സ്വാമി ശരണം*💧 സ്വാകാരോച്ചാര മാത്രേണ സ്വാകാരം ദീപ്യതേ മുഖേ മകാരാന്ത ശിവം പ്രോക്തം ഇകാരം ശക്തി രൂപ്യതേ `സ്വാമി ശരണ' ത്തിലെ `സ്വാ' എന്ന പദം ഉച്ചരിക്കുന്ന മാത്രയിൽ പരബ്രഹ്മത്താൽ തിളങ്ങുന്ന `ആത്മ'ബോധം തീർഥാടകന്റെ മുഖത്തു പ്രതിഫലിക്കണം. `മ 'സൂചിപ്പിക്കുന്നത്‌ ശിവനേയും `ഇ' ശക്തിയേയുമാണ്‌. രണ്ടുംകൂടി ചേർന്ന്‌ `മി 'ആകുമ്പോൾ `ശിവശക്തി' സാന്നിധ്യമാകുന്നു. ശിവശക്തി മുൻപറഞ്ഞ `സ്വാ' യോടൊപ്പം ചേർന്നു തീർഥാടകന്‌ ആത്മസാക്ഷാത്‌ക്കാരം നേടാൻ സഹായിക്കുന്നു. ജീവാത്മാവിന്റെയും പരമാത്മാവിന്റെയും ഐക്യത്തെ സൂചിപ്പിക്കുന്നതുപോലെ `സ്വത്വ' ത്തിന്റെയും `പരമാത്മാ' വിന്റെയും സാംഗത്യവും ഈ ശബ്ദം സൂചിപ്പിക്കുന്നു. ``ശം ബീജം ശത്രുസംഹാരം രേഫം ജ്ഞാനാഗ്‌നി വാചകം ണകാരം സിദ്ധിതം ശാന്തം മുദ്രാ വിനയ സാധനം. `ശരണം' എന്ന വാക്കിലെ ആദ്യാക്ഷരമായ `ശ' ഉച്ചാരണ മാത്രയിൽ തന്നെ ശത്രുവിനെ ഇല്ലാതാക്കുന്നതാണ്‌. അഗ്‌നിയെ ജ്വലിപ്പിക്കുന്ന `ര' എന്ന അക്ഷരം ജ്ഞാനത്തെ സൂചിപ്പിക്കുന്നു. `ണം' ശബ്ദം ഇതിനെല്ലാറ്റിനും ദൈവികത കൈവരുത്തി ശാന്തി പ്രദാനം ചെയ്യുന്നു. മനുഷ്യനിൽ എളിമ വിരിയിക്കേണ്ട ഒരു സൂത്രവാക്യം കൂടിയാണിത്‌. പതിനെട്ടാം പടി കയറുന്നവൻ വിനയമുള്ളവനായിരിക്കണം എന്നും അവൻ അഹങ്കാരത്തെ നിലനിർത്താത്തവൻ ആയിരിക്കണം എന്നുള്ളതിന്റെ പൊരുളും ഇവിടെ വ്യക്തമാകും*. *"സ്വാമി ശരണം" , നാമജപം, കൂട്ടത്തോടെയുളള നാമജപം അന്തരീക്ഷത്തിൽ, പ്രകൃതിയിൽ മാറ്റമുണ്ടാക്കും. പ്രകൃതിശക്തികൾക്ക് ഉണർവുണ്ടാക്കും. മനസ്സു നിറഞ്ഞുളള, ഭക്തിയോടുളള നാമംജപത്തിന് ശക്തിയുണ്ട്. പ്രകൃതി ശക്തികൾക്ക് ഉണർവേകാൻ ഈ നാഭജപത്തിനു കഴിയും. പ്രത്യേകിച്ച് വൃശ്ചികം ധനുമാസങ്ങൾ പ്രാർത്ഥനയ്ക്ക് ശക്തി കൂട്ടും . അതിനാൽ എല്ലാവരും നാമം ജപിക്കുക. വീട്ടിലും ക്ഷേത്രങ്ങളിലും ഭക്തിയോടെ ശബ്ദത്തിൽ നാമം ജപിക്കുക. ഈ പ്രപഞ്ചം തന്നെ ശബ്ദത്തോടെ , സ്ഫോടനത്തോടെയാണ് ഉണ്ടായത്. " ഓം " എന്ന മന്ത്രം ജപിക്കുക. പ്രകൃതിശക്തികൾക്ക് ഉണർവേവുക. ആ സൂപ്പർ ശക്തി പ്രവർത്തിക്കട്ടെ. ഉളളഴിഞ്ഞുളള പ്രാർത്ഥന ദൈവീകശക്തികളെ ഉണർത്തട്ടെ..... നമ്മൾ ദിനവും നാമം ജപിക്കാതെ ഉപേക്ഷിച്ചില്ലേ ? അതിനെല്ലാം പ്രായ്ശ്ചിത്തമായി കൂടുതൽ കൂടുതൽ ഭക്തിയോടെ. സങ്കടത്തോടെ നാമം ജപിക്കുക. പ്രഹ്ളാദൻ രക്ഷപ്പെട്ടത് നാമജപത്താൽ തന്നെ. ഉഗ്രനൃസിംഹ മന്ത്രം അറിയുന്നവർ ജപിക്കുക. ഈ പ്രകൃതി ശക്തികൾ പ്രതികരിക്കാൻ നമ്മുടെ പ്രാർത്ഥനായാൽ കരുത്തേകട്ടേ...*