ശാസ്ത്രീയനാമം: ഹൊളപ്റ്റീലിയ ഇന്റഗ്രിഫോളിയ.
സംസ്‌കൃതം : ചിരുവില്വം
തമിഴ് : അയ
എവിടെകാണാം: കേരളത്തിലങ്ങോളമിങ്ങോളം വനത്തിലും നാട്ടിന്‍പുറങ്ങളിലും കണ്ടുവരുന്ന ഒരു വൃക്ഷമാണ് ആവല്‍.
പ്രത്യുല്‍പ്പാദനം: വിത്ത് പാകി മുളപ്പിച്ചു നടാം.
ഔഷധത്തിനുപയോഗിക്കുന്ന ഭാഗങ്ങള്‍: ഇല,തടി, തൊലി.

ചില ഔഷധ പ്രയോഗങ്ങള്‍

1) ഇതിന്റെ തടികൊണ്ട് ‘മെതിയടി’ ഉണ്ടാക്കി ഉപയോഗിക്കുന്നത് പാദഹര്‍ഷം എന്ന വാതത്തിന് ശമനമുണ്ടാക്കും. (പാദഹര്‍ഷമെന്നാല്‍ ഉപ്പൂറ്റിയ്ക്ക് വേദനയും കുതിഞരമ്പിന് ചുറ്റും കറുപ്പ് നിറവും ഉണ്ടാകുകയും രാവിലെ ഉപ്പൂറ്റി നിലത്തു തൊടുമ്പോള്‍ വേദനയും കുറച്ചു നടന്നാല്‍ ശമിക്കുകയും കാല്‍പ്പാദത്തിന് വേദനയും ഉണ്ടാകുന്ന വാതരോഗത്തിന് പാദഹര്‍ഷം എന്നു പറയുന്നു)

2) കസേരകളില്‍ ആം റെസ്റ്റ് ഉണ്ടാക്കുന്നതിന് ഇതിന്റെ തടി ശ്രേഷ്ഠമാണ്. കൈമുട്ടിനും മുഴം കൈക്കുമുള്ള വേദന കുറയാന്‍ കസേരയില്‍ ഇത്തരത്തിലുള്ള ആം റെസ്റ്റ് ഉണ്ടാക്കുന്നത് നല്ലതാണ്.

3) അര്‍ശസ്സിനുള്ള പ്രസിദ്ധമായ ”ചിരുവില്വാദി” കഷായത്തില്‍ ആവല്‍ തൊലി ഉപയോഗിക്കുന്നു.

ചിരുവില്വാദി കഷായം: ആവല്‍ത്തൊലി, തഴുതാമവേര് കൊടിവേലിക്കിഴങ്ങ് (ശുദ്ധിചെയ്തത്) കടുക്കാത്തോട,് തിപ്പലി,ചുക്ക് ഇവ ഓരോന്നും 15 ഗ്രാം വീതം ഒന്നരലിറ്റര്‍ വെള്ളത്തില്‍ വെന്ത് 400 മില്ലിയാക്കി വറ്റിച്ച് 100 മില്ലി വീതം ഇന്തുപ്പ് മേമ്പൊടി ചേര്‍ത്ത് രാവിലെ വെറുംവയറ്റിലും രാത്രി അത്താഴത്തിനുശേഷവും സേവിക്കുക. ഇത് ഭഗന്ദരം, ഗുദകീലം, അര്‍ശ്ശസ് ഇവ ശമിക്കും.3) പച്ചത്തൊലി അരച്ച് തേയ്ക്കുന്നത് (കാടിയില്‍ അരയ്ക്കുന്നത് കൂടുതല്‍ ഗുണം ചെയ്യും) വാതനീരു കുറയുന്നതിനും ആമവാതത്താലുള്ള സന്ധിവീക്കത്തിനും നല്ല കുറവുണ്ടാകും.

4) ആവല്‍ത്തളിര് അരച്ച് കഷണ്ടിയില്‍ ലേപനം ചെയ്ത് ഒരു മണിക്കൂര്‍ കഴിഞ്ഞ് കാടിവെള്ളത്തില്‍ തുടച്ചു കളഞ്ഞശേഷം നീലഭൃംഗാദി തൈലം വിധിപോലെ നിര്‍മ്മിച്ചത് തേച്ചാല്‍ മുടിമുളയ്ക്കും. നീലഭൃംഗാദിക്കു പകരം സമാനമായ തൈലവും ഉപയോഗിക്കാം. ആദ്യം തലയിലെ മൃദുതൊലി പൊള്ളിപ്പോകും വൃണമുണ്ടാകില്ല. അതുകൊണ്ട് ഭയപ്പെടാനില്ല.

ജന്മഭൂമി: http://www.janmabhumidaily.com/news718020#ixzz4v3QDNowx