ഉമാമഹേശ്വരസ്തോത്രം **************************** നമഃ ശിവാഭ്യാം നവയൗവനാഭ്യാം പരസ്പരാശ്ലിഷ്ടവപുർധരാഭ്യാം നഗേന്ദ്രകന്യാവൃഷകേതനാഭ്യാം നമോ നമഃ ശങ്കരപാർവതീഭ്യാം. നമഃ ശിവാഭ്യാം സരസോത്സവാഭ്യാം നമസ്കൃതാഭീഷ്ടവരപ്രദാഭ്യാം നാരായണേനാർച്ചിതപാദുകാഭ്യാം നമോ നമഃ ശങ്കരപാർവതീഭ്യാം. നമഃ ശിവാഭ്യാം വൃഷവാഹനാഭ്യാം വിരിഞ്ചിവിഷ്ണ്വിന്ദ്രസുപൂജിതാഭ്യാം വിഭൂതിപാടീര വിലേപനാഭ്യാം നമോ നമഃ ശങ്കരപാർവതീഭ്യാം. നമഃ ശിവാഭ്യാം ജഗദീശ്വരാഭ്യാം ജഗത്പതിഭ്യാം ജയവിഗ്രഹാഭ്യാം ജംഭാരിമുഖ്യൈരഭിവന്ദിതാഭ്യാം നമോ നമഃ ശങ്കരപാർവതീഭ്യാം. നമഃ ശിവാഭ്യാം പരമൗഷധാഭ്യാം പഞ്ചാക്ഷരീപഞ്ചര രഞ്ജിതാഭ്യാം പ്രപഞ്ചസൃഷ്ടിസ്ഥിതിസംഹൃതാഭ്യാം നമോ നമഃ ശങ്കരപാർവതീഭ്യാം. നമഃ ശിവാഭ്യാമതിസുന്ദരാഭ്യാം അത്യന്തമാസക്തഹൃദംബുജാഭ്യാം അശേഷലോകൈക ഹിതംകരാഭ്യാം നമോ നമഃ ശങ്കരപാർവതീഭ്യാം. നമഃ ശിവാഭ്യാം കലിനാശനാഭ്യാം കങ്കാളകല്യാണവപുർധരാഭ്യാം കൈലാസശൈലസ്ഥിതദേവതാഭ്യാം നമോ നമഃ ശങ്കരപാർവതീഭ്യാം. നമഃ ശിവാഭ്യാമശുഭാപഹാഭ്യാം അശേഷലോകൈകവിശേഷിതാഭ്യാം അകുണ്ഠിതാഭ്യാം സ്മൃതിസംഭൃതാഭ്യാം നമോ നമഃ ശങ്കരപാർവതീഭ്യാം. നമഃ ശിവാഭ്യാം രഥവാഹനാഭ്യാം രവീന്ദു വൈശ്വാനരലോചനാഭ്യാം രാകാശശാങ്കാഭമുഖാംബുജാഭ്യാം നമോ നമഃ ശങ്കരപാർവതീഭ്യാം. നമഃ ശിവാഭ്യാം ജടിലന്ധരാഭ്യാം ജരാമൃതിഭ്യാം ച വിവർജിതാഭ്യാം ജനാർദ്ദനാബ്ജോദ്ഭവപൂജിതാഭ്യാം നമോ നമഃ ശങ്കരപാർവതീഭ്യാം. നമഃ ശിവാഭ്യാം വിഷമേക്ഷണാഭ്യാം ബില്വച്ഛദാമല്ലികദാമഭൃദ് ഭ്യാം ശോഭാവതീശാന്തവതീശ്വരാഭ്യാം നമോ നമഃ ശങ്കരപാർവതീഭ്യാം. നമഃ ശിവാഭ്യാം പശുപാലകാഭ്യാം ജഗത്ത്രയീരക്ഷണബദ്ധഹൃദ് ഭ്യാം സമസ്തദേവാസുരപൂജിതാഭ്യാം നമോ നമഃ ശങ്കരപാർവതീഭ്യാം. സ്തോത്രം ത്രിസന്ധ്യം ശിവപാർവതീഭ്യാം ഭക്ത്യാ പഠേദ്ദ്വാദശകം നരോ യഃ സ സർവസൗഭാഗ്യഫലാനി ഭുംക്തേ ശതായുരന്തേ ശിവലോകമേതി. 🕉️🕉️🕉️🕉️🕉️🕉️🕉️🙏🙏🙏🙏