സ്വതസിദ്ധമായ സ്ഥിതി

ഓരോ സൃഷ്ടിയും മനോഹരമാണ്; ഒരു നിയതിയാൽ അതു ചലിക്കപ്പെടുമ്പോൾ അതിന്റെ സൃഷ്ടിതത്വം പൂർണ്ണമാകുന്നു. എന്നാൽ അതിൽ മനുഷ്യന്റേതായ കൂട്ടിച്ചേർക്കലുകൾ നടത്തുമ്പോൾ അതു ഈശ്വരനിൽനിന്നും അകന്നുപോകുന്നു; ഒപ്പം സുഖ-ദുഃഖാദി ദ്വന്ദങ്ങളാൽ വലയം ചെയ്യപ്പെട്ടു ശാന്തിയ്ക്കു കേടുവരുത്തുന്നു.

താൻ താനായിരിക്കലാണ് ശരിക്കും വേണ്ടത്; ഒരു മോടിയും ആവശ്യമില്ലാത്ത സ്വതസിദ്ധമായ ഒരു "താൻ"... താനിരിക്കേണ്ടിടത്ത് താനിരുന്നാൽ നടക്കേണ്ടതെന്തോ അതു തനിയെ നടക്കും. നിയതമായ കർമ്മം ശരീരത്തിലൂടെ നടത്തപ്പെടുന്നു; അതാവട്ടെ പ്രപഞ്ച താളമാണ്. അതിൽ ആനന്ദമുണ്ടാവും.Ramana Maharshi