ഓം ഓം എന്ന അക്ഷരം നാം പൊതുവേ ഭക്തിയുമായി ബന്ധപ്പെടുത്തിയിരിയ്ക്കുന്ന ഒന്നാണ്. പല മന്ത്രങ്ങളുടേയും തുടക്കമാണ് ഓം. ഓംകാരമെന്ന് പൊതുവേ പറയും. എന്നാല്‍ ഇത് വെറുതേ ഭക്തിയുമായി ബന്ധപ്പെടുത്തേണ്ട ഒന്നു മാത്രമല്ല, ആരോഗ്യപരമായ ഗുണങ്ങള്‍ നല്‍കുന്ന ഒന്നാണിത്. ശാരീരികമായ ഗുണങ്ങള്‍ മാത്രമല്ല, മാനസികമായ ഗുണങ്ങളും ഓം എന്ന ഉച്ചാരണം നമുക്കു സമ്മാനിയ്ക്കുന്നു.പ്രപഞ്ചത്തില്‍ നിറയുന്ന എനര്‍ജി അഥവാ ഊര്‍ജമാണ് ഓം. ഗണേശ ഭഗവാന്റെ രൂപവുമായി ഓം എന്ന അക്ഷരത്തിന് ബന്ധമുണ്ട്. പുരാതന കാലത്തു മുതല്‍ ബുദ്ധ-ജൈന മതങ്ങളുമായി ബന്ധപ്പെട്ടിരിയ്ക്കുന്ന ഇത് ആത്മീയ കാര്യങ്ങള്‍ക്കായുള്ള ഒരു ഐക്കണായാണ് പ്രധാനമായും കണക്കാക്കിയിരുന്നത്. ഓം എന്നു നാം പറയുമെങ്കിലും ഇത് മൂന്നക്ഷരങ്ങളുടെ സംഗമമാണ്. അഓഎം എന്ന മൂന്നക്ഷരം. ഇംഗ്ലീഷിലും എയുഎം എന്ന മൂന്നു അക്ഷരങ്ങളാണ് ഇതില്‍ വരുന്നത്. ഈ മൂന്നക്ഷരങ്ങള്‍ക്കും അതിന്റേതായ വിശദീകരണവുമുണ്ട്. എ എന്നാല്‍ വര്‍ത്തമാനാവസ്ഥ, യു എന്നത് സ്വപ്‌നാവസ്ഥ, എം എന്നാല്‍ ദീര്‍ഘ നിദ്ര എന്നതാണ് ഇതിനു വിശദീകരണം. ഈ മൂന്നവസ്ഥകളും ഓം എന്ന ഉച്ചാരണത്തില്‍ വന്നു ചേരുന്നു. ഇതിന് അവസാനം സൈലന്‍സായി വരുന്നു. അതായത് നിശബ്ദത. ഈ നിശബ്ദതയ്ക്കു നല്‍കുന്ന വ്യാഖ്യാനം അനന്തമായ ബോധാവസ്ഥയാണ്. ഇതു തന്നെയാണ് ഓം എന്ന അക്ഷരത്തിനു പുറകില്‍ ഏറെ ആഴത്തിലുള്ള അര്‍ത്ഥമാക്കുന്നു. ഓം എന്ന ഉച്ചാരണം നമ്മിലെ സ്‌ട്രെസ്, ടെന്‍ഷന്‍ എന്നിവ നീക്കാന്‍ ഏറെ നല്ലതാണ്. ഇത്തരം സന്ദര്‍ഭങ്ങളില്‍ മനസ് ഏകാഗ്രമാക്കി കണ്ണടച്ച് മനസില്‍ ഈ മന്ത്രം ഉച്ചരിച്ചു നോക്കൂ. ഫലം നമുക്ക് അനുഭവിച്ചറിയാം. ഇതു നാം ഉച്ചരിയ്ക്കുമ്പോള്‍ നമ്മുടെ ശരീരത്തിലും മനസിലും, എന്തിന് ചുറ്റുപാടു പോലും ഊര്‍ജം നിറയും, പൊസറ്റീവിറ്റിയുണ്ടാകും. ഉത്സാഹവും ഉന്മേഷനും നാമറിയാതെ തന്നെ നമ്മില്‍ നിറയ്ക്കാന്‍ ഈ അക്ഷരോച്ചാരണം കൊണ്ടു സാധിയ്ക്കും.സ്‌ട്രെസ്, ടെന്‍ഷന്‍ പ്രശ്‌നങ്ങള്‍ കൊണ്ടുണ്ടാകുന്ന പല രോഗങ്ങള്‍ക്കും ഈ ഓം ഉച്ചാരണം ഇങ്ങനെ പരിഹാരമാകുന്നു. തലച്ചോറിന്റെ ആരോഗ്യത്തിന് ഉത്തമമാണ് ഓം എന്ന അക്ഷരം. ഇത് ഏകാഗ്രത നല്‍കുന്ന ഒന്നാണ്. കുട്ടികള്‍ക്കു ബുദ്ധിശക്തി വര്‍ദ്ധിപ്പിയ്ക്കാന്‍ സഹായിക്കുന്ന ഒന്നാണിത്. കണ്ണടച്ചിരുന്ന് ഈ മന്ത്രം ചൊല്ലുമ്പോള്‍ ശരീരവും മനസും ബുദ്ധിയുമെല്ലാം ഈ പ്രത്യേക ബിന്ദുവില്‍ കേന്ദ്രീകരിയ്ക്കുകയാണ് ചെയ്യുന്നത്. ഇതു വഴി തലച്ചോറിലേയ്ക്കുള്ള രക്തപ്രവാഹവും ഓക്‌സിജന്‍ പ്രവാഹവുമെല്ലാം വര്‍ദ്ധിയ്ക്കും.ഇതെല്ലാം തലച്ചോറിന്റെ ആരോഗ്യത്തിന് മികച്ചതാണ്. ബുദ്ധിശക്തി, ഓര്‍മശക്തി എന്നിവയ്‌ക്കെല്ലാം ഗുണകരമാണിത്. കിടക്കാന്‍ നേരം ദീര്‍ഘശ്വാസമെടുത്ത് മൂന്നു തവണ ഓം ഉച്ചരിച്ച ശേഷം കിടന്നു നോക്കൂ. നല്ല ഉറക്കത്തിന് ഇതു സഹായിക്കും. സ്‌ട്രെസ്, ടെന്‍ഷന്‍ എന്നിവ ഒഴിവാക്കുന്നതാണ് ഇതിന് കാരണം. ഉറക്ക പ്രശ്‌നങ്ങളുള്ളവര്‍ക്ക് മനസും ശരീരവും ശാന്തമാക്കി വച്ച് നല്ല ഉറക്കത്തിന് സഹായിക്കുന്ന ഒന്നാണിത്. കിടക്കാന്‍ നേരവും ഉണരുന്ന നേരവുമെല്ലാം ഇതു ചൊല്ലുന്നത് ഏറെ ഗുണം നല്‍കുന്നു. ദഹനേന്ദ്രിയ ആരോഗ്യത്തിന് ഏറെ ഉത്തമമാണ് ഇത്. അസിഡിറ്റി, ഗ്യാസ് തുടങ്ങിയ പ്രശ്‌നങ്ങള്‍ നിയന്ത്രിയ്ക്കുവാന്‍ ഏറെ നല്ലതാണ് ഓം എന്ന ഉച്ചാരണം. ഇതും വൈബ്രേഷനുകള്‍ മൂലമുണ്ടാകുന്ന ഫലമാണ്. വയറിന്റെ ആരോഗ്യത്തിന് ഏറെ ഗുണകരം. സ്‌പൈനല്‍ കോഡ് ആരോഗ്യത്തിന് ഉത്തമമാണ് ഇത്. ഓം ശരിയായ രീതിയില്‍ ഉച്ചരിയ്ക്കുമ്പോള്‍ ശരീരത്തില്‍ പ്രകമ്പനമുണ്ടാകുന്നു. ഓം ശരിയായ രീതിയില്‍ ഉച്ചരിയ്ക്കുമ്പോള്‍ ശരീരത്തില്‍ പ്രകമ്പനമുണ്ടാകുന്നു. ഇത് സ്‌പൈനല്‍ കോഡിനെ ശക്തിപ്പെടുത്തുന്നു. ഹൈപ്പര്‍ ടെന്‍ഷന്‍, ബിപി എന്നിവ നിയന്ത്രിയ്ക്കുവാന്‍ പറ്റിയ ഏറ്റവും നല്ലൊരു വഴിയാണിത്. ഓം ഉച്ചരിയ്ക്കുന്ന സമയത്ത് നാം ഉള്ളിലേയ്ക്കു തന്നെ കേന്ദ്രീകരിയ്ക്കപ്പെടുകയാണ്. ഇതുവഴി പുറം ലോകവുമായി ബന്ധം നഷ്ടപ്പെടുന്നു. ഇതു വഴി ശ്വസനവും ഹൃദയമിടിപ്പും എല്ലാം തന്നെ ക്രമീകരിയ്ക്കപ്പെടുന്നു. ഹൃദയാരോഗ്യത്തിന് ഏറെ നല്ലതാണ് ഈ ഉച്ചാരണം. ഇത് ഓക്‌സിജന്‍, രക്തപ്രവാഹം എന്നിവ വര്‍ദ്ധിപ്പിയ്ക്കുന്നതാണ് ഇതിനു കാരണമാകുന്നത്. ഓം കൃത്യമായ ഗുണം നല്‍കാന്‍ ഉച്ചരിക്കേണ്ട വിധവും പ്രസിദ്ധമാണ്‌. ബഹളങ്ങളില്ലാത്ത, ശാന്തമായ ഒരിടത്ത് കണ്ണടച്ച്, നിവര്‍ന്നിരുന്ന് ദീര്‍ഘ ശ്വാസമെടുത്ത് സമയമെടുത്തു ചെയ്യേണ്ട ഒന്നാണ്. ഓം എന്ന ഉച്ചാരണമുണ്ടാകുമ്പോള്‍ ഇതില്‍ മൂന്നു വാക്കുകളും വരണം. എന്നാലേ ഗുണമുണ്ടാകൂ. ചുരുങ്ങിയത് മൂന്നു തവണയെങ്കിലും ഇതു ചെയ്യുക. മനസിനെ നിയന്ത്രിയ്ക്കുന്ന ശക്തിയാണിത്. നമ്മുടെ വികാരങ്ങളെ നിയന്ത്രിയ്ക്കാനുള്ള ഒരു പ്രധാന ശക്തി. ശരീരത്തിലെയും മനസിലേയും നെഗറ്റീവ് ഊര്‍ജം നീക്കാനുള്ള പ്രധാനപ്പെട്ടൊരു വഴിയാണിത്. ഓം ഉച്ചരിയ്ക്കുന്നതിലൂടെ മനസില്‍, ഇതു വഴി ശരീരത്തില്‍ നാം പൊസറ്റീവ് ഊര്‍ജം നിറയ്ക്കുയാണ് ചെയ്യുന്നത. കടപ്പാട്