കേരളത്തിൽ 60 ലക്ഷം കൂടുംബങ്ങളാണന്നാണ്‌ ഏറ്റവും പുതിയ സെൻസസിൽ പറയുന്നത്‌. കുടുംബങ്ങളുടെ എണ്ണത്തേക്കാൾ കൂടുതൽ വാഹനങ്ങളുള്ള ഇന്ത്യയിലെ ഏക സംസ്ഥാനം കേരളമാണ്‌.വാഹനാപകടങ്ങളും മരണനിരക്കും അതിഭീമമായി വർധിക്കുന്നതോടൊപ്പം മനുഷ്യന്‌ ശ്വസിക്കാനുള്ള വായുവും ഞെട്ടിപ്പിക്കുന്നതരത്തിൽ മലിനീകരിക്കപ്പെടുന്നതും അതുമൂലമുള്ള മരണനിരക്ക്‌ വർധിക്കുന്നതും ആരും അത്ര ഗൗരവമായി എടുത്തതായി തോന്നുന്നില്ല.ഇന്നത്തെ രീതി തുടർന്നാൽ സമീപഭാവിയിൽ ഓക്സിജൻ പാർലറുകൾ പാതയോരങ്ങളിൽ തുടങ്ങേണ്ട അവസ്ഥയാണുള്ളത്‌.