ഒരു രസികൻ സംസ്കൃത സമസ്യ

പണ്ട് വിദ്വാന്മാര്‍ നേരമ്പോക്കിനു വേണ്ടി ഉണ്ടാ‍ക്കിയ ഒരു കളിയാണ് സമസ്യ.
........................................
ആദ്യ മൂന്ന് വരികളിലുള്ള ചോദ്യങ്ങളുടെ ഉത്തരങ്ങൾ നാലാമത്തെ ഒറ്റ വരിയിൽ ഉൾക്കൊള്ളിച്ചിരിക്കുന്നു ..

ക  ഖേചരതി? കാ  രമ്യാ ?
കിം ജപ്യം?കിം ച ഭൂഷണം?
കോ വന്ദ്യ ?കീ ദൃശീ ലങ്കാ ?
‘വീരമർക്കടകമ്പിതാ‘

ക ഖേ ചരതി? ആകാശത്തുകൂടി ചരിക്കുന്നതെന്ത്?

വീ= പക്ഷി

കാ രമ്യ?
രമിപ്പിക്കുന്നത് ആർ?

രമ

കിം ജപ്യം? ജപിക്കേണ്ടതെന്ത്?

ഋക്.

കിംച ഭൂഷണം?
ഭൂഷണം എന്ത്?

കടകം

കോ വന്ദ്യ :?
ആരാണ് വന്ദ്യനായിട്ടുള്ളത്?
പിതാ

കീ ദൃശീ ലങ്കാ?
ലങ്ക എങ്ങിനെ കാണപ്പെട്ടു?

വീരമർക്കട കമ്പിതാ=വീരമർക്കടനാൽ വിറയ്പ്പിക്കപ്പെട്ടതായിട്ട്.

ജയതു സംസ്കൃതം