ബ്രഹ്മസ്തോത്രം അഥവാ പഞ്ചരത്നസ്തോത്രം ॥

ഓം നമസ്തേ സതേ സര്‍വലോകാശ്രയായ
      നമസ്തേ ചിതേ വിശ്വരൂപാത്മകായ ।
നമോഽദ്വൈതതത്ത്വായ മുക്തിപ്രദായ
      നമോ ബ്രഹ്മണേ വ്യാപിനേ നിര്‍ഗുണായ ॥ 1॥

ത്വമേകം ശരണ്യം ത്വമേകം വരേണ്യം
      ത്വമേകം ജഗത്കാരണം വിശ്വരൂപം ।
ത്വമേകം ജഗകര്‍തൃപാതൃപ്രഹാര്‍തൃ
      ത്വമേകം പരം നിശ്ചലം നിര്‍വികല്‍പം ॥ 2॥

ഭയാനാം ഭയം ഭീഷ്ഹണം ഭീഷ്ഹണാനാം
      ഗതിഃ പ്രാണിനാം പാവനം പാവനാനാം ।
മഹോച്ചൈഃ പദാനാം നിയന്തൃ ത്വമേകം
      പരേശം പരം രക്ഷണം രക്ഷണാനാം ॥ 3॥

പരേശ പ്രഭോ സര്‍വരൂപാവിനാശിന്‍
      അനിര്‍ദേശ്യ സര്‍വേന്ദ്രിയാഗംയ സത്യ ।
അചിന്ത്യാക്ഷര വ്യാപകവ്യക്തതത്ത്വ
      ജഗദ്ഭാസകാധീശ പായാദപായാത് ॥ 4॥

തദേകം സ്മരാമസ്തദേകം ഭജാമ-
      സ്തദേകം ജഗത്സാക്ഷിരൂപം നമാമഃ ।
സദേകം നിധാനം നിരാലംബമീശം
      ഭവാംഭോധിപോതം ശരണ്യം വ്രജാമഃ ॥ 5॥

 ॥ ഇതി മഹാനിര്‍വാണതംത്രേ ബ്രഹ്മസ്തോത്രം ഏവം പഞ്ചരത്നസ്തോത്രം സമാപ്തം ॥


Encoded and proofread by Sunder Hattangadi sunderh@hotmail.com