നന്മ മരിക്കില്ലയോരിക്കലും...

#ഒരുരുള_ചോറ്

ഒരുരുള ചോറു കഴിക്കൂ മകനേ

അമ്മ കുഞ്ഞിനോടോതി.

കറി കൂട്ടിക്കുഴച്ചോരുരുളച്ചോറിൽ

നിറയെ സ്നേഹം നിറഞ്ഞിരുന്നു.

വേണ്ട വേണ്ട എനിക്കിനി ചോറു വേണ്ട

അമ്മ ആ ചോറ് കാക്കയെ ഊട്ടിടൂ...

കാലം കടന്നു പോയി.. എന്നോ

അമ്മ ചോറിനായ് കേഴേണ്ടി വന്നോ... !

ഒരുരുള ചോറു താ മകനേ

അമ്മയുടെ അടിവയറെരിയുന്നേ....

ആ വിളി കേൾക്കുവാനാരും

അമ്മതൻ ചാരത്തില്ലെന്നോ..!

ഈ സ്വരം കേട്ടിട്ടീശ്വരൻ

അമ്മയെ കൂട്ടിക്കൊണ്ടു പോയി..

ഒരുരുള ചോറുമായി പുത്രൻ

ബലിക്കാക്കയെ കാത്തിരിക്കുന്ന നേരം

അമ്മ പറന്നെത്തി വേഗം

ഒരുരുള ചോറിനായ് ചാരെ...

പുത്രന്റെ കൈകളിൽ നിന്നും

അന്നം കഴിക്കുവാൻ വേണ്ടി...

ആവോളം കഴിച്ചമ്മയ്ക്കപ്പോൾ

അടിവയറ്റിലെരിച്ചിലകന്നു..

മകനായേകി ആവോളം നന്മ

മരിച്ചിട്ടും നന്മയുണ്ടാവോളമമ്മയിൽ..

ബലിക്കാക്കയ്ക്കറിയാം തൻ മകനെ 

മകനറിയുന്നുവോ ബലിക്കാക്കയാം തന്നമ്മയെ... !

അവധൂത് ഗുരുപ്രസാദ്...