ദശശ്ലോകി രചന:ശങ്കരാചാര്യർ

<poem>

ന ഭൂമിർന തോയം ന തേജോ ന വായുഃ

ന ഖം നേന്ദ്രിയം വാ ന തേഷാം സമൂഹഃ

അനേകാന്തികത്വാത് സുഷുപ്ത്യേകസിദ്ദഃ

തദേകോഽവശിഷ്ടഃ ശിവഃ കേവലോഽഹം       1

ന വർണാ ന വർണാശ്രമാചാരധർമാ

ന മേ ധാരണാധ്യാനയോഗാദയോപി

അനാത്മാശ്രയാഹംമമാധ്യാസഹാനാത്

തദേകോഽവശിഷ്ടഃ ശിവഃ കേവലോഽഹം       2

ന മാതാ പിതാ വാ ന ദേവാ ന ലോകാ

ന വേദാ ന യജ്ഞാ ന തീർഥ ബ്രുവന്തി

സുഷപ്തൗ നിരസ്താതിശൂന്യാത്മകത്വാത്

തദേകോഽവശിഷ്ടഃ ശിവഃ കേവലോഽഹം       3

ന സാഖ്യം ന ശൈവം ന തത്പാഞ്ചരാത്രം

ന ജൈനം ന മീമാംസകാദേർമതം വാ

വിശിഷ്ടാനുഭൂത്യാ വിശുദ്ധാത്മകത്വാത്

തദേകോഽവശിഷ്ടഃ ശിവഃ കേവലോഽഹം       4

ന ചോർധ്വ ന ചാധോ ന ചാന്തർന ബാഹ്യം

ന മധ്യം ന തിര്യം ̐ ന പൂർവാഽപരാ ദിക്

വിയദ്വ്യാപകത്വാദഖണ്ഡൈകരൂപഃ

തദേകോഽവശിഷ്ടഃ ശിവഃ കേവലോഽഹം       5

ന ശുക്ലം ന കൃഷ്ണം ന രക്തം ന പീതം

ന കുബ്ജം ന പീനം ന ഹ്രസ്വം ന ദീർഘം

അരൂപം തഥാ ജ്യോതിരാകാരകത്വാത്

തദേകോഽവശിഷ്ടഃ ശിവഃ കേവലോഽഹം       6

ന ശാസ്താ ന ശാസ്ത്രം ന ശിഷ്യോ ന ശിക്ഷാ

ന ച ത്വം ന ചാഹം ന ചായം പ്രപഞ്ചഃ

സ്വരൂപാവബോധോ വികൽപാസഹിഷ്ണുഃ

തദേകോഽവശിഷ്ടഃ ശിവഃ കേവലോഽഹം       7

ന ജാഗ്രൻ ന മേ സ്വപ്നകോ വാ സുഷുപ്തിഃ

ന വിശ്വൗ ന വാ തൈജസഃ പ്രാജ്ഞകോ വാ

അവിദ്യാത്മകത്വാത് ത്രയാണം തുരീയഃ

തദേകോഽവശിഷ്ടഃ ശിവഃ കേവലോഽഹം       8

അപി വ്യാപകത്വാത് ഹിതത്വപ്രയോഗാത്

സ്വതഃ സിദ്ധഭാവാദനന്യാശ്രയത്വാത്

ജഗത് തുച്ഛമേതത് സമസ്തം തദന്യത്

തദേകോഽവശിഷ്ടഃ ശിവഃ കേവലോഽഹം       9

ന ചൈകം തദന്യദ് ദ്വിതീയം കുതഃ സ്യാത്

ന കേവലത്വം ന ചാഽകേവലത്വം

ന ശുന്യം ന ചാശൂന്യമദ്വൈതകത്വാത്

കഥം സർവവേദാന്തസിദ്ധം ബ്രവീമി