മരണം എന്ന സത്യം

എന്നെ കുറ്റപ്പെടുത്തിയവർ
അന്ന് എന്നെ പ്രശംസിക്കും
എന്നോട് മിണ്ടാതെ മുഖം തിരിച്ചു  നടന്നവർ
അന്ന് ഒരു നോക്കു  കാണാൻ വരും
എന്റെ സ്നേഹം തിരിച്ചറിയാത്തവർ
അന്ന് എന്റെ സ്നേഹത്തെ കുറിച്ചു വാചാലരാകും
എന്റെ പതനം ആഗ്രഹിച്ചവർ പോലും
എനിക്കുവേണ്ടി അനുശോചന വാക്കുകൾ പറയും
ഒരിക്കൽ പോലും എന്നെ ഓർക്കാത്തവർ
ഓർമ്മകളിൽ എന്നെ തിരയും
എങ്ങനെ പലവിധ വികാര പ്രകടനങ്ങൾക്കിടയിൽ
നിസ്സഹായതയോടെ കിടക്കുന്ന ഒരു മൃതദേഹം
മാത്രമായിരിക്കുമല്ലോ ഞാൻ.