Saturday, December 20, 2025
ധനുമാസത്തിലെ ഷഷ്ഠിവരുന്നത് ഡിസംബര് 26 വെള്ളിയാഴ്ചയാണ്.
ധനുമാസ ഷഷ്ഠിയുടെ പ്രാധാന്യം സന്താന ലബ്ധിക്കും, മക്കളുടെ അഭിവൃദ്ധിക്കും, സർപ്പദോഷ നിവാരണത്തിനും സർവ്വദോഷ നിവൃത്തിക്കു വേണ്ടിയുമാണ് പ്രധാനമായും ഷഷ്ഠിവ്രതം അനുഷ്ഠിക്കുന്നത്. ചൊവ്വാദോഷമുള്ളവർക്കും, മകയിരം, ചിത്തിര, അവിട്ടം നക്ഷത്രക്കാർക്കും വ്രതമെടുക്കുന്നതും സുബ്രഹ്മണ്യ ഭജനം നടത്തുന്നതും വളരെ ഉത്തമമാണ്.
ആരെയാണ് ആരാധിക്കേണ്ടത്? സുബ്രഹ്മണ്യസ്വാമിക്കൊപ്പം ഷഷ്ഠി ദേവിയെയും (ദേവസേന) ഈ ദിവസം പ്രാർത്ഥിക്കുന്നത് സൽപുത്രലബ്ധിക്ക് നല്ലതാണ്.
ജപിക്കേണ്ട മന്ത്രം (ഷഷ്ഠി സ്തുതി) സന്താനങ്ങൾ ഉള്ളവര്ക്കും ഗര്ഭിണികള്ക്കും കുട്ടികളെ ആഗ്രഹിക്കുന്നവര്ക്കും ഒരുപോലെ ജപിക്കാവുന്ന മന്ത്രമാണിത്. ഇത് ജപിക്കുന്നതിലൂടെ മക്കൾക്ക് നേർബുദ്ധിയും ആയുരാരോഗ്യങ്ങളും ലഭിക്കുമെന്ന് വിശ്വസിക്കപ്പെടുന്നു.
ആ മന്ത്രം താഴെ നൽകുന്നു:
നമോദേവി മഹാദേവി! സിദ്ധേ ശാന്തേ നമിച്ചിടാം ശ്രദ്ധയ്ക്കായ് ദേവസേനയ്ക്കായ് ഷഷ്ഠിക്കായ് ഞാന് നമിച്ചിടാം വരദയ്ക്കായ് പുത്രദയ്ക്കായ് ധനദയ്ക്കായ് നമിച്ചിടാം. സുഖമോക്ഷദയാം ഷഷ്ഠീ ദേവിക്കായ് ഞാന് നമിച്ചിടാം.
സൃഷ്ടേ ഷഷ്ഠാംശ രൂപേ! നല്സിദ്ധേ! നിന്നെ നമിച്ചിടാം സിദ്ധയോഗിനിയാം മായേ! ഷഷ്ഠിദേവീ! നമിച്ചിടാം സാരയ്ക്കായ് ശാരദയ്ക്കായും പരയ്ക്കായും നമിച്ചിടാം ബാലാധിഷ്ഠാ തൃദേവിക്കായ് ഷഷ്ഠിദേവിക്കിതാ നമഃ
കല്യാണിദായി കല്യാണി. കര്മത്തിൻ ഫലദായിനി! പ്രത്യക്ഷേ ഭക്തരായോര്ക്കു ഷഷ്ഠീദേവി നമിച്ചിടാം കര്മങ്ങളില് പൂജ്യമാകും സ്കന്ദകാന്തേ നമിച്ചിടാം ദേവന്മാരെ രക്ഷ ചെയ്ത ഷഷ്ഠീദേവി നമിച്ചിടാം
ശുദ്ധ് സത്വസ്വരൂപയ്ക്കായ് വന്ദിതയ്ക്കായ് സദാ നൃണാം ഹിംസാക്രോധങ്ങളില്ലാത്ത ഷഷ്ഠിക്കായ് ഞാന് നമിച്ചിടാം. ധനം ഭാര്യാ (ഭര്ത്തൃ) പുത്രരേയു- മെനിക്കേകണമീശ്വരീ! മാനം ജയം ശത്രുനാശമതും നല്കണമംബികേ! യശസ്സും ധര്മവും ഷഷ്ഠീ ദേവിക്കായ് നമിച്ചിടാം!
വിദ്യയും പ്രജയും ഭൂവും നല്കണം നീ സുപൂജിതേ! കല്യാണവും നല്കിടേണം ഷഷ്ഠീദേവീ! നമിച്ചിടാം.
Subscribe to:
Post Comments (Atom)
No comments:
Post a Comment