ഭീഷ്മൻ പറഞ്ഞു:
മോക്ഷത്തിന് ഒരേയൊരു മാർഗ്ഗമേയുള്ളൂ , അതു ഞാൻ വിസ്തരിച്ചു പറയാം , കേൾക്കുക.

യുധിഷ്ഠിരാ , ക്ഷമകൊണ്ട് ക്രോധത്തെ ജയിക്കണം .
കാമത്തെ സങ്കല്പ്പവർജ്ജനംകൊണ്ടു നീക്കണം , സങ്കല്പിക്കരുത് .
സത്വത്തെ സേവിക്കുക എന്നതുകൊണ്ട് ധീരൻ നിദ യയും നശിപ്പിക്കണം .

അപ്രമാദംകൊണ്ട് ഭയത്തെ നീക്കുക .
 ക്ഷേത്രജ്ഞനെ ശീലിച്ചുകൊണ്ട് ശ്വാസത്തെ കാക്കുക .
ഇച്ഛ , ദോഷം , കാമം എന്നിവയെ ധൈര്യംകൊണ്ട് ഒഴിച്ചുനിർത്തണം .
ഭ്രമം , മൗഢ്യം , ചുറ്റൽ എന്നിവയെ അഭ്യാ സംകൊണ്ട് ഒഴിവാക്കണം .
തെറ്റ് , അജ്ഞാനം , സംശയം എന്നിവയെ സത്യത്തിന്റെ പഠനംകൊണ്ടു നീക്കണം .

ഉപദ്രവം , രോഗം എന്നിവയെ ഹിതവും ജീർണ്ണവും മിതവുമായ ഭക്ഷണം കൊണ്ടു നീക്കണം .
ലോഭമോഹങ്ങളെ സന്തോഷംകൊണ്ടു നീക്കണം ,
വിഷയാസക്തി തത്വദർശനംകൊ ണ്ടു നീക്കണം .
അനുകമ്പകൊണ്ട് അധർമ്മത്തെ നീക്കണം .
 ദൃഷ്ടിയുറച്ച നോട്ടം കൊണ്ട് ധർമ്മത്തെ ജയിക്കണം .
ആശയെ ആയതികൊണ്ട് ജയിക്കണം .
അർത്ഥത്തെ നിസ്സംഗ തകൊണ്ടു ജയിക്കണം .

 ഈ ലോകത്തിലുള്ള സകല വസ്തു വും അനിത്യമാണെന്നും , അസ്ഥിരമാണെന്നുമുള്ള ചിന്ത കൊണ്ട് സ്നേഹത്തെ ജയിക്കണം .
വിശപ്പിനെ യോഗാഭ്യാസ ത്താൽ ജയിക്കണം . ഇങ്ങനെയൊക്കെയാണ് ബുധന്മാർ ചെയ്യേണ്ടത് .

കാരുണ്യംകൊണ്ട് തന്റെ മാനം കാക്കണം .
സന്തോഷംകൊണ്ട് തൃഷ്ണയെ ജയിക്കണം .
ഉത്സാഹം കൊണ്ട് ആലസ്യത്തെ ജയിക്കണം .
സംശയത്തെ നിശ്ചയം കൊണ്ടു ജയിക്കണം .
അധികസംസാരത്തെ മൗനംകൊണ്ടു ജയിക്കണം .

ധൈര്യംകൊണ്ട് ഭയത്തെ ജയിക്കണം .
ബുദ്ധി കൊണ്ടു വാക്കിനേയും മനസ്സിനെയും ജയിക്കണം .
ജ്ഞാന ദൃഷ്ടികൊണ്ട് ബുദ്ധിയെയും ജയിക്കണം .
ആത്മാവബോധത്താൽ ജ്ഞാനത്തേയും ജയിക്കണം .
ആത്മാവിനെ ആത്മാ വുകൊണ്ടു ജയിക്കണം .
 നിഷ്കാമകർമിയായി എല്ലാ കാമ ങ്ങളേയും വിട്ട് ഉപശാന്തനായി ഇങ്ങനെ ധരിച്ചു പ്രവർത്തിക്കണം .

വിജ്ഞന്മാർ അറിയുന്ന അഞ്ചു ദോഷങ്ങളേ യും അറുത്ത് , കാമം , ക്രോധം , ലോഭം , ഭയം , സ്വപ്നം ( നിദ്ര ) ഈ അഞ്ചും ഉപേക്ഷിച്ച് , വാക്കിനെ അടക്കി യോഗാ നുസൃതമായി പ്രവർത്തിക്കണം .

ധ്യാനം , അദ്ധ്യയനം , ദാനം , സത്യം , ഹ്രീ , ആർജ്ജവം , ക്ഷമ , ശൗചം , ആഹാരശുദ്ധി , ഇന്ദ്രിയനിഗ്രഹം ഇവകൊണ്ട് തേജസ്സ് വായ്ക്കും . അത് അഘത്തെ അടക്കും . ഇവന്നു ലഭിക്കുന്ന സങ്കല്പം വിജ്ഞാനത്തെ ഉയർത്തും . അങ്ങനെയുള്ളവൻ പാപം നശിച്ചവനും , തേജസ്വിയും , ലഘുവായി ആഹാരം കഴിക്കുന്നവനും , ജിതേന്ദ്രിയനുമായി , കാമക്രോധങ്ങളെ ജയിച്ച് ബ്രഹ്മ പദത്തെ പ്രാപിക്കുവാൻ യത്നിക്കണം . -

വ്യാസമഹാഭാരതം