷതു രേവതീ നഃ । ഗാവോ നോ അശ്വാ അന്വേതു പൂഷാ ।
അന്ന രക്ഷന്തൌ ബഹുദാ വിരൂപം । വാജ സനുതാം യജമാനായ യജ്ഞം ॥
തദശ്വിനാവശ്വയുജോപയാതാം । ശുഭങ്ഗമിഷ്ഠൌ സുയമേഭിരശ്വൈഃ ।
സ്വം നക്ഷത്ര ഹവിഷാ യജന്തൌ । മധ്വാസമ്പൃക്തൌ യജുഷാ സമക്തൌ ।
യൌ ദേവാനാം ഭിഷജൌ ഹവ്യവാഹൌ । വിശ്വസ്യ ദൂതവമൃതസ്യ ഗോപൌ ।
തൌ നക്ഷത്രം ജുജുഷാണോപയാതാം । നമോഽശ്വിഭ്യാം കൃണുമോഽശ്വയുഗ്ഭ്യാം ॥
അപ പാപ്മാനം ഭരണീര്ഭരന്തു । തദ്യമോ രാജാ ഭഗവാന് വിചഷ്ടാം ।
ലോകസ്യ രാജാ മഹതോ മഹാന് ഹി । സുഗം നഃ പന്ഥാമഭയം കൃണോതു ।
യസ്മിന്നക്ഷത്രേ യമ ഏതി രാജാ । യസ്മിന്നേനമഭ്യഷിംചന്ത ദേവാഃ ।
തദസ്യ ചിത്ര ഹവിഷാ യജാമ । അപ പാപ്മാനം ഭരണീര്ഭരന്തു ॥
നിവേശനീ സങ്ഗമനീ വസൂനാം വിശ്വാ രൂപാണി വസൂന്യാവേശയന്തീ ।
സഹസ്രപോഷ സുഭഗാ രരാണാ സാ ന ആഗന്വര്ചസാ സംവിദാനാ ॥
യത്തേ ദേവാ അദധുര്ഭാഗധേയമമാവാസ്യേ സംവസന്തോ മഹിത്വാ ।
സാ നോ യജ്ഞം പിപൃഹി വിശ്വവാരേ രയിന്നോ ധേഹി സുഭഗേ സുവീരം ॥
നവോ നവോ ഭവതി ജായമാനോഽഹ്നാം കേതുരുഷസാമേത്യഗ്രേ ।
ഭാഗം ദേവേഭ്യോ വിദധാത്യായന് പ്രചന്ദ്രമാസ്തിരിതി ദീര്ഘമായുഃ ॥
യമാദിത്യാ അശുമാപ്യായയന്തി യമക്ഷിതമക്ഷിതയഃ പിബന്തി ।
തേന നോ രാജാ വരുണോ ബൃഹസ്പതിരാപ്യായയന്തു ഭുവനസ്യ ഗോപാഃ ॥
യേ വിരൂപേ സമനസാ സംവ്യയന്തീ । സമാനം തന്തും പരിതാതനാതേ ।
വിഭൂ പ്രഭൂ അനുഭൂ വിശ്വതോ ഹുവേ । തേ നോ നക്ഷത്രേ ഹവമഗമേതം ।
വയം ദേവീ ബ്രഹ്മണാ സംവിദാനാഃ । സുരത്നാസോ ദേവവീതിം ദധാനാഃ ।
അഹോരാത്രേ ഹവിഷാ വര്ധയന്തഃ । അതി പാപ്മാനമതിമുക്ത്യാഗമേമ ।
പ്രത്യുവദൃശ്യായതീ । വ്യുച്ഛന്തീ ദുഹിതാ ദിവഃ ।
അപോ മഹീ വൃണുതേ ചക്ഷുഷാ । തമോ ജ്യോതിഷ്കൃണോതി സൂനരീ ।
ഉദുസ്ത്രിയാസ്സചതേ സൂര്യഃ । സ ചാ ഉദ്യന്നക്ഷത്രമര്ചിമത് ।
തവേദുഷോ വ്യുഷി സൂര്യസ്യ ച । സംഭക്തേന ഗമേമഹി ।
തന്നോ നക്ഷത്രമര്ചിമത് । ഭാനുമത്തേജ ഉച്ചരത് ।
ഉപയജ്ഞമിഹാഗമത് ।
പ്രനക്ഷത്രായദേവായ । ഇന്ദ്രായേന്ദു ഹവാമഹേ ।
സ നഃ സവിതാ സുവത്സനിം । പുഷ്ടിദാം വീരവത്തമം ।
ഉദുത്യം ജാതവേദസം ദേവം വഹന്തി കേതവഃ । ദൃശേ വിശ്വായ സൂര്യം ।
ചിത്രം ദേവാനാമുദഗാദനീകം ചക്ഷുര്മിത്രസ്യ വരുണസ്യാഗ്നേഃ ।
ആഽപ്രാദ്യാവാ പൃഥിവീ അന്തരിക്ഷ സൂര്യ ആത്മാ ജഗതസ്തസ്ഥുഷശ്ച ।
ആദിതിര്ന ഉരുഷ്യത്വദിതിഃ ശര്‍മ യച്ഛതു । അദിതിഃ പാത്വഹസഃ ।
മഹീമൂഷു മാതരസുവ്രതാനാമൃതസ്യ പത്നീമവസേ ഹുവേമ ।
തുവിക്ഷത്രാമജരന്തീമുരൂചീ സുശര്മാണമദിതി സുപ്രണീതം ।
ഇദം വിഷ്ണുര്വിചക്രമേ ത്രേധാ നിദധേ പദം । സമൂഢമസ്യ പാസുരേ ।
പ്രതദ്വിഷ്ണുസ്സ്തവതേ വീര്യായ । മൃഗോ ന ഭീമഃ കുചരോ ഗിരിഷ്ഠാഃ ।
യസ്യോരുഷു ത്രിഷു വിക്രമണേഷു । അധിക്ഷിയന്തി ഭുവനാനി വിശ്വാ ।
അഗ്നിര്മൂര്ധാ ദിവഃ കകുത്പതിഃ പൃഥിവ്യാ അയം । അപാ രേതാസി ജിന്വതി ।
ഭുവോ യജ്ഞസ്യ രജസശ്ച നേതാ യത്രാനിയുദ്ഭിഃ സചസേ ശിവാഭിഃ ।
ദിവി മൂര്ധാനം ദധിഷേ സുവഷാം ജിഹ്വാമഗ്നേ ചകൃഷേ ഹവ്യവാഹം ।
അനുനോഽദ്യാനുമതിര്യജ്ഞം ദേവേഷു മന്യതാം ।
അഗ്നിശ്ച ഹവ്യവാഹനോ ഭവതാം ദാശുഷേ മയഃ ।
അന്വിദനുമതേ ത്വം മന്യാസൈ ശംച കൃധി ।
ക്രത്വേ ദക്ഷായ നോഹി നു പ്രണ ആയൂഷി താരിഷഃ ।
ഹവ്യവാഹമഭിമാതിഷാഹം । രക്ഷോഹണം പൃതനാസു ജിഷ്ണും ।
ജ്യോതിഷ്മന്തം ദീദ്യതം പുരന്ധിം । അഗ്നി സ്വിഷ്ടകൃത മാഹുവേമ ।
സ്വിഷ്ടമഗ്നേ അഭിതത്പൃണാഹി । വിശ്വാ ദേവ പൃതനാ അഭിഷ്യ ।
ഉരുന്നഃ പന്ഥാം പ്രദിശന്വിഭാഹി । ജ്യോതിഷ്മദ്ധേഹ്യജരന്ന ആയുഃ ॥
അഗ്നയേ സ്വാഹാ കൃത്തികാഭ്യഃ സ്വാഹാ ।
അംബായൈ സ്വാഹാ ദുലായൈ സ്വാഹാ ।
നിതന്ത്യൈ സ്വാഹാഽഭ്രയന്തൈ സ്വാഹാ ।
മേഘയന്ത്യൈ സ്വാഹാ വര്ഷയന്ത്യൈ സ്വാഹാ ।
ചുപുണികായൈ സ്വാഹാ ।
പ്രജാപതയേ സ്വാഹാ രോഹിണ്യൈ സ്വാഹാ ।
രോചമാനായൈ സ്വാഹാ പ്രജാഭ്യഃ സ്വാഹാ ।
സോമായ സ്വാഹാ മൃഗശീര്ഷായ സ്വാഹാ ।
ഇന്വകാഭ്യഃ സ്വാഹൌഷധീഭ്യഃ സ്വാഹാ ।
രാജ്യായ സ്വാഹാഽഭിജിത്യൈ സ്വാഹാ ।
രുദ്രായ സ്വാഹാഽഽര്ദ്രായൈ സ്വഹാ ।
പിന്വമാനായൈ സ്വാഹാ പശുഭ്യഃ സ്വാഹാ ।
അദിത്യൈ സ്വാഹാ പുനര്വസുഭ്യാം ।
സ്വാഹാ ഭൂത്യൈ സ്വാഹാ പ്രജാത്യൈ സ്വാഹാ ।
ബൃഹസ്പതയേ സ്വാഹാ തിഷ്യായ സ്വാഹാ ।
ബ്രഹ്മവര്ചസായ സ്വാഹാ ।
സര്പേഭ്യഃ സ്വാഹാഽഽശ്രേഷാഭ്യഃ സ്വാഹാ ।
ദന്തശൂകേഭ്യഃ സ്വാഹാ ।
പിതൃഭ്യഃ സ്വാഹാ മഘാഭ്യഃ ।
സ്വാഹാഽനഘാഭ്യഃ സ്വാഹാഽഗദാഭ്യഃ ।
സ്വാഹാഽരുന്ധതീഭ്യഃ സ്വാഹാ ।
അര്യംണേ സ്വാഹാ ഫല്ഗുനീഭ്യാ സ്വാഹാ ।
പശുഭ്യഃ സ്വാഹാ ।
ഭഗായ സ്വാഹാ ഫല്ഗുനീഭ്യാ സ്വാഹാ ।
ശ്രേഷ്ടായായ സ്വാഹാ ।
സവിത്രേസ്വാഹാ ഹസ്തായ ।
സ്വാഹാദദതേ സ്വാഹാ പൃണതേ ।
സ്വാഹാ പ്രയച്ഛതേ സ്വാഹാ പ്രതിഗൃഭ്ണതേ സ്വാഹാ ।
ത്വഷ്ട്രേ സ്വാഹാ ചിത്രായൈ സ്വാഹാ ।
ചൈത്രായ സ്വാഹാ പ്രജായൈ സ്വാഹാ ।
വായവേ സ്വാഹാ നിഷ്ട്യായൈ സ്വാഹാ ।
കാമചാരായ സ്വാഹാഽഭിജിത്യൈ സ്വാഹാ ।
ഇന്ദ്രാഗ്നിഭ്യാ സ്വാഹാ വിശാഖാഭ്യാ സ്വാഹാ ।
സ്രേഷ്ടയായ സ്വാഹാഽഭിജിത്യൈ സ്വാഹാ ।
പൌര്ണമാസ്യൈ സ്വാഹാ കാമായ സ്വാഹാ ഗത്യൈ സ്വാഹാ ।
മിത്രായ സ്വാഹാഽനൂരാധേഭ്യഃ സ്വാഹാ ।
മിത്രധേയായ സ്വാഹാഽഭിജിത്യൈ സ്വാഹാ ।
ഇന്ദ്രായസ്വാഹാ ജ്യേഷ്ഠായൈ സ്വാഹാ ।
ജ്യേഷ്ഠയായ സ്വാഹാഽഭിജിത്യൈ സ്വാഹാ ।
പ്രജാപതയേ സ്വാഹാ മൂലായ സ്വാഹാ ।
പ്രജായൈ സ്വാഹാ ।
അദ്ഭ്യഃ സ്വാഹാഽഷാഢാഭ്യഃ സ്വാഹാ ।
സമുദ്രായ സ്വാഹാ കാമായ സ്വാഹാ ।
അഭിജിത്യൈ സ്വാഹാ ।
വിശ്വേഭ്യോ ദേവേഭ്യഃ സ്വാഹാഽഷാഢാഭ്യഃ സ്വാഹാ ।
അനപജയ്യായ സ്വാഹാ ജിത്യൈ സ്വാഹാ ।
ബ്രഹ്മണേ സ്വാഹാഽഭിജിതേ സ്വാഹാ ।
ബ്രഹ്മലോകായ സ്വാഹാഽഭിജിത്യൈ സ്വാഹാ ।
വിഷ്ണവേ സ്വാഹാ ശ്രോണായൈ സ്വാഹാ ।
ശ്ലോകായ സ്വാഹാ ശ്രുതായസ്സ്വാഹാ ।
വസുഭ്യഃ സ്വാഹാ ശ്രവിഷ്ഠാഭ്യഃ സ്വാഹാ ।
അഗ്രായ സ്വാഹാ പരീത്യൈ സ്വാഹാ ।
വരുണായ സ്വാഹാ ശതഭിഷജേ സ്വാഹാ ।
ഭേഷജേഭ്യഃ സ്വാഹാ ।
അജായൈകപദേ സ്വാഹാ പ്രോഷ്ഠപദേഭ്യഃ സ്വാഹാ ।
തേജസേ സ്വാഹാ ബ്രഹ്മവര്ചസായ സ്വാഹാ ।
അഹയേ ബുധ്നിയായ സ്വാഹാ പ്രോഷ്ഠപദേഭ്യഃ സ്വാഹാ ।
പൂഷ്ണേ സ്വാഹാ രേവത്യൈ സ്വാഹാ ।
പശുഭ്യഃ സ്വാഹാ ।
അശ്വിഭ്യാ സ്വാഹാഽശ്വയുഗ്ഭ്യാ സ്വാഹാ ।
ശ്രോത്രായ സ്വാഹാ ശ്രുത്യൈ സ്വാഹാ ।
യമായ സ്വാഹാഽപഭരണീഭ്യഃ സ്വാഹാ ।
രാജ്യായ സ്വാഹാഽഭിജിത്യൈ സ്വാഹാ ।
അമാവാസ്യായൈ സ്വാഹാ കാമായ സ്വാഹാ ഗത്യൈ സ്വാഹാ ।
ചന്ദ്രമസേ സ്വാഹാ പ്രതീദൃശ്യായൈ സ്വാഹാ ।
അഹോരാത്രേഭ്യഃ സ്വാഹാഽര്ധമാസേഭ്യഃ സ്വാഹാ ।
മാസേഭ്യഃ സ്വാഹര്തുഭ്യഃ സ്വാഹാ ।
സംവത്സരായ സ്വാഹാ ।
അഹ്നേ സ്വാഹാ രാത്രിയൈ സ്വാഹാ ।
അതിമുക്ത്യൈ സ്വാഹാ ।
ഉഷസേ സ്വാഹാ വ്യുഷ്ടയൈ സ്വാഹാ ।
വ്യൂഷുഷ്യൈ സ്വാഹാ വ്യുച്ഛന്ത്യൈ സ്വാഹാ ।
വ്യുഷ്ടായൈ സ്വാഹാ ।
നക്ഷത്രായ സ്വാഹോദേഷ്യതേ സ്വാഹാ ।
ഉദ്യതേ സ്വാഹോദിതായ സ്വാഹാ ।
ഹരസേ സ്വാഹാ ഭരസേ സ്വാഹാ ।
ഭ്രാജസേ സ്വാഹാ തേജസേ സ്വാഹാ ।
തപസേ സ്വാഹാ ബ്രഹ്മവര്ചസായ സ്വാഹാ ।
സൂര്യായ സ്വാഹാ നക്ഷത്രേഭ്യഃ സ്വാഹാ ।
പ്രതിഷ്ഠായൈ സ്വാഹാ ।
ആദിത്യൈ സ്വാഹാ പ്രതിഷ്ഠയൈ സ്വാഹാ ।
വിഷ്ണവേ സ്വാഹാ യജ്ഞായ സ്വാഹാ ।
പ്രതിഷ്ഠായൈ സ്വാഹാ ॥
ദധിക്രാവിണ്ണോ അകാരിഷം ജിഷ്ണോരശ്വസ്യ വാജിനഃ ।
സുരഭി നോ മുഖാകരത് പ്രണ ആയൂഷി താരിഷത് ॥
ആപോഹിഷ്ഠാ മയോ ഭുവസ്താന ഊര്ജേ ദധാതന । മഹേരണായ ചക്ഷസേ ॥
യോവഃ ശിവതമോ രസസ്തസ്യ ഭാജയതേഹനഃ । ഉശതീരിവ മാതരഃ ॥
തസ്മാ അരം ഗമാമ വോ യസ്യ ക്ഷയായ ജിന്വഥ । ആപോ ജനയഥാ ച നഃ ॥
ഉദുത്തമം വരുണപാശമസ്മദവാധമം വിമധ്യമ ശ്രഥായ ।
അഥാ വയമാദിത്യവ്രതേ തവാനാഗസോ അദിതയേ സ്യാമ ।
അസ്തഭ്നാദ് ദ്യാമൃഷഭോ അന്തരിക്ഷമമിമീത വരിമാണം പൃഥിവ്യാ
ആസീദദ്വിശ്വാ ഭുവനാനി സംരാഡ്വിശ്വേത്തനി വരുണസ്യ വ്രതാനി ।
യത്കിഞ്ചേദം വരുണദൈവ്യൈ ജനേഽഭിദ്രോഹം മനുഷ്യാശ്ചരാമസി ।
അചിത്തീയത്തവ ധര്‍മാ യുയോപിമ മാ നസ്തസ്മാദേനസോ ദേവ രീരിഷഃ ॥
കിതവാസോ യദ്രിരിപുര്ന ദീവി യദ്വാഘാ സത്യമുതയന്ന വിദ്മ ।
സര്‍വാ താ വിഷ്യ ശിഥിരേവ ദേവഥാ തേ സ്യാമ വരുണപ്രിയാസഃ ॥
അവ തേ ഹേഡോ വരുണ നമോഭിരവയജ്ഞേഭിരീമഹേ ഹവിര്ഭിഃ ।
ക്ഷയന്നസ്മഭ്യമസുരപ്രചേതോ രാജന്നേനാസിശിശ്രഥഃ കൃതാനി ॥
തത്വായാമി ബ്രഹ്മണാ വന്ദമാനസ്തദാശാസ്തേ യജമാനോ ഹവിര്ഭിഃ ।
അഹേഡമാനോ വരുണേഹ ബോധ്യുരുശസ മാ ന ആയുഃ പ്രമോഷീഃ ॥
ഹിരണ്യവര്ണാഃ ശുചയഃ പാവകാ യാസു ജാതഃ കശ്യപോ യാസ്വിന്ദ്രഃ ।
അഗ്നിം യാ ഗര്ഭം ദധിരേ വിരൂപാസ്താന ആപശ്ശ സ്യോനാ ഭവന്തു ॥
യാസാ രാജാ വരുണോ യാതി മധ്യേ സത്യാനൃതേ അവപശ്യം ജനാനാം ।
മധുശ്ചുതശ്ശുചയോ യാഃ പാവകാസ്താ ന ആപശ്ശ സ്യോനാ ഭവന്തു ॥
യാസാം ദേവാ ദിവി കൃണ്വന്തി ഭക്ഷം യാ അന്തരിക്ഷേ ബഹുധാ ഭവന്തി ।
യാഃ പൃഥിവീം പയസോന്ദന്തി ശുക്രാസ്താ ന ആപശ്ശ സ്യോനാ ഭവന്തു ॥
ശിവേന മാ ചക്ഷുഷാ പശ്യതാപശ്ശിവയാ തനുവോപ സ്പൃശത ത്വചം മേ ।
സര്‍വാ അഗ്നീ രപ്സുഷദോ ഹുവോ വോ മയി വര്‍ചോ ബലമോജോ നിധത്ത ॥
പവമാനസ്സുവര്ജനഃ । പവിത്രേണ വിചര്ഷണിഃ ।
യഃ പോതാ സ പുനാതു മാ । പുനന്തു മാ ദേവജനാഃ ।
പുനന്തു മനവോ ധിയാ । പുനന്തു വിശ്വ ആയവഃ ।
ജാതവേദഃ പവിത്രവത് । പവിത്രേണ പുനാഹി മാ ।
ശുക്രേണ ദേവദീദ്യത് । അഗ്നേ ക്രത്വാ ക്രതൂ രനു ।
യത്തേ പവിത്രമര്ചിഷി । അഗ്നേ വിതതമന്തരാ ।
ബ്രഹ്മ തേന പുനീമഹേ । ഉഭാഭ്യാം ദേവസവിതഃ ।
പവിത്രേണ സവേന ച । ഇദം ബ്രഹ്മ പുനീമഹേ ।
വൈശ്വദേവീ പുനതീ ദേവ്യാഗാത് । യസ്യൈ ബഹ്വീസ്തനുവോ വീതപൃഷ്താഃ ।
തയാ മദന്തഃ സധമാദ്യേഷു । വയ സ്യാമ പതയോ രയീണാം ।
വൈശ്വാനരോ രശ്മിഭിര്മാ പുനാതു । വാതഃ പ്രാണേനേഷിരോ മയോ ഭൂഃ ।
ധ്യാവാപൃഥിവീ പയസാ പയോഭിഃ । ഋതാവരീ യജ്ഞിയേ മാ പുനീതാം ।
ബൃഹദ്ഭിഃ സവിതസ്തൃഭിഃ । വര്ഷിഷ്ഠൈര്ദേവമന്മഭിഃ ।
അഗ്നേ ദക്ഷൈഃ പുനാഹി മാ । യേന ദേവാ അപുനത ।
യേനാപോ ദിവ്യംകശഃ । തേന ദിവ്യേന ബ്രഹ്മണാ ।
ഇദം ബ്രഹ്മ പുനീമഹേ । യഃ പാവമാനീരധ്യേതി ।
ഋഷിഭിസ്സംഭൃത രസം । സര്‍വ സ പൂതമശ്നാതി ।
സ്വദിതം മാതരിശ്വനാ । പാവമാനീര്യോ അധ്യേതി ।
ഋഷിഭിസ്സംഭൃത രസം । തസ്മൈ സരസ്വതീ ദുഹേ ।
ക്ഷീര സര്പിര്മധൂദകം । പാവമാനീസ്സ്വസ്തയനീഃ ।
സുദുഘാഹി പയസ്വതീഃ । ഋഷിഭിസ്സംഭൃതോ രസഃ ।
ബ്രാഹ്മണേഷ്വമൃത ഹിതം । പാവമാനീര്ദിശന്തു നഃ ।
ഇമം ലോകമഥോ അമും । കാമാന്ഥ്സമര്ധയന്തു നഃ ।
ദേവീര്ദേവൈഃ സമാഭൃതാഃ । പാവമാനീസ്സ്വസ്ത്യയനീഃ ।
സുദുഘാഹി ഘൃതശ്ചുതഃ । ഋഷിഭിസ്സംഭൃതോ രസഃ ।
ബ്രാഹ്മണേഷ്വമൃത ഹിതം । യേന ദേവാഃ പവിത്രേണ ।
ആത്മാനം പുനതേ സദാ । തേന സഹസ്രധാരേണ ।
പാവമാന്യഃ പുനന്തു മാ । പ്രാജാപത്യം പവിത്രം ।
ശതോധ്യാമ ഹിരണ്മയം । തേന ബ്രഹ്മ വിദോ വയം ।
പൂതം ബ്രഹ്മ പുനീമഹേ । ഇന്ദ്രസ്സുനീതീ സഹമാ പുനാതു ।
സോമസ്സ്വസ്ത്യാ വരുണസ്സമീച്യാ । യമോ രജാ പ്രമൃണാഭിഃ പുനാതു മാ ।
ജാതവേദാ മോര്ജയന്ത്യാ പുനാതു । ഭൂര്ഭുവസ്സുവഃ ।
തച്ഛം യോരാവൃണീമഹേ । ഗാതും യജ്ഞായ ।
ഗാതും യജ്ഞപതയേ । ദൈവീസ്സ്വസ്തിരസ്തു നഃ ।
സ്വസ്തിര്മാനുഷേഭ്യഃ । ഊര്ധ്വം ജിഗാതു ഭേഷജം ।
ശന്നോ അസ്തു ദ്വിപദേ । ശം ചതുഷ്പദേ ।
ഓം ശാന്തിശ്ശാന്തിശ്ശാന്തിഃ ।
നമോ ബ്രഹ്മണേ നമോ അസ്ത്വഗ്നയേ നമഃ പൃഥിവ്യൈ നമ ഓഷധീഭ്യഃ ।
നമോ വാചേ നമോ വാചസ്പതയേ വിഷ്ണവേ ബൃഹതേ കരോമി ॥
ഓം ശാന്തിശ്ശാന്തിശ്ശാന്തിഃ ।
॥ പ്രോക്ഷണ മന്ത്രാഃ ॥
ആപോഹിഷ്ഠാ മയോ ഭുവസ്താന ഊര്ജേ ദധാതന । മഹേരണായ ചക്ഷസേ ॥
യോവഃ ശിവതമോ രസസ്തസ്യ ഭാജയതേഹനഃ । ഉശതീരിവ മാതരഃ ॥
തസ്മാ അരം ഗമാമ വോ യസ്യ ക്ഷയായ ജിന്വഥ । ആപോ ജനയഥാ ച നഃ ॥
ദേവസ്യ ത്വാ സവിതുഃ പ്രസവേ । അശ്വിനോര്ബാഹുഭ്യാം । പൂഷ്ണോ ഹസ്താഭ്യാം ।
അശ്വിനോര്ഭൈഷജ്യേന । തേജസേ ബ്രഹ്മവര്ചസായാഭിഷിഞ്ചാമി ॥
ദേവസ്യ ത്വാ സവിതുഃ പ്രസവേ । അശ്വിനോര്ബാഹുഭ്യാം । പൂഷ്ണോ ഹസ്താഭ്യാം ।
സരസ്വത്യൈ ഭൈഷജ്യേന । വീര്യായാന്നാദ്യായാഭിഷിഞ്ചാമി ॥
ദേവസ്യ ത്വാ സവിതുഃ പ്രസവേ । അശ്വിനോര്ബാഹുഭ്യാം । പൂഷ്ണോ ഹസ്താഭ്യാം ।
ഇന്ദ്രസ്യേന്ദ്രിയേണ । ശ്രിയേ യശസേ ബലായാഭിഷിഞ്ചാമി ॥
ദേവസ്യ ത്വാ സവിതുഃ പ്രസവേഽശ്വിനോര്ബാഹുഭ്യാം പൂഷ്ണോ ഹസ്താഭ്യാ
സരസ്വത്യൈ വാചോ യന്തുര്യന്ത്രേണാഗ്നേസ്ത്വാ സാംരാജ്യേനാഭിഷിഞ്ചാമി ॥
ദേവസ്യ ത്വാ സവിതുഃ പ്രസവേഽശ്വിനോര്ബാഹുഭ്യാം പൂഷ്ണോ ഹസ്താഭ്യാ
സരസ്വത്യൈ വാചോ യന്തുര്യന്ത്രേണ ബൃഹസ്പതേസ്ത്വാ സാംരാജ്യേനാഭിഷിഞ്ചാമി ॥
ദ്രുപദാദിവ മുഞ്ചതു । ദ്രുപദാദിവേന്മുമുചാനഃ ।
സ്വിന്നഃ സ്നാത്വീ മലാദിവ । പൂതം പവിത്രേണേവാജ്യം ।
ആപശ്ശുന്ധന്തു മൈനസഃ ।
ആപോ വാ ഇദ സര്‍വം വിശ്വാ ഭൂതാന്യാപഃ പ്രാണാ വാ ആപഃ
പശവ ആപോഽന്നമാപോഽമൃതമാപഃ സംരാഡാപോ വിരാഡാപഃ
സ്വരാഡാപശ്ഛന്ദാസ്യാപോ ജ്യോതീഷ്യാപോ
യജൂഷ്യാപസ്സത്യമാപസ്സര്വാ ദേവതാ ആപോ
ഭൂര്ഭുവസ്സുവരാപ ഓം ॥
॥ ഉദകശാന്തി - മന്ത്രപാഠഃ സമാപ്തഃ
No comments:
Post a Comment