ഭഗവദ്ഗീത കർമയോഗം
പ്രഭാഷണം :16

പ്രിയം ഇല്ലാതെ എന്ത് കൊടുത്താലും അത് വിഷം....
രമണഭഗവാൻ രണ്ട് വിഷയങ്ങൾ പറയും..

സാധു ഉച്ഛിഷ്ടം...
സാധുക്കൾ ശാപ്പിട്ട് ഉച്ഛിഷ്ടം കിട്ടിയാൽ അത് പ്രസാദം ആണെന്ന് വിശ്വസിക്കുന്നവർ ഉണ്ട്...

ഭഗവാന്റെ ഉഛിഷ്ടത്തിന് വേണ്ടി കുറേപേർ നിൽക്കും...
കൊടുക്കയില്ല മഹർഷി... ഇലയിൽ ഒരു വറ്റ്‌  പോലും അവശേഷിക്കാതെ ഭക്ഷിക്കും...

ഒരു ദിവസം ആരോ ഒരാൾ മഹർഷേ അവിടത്തെ  ഉച്ഛിഷ്ടം കിട്ടിയാൽ വേണ്ടില്ല്യ... 

എന്തിന്? എന്തിനാ ഉച്ഛിഷ്ടം?

അല്ലാ., അത് പ്രസാദം ആണ്...

ഓഹ്... ഞാൻ ഊണ് കഴിച് ബാക്കി തന്നാൽ പ്രസാദം ആണെന്നാണോ?

പ്രസാദം എന്താണെന്ന് പറഞ്ഞു തരാം.. കേട്ടുകൊള്ളുക..

ഞാൻ ഊണ് കഴിയ്ക്ക്ണു..
എന്റെ ഭോഗത്തിന് വേണ്ടി കഴിയ്ക്ക്ണു എന്നുള്ള ഭാവം ഇല്ലാതെ, എന്ത് ഉണ്ടാക്കി കഴിച്ചാലും അത് പ്രസാദം ആണ്..

അതേപോലെ പ്രിയം ആയി പാചകം ചെയ്തിട്ട് ആർക്കെങ്കിലും കൊടുത്താൽ അവർക്ക് അത് പ്രസാദം ആയിരിക്കും..

ദ്വേഷത്തോടെ കൊടുക്ക് ആണെങ്കിൽ  അത് വിഷം ആയിട്ട് തീരും...

ഈ സ്ത്രീ ദ്വേഷത്തോടെ  കൊണ്ട് വന്ന് ഇടുന്നചോറ്  കണ്ട് ഔവ്വയാർ എഴുന്നേറ്റു...

ഇങ്ങനെ പ്രിയം ഇല്ലാതെ ഇവൾ  കൊടുക്കുന്ന ആഹാരം കഴിയ്ക്കരുത്...

അപ്പൊ എന്തിനാ, അങ്ങനെയാണെങ്കിൽ ഞങ്ങളുടെ വീട്ടില് ഊണ് കഴിയ്ക്കാൻ വന്നത്? എന്ന് ആ സ്ത്രീ ചോദിയ്ക്കാണ്...

അപ്പൊ ഔവ്വയാർ പറഞ്ഞു..
ഇവിടെ വന്നാൽ അല്ലേ നീ കാണിക്കുന്നതൊക്കെ കാണാൻ പറ്റുള്ളൂ?
അതിന് വേണ്ടീട്ട് തന്നെയാ ഞാൻ വന്നത്...

എനിക്ക് ഇപ്പൊ ആഹാരം കഴിച്ചാലും കഴിച്ചിട്ടില്ല എങ്കിലും കൊഴപ്പം   ഇല്ലാ...

എന്നിട്ട് ആ ഗൃഹസ്ഥനെ വിളിച്ചു പറഞ്ഞു ഒരു
പാട്ടു... പ്രസിദ്ധമായിട്ടുള്ള പാട്ട്...

ഭാര്യ പതിവ്രത ആയി യോജിച്ചു ഇരിക്കുകയാണെങ്കിൽ  എത്ര ദാരിദ്ര്യം ആണെങ്കിലും കഷ്ടം ആയിട്ട് ആണെങ്കിലും കൂടിയിരുന്നാൽ സന്തോഷം ആയിട്ട് ഇരിയ്ക്കാം...😊😊

വിപരീത സ്വഭാവക്കാരി ആണെങ്കിൽ... അല്പവും പറഞ്ഞാൽ കേൾക്കാത്തവൾ ആണെങ്കിൽ *ചൊല്ലാമൽ സംന്യാസം കൊൾ*....
ആരുടെ അടുത്തും പറയാതെ സന്യാസം സ്വീകരിച്ചു പൊറപ്പെടുക ന്ന് ആണ്.... ഇതൊരു പാട്ട് ആണ്..

ഭാര്യ പറഞ്ഞാൽ കേൾക്കാത്തവൾ ആണെങ്കിൽ ആരോടും പറയാതെ സന്യാസം സ്വീകരിച്ചു പൊറപ്പെടുക...


ശ്രീ നൊച്ചൂർജി...
Parvati