ഒരാള്‍  ചോദിച്ചു : ' സമാധിയില്‍ ബ്രഹ്മജ്ഞാനം  ലഭിച്ചയാള്‍  പിന്നെയൊന്നും  മിണ്ടുകയില്ലേ ? ' 

ശ്രീരാമകൃഷ്ണ ദേവന്‍  :  (വിദ്യാസാഗരനോട് )  ശങ്കരാചാര്യര്‍  ജനങ്ങളെ  പഠിപ്പിക്കുന്നതിനുവേണ്ടി  വിദ്യയുടെ  അഹത്തെ  വെച്ചുകൊണ്ടിരുന്നു . ബ്രഹ്മദര്‍ശനം  ഉണ്ടായാല്‍  മനുഷ്യന്‍  നിശബ്ദനാകുന്നു . ദര്‍ശനം  ഉണ്ടാകുന്നതുവരെ  യുക്തിവിചാരം  ചെയ്യുന്നു. വെണ്ണയുരുക്കുംപോള്‍  അത്  മൂക്കുന്നത്  വരെ  ശീ  ശീ   എന്ന്    കേട്ടുകൊണ്ടിരിക്കും . നെയ്യ്  മൂത്താല്‍  പിന്നെ  ഒച്ചയൊന്നുമില്ല . എന്നാല്‍  മൂത്ത  നെയ്യില്‍  പിന്നെയും  പച്ചപ്പപ്പടമിട്ടാല്‍ , അത്  വീണ്ടും  ശീ  ശീ  ശബ്ദം  കേള്‍പ്പിക്കും . പപ്പടം  മൂത്തുകഴിഞ്ഞാല്‍  പിന്നെയും  നിശബ്ദമായി . അതുപോലെ  സമാധിസ്ഥനായ  മനുഷ്യന്‍  ലോകരെ  പഠിപ്പിക്കുന്നതിനായി  പിന്നെയും  താഴോട്ട്  വരുന്നു ,അപ്പോള്‍  വര്‍ത്തമാനം  പറയുന്നു. 

തേനീച്ച  പൂവിലിരിക്കുന്നത്  വരെ  മൂളുന്നു . പൂവിലിരുന്ന്  തേന്‍  നുകരാന്‍  തുടങ്ങിയാല്‍  മൂളല്‍ നിന്നുപോകുന്നു . തേനുണ്ട്  മത്തുപിടിച്ചാല്‍  പിന്നെയും  ചിലപ്പോള്‍  മുരളുന്നു. 

കുടം  കുളത്തില്‍  കൊണ്ടുചെന്നു  വെള്ളം  നിറക്കുമ്പോള്‍  ഭും ഭും  എന്നൊച്ച   കേള്‍ക്കുന്നു . നിറഞ്ഞു കഴിഞ്ഞാല്‍  പിന്നെ  ഒച്ചയൊന്നുമില്ല .  (എല്ലാവരും  ചിരിക്കുന്നു ) . എന്നാല്‍  വേറൊരു  കുടത്തിലേക്ക്  പകരുകയാണെങ്കില്‍   പിന്നെയും  ശബ്ദമുണ്ടാകും .  (ചിരി ) .

.

(ശ്രീരാമകൃഷ്ണ  വചനാമൃത  സംഗ്രഹത്തില്‍   നിന്നും