*ഈ ലോകജീവിതത്തിൽ സ്നേഹം തന്നെയാണ് ഏറ്റവും ശ്രേഷ്ഠമായ വികാരം. സ്നേഹത്തിന് ആളുകളെ വരുത്തിയിലാക്കാനും കീഴ്പ്പെടുത്താനും ഒക്കെയുള്ള ഒരപാര കഴിവുണ്ട്. അസാധ്യമെന്ന് കരുതിയ പല കാര്യങ്ങളും നിസ്സാരമായി നേടാൻ സ്നേഹം തീർച്ചയായും ഊർജ്ജമാകും. കണക്ക് പുസ്തകങ്ങൾ സൂക്ഷിക്കാതെ പകർന്ന് നൽകി ഇടപെടാൻ സ്നേഹത്തിന് മാത്രമേ സാധിക്കൂ. സത്യത്തിൽ സ്നേഹത്തിന്റെ ശരിയായ വില അറിയണമെങ്കിൽ അത് നഷ്ടപ്പെട്ടവരോട് തന്നെ ചോദിക്കണം. പരസ്പരം ആത്മാർത്ഥമായി സ്നേഹിച്ചവർ അകലുമ്പോൾ, അവരെ എന്നെന്നേക്കുമായി നഷ്ടപ്പെടുമ്പോൾ ഉണ്ടാകുന്ന ശൂന്യത മറ്റേത് മുറിവുകൾ ഉണ്ടാക്കിയ മുറിവിനേക്കാൾ ആഴമേറിയതും അതുണങ്ങാൻ പലപ്പോഴും കാലങ്ങൾക്ക് പോലും അസാധ്യമവുകയും ചെയ്യും. തന്നെ മാത്രമേ സ്നേഹിക്കാവൂ എന്ന ചിലരുടെ ഒക്കെ വാശിയാണ് പലപ്പോഴും സ്നേഹബന്ധങ്ങൾ മുറിയാനുള്ള പ്രധാന കാരണം. സ്നേഹിക്കുന്നവരും, സ്നേഹിക്കപ്പടുന്നവരും കാത്ത് സൂക്ഷിക്കേണ്ട പ്രമാണം, ആരെയും നമ്മുടെ ലോകമായി കാണാതിരിക്കുക അതുപോലെ തന്നെ നാം ആരുടേയും ലോകമായി മാറാതിരിക്കുക എന്നതാണ്....!*