സർവേഷു ലോകേഷ്വകാമചാരോ ഭവതി. ഏവാഹമേവാധസ്താദഹമുപരിഷ്ടാദഹം പശ്ചാദഹം പുരസ്താദഹം ദക്ഷിണതോഽഹമുത്തരതോഽഹമേവേദം ̐ സർവമിതി || 7. 25. 1|| അഥാത ആത്മാദേശ ഏവാത്മൈവാധസ്താദാത്മോപരിഷ്ടാദാത്മാ പശ്ചാദാത്മാ പുരസ്താദാത്മാ ദക്ഷിണത ആത്മോത്തരത ആത്മൈവേദം ̐ സർവമിതി സ വാ ഏഷ ഏവം പശ്യന്നേവം മന്വാന ഏവം വിജാനന്നാത്മരതിരാത്മക്രീഡ ആത്മമിഥുന ആത്മാനന്ദഃ സ സ്വരാഡ്ഭവതി തസ്യ സർവേഷു ലോകേഷു കാമചാരോ ഭവതി അഥ യേഽന്യഥാതോ വിദുരന്യരാജാനസ്തേ ക്ഷയ്യലോകാ ഭവന്തി തേഷാം ̐ സർവേഷു ലോകേഷ്വകാമചാരോ ഭവതി || 7. 25. 2|| || ഇതി പഞ്ചവിംശഃ ഖണ്ഡഃ || ഛാന്ദോഗ്യോപനിഷത്ത്