ഉപാധികളാണ് ബന്ധനം, അസ്വാതന്ത്ര്യം. മനസ്സിന്റെ എല്ലാവിധ ഉപാധികളും നീങ്ങിക്കിട്ടിയാൽ പിന്നെ മനസ്സ്, മനസ്സല്ലാതാകും, തത്‌സ്ഥാനത്ത് മറ്റൊന്നു പ്രകാശിക്കും; അതാവട്ടെ സ്വയം പ്രകാശിതവും, എല്ലാറ്റിനെയും പ്രകാശിപ്പിക്കുന്നതും, നിത്യ-ശുദ്ധ-ബുദ്ധ-മുക്തസ്വരൂപവുമാണ്. അതിനെ കണ്ടവർ അതായിരുന്നുകൊണ്ട്, അതിനെ മാത്രം കാണുന്നു; അതിനെ കാണാൻ ഭാഗ്യം സിദ്ധിക്കാത്തവർ അതൊഴികെ മറ്റെല്ലാറ്റിനേയും കാണുന്നു. 

അനിർവചനീയമായ ആ പരമാനന്ദസ്വരൂപത്തെ, അതിന്റെ തന്നെ കൃപാവേശത്താൽ, ഒരിക്കൽ കണ്ടുകഴിഞ്ഞാൽ അതുതന്നെ എല്ലാം. ജീവൻ ആ ദിവ്യപ്രകാശത്തിൽ കത്തിച്ചാമ്പലായിത്തീരുമ്പോൾ, അതുവരെ ഉണ്ടാക്കിവച്ചിരുന്ന എല്ലാവിധ ബന്ധനങ്ങളിൽനിന്നും കെട്ടുപാടുകളിൽനിന്നും മുക്തമായ സ്ഥിതി; സർവ്വസ്വാതന്ത്ര്യം!!! (sudha Bharat)