കൈവല്യോപനിഷത്ത്*

*ശാന്തിപാഠം*

      

*ഓം സഹ നാവവതു സഹ നൌ ഭുനക്തു*

*സഹ വീര്യം കരവാവഹൈ*

*തേജസ്വി നാവധീതമസ്തു*

*മാ വിദ്വിഷാവഹൈ*

*ഓം ശാന്തിഃ ശാന്തിഃ ശാന്തിഃ.*

*പ്രഥമഖണ്ഡം*

      

*മന്ത്രം-1*

*ആശ്വലായനോ ഭഗവന്തം പരമേഷ്ഠിനം പരിസമേത്യോവാച:-*

*അധീഹി ഭഗവൻ! ബ്രഹ്മവിദ്യാം വരിഷ്ഠാം*

*സദാസത്ഭിസ്സേവ്യമാനാം നിഗൂഢാം*

*യയാ ചിരാൽ സർവ്വപാപം വ്യപോഹ്യ*

*പരാൽ പരം പുരുഷാമുപൈതി വിദ്വാൻ*

*സാരം*

*_ഒരിക്കൽ ആശ്വാലായനമഹർഷി ജഗൽസൃഷ്ടികർത്താവും, ജ്ഞാനസ്വരൂപനുമായ ബ്രഹ്മദേവനെ സമീപിച്ച് സ്തോത്രനമസ്കരാദികളെക്കൊണ്ട് അദ്ദേഹത്തെ സന്തോഷിപ്പിച്ചു ചോദിച്ചു "ഭഗവാനെ! എല്ലാ വിദ്യകളിലും വെച്ച് അത്യന്തശ്രേഷ്ഠയും നല്ലവരായ ജിജ്ഞാസുകളാൽ എപ്പോഴും സേവിക്കപ്പെട്ടുകൊണ്ടിരിക്കുന്നതും, എന്നാൽ സാധാരണജനങ്ങൾക്കറിയാൻ കഴിയാത്ത നിലയിൽ അത്യന്തരഹസ്യവുമായ ബ്രഹ്മവിദ്യയെ എനിക്കുപദേശിച്ചുതരാൻ കാരുണ്യമുണ്ടവണെ. ബ്രഹ്മവിദ്യയെ അറിഞ്ഞാൽതന്നെ ഒരാളുടെ എല്ലാ പാപങ്ങളും നശിക്കുമെന്നും അനന്തരം ദുഃഖപൂർണ്ണമായ സംസാരത്തെ അതിക്രമിച്ചു കൈവല്യത്തെ പ്രാപിക്കുമെന്നും കേട്ടിട്ടുണ്ട്._*

*ഹരി ഓം*

*ഓം നമഃശിവായ🏻*

✍🏻അജിത്ത്കഴുനാട് 

തുടരും

         *കൈവല്യോപനിഷത്ത്*

*ശാന്തിപാഠം*

      

*ഓം സഹ നാവവതു സഹ നൌ ഭുനക്തു*

*സഹ വീര്യം കരവാവഹൈ*

*തേജസ്വി നാവധീതമസ്തു*

*മാ വിദ്വിഷാവഹൈ*

*ഓം ശാന്തിഃ ശാന്തിഃ ശാന്തിഃ.*

*പ്രഥമഖണ്ഡം*

      

*മന്ത്രം-2*

*തസ്മൈ സ ഹോവാച പിതാമഹഃ*

*ശ്രദ്ധാഭക്തിധ്യാനയോഗാദവേഹി.*

*ന കർമ്മണാ പ്രജയാ ധനേന*

*ത്യാഗേനൈകേ അമൃതത്വമാനശുഃ*

*സാരം*

*_ആശ്വലായ ഋഷിയുടെ ചോദ്യത്തെ കേട്ട സ്വയംഭുവായ ബ്രഹ്മദേവൻ കാരുണ്യം കൊണ്ടലിഞ്ഞവനായിട്ടിപ്രകാരമുപദേശിച്ചു: "ഹേ ആശ്വാലായന! ബ്രഹ്മവിദ്യതന്നിൽത്തന്നെയാണുള്ളത്. താൻ തന്നെയാണതിനെ അറിയേണ്ടതും.മറ്റൊരാൾ പറഞ്ഞുവെന്നതുകൊണ്ടു പ്രയോജനപ്പെടാനും പോവുന്നില്ല. എങ്കിലും അതിനുള്ള ഉപായങ്ങളെ പറഞ്ഞുതരാം. ശ്രദ്ധ, ഭക്തി, ധ്യാനം, യോഗം, എന്നീ നാലു സംസ്കാരങ്ങൾ വേണ്ടത്ര വളരുമ്പോൾ ബ്രഹ്മവിദ്യയെ അറിയാനും ആത്മതത്വത്തെസാക്ഷാൽക്കരിക്കാനും കഴിയും. അങ്ങയ്ക്കും അമൃതതത്വത്തെ പ്രാപിക്കണമെന്നുണ്ടെങ്കിൽ അങ്ങയുടെ ശ്രദ്ധാ ഭക്തിധ്യാനയോഗങ്ങൾ വിഷയങ്ങളിൽനിന്നു പിൻതിരിച്ച് ആത്മാവിലേയ്ക്കുയർത്തണം._*

*ഹരി ഓം*

*ഓം നമഃശിവായ🏻*

✍🏻അജിത്ത്കഴുനാട്

         *കൈവല്യോപനിഷത്ത്*

*ശാന്തിപാഠം*

      

*ഓം സഹ നാവവതു സഹ നൌ ഭുനക്തു*

*സഹ വീര്യം കരവാവഹൈ*

*തേജസ്വി നാവധീതമസ്തു*

*മാ വിദ്വിഷാവഹൈ*

*ഓം ശാന്തിഃ ശാന്തിഃ ശാന്തിഃ.*

*പ്രഥമഖണ്ഡം*

      

*മന്ത്രം-3*

*പരേണ നാകം നിഹിതം ഗുഹായം*

*ബിഭ്രാജദേതൽ യതയോ വിശന്തി.*

*സാരം*

*_പരമപുരുഷനായ പരമേശ്വരൻ ജീവികളോടുള്ള അപാരമായ കാരുണ്യാതിരേകത്താൽ അവയുടെ ഹൃദയാന്തർഭാഗത്ത് അദ്വിതീയവും അമൃതാത്മകവുമായ ആത്മസ്വരൂപത്തെ പ്രകാശിപ്പിച്ചിരിക്കുന്നു. സംസാരനിവൃത്തന്മാരും ആത്മജ്ഞാനനിരതന്മാരുമായ മമുക്ഷുക്കൾ സ്വയംപ്രകാശസ്വരൂപമായ ഈ പരമതത്വത്തെ അറിഞ്ഞു പ്രാപിക്കുന്നു. അവർ ജന്മസാഫല്യം കൊണ്ടു ചരിതാർത്ഥന്മാരുമാവുന്നു._*

*ഹരി ഓം*

*ഓം നമഃശിവായ🏻*

✍🏻അജിത്ത്കഴുനാട്