[28/09, 21:05] Reghu SANATHANA: *ശ്രീ ബാലാഷ്ടകം.....*

  വേലാതിലംഘൃ കരുണേ വിബുധേന്ദ്രവന്ദ്യേ
        ലീലാവിനിര്‍മിതചരാചരഹൃന്നിവാസേ ।
        മാലാകിരീടമണികുണ്ഡല മണ്ഡിതാംഗേ 
ബാലാംബികേ മയി നിധേഹി   കൃപാകടാക്ഷം ॥ 1॥

        കംജാസനാദി-മണിമഞ്ജു-കിരീടകോടി-
        പ്രത്യുപ്തരത്ന-രുചിരഞ്ജിത-പാദപദ്മേ ।
        മഞ്ജീരമഞ്ജുലവിനിര്‍ജിതഹംസനാദേ
        ബാലാംബികേ മയി നിധേഹി കൃപാകടാക്ഷം ॥ 2॥

        പ്രാലേയഭാനുകലികാകലിതാതിരംയേ
      പാദാഗ്രജാവലിവിനിര്‍ജിതമൌക്തികാഭേ ।
        പ്രാണേശ്വരി പ്രമഥലോകപതേഃ പ്രഗല്‍ഭേ
        ബാലാംബികേ മയി നിധേഹി കൃപാകടാക്ഷം ॥ 3॥

        ജംഘാദിഭിര്‍വിജിതചിത്തജതൂണിഭാഗേ
        രംഭാദിമാര്‍ദവകരീന്ദ്രകരോരുയുഗ്മേ ।
        ശമ്പാശതാധികസമുജ്വലചേലലീലേ
        ബാലാംബികേ മയി നിധേഹി കൃപാകടാക്ഷം ॥ 4॥

        മാണിക്യമൌക്തികവിനിര്‍മിതമേഖലാഢ്യേ
        മായാവിലഗ്നവിലസന്‍മണി പട്ടബന്ധേ ।
        ലോലംബരാജിവിലസന്നവരോമജാലേ
        ബാലാംബികേ മയി നിധേഹി കൃപാകടാക്ഷം ॥ 5॥

           ന്യഗ്രോധപല്ലവതലോദരനിംനനാഭേ
        നിര്‍ധൂതഹാരവിലസത്കുചചക്രവാകേ ।
        നിഷ്കാദിമഞ്ജുമണിഭൂഷണഭൂഷിതാംഗേ
        ബാലാംബികേ മയി നിധേഹി കൃപാകടാക്ഷം ॥ 6॥

        കന്ദര്‍പചാപമദഭംഗ കൃതാതിരംയേ
        ഭ്രൂവല്ലരീവിവിധചേഷ്ടിത രംയമാനേ ।
        കന്ദര്‍പസോദരസമാകൃതിഫാലദേശേ
        ബാലാംബികേ മയി നിധേഹി കൃപാകടാക്ഷം ॥ 7॥

        മുക്താവലീവിലസദൂര്‍ജിതകംബുകണ്ഠേ
        മന്ദസ്മിതാനനവിനിര്‍ജിതചന്ദ്രബിംബേ ।
        ഭക്തേഷ്ടദാനനിരതാമൃതപൂര്‍ണദൃഷ്ടേ
        ബാലാംബികേ മയി നിധേഹി കൃപാകടാക്ഷം ॥ 8॥

        കര്‍ണാവലംബിമണികുണ്ഡലഗണ്ഡഭാഗേ
        കര്‍ണാന്തദീര്‍ഘനവനീരജപത്രനേത്രേ ।
        സ്വര്‍ണായകാദിമണിമൌക്തികശോഭിനാസേ
        ബാലാംബികേ മയി നിധേഹി കൃപാകടാക്ഷം ॥ 9॥

        ലോലംബരാജിലലിതാലകജാലശോഭേ
        മല്ലീനവീനകലികാനവകുന്ദജാലേ ।
        ബാലേന്ദുമഞ്ജുലകിരീടവിരാജമാനേ
        ബാലാംബികേ മയി നിധേഹി കൃപാകടാക്ഷം ॥ 10॥

      ബാലാംബികേ മഹാരാജ്ഞീ വൈദ്യനാഥപ്രിയേശ്വരീ ।
        പാഹി മാമംബ കൃപയാ ത്വത്പാദം ശരണം ഗതഃ ॥ 11॥

॥ ഇതി സ്കാന്ദേ വൈദ്യനാഥമാഹാത്മ്യേ ശ്രീബാലാംബികാഷ്ടകസ്തോത്രം സമ്പൂര്‍ണം ॥
[28/09, 21:06] Reghu SANATHANA: ശ്രീവിഷ്ണുകവചസ്തോത്രം ॥

ഹരിശ്ചന്ദ്രഃ -
ബ്രഹ്മന്‍ ശ്രീവിഷ്ണുകവചം കീദൃശം കിം പ്രപാലകം ।
കേനോക്തം ക ഋഷിശ്ഛന്ദഃ ദൈവതം കീദൃശം മുനേ ॥

അഗസ്ത്യഃ -
ഹരിശ്ചന്ദ്ര പ്രവക്ഷ്യാമി ശൃണുഷ്വാവഹിതോഽധുനാ ।
ശ്രീവിഷ്ണുകവചം ദിവ്യം രഹസ്യം സര്‍വഗോപിതം ॥

സൃഷ്ട്യാദൌ കമലസ്ഥായ ബ്രഹ്മണേ ഹരിണോദിതം ।
കാരുണ്യേന മമ പ്രോക്തം ബ്രഹ്മണോ ക്ഷീരസാഗരേ ॥

ഗോപനീയം പ്രയത്നേന ഭവതാ ച ജയപ്രദം ॥

അസ്യ ശ്രീവിഷ്ണുകവചസ്തോത്രമഹാമന്ത്രസ്യ -
ബ്രഹ്മാ ഋഷിഃ - അനുഷ്ടുപ് ഛന്ദഃ, ശ്രീമന്നാരായണോ ദേവതാ,
ശ്രീമന്നാരായണപ്രസാദസിദ്ധ്യര്‍ഥേ ജപേ വിനിയോഗഃ ।
ഓം കേശവായ അങ്ഗുഷ്ടാഭ്യാം നമഃ ।
ഓം നാരായണായ തര്‍ജനീഭ്യാം നമഃ ।
ഓം മാധവായ മധ്യമാഭ്യാം നമഃ ।
ഓം ഗോവിന്ദായ അനാമികാഭ്യാം നമഃ ।
ഓം വിഷ്ണവേ കനിഷ്ഠികാഭ്യാം നമഃ ।
ഓം മധുസൂദനായ കരതലകരപൃഷ്ഠാഭ്യാം നമഃ ॥

ഓം ത്രിവിക്രമായ ഹൃദയായ നമഃ ।
ഓം വാമനായ ശിരസേ സ്വാഹാ ।
ഓം ശ്രീധരായ ശിഖായൈ വഷട് ।
ഓം ഹൃഷീകേശായ കവചായ ഹും ।
ഓം പദ്മനാഭായ നേത്രാഭ്യാം വൌഷട് ।
ഓം ദാമോദരായ അസ്ത്രായ ഫട് ।
ഭൂര്‍ഭുവസ്യുവരോമിതി ദിഗ്ബന്ധഃ ॥

ധ്യാനം ।
ശാന്താകാരം ഭുജഗശയനം പദ്മനാഭം സുരേശം,
വിശ്വാകാരം ഗഗനസദൃശം മേഘവര്‍ണം ശുഭാങ്ഗം ।
ലക്ഷ്മീകാന്തം കമലനയനം യോഗിഹൃദ്ധ്യാനഗംയം,
വന്ദേ വിഷ്ണും ഭവഭയഹരം സര്‍വലോകൈകനാഥം ॥

മേഘശ്യാമം പീതകൌശേയവാസം ശ്രീവത്സാങ്ഗം കൌസ്തുഭോദ്ഭാസിതാങ്ഗം ।
പുണ്യോപേതം പുണ്ഡരീകായതാക്ഷം, വിഷ്ണും വന്ദേ സര്‍വലോകൈകനാഥം ॥

സശങ്ഖചക്രം സകിരീടകുണ്ഡലം സപീതവസ്ത്രം സരസീരുഹേക്ഷണം ।
സഹാരവക്ഷസ്ഥലശോഭികൌസ്തുഭം, നമാമിവിഷ്ണും ശിരസാചതുര്‍ഭുജം ॥

ഓം പൂര്‍വതോ മാം ഹരിഃ പാതു പശ്ചാത് ശ്രീഃ സദക്ഷിണേ ।
ശ്രീകൃഷ്ണ ഉത്തരേ പാതു ശ്രീ ഗോ വിഷ്ണുശ്ച സര്‍വശഃ ॥

ഊര്‍ധ്വം മേ നന്ദനീ പാതു അധസ്താത് ശാര്‍ങ്ഗഭൃത് സദാ ।
പാദൌ പാതു സരോജാങ്ഗീ അങ്ഗേ പാതു ജനാര്‍ദനഃ ॥

ജാനുനീ മേ ജഗന്നാഥഃ ഊരൂ പാതു ത്രിവിക്രമഃ ।
ഗുഹ്യം പാതു ഹൃഷീകേശഃ പൃഷ്ഠം പാതു മമാവ്യയഃ ॥

പാതു നാഭിം മമാനന്തഃ കുക്ഷിം രാക്ഷസമര്‍ദനഃ ।
ദാമോദരോ മേ ഹൃദയം വക്ഷഃ പാതു നൃകേസരീ ॥

കരൌ മേ കാലിയാരാതിഃ ഭുജൌ ഭക്താര്‍തിഭഞ്ജനഃ ।
കണ്ഠം കാലാംബുദശ്യാമഃ സ്കന്ധൌ മേ കംസമര്‍ദനഃ ॥

നാരായണോ മേഽവ്യാന്നാസാം കര്‍ണൌ മേ ച പ്രഭഞ്ജനഃ ।
കപാലം പാതു വൈകുണ്ഠഃ ജിഹ്വാം പാതു ദയാനിധിഃ ॥

ആസ്യം ദശാസ്യഹന്താവ്യാത് നേത്രേ മേ പദ്മലോചനഃ ।
ഭ്രുവൌ മേ പാതു ഭൂമാ ച ലലാടം മേ സദാച്യുതഃ ॥

മുഖം മേ പാതു ഗോവിന്ദഃ ശിഖാം ഗരുഡവാഹനഃ ।
മാം ശേഷശായീ സര്‍വേഭ്യോ വ്യാധിഭ്യോ ഭക്തവത്സലഃ ॥

പിശാചാഗ്നിജ്വരേഭ്യോ മാം ആപദ്ഭ്യോഽവതു മാധവഃ ।
സര്‍വേഭ്യോ ദുരിതേഭ്യശ്ച പാതു മാം പുരുഷോത്തമഃ ॥

ഇദം ശ്രീവിഷ്ണുകവചം സര്‍വമങ്ഗലദായകം ।
സര്‍വരോഗപ്രശമനം, സര്‍വശത്രുവിനാശനം ॥

ഏവം ജജാപ തത്കാലേ സ്യാത്പരശ്ചാക്ഷരം പരം ।
ത്രിസ്സന്ധ്യം യഃ പഠേച്ഛുദ്ധഃ സര്‍വത്ര വിജയീ ഭവേത് ॥

ഇതി ശ്രീവിഷ്ണുകവചസ്തോത്രം സമ്പൂര്‍ണം