ചോ: ഒന്നിനെ അറിഞ്ഞാൽ സംശയങ്ങളെല്ലാം നിവര്‍ത്തിക്കപ്പെടുമെന്ന് പറയപ്പെടുന്നല്ലോ.
ആ ഒന്നേതാണ്‌?

ഉ: സംശയിക്കുന്ന ആളിനെ അറിയുക. അവന്റെ പിടി നിറുത്തിയാൽ സംശയങ്ങളെല്ലാം ഒഴിയും.
സംശയിക്കുന്ന ഒരുത്തൻ ഇരുന്നിട്ടല്ലേ സംശയങ്ങളെ ഇളക്കിവിടുന്നത്‌?

അവനെ മാറ്റി വിട്ടാൽ മതി.
എല്ലാവരും ജ്ഞാനികളാണ്‌, ജീവന്മുക്തരാണ്‌.

സംശയിക്കുന്ന ദോഷം (പ്രതിബന്ധം) മാറിയാല്‍ സംശയിക്കുന്നവനില്ലാത്ത സ്ഥാനത്ത്‌ ജ്ഞാനം പ്രകാശിക്കും.

ചോ: സംശയിക്കുന്നവനെ മാറ്റുന്നതെങ്ങനെ?

ഉ: അവൻ ആരെന്ന്‌ (ഞാന്‍ ആരെന്ന്‌) ശ്രദ്ധിച്ചാൽ മതി.

ചോ: ജപം ചെയ്യാമോ?

ഉ: ഇങ്ങനെയെല്ലാം ചോദി‍ക്കുന്നതെന്തിന്‌? ചോദിക്കുന്നവനാരെന്നറിഞ്ഞാല്‍ ആ അഹന്തയും ഈ അന്വേഷണങ്ങളും മാറും. മാറാതെ അവശേഷിക്കുന്ന താൻ തന്നെ അത് ( ആത്മാവ്‌ )

(ശ്രീ രമണമഹര്‍ഷി