ഹരി ഓം
സുപ്രഭാതം....
ഒരാളുടെ ചോദ്യത്തിലെ ഭാവം അയാളുടെ മനോഭാവം ആയതിനാല്‍ അര്‍ഹിക്കുന്നിടത്തു മാത്രം പ്രതികരിക്കുന്ന ശീലം ഉണ്ടാകണം.
ചോദ്യം ചോദിക്കുന്ന രീതിയില്‍ പരിഹാസമോ നീരസമോ ആണെങ്കില്‍ അതിനര്‍ത്ഥം അവര്‍ക്ക് അവരുടെ ഭാവം പ്രകാശിപ്പിക്കുക എന്നതില്‍ മാത്രമാണ് ശ്രദ്ധ എന്നാണ്.
അതില്‍കവിഞ്ഞ് വിഷയത്തിലോ അതിന്‍റെ മറുപടിയിലോ താല്പര്യമില്ല എന്നറിയണം.
അങ്ങനെയുള്ള വാക്കുകളോട് നാം മൗനം പാലിക്കുന്നതാണ് നല്ലത്.
അപ്പോള്‍ പരസ്പരസ്നേഹം മൗനത്തിലെങ്കിലും നിലനില്‍ക്കും.
അല്ലാത്ത പക്ഷം പറഞ്ഞു ജയിക്കുന്നതിന്‍റെ ശബ്ദകോലാഹലത്തില്‍ പരസ്പരം അകന്നുപോകും.
എപ്പോഴും ഉദ്ദേശ്യശുദ്ധി ഉള്ളവരാകേണ്ടതുണ്ട്.
അതിന് വാക്കുകളില്‍ സ്നേഹം ഉണ്ടാകണം.
സ്നേഹമുള്ള വാക്കുകളോട് സ്നേഹത്തിലും സ്നേഹശൂന്യമായ വാക്കുകളോട് മൗനത്തിലുമാണ് പ്രതികരിക്കേണ്ടത്.
വേണ്ടുന്നിടത്തുമാത്രം വാക്കുകള്‍ ഉപയോഗിക്കുകയും വേണ്ടാത്തിടത്ത് മൗനം പാലിക്കുകയും ചെയ്യുമ്പോള്‍ നമ്മില്‍ അടങ്ങുന്ന വാക്കുകള്‍ നമ്മുടെ ഉള്‍ക്കരുത്ത് വര്‍ദ്ധിപ്പിച്ചുകൊണ്ടേയിരിക്കും
*മൗനംകൊണ്ട് സ്നേഹിക്കുവാൻ കഴിയുന്നിടത്ത്
വാക്കുകള്‍കൊണ്ട് അകലുന്നതെന്തിന്...*
*
*സ്നേഹപൂർവ്വം
No comments:
Post a Comment