*ശ്രീരാമ നവമി ആശംസകൾ* 🚩 *_ശ്രീശങ്കരാചാര്യ വിരചിതം_* _*ശ്രീരാമഭുജംഗപ്രയാതസ്തോത്രം*_ ⚜️♦️⚜️♦️⚜️♦️⚜️♦️⚜️ _*ॐ*_ *വിശുദ്ധം വരം സച്ചിദാനന്ദരൂപം* *ഗുണാധാരമാധാരഹീനം വരേണ്യം* *മഹാന്തം വിഭാന്തം ഗുഹാന്തർഗുണാന്തം* *സുഖാന്തം സ്വയം ധാമ രാമം പ്രപദ്യേ* 1 *ശിവം നിത്യമേകം വിഭുംതാരകാഖ്യം* *സുഖാകാരമാകാരശൂന്യം സുമാന്യം* *മഹേശം കലേശം സുരേശം പരേശം* *നരേശം നിരീശം മഹീശം പ്രപദ്യേ* 2 *യദാവർണ്ണയത് കർണ്ണമൂലേ ന്തകാലേ* *ശിവോ രാമരാമേതി രാമേതി കാശ്യാം* *തദേകം പരം താരകബ്രഹ്മരൂപം* *ഭജേഹം ഭജേഹം ഭജേഹം ഭജേഹം* 3 *മഹാരത്നപീഠേ ശുഭേ കല്പമൂലേ* *സുഖാസീനമാദിത്യകോടിപ്രകാശം* *സദാ ജാനകീ ലക്ഷ്മണോപേതമേകം* *സദാ രാമചന്ദ്രം ഭജേഹം ഭജേഹം* 4 *ക്വണദ്രത്നമഞ്ജീര പാദാരവിന്ദം* *ലസന്മേഖലാ ചാരുപീതാംബരാഢ്യം* *മഹാരത്ന ഹാരോല്ലസത് കൗസ്തുഭാംഗം* *ഹരിന്മഞ്ജരീ ചഞ്ചരീ ലോലലോലം* 5 *ശരച്ചന്ദ്ര കാശ്മീര ശോണാധരാഭം* *സമുദ്യത്പതംഗേന്ദുകോടിപ്രകാശം* *നമദ് ബ്രഹ്മരുദ്രാദി കോടീരരത്‌ന-* *സ്ഫുരത് കാന്തി നീരാജിതാരാജിതാംഘ്രിം* 6 *പുരഃപ്രാജ്ഞധീരാഞ്ജനേയാദിമുഖ്യാൻ* *സുചിന്മുദ്രയാ മുദ്രയാ ബോധയന്തം* *ഭജേഹം ഭജേഹം സദാ രാമചന്ദ്രം* *തദന്യം നമന്യേ നമന്യേ നമന്യേ* 7 *യദാമത്സമീപം കൃതാന്തഃ സമേത്യ* *പ്രചണ്ഡപ്രകോപൈർഭടൈർഭീഷയേന്മാം* *തദാവിഷ്‌കരോഷി ത്വദീയം സ്വരൂപം* *സദാപത്പ്രണാശംസകോദണ്ഡബാണം* 8 *നിജേമാനസേ മന്ദിരേ സന്നിധേഹി* *പ്രസീദ പ്രസീദ പ്രഭോ രാമചന്ദ്ര!* *സസൗമിത്രിണാ കൈകേയീ നന്ദനേന* *സ്വശക്ത്യാനുഭക്ത്യാ ച സംസേവ്യമാനഃ* 9 *സ്വഭക്താഗ്രഗണ്യൈഃ കപീശൈർ മഹീശൈ-* *രനീകൈരനേകൈശ്ച രാമ! പ്രസീദ* *നമസ്തേ നമോഽസ്ത്വീശ രാമ! പ്രസീദ* *പ്രശാധി പ്രശാധി പ്രകാശം പ്രഭോ! മാം* 10 *ത്വമേവാസിദൈവംപരം മേ യദേകം* *സുചൈതന്യമേതത് ത്വദന്യം നമന്യേ* *യദോ ഭൂതമേയം വിയദ്വായുതേജോ-* *ജലോർവ്യാദികാര്യം ചരം ചാചരം ച* 11 *നമഃ സച്ചിദാനന്ദരൂപായ തസ്മൈ* *നമോ ദേവദേവായ രാമായ തുഭ്യം* *നമോ ജാനകീജീവിതേശായ തുഭ്യം* *നമഃപുണ്ഡരീകായതാക്ഷായ തുഭ്യം* 12 *നമോ ഭക്തിയുക്താനുരക്തായ തുഭ്യം* *നമഃ പുണ്യപുഞ്ജൈക ലഭ്യായ തുഭ്യം* *നമോ വേദവേദ്യായ ചാദ്യായ പുംസേ* *നമഃ സുന്ദരായേന്ദിരാ വല്ലഭായ* 13 *നമോ വിശ്വകർത്രേ നമോ വിശ്വഹർത്രേ* *നമോ വിശ്വഭോക്ത്രേ നമോ വിശ്വഭർത്രേ* *നമോ വിശ്വനേത്രേ നമോ വിശ്വജേത്രേ* *നമോ വിശ്വപിത്രേ നമോ വിശ്വമാത്രേ* 14 *നമസ്തേ നമസ്തേ സമസ്ത പ്രപഞ്ച-* *പ്രഭോഗ പ്രയോഗ പ്രമാണ പ്രവീണ!* *മദീയം മനസ്ത്വത്പദദ്വന്ദ്വസേവാം* *വിധാതും പ്രവൃത്തം സുചൈതന്യസിദ്ധ്യൈഃ* 15 *ശിലാപി ത്വദംഘ്രിക്ഷമാസംഗിരേണു-* *പ്രസാദാദ്ധി ചൈതന്യമാധത്ത രാമ!* *ന രസ്ത്വദ് പദദ്വന്ദ്വസേവാവിധാനാത്* *സുചൈതന്യമേതീതി കിം ചിത്രമത്ര ?* 16 *പവിത്രം ചരിത്രം വിചിത്രം ത്വദീയം* *നരായേ സ്മരന്ത്യന്വഹം രാമചന്ദ്ര!* *ഭവന്തം ഭവാന്തം ഭരന്തം ഭജന്തോ* *ലഭന്തേ കൃതാന്തം നപശ്യന്ത്യതോഽന്തേ* 17 *സപുണ്യഃ സഗണ്യഃ ശരണ്യോമമായം* *നരോവേദ യോ ദേവചൂഡാമണിം ത്വാം* *സദാകാരമേകം ചിദാനന്ദരൂപം* *മനോവാഗഗമ്യം പരം ധാമ രാമ!* 18 *പ്രചണ്ഡപ്രതാപ പ്രഭാവാഭിഭൂത-* *പ്രഭൂതാരിവീര! പ്രഭോ രാമചന്ദ്ര!* *ബലം തേ കഥം വർണ്ണ്യതേഽതീവബാല്യേ* *യതോഽഖണ്ഡി ചണ്ഡീശ കോദണ്ഡദണ്ഡം* 19 *ദശഗ്രീവമുഗ്രം സപുത്രം സമിത്രം* *സരിദ്ദുർഗമദ്ധ്യസ്ഥരക്ഷോഗണേശം* *ഭവന്തം വിനാ രാമ വീരോ നരോ വാ-* *സുരോ വാമരോ വാ ജയേത് കസ്ത്രിലോക്യാം* 20 *സദാരാമരാമേതി നാമാമൃതം തേ* *സദാരാമമാനന്ദനിഷ്യന്ദകന്ദം* *പിബന്തം നമന്തം സുദാന്തം ഹസന്തം* *ഹനൂമന്തമന്തർഭജേതം നിതാന്തം* 21 *അസീതാസമേതൈ രകോദണ്ഡഭൂഷൈ-* *രസൗമിത്രിവന്ദ്യൈ രചണ്ഡപ്രതാപൈഃ* *അലങ്കേശകാലൈരസുഗ്രീവമിത്രൈ-* *രരാമാഭിധേയൈ രലം ദേവതൈർ നഃ* 22 *അവീരാസനസ്ഥൈ രചിന്മുദ്രികാഢ്യൈ-* *രഭക്താഞ്ജനേയാദി തത്ത്വപ്രകാശൈഃ* *അമന്ദാരമൂലൈ രമന്ദാരമാലൈ-* *രരാമാഭിധേയൈ രലം ദേവതൈർ നഃ* 23 *ഹരേ രാമ സീതാപതേ രാവണാരേ!* *ഖരാരേ മുരാരേ പരേതീരയന്തം* *സദാകാലമേവം സമാലോകയന്തം* *സമാലോകയാലോകയാശേഷബന്ധോ!* 24 *നമസ്തേ സുമിത്രാസുപുത്രാഭിവന്ദ്യ!* *നമസ്തേ സദാ കൈകയീനന്ദനേഡ്യ!* *നമസ്തേ സദാ വാനരാധീശബന്ധോ!* *നമസ്തേ നമസ്തേ സദാ രാമചന്ദ്ര!* 25 *പ്രസീദ പ്രസീദ പ്രചണ്ഡ പ്രതാപ!* *പ്രസീദ പ്രസീദ പ്രപന്നാബ്ജനാഭ!* *പ്രസീദ പ്രസീദ പ്രസന്നാനുകമ്പിൻ!* *പ്രസീദ പ്രസീദ പ്രഭോ രാമചന്ദ്ര!* 26 *ഭുജംഗപ്രയാതം പരം വേദസാരം* *സദാരാമചന്ദ്രസ്യ ഭക്ത്യൈവനിത്യം* *പഠൻ സന്തതം ചിന്തയൻ സ്വന്തരംഗേ* *സശശ്വൽ ഭജേദ്രാമചന്ദ്രാധിവാസം* 27 _*ॐ*_