[17/12, 10:18] Bhattathiry: ശ്രീശുക ഉവാച

അഥ സർവ്വഗുണോപേതഃ
കാലഃ പരമശോഭനഃ
യർഹ്യേവാജനജന്മർക്ഷം
ശാന്തർക്ഷഗ്രഹതാരകം

ദിശപ്രസേദുർഗ്ഗഗനം
നിർമ്മലോഡുഗണോദയം
മഹീ മംഗളഭൂയിഷ്ഠ
പുരഗ്രാമവ്രജാകരാഃ

നദ്യപ്രസന്നസലിലാ
ഹ്രദാ ജലരുഹശ്രിയഃ
ദ്വിജാളികുലസംനാദ-
സ്തബകാ വനരാജയഃ

വവൗ വായു സുഖസ്പർശഃ
പുണ്യഗന്ധവഹഃ ശുചിഃ
അഗ്നയശ്ച ദ്വിജാതീനാം
ശാന്താസ്തത്ര സമിന്ധത.

മനാംസ്യാസൻ പ്രസന്നാനി
സാധൂനാമസുരദ്രുഹാം
ജായമാനേഽജനേ തസ്മിൻ
നേദുർദുന്ദുഭയോ ദിവി.

ജഗുഃ കിന്നരഗന്ധർവ്വാ-
തുഷ്ടുവുഃ സിദ്ധചാരണാഃ
വിദ്യാധര്യശ്ച നനൃതുരപ്സരോഭിഃ
സമം തദാ.

മുമുചുർമുനയോ ദേവാഃ
സുമനാംസി മുദാന്വിതാഃ
മന്ദം മന്ദം ജലധരാ
ജഗർജ്ജുരനുസാഗരം

നിശീഥേ തമ ഉദ്ഭൂതേ ജായമാനേ ജനാർദ്ദനേ
ദേവക്യാം ദേവരൂപിണ്യാം വിഷ്ണുഃ സർവ്വഗുഹാശയഃ
ആവിരാസീദ്യഥാ പ്രാച്യാം ദിശീന്ദുരിവ പുഷ്കലഃ
[17/12, 10:18] Bhattathiry: തമത്ഭുതം ബാലകം അംബുജേക്ഷണം
ചതുർഭുജം ശംഖഗദാര്യുദായുധം
ശ്രീവത്സലക്ഷ്മം ഗളശോഭികൗസ്തുഭം
പീതാംബരം സാന്ദ്രപയോദസൗഭഗം

മഹാർഹവൈഡൂര്യകിരീടകുണ്ഡല
ത്വിഷാ പരിഷ്വക്തസഹസ്രകുന്തളം
ഉദ്ദാമകാഞ്ച്യംഗദകങ്കണാദിഭിർ-
വ്വിരോചമാനം വസുദേവ ഐക്ഷത.