ദേവീക്ഷമാപണസ്തോത്രം

ഓം സര്‍വേ വൈ ദേവാ ദേവീമുപതസ്ഥുഃ കാസി ത്വം മഹാദേവീതി ॥ 1॥

സാഽബ്രവീദഹം ബ്രഹ്മസ്വരൂപിണീ । മത്തഃ പ്രകൃതിപുരുഷാത്മകം ജഗത് ।
ശൂന്യം ചാശൂന്യം ച ॥ 2॥

അഹമാനന്ദാനാനന്ദൌ । അഹം വിജ്ഞാനാവിജ്ഞാനേ ।
അഹം ബ്രഹ്മാബ്രഹ്മണീ । ദ്വേ ബ്രഹ്മണീ വേദിതവ്യേ । var just വേദിതവ്യേ
ഇതി ചാഥര്‍വണീ ശ്രുതിഃ । അഹം പഞ്ചഭൂതാനി ।
അഹം പഞ്ചതന്‍മാത്രാണി । അഹമഖിലം ജഗത് ॥ 3॥

വേദോഽഹമവേദോഽഹം । വിദ്യാഹമവിദ്യാഹം ।
അജാഹമനജാഹം । അധശ്ചോര്‍ധ്വം ച തിര്യക്ചാഹം ॥ 4॥

അഹം രുദ്രേഭിര്‍വസുഭിശ്ചരാമി । അഹമാദിത്യൈരുത വിശ്വദേവൈഃ ।
അഹം മിത്രാവരുണാവുഭൌ ബിഭര്‍മി । അഹമിന്ദ്രാഗ്നീ അഹമശ്വിനാവുഭൌ ॥ 5॥

അഹം സോമം ത്വഷ്ടാരം പൂഷണം ഭഗം ദധാമി ।
അഹം വിഷ്ണുമുരുക്രമം ബ്രഹ്മാണമുത പ്രജാപതിം ദധാമി ॥ 6॥

അഹം ദധാമി ദ്രവിണം ഹവിഷ്മതേ സുപ്രാവ്യേ യജമാനായ സുന്വതേ । var സുവ്രതേ
അഹം രാജ്ഞീ സങ്ഗമനീ വസൂനാം ചികിതുഷീ പ്രഥമാ യജ്ഞിയാനാം । var രാഷ്ട്രീ
അഹം സുവേ പിതരമസ്യ മൂര്‍ധന്‍മമ യോനിരപ്സ്വന്തഃ സമുദ്രേ ।
യ ഏവം വേദ । സ ദൈവീം സമ്പദമാപ്നോതി ॥ 7॥

തേ ദേവാ അബ്രുവന്‍ ।
നമോ ദേവ്യൈ മഹാദേവ്യൈ ശിവായൈ സതതം നമഃ ।
നമഃ പ്രകൃത്യൈ ഭദ്രായൈ നിയതാഃ പ്രണതാഃ സ്മ താം ॥ 8॥

താമഗ്നിവര്‍ണാം തപസാ ജ്വലന്തീം വൈരോചനീം കര്‍മഫലേഷു ജുഷ്ടാം ।
ദുര്‍ഗാം ദേവീം ശരണം പ്രപദ്യാമഹേഽസുരാന്നാശയിത്ര്യൈ തേ നമഃ ॥ 9॥

ദേവീം വാചമജനയന്ത ദേവാസ്താം വിശ്വരൂപാഃ പശവോ വദന്തി ।
സാ നോ മന്ദ്രേഷമൂര്‍ജം ദുഹാനാ ധേനുര്‍വാഗസ്മാനുപ സുഷ്ടുതൈതു ॥ 10॥

കാലരാത്രീം ബ്രഹ്മസ്തുതാം വൈഷ്ണവീം സ്കന്ദമാതരം ।
സരസ്വതീമദിതിം ദക്ഷദുഹിതരം നമാമഃ പാവനാം ശിവാം ॥ 11॥

മഹാലക്ഷ്ംയൈ ച വിദ്മഹേ സര്‍വശക്ത്യൈ ച ധീമഹി ।
തന്നോ ദേവീ പ്രചോദയാത് ॥ 12॥

അദിതിര്‍ഹ്യജനിഷ്ട ദക്ഷ യാ ദുഹിതാ തവ ।
താം ദേവാ അന്വജായന്ത ഭദ്രാ അമൃതബന്ധവഃ ॥ 13॥

കാമോ യോനിഃ കമലാ വജ്രപാണിര്‍ഗുഹാ ഹസാ മാതരിശ്വാഭ്രമിന്ദ്രഃ ।
പുനര്‍ഗുഹാ സകലാ മായയാ ച പുരൂച്യൈഷാ വിശ്വമാതാദിവിദ്യോം ॥ 14॥

ചാപൃഥക് ക്ലേശാ വിശ്വമാതാദിവിദ്യാഃ ॥

ഏഷാഽഽത്മശക്തിഃ । ഏഷാ വിശ്വമോഹിനീ । പാശാങ്കുശധനുര്‍ബാണധരാ ।
ഏഷാ ശ്രീമഹാവിദ്യാ । യ ഏവം വേദ സ ശോകം തരതി ॥ 15॥

നമസ്തേ।സ്തു ഭഗവതി മാതരസ്മാന്‍പാഹി സര്‍വതഃ ॥ 16॥

സൈഷാ വൈഷ്ണവ്യഷ്ടൌ വസവഃ । സൈഷൈകാദശ രൂദ്രാഃ ।
സൈഷാ ദ്വാദശാദിത്യാഃ । സൈഷാ വിശ്വേദേവാഃ സോമപാ അസോമപാശ്ച ।
സൈഷാ യാതുധാനാ അസുരാ രക്ഷാംസി പിശാചാ യക്ഷാ സിദ്ധാഃ ।
സൈഷാ സത്ത്വരജസ്തമാംസി । സൈഷാ ബ്രഹ്മവിഷ്ണുരുദ്രരൂപിണീ ।
സൈഷാ പ്രജാപതീന്ദ്രമനവഃ ।
സൈഷാ ഗ്രഹനക്ഷത്രജ്യോതിഃകലാകാഷ്ഠാദിവിശ്വരൂപിണീ ।
var സൈഷാ ഗ്രഹനക്ഷത്രജ്യോതീംഷി । കലാകാഷ്ഠാദിവിശ്വരൂപിണീ ।
താമഹം പ്രണൌമി നിത്യം ।
പാപാപഹാരിണീം ദേവീം ഭുക്തിമുക്തിപ്രദായിനീം ।
അനന്താം വിജയാം ശുദ്ധാം ശരണ്യാം ശിവദാം ശിവാം ॥ 17॥ var സര്‍വദാം ശിവാം
വിയദീകാരസംയുക്തം വീതിഹോത്രസമന്വിതം ।
അര്‍ധേന്ദുലസിതം ദേവ്യാ ബീജം സര്‍വാര്‍ഥസാധകം ॥ 18॥

ഏവമേകാക്ഷരം മന്ത്രം യതയഃ ശുദ്ധചേതസഃ । var ഏവമേകാക്ഷരം ബ്രഹ്മ
ധ്യായന്തി പരമാനന്ദമയാ ജ്ഞാനാംബുരാശയഃ ॥ 19॥

വാങ്മായാ ബ്രഹ്മസൂസ്തസ്മാത് ഷഷ്ഠം വക്ത്രസമന്വിതം ।
var ബ്രഹ്മഭൂസ്തസ്മാത്
സൂര്യോഽവാമശ്രോത്രബിന്ദുസംയുക്താഷ്ടാത്തൃതീയകം ।
നാരായണേന സമ്മിശ്രോ വായുശ്ചാധാരയുക്തതഃ ।
വിച്ചേ നവാര്‍ണകോഽര്‍ണഃ സ്യാന്‍മഹദാനന്ദദായകഃ ॥ 20॥

var നവാര്‍ണകോണസ്യ മഹാനാനന്ദദായകഃ
ഹൃത്പുണ്ഡരീകമധ്യസ്ഥാം പ്രാതഃസൂര്യസമപ്രഭാം ।
പാശാങ്കുശധരാം സൌംയാം വരദാഭയഹസ്തകാം ।
ത്രിനേത്രാം രക്തവസനാം ഭക്തകാമദുഘാം ഭജേ ॥ 21॥ var ഭക്തകാമദുഹം
നമാമി ത്വാം മഹാദേവീം മഹാഭയവിനാശിനിം ।
var ഭജാമി ത്വാം മഹാദേവി മഹാഭയവിനാശിനി ।
മഹാദുര്‍ഗപ്രശമനീം മഹാകാരുണ്യരൂപിണീം ॥ 22॥ var മഹാദാരിദ്ര്യശമനീം
യസ്യാഃ സ്വരൂപം ബ്രഹ്മാദയോ ന ജാനന്തി തസ്മാദുച്യതേ അജ്ഞേയാ ।
യസ്യാ അന്തോ ന ലഭ്യതേ തസ്മാദുച്യതേ അനന്താ ।
യസ്യാ ലക്ഷ്യം നോപലക്ഷ്യതേ തസ്മാദുച്യതേ അലക്ഷ്യാ ।
യസ്യാ ജനനം നോപലക്ഷ്യതേ തസ്മാദുച്യതേ അജാ ।
ഏകൈവ സര്‍വത്ര വര്‍തതേ തസ്മാദുച്യതേ ഏകാ ।
ഏകൈവ വിശ്വരൂപിണീ തസ്മാദുച്യതേ നൈകാ । var തസ്മാദുച്യതേഽനേകാ ।
അത ഏവോച്യതേ ആജ്ഞേയാനന്താലക്ഷ്യാജൈകാ നൈകേതി ॥ 23॥

var ആജ്ഞേയാഽനന്താലക്ഷ്യാജൈകാനേകാ
മന്ത്രാണാം മാതൃകാ ദേവീ ശബ്ദാനാം ജ്ഞാനരൂപിണീ ।
ജ്ഞാനാനാം ചിന്‍മയാതീതാ ശൂന്യാനാം ശൂന്യസാക്ഷിണീ । var ചിന്‍മയാനന്ദാ
യസ്യാഃ പരതരം നാസ്തി സൈഷാ ദുര്‍ഗാ പ്രകീര്‍തിതാ ॥ 24॥

താം ദുര്‍ഗാം ദുര്‍ഗമാം ദേവീം ദുരാചാരവിഘാതിനീം ।
നമാമി ഭവഭീതോഽഹം സംസാരാര്‍ണവതാരിണീം ॥ 25॥

ഇദമഥര്‍വശീര്‍ഷം യോഽധീതേ സ പഞ്ചാഥര്‍വശീര്‍ഷഫലമാപ്നോതി ।
ഇദമഥര്‍വശീര്‍ഷമജ്ഞാത്വാ യോഽര്‍ചാം സ്ഥാപയതി ।
ശതലക്ഷം പ്രജപ്ത്വാഽപി സോഽര്‍ചാസിദ്ധിം ന വിന്ദതി ।
var നാഽര്‍ചാശുദ്ധിം ച വിന്ദതി
ശതമഷ്ടോത്തരം ചാസ്യ പുരശ്ചര്യാവിധിഃ സ്മൃതഃ ।
ദശവാരം പഠേദ്യസ്തു സദ്യഃ പാപൈഃ പ്രമുച്യതേ ।
മഹാദുര്‍ഗാണി തരതി മഹാദേവ്യാഃ പ്രസാദതഃ । 26॥

സായമധീയാനോ ദിവസകൃതം പാപം നാശയതി ।
പ്രാതരധീയാനോ രാത്രികൃതം പാപം നാശയതി ।
സായം പ്രാതഃ പ്രയുഞ്ജാനോഽപാപോ ഭവതി ।
നിശീഥേ തുരീയസംധ്യായാം ജപ്ത്വാ വാക്സിദ്ധിര്‍ഭവതി ।
നൂതനായാം പ്രതിമായാം ജപ്ത്വാ ദേവതാസാംനിധ്യം ഭവതി ।
പ്രാണപ്രതിഷ്ഠായാം ജപ്ത്വാ പ്രാണാനാം പ്രതിഷ്ഠാ ഭവതി ।
ഭൌമാശ്വിന്യാം മഹാദേവീസംനിധൌ ജപ്ത്വാ മഹാമൃത്യും
തരതി സ മഹാമൃത്യും തരതി ।
യ ഏവം വേദ ॥ ഇത്യുപനിഷത് ॥ 27॥

ഇതി ദേവ്യഥര്‍വശീര്‍ഷം സമ്പൂര്‍ണം ॥

ഓം ഭദ്രം കര്‍ണേഭിഃ ശൃണുയാമ ദേവാ ഭദ്രം പശ്യേമാക്ഷഭിര്യജത്രാഃ ।
സ്ഥിരൈരങ്ഗൈസ്തുഷ്ടുവാംസസ്തനൂഭിര്‍വ്യശേമ ദേവഹിതം യദായുഃ ।
സ്വസ്തി ന ഇന്ദ്രോ വൃദ്ധശ്രവാഃ സ്വസ്തി നഃ പൂഷാ വിശ്വവേദാഃ ।
സ്വസ്തി നസ്താര്‍ക്ഷ്യോ അരിഷ്ടനേമിഃ സ്വസ്തി നോ ബൃഹസ്പതിര്‍ദധാതു ॥

ഓം ശാന്തിഃ ശാന്തിഃ ശാന്തിഃ ।

॥ ദേവീക്ഷമാപണസ്തോത്രം ॥

ശ്രീഗണേശായ നമഃ ।
അപരാധസഹസ്രാണി ക്രിയന്തേഽഹര്‍നിശം മയാ ।
ദാസോഽയമിതി മാം മത്ത്വാ ക്ഷമസ്വ പരമേശ്വരി ॥ 1॥

ആവാഹനം ന ജാനാമി ന ജാനാമി വിസര്‍ജനം ।
പൂജാം ചൈവ ന ജാനാമി ക്ഷംയതാം പരമേശ്വരി ॥ 2॥

മന്ത്രഹീനം ക്രിയാഹീനം ഭക്തിഹീനം സുരേശ്വരി ।
യത്പൂജിതം മയാ ദേവി പരിപൂര്‍ണം തദസ്തു മേ ॥ 3॥

അപരാധശതം കൃത്വാ ജഗദംബേതി ചോച്ചരേത് ।
യാം ഗതിം സമവാന്‍പോതി ന താം ബ്രഹ്മാദയഃ സുരാഃ ॥ 4॥

സാപരാധോഽസ്മി ശരണം പ്രാപ്തസ്ത്വാം ജഗദംബികേ ।
ഇദാനീമനുകമ്പ്യോഽഹം യഥേച്ഛസി തഥാ കുരു ॥ 5॥

അജ്ഞാനാദ്വിസ്മൃതേര്‍ഭ്രാന്ത്യാ യന്ന്യൂനമധികം കൃതം ।
തത്സര്‍വം ക്ഷംയതാം ദേവി പ്രസീദ പരമേശ്വരി ॥ 6॥

കാമേശ്വരി ജഗന്‍മാതഃ സച്ചിദാനന്ദവിഗ്രഹേ ।
ഗൃഹാണാര്‍ചാമിമാം പ്രീത്യാ പ്രസീദ പരമേശ്വരി ॥ 7॥

ഗൃഹ്യാതിഗുഹ്യഗോപ്ത്രീ ത്വം ഗൃഹാണാസ്മത്കൃതം ജപം ।
സിദ്ധിര്‍ഭവതു മേ ദേവി ത്വപ്രസാദാത്സുരേശ്വരി ॥ 8॥