''മദ് വ്യപാശ്രയഃ''- ഞാന്‍ തന്നെയാണ്, ഈ കൃഷ്ണന്‍ തന്നെയാണ്, എല്ലാത്തിന്റെയും ഉള്ളില്‍ നില്‍ക്കുന്നത്; എല്ലാത്തിനെയും നിയന്ത്രിക്കുന്നതും എന്ന ബോധം ഉണ്ടാകണം; എന്നെയാണ് എപ്പോഴും ആശ്രയിക്കേണ്ടത് എന്ന തീരുമാനം എടുക്കുകയും വേണം. അഗ്നി, ഇന്ദ്രന്‍ മുതലായ ദേവന്മാരിലും എല്ലായിടത്തും, യോഗത്തിലും യാഗത്തിലും, യാഗത്തിന്റെ ഉപകരണങ്ങളിലും ഞാന്‍ തന്നെയാണ് സ്ഥിതിചെയ്യുന്നത് എന്ന് 'മദ്ഭാവന'- ഉണ്ടായിരിക്കണം. പോരാ, എന്റെ ഈ കൃഷ്ണന്റെ- സംരക്ഷണത്തില്‍ ആശ്രയത്തില്‍ തന്നെയാണ് എന്ന ബോധവും എപ്പോഴും ഉണ്ടാകണം. ഭൗതികതയുടെ മാലിന്യത്തില്‍ നിന്ന് മോചനം കിട്ടാന്‍ എന്നെ ആശ്രയിക്കണം.