ഉപനിഷത്തും ഗീതയും പറയുന്ന ആ പരമമായ സുഖത്തിന്‍റെ പ്രതിഫലനമാണു നാം ബാഹ്യവസ്തുക്കളിലൂടെ ഇന്ദ്രിയങ്ങളുടെയും മനസ്സിന്‍റെയും സഹായത്തോടെ ഓരോരോ സുഖമായി അനുഭവിക്കുന്നതു്. ഉള്ളില്‍ വിലസുന്ന ആ പരമസുഖത്തെ ഈ ഉപാധികളൊന്നുമില്ലാതെ അനുഭവിക്കാമെന്നു വന്നാലോ? അങ്ങനെ അനുഭവി ക്കാമെന്നാണു് ഋഷിമാര്‍ പറയുന്നതു്. അതിനു ഞാൻ ദേഹമാണെന്നും ദേഹം എന്റെയാണെന്നും ദേഹം എനിക്ക് വേണ്ടിയാണെന്നും എന്നുള്ള വിചാരം (അഹങ്കാരം) മനസ്സുകൊണ്ടും പ്രവർത്തികൊണ്ടും ഉപേക്ഷിക്കണം