*ഈ ലോകജീവിതത്തിൽ മറ്റുള്ളവർക്ക് സ്വർഗ്ഗം സമ്മാനിക്കുന്നവരാണ് സ്വർഗ്ഗത്തിന്റെ യഥാർത്ഥ അവകാശികൾ! മരണശേഷം ലഭിക്കും എന്ന് പറയപ്പെടുന്ന, ഉറപ്പില്ലാത്ത സ്വർഗ്ഗത്തിന് വേണ്ടി കാത്തു നിൽക്കാതെ ഇവിടെ ജീവിച്ചിരിക്കുന്ന ഒരോ നിമിഷവും ഇടപെടുന്നവർക്കെല്ലാം സ്വർഗ്ഗീയ അനുഭൂതി വിതറി ഇവിടം തന്നെ സ്വർഗ്ഗം ആക്കുന്നവരാണ് ശരിയായ ദൈവ ദൂതർ. ചുറ്റുമുള്ളവരുടെ സന്തോഷത്തിലും, സന്താപത്തിലും, നിർവികാരതയിലും എല്ലാം അവർ ഭാഗഭക്കാകും, സ്ഥിര സാന്നിധ്യമാകും. മരണശേഷം ചിലർ എന്തൊക്കെ സൗഭാഗ്യങ്ങൾ ഉള്ളയിടത്തു എത്തിച്ചേരാൻ ആഗ്രഹിക്കുന്നുവോ അതേ സൗഭാഗ്യങ്ങൾ അവർ ജീവിച്ചിരിക്കുന്ന ഇടത്ത് തന്നെ സൃഷ്ടിച്ചെടുക്കും, അവിടെ സ്വർഗ്ഗമാക്കും. ആരൊക്കെയോ പുറപ്പെടുവിച്ച മാർഗ്ഗ നിർദ്ദേശങ്ങൾ മാത്രമാണ് മരണശേഷം സ്വർഗ്ഗം ലഭിക്കുവാനുള്ള മാർഗ്ഗം എന്ന് തെറ്റിദ്ധരിക്കുന്നവർ യഥാർത്ഥത്തിൽ എവിടേയും എത്തുന്നില്ല എന്നത് തന്നെ ആണ് സത്യം. ഇവിടെ നന്മയുള്ളവരായി ജീവിക്കാൻ ഒരു ചൂണ്ടുപലക മാത്രം ആവും അക്കാര്യങ്ങൾ, പലതും ശുദ്ധ അസംബന്ധങ്ങളും....!*