വിസർഗ്ഗം എന്തിനെങ്കിലും വേണ്ടി ആരെങ്കിലും ഉണ്ടാക്കിയെടുത്തതല്ല. സ്വാഭാവികമായി ഉണ്ടായ ഒരു ഉച്ചാരണരീതിയാണ്.
മലയാളത്തിലെ ഴ എന്ന അക്ഷരം എന്തിനു വേണ്ടിയുള്ളതാണ് എന്നു സായിപ്പന്മാർ ചോദിച്ചാൽ എങ്ങനെ ഇരിക്കും?
വിസർഗ്ഗത്തിന് ഇംഗ്ലീഷിൽ glottal stop എന്നാണു പറയുക. ശ്വാസകോശത്തിൽ നിന്നു പുറത്തേക്കു വരുന്ന വായുവിനെ തൊണ്ട (glottis) കൊണ്ടു തടഞ്ഞു നിറുത്തുക എന്നതാണ് അതിൻ്റെ രീതി. ഹ എന്ന അക്ഷരം ഉച്ചരിക്കാൻ തൊണ്ടയുടെ ഏതു ഭാഗമാണോ ഉപയോഗിക്കപ്പെടുന്നത് അതേ ഭാഗം തന്നെയാണു വിസർഗ്ഗം ഉച്ചരിക്കാനും വേണ്ടിവരുന്നത്. അതു കൊണ്ടു തന്നെ വിസർഗ്ഗത്തെ ഹ ആക്കാനുള്ള ഒരു ദുഷ്പ്രവണതയും കാണുന്നുണ്ട്.
രാമഃ എന്നതിൻ്റെ ഉച്ചാരണം എഴുതിക്കാണിക്കാൻ  രാമഹ് എന്നു വേണമെങ്കിൽ എഴുതാം. പക്ഷേ രാമഹ എന്ന് എഴുതുകയോ ഉച്ചരിക്കുകയോ ചെയ്യുന്നതു ശരിയല്ല. വിസർഗ്ഗം വെറും ഹ അല്ല എന്നു ചുരുക്കം.

• അറബി ഭാഷയിൽ വിസർഗ്ഗത്തിനു സമാനമായ ഒരു ശബ്ദം ഉണ്ടെന്നു പറയപ്പെടുന്നു. തഅല്ലിം എന്നതിലെ അ യ്ക്ക് ഒരു glottal ഉച്ചാരണ മാണ് ഉള്ളത്. തഅല്ലിം എന്നതിനെ താലിം ആക്കുന്നതു പോലെയാണ് രാമഃ എന്നതിനെ രാമഹ ആക്കുന്നത്.