ദുര്യോധനൻ വീണ്ടും ധൃതരാഷ്ടനോടു ചോദിച്ചു : " അച്ഛാ ! ശീലത്തിന്റെ തത്ത്വം എന്തെന്നറിയുവാൻ എനിക്കാഗ്രഹമുണ്ട് . ഈ ശീലം എന്നു പറയുന്ന വസ്തുവുണ്ട് ല്ലോ . അച്ഛാ ! അത് എങ്ങനെ കൈയിൽക്കിട്ടും അതിനെ പിടി ക്കുവാനുള്ള കൗശലം പറഞ്ഞുതരണേ

ധൃതരാഷ്ട്രൻ പറഞ്ഞു : “

യോഗ്യനായ പ്രഹ്ലാദൻ അതിന്നുള്ള ഉപായം പറഞ്ഞിട്ടുണ്ട് . ശീലം സമ്പാദിക്കുവാനുള്ള ഉപായം ചുരുക്കത്തിൽ ഞാൻ പറഞ്ഞുതരാം .

മനസ്സുകൊണ്ടും വാക്കുകൊണ്ടും കർമ്മംകൊണ്ടും എല്ലാ ജീവിയിലും അഹിംസ പാലിക്കുക , അനുഗ്രഹിക്കുക , ദാനം ചെയ്യുക . ഇതാണ് പ്രശസ്തമായ ശീലം എന്നുപറയുന്നത് . അന്യർക്ക് ഹിതമല്ലാത്തതും തനിക്കുവേണ്ടതുമായ കർമ്മം അത് പരുഷമാണെന്നു തോന്നിയാൽ , ലജ്ജാകരമായ ആ കർമ്മം ചെയ്യാതിരിക്കണം . സദസ്സിൽ പ്രാജ്ഞന്മാർ പുകഴ്ത്തുന്ന കർമ്മങ്ങൾ ഏതോ അത് ചെയ്യണം . ഇതാണ് , ശീലത്തിന്റെ സ്വഭാവം . അത് ഞാൻ ചുരുക്കമായി നിന്നോടു പറഞ്ഞു . കുരുസത്തമാ , നീ മനസ്സിലാക്കിയോ ?

ഇനി ഒരു കാര്യംകൂടെ പറയാം . ചിലപ്പോൾ ശീലം കെട്ടവരും ശ്രീ നേടിയേക്കും . ഉണ്ണീ , അത് ദീർഘകാലം നില്ക്കില്ല . ക്ഷണത്തിൽ അതു വേരോടെ നശിച്ചുപൊയ്ക്കളയും.

വ്യാസമഹാഭാരതം.

(ശീലം വിട്ടാൽ ധർമ്മം കൈവിടും

ധർമ്മം വിട്ടാൽ സത്യം കൈവിടും
സത്യം വിട്ടാൽ വൃത്തം കൈവിടും
വൃത്തം വിട്ടാൽ ബലം കൈവിടും
ബലം വിട്ടാൽ ശ്രീ കൈവിടും

ഇങ്ങിനെയാണ് പ്രഹ്ലാദന്റെ ദേവേന്ദ്രപദവി നഷ്ടമായത്.).
bijou bhaskar