64 ത​രം ക​റി​ക​ൾ​ക്കു പ​ക​രം​വ​യ്ക്കാ​ൻ ഇ​ഞ്ചി​ക്ക​റി മ​തി​യെ​ന്നു പ​ഴ​മ​ക്കാ​ർ പ​റ​യും. അ​തു വാസ്തവം; ഇ​ഞ്ചി​യു​ടെ ആ​രോ​ഗ്യ​സി​ദ്ധി​ക​ളും പോ​ഷ​ക സി​ദ്ധി​ക​ളും അ​മൂ​ല്യം. 

ഇ​ഞ്ചി ചേ​ർ​ത്ത ചാ​യ​ 

ഇ​ഞ്ചി​യി​ലു​ള​ള ആ​ന്‍റി​ഓ​ക്സി​ഡ​ൻ​റു​ക​ൾ രോ​ഗ​പ്ര​തി​രോ​ധ​ശ​ക്തി മെ​ച്ച​പ്പെ​ടു​ത്തു​ന്നു. മാ​ന​സി​ക പി​രി​മു​റു​ക്ക​വും ഉ​ത്ക​ണ്ഠ​യും കു​റ​യ്ക്കു​ന്ന​തി​നു സ​ഹാ​യ​കം. സ്ത്രീ​ക​ളു​ടെ ആ​രോ​ഗ്യ​പ്ര​ശ്ന​ങ്ങ​ൾ​ക്ക് ആ​ശ്വാ​സം പ​ക​രു​ന്ന​തി​നു ഗു​ണ​പ്ര​ദം. യാ​ത്ര​യ്ക്കു പു​റ​പ്പെ​ടും മു​ന്പ് ഇ​ഞ്ചി ചേ​ർ​ത്ത ചാ​യ ക​ഴി​ച്ചാ​ൽ യാ​ത്ര​യ്ക്കി​ട​യി​ൽ മ​നം​പി​ര​ട്ടലി​നും ഛർ​ദി​ക്കു​മു​ള​ള സാ​ധ്യ​ത കു​റ​യ്ക്കാം. ഇ​ഞ്ചി നി​ര​വ​ധി രോ​ഗ​ങ്ങ​ൾ​ക്കു മ​രു​ന്നാ​യി ഉ​പ​യോ​ഗി​ക്കാ​മെ​ന്ന് വി​വി​ധ പ​ഠ​ന​ങ്ങ​ൾ പ​റ​യു​ന്നു.

ഇ​ഞ്ചി​യി​ലെ പോ​ഷ​ക​ങ്ങ​ൾ

വി​റ്റാ​മി​ൻ എ, ​സി, ഇ, ​ബി കോം​പ്ല​ക്സ്; ധാ​തു​ക്ക​ളാ​യ മ​ഗ്നീ​ഷ്യം, ഫോ​സ്ഫ​റ​സ്, പൊട്ടാ​സ്യം, സോ​ഡി​യം, ഇ​രു​ന്പ്, കാ​ൽ​സ്യം; ആ​ന്‍റി​ഓ​ക്സി​ഡ​ൻ​റാ​യ ബീ​റ്റാ ക​രോട്ടി​ൻ തു​ട​ങ്ങി​യ പോ​ഷ​ക​ങ്ങ​ളും ഇ​ഞ്ചി​യി​ൽ ധാ​രാ​ളം.

ദഹനക്കേടു മാറാൻ

ദ​ഹ​ന​ക്കേ​ടും വ​യ​റു​വേ​ദ​ന​യു​മൊ​ക്കെ ഉ​ണ്ടാ​കു​ന്പോ​ൾ ഇ​ഞ്ചി​യും ഉ​പ്പും ചേ​ർ​ത്തു ച​ത​ച്ച​തു ക​ഴി​ക്കു​മായിരുന്നു പഴമക്കാർ.ആ​മാ​ശ​യ സ്തം​ഭ​നം ഒ​ഴി​വാ​ക്കാ​ൻ ഇ​ഞ്ചി ഫ​ല​പ്ര​ദം; ആ​മാ​ശ​യ​വ്യ​വ​സ്ഥ​യി​ലെ പേ​ശി​ക​ൾ അ​യ​വു​ള​ള​താ​ക്കാ​ൻ സ​ഹാ​യ​കം. ഗ്യാ​സ്് നിറഞ്ഞ് വ​യ​ർ വീ​ർ​ത്തു​വ​രു​ന്ന​തു ത​ട​യു​ന്നു. ദ​ഹ​നം സു​ഗ​മ​മാ​ക്കു​ന്ന​തി​നു ഭ​ക്ഷ​ണ​ശേ​ഷം ഇ​ഞ്ചി ക​ഴി​ച്ചാ​ൽ മ​തി. ഭ​ക്ഷ്യ​വി​ഷ​ബാ​ധ ത​ട​യു​ന്ന​തി​നും ഇ​ഞ്ചി ഫ​ല​പ്ര​ദ​മെ​ന്നു പ​ഠ​ന​ങ്ങ​ൾ പ​റ​യു​ന്നു.

തൊ​ണ്ട​വേ​ദ​ന ത​ട​യു​ന്ന​തി​ന് 

സ്വാ​ഭാ​വി​ക വേ​ദ​ന​സം​ഹാ​രി​യാ​ണ് ഇ​ഞ്ചി. തൊ​ണ്ട​വേ​ദ​ന​യും മ​റ്റ് അ​സ്വ​സ്ഥ​ത​ക​ളും അ​ക​റ്റു​ന്ന​തി​നു സ​ഹാ​യ​കം. ജ​ല​ദോ​ഷ​ത്തെ തു​ട​ർ​ന്നു​ണ്ടാ​കു​ന്ന ചു​മ അ​ക​റ്റു​ന്ന​തി​ന് ഇ​ഞ്ചി ഗു​ണ​പ്ര​ദം. ശ്വാ​സ​കോ​ശ​ങ്ങ​ളി​ൽ ത​ങ്ങി​നി​ൽ​ക്കു​ന്ന ക​ഫം ഇ​ള​കി പു​റ​ത്തു​പോ​കു​ന്ന​തി​ന് ഇ​ഞ്ചി സ​ഹാ​യ​കം. ഇ​ഞ്ചി ച​ത​ച്ചു നീ​രെ​ടു​ത്ത് അ​തി​ൽ തേ​ൻ ചേ​ർ​ത്തു ക​ഴി​ച്ചാ​ൽ ചു​മ​യു​ടെ ആ​ക്ര​മ​ണം ത​ട​യാം. ച​ത​ച്ച ഇ​ഞ്ചി​യി​ൽ തേ​ൻ ചേ​ർ​ത്തു ക​ഴി​ച്ചാ​ലും ന​ന്ന്. ച​ത​ച്ച ഇ​ഞ്ചി​യും ഉ​പ്പും ചേ​ർ​ത്തു തി​ള​പ്പി​ച്ച​തു ചെ​റു ചൂ​ടോ​ടെ ക​വി​ൾ​ക്കൊ​ണ്ടാ​ൽ ചു​മ​യും തൊ​ണ്ട​വേ​ദ​ന​യും പ​ന്പ​ക​ട​ക്കും. പ്ര​തി​രോ​ധ​ശ​ക്തി മെ​ച്ച​പ്പെ​ടു​ത്തു​ന്ന​തി​ന് ഇ​ഞ്ചി ഗു​ണ​പ്ര​ദ​ം.അ​തി​നാ​ൽ പ​നി, ജ​ല​ദോ​ഷം എ​ന്നി​വ​യു​ടെ ചി​കി​ത്സ​യ്ക്കും സ​ഹാ​യ​കം. വൈ​റ​സ്, ഫം​ഗ​സ്, വി​ഷ​മാ​ലി​ന്യ​ങ്ങ​ൾ എ​ന്നി​വ​യ്ക്കെ​തി​രേ പ്ര​വ​ർ​ത്തി​ക്കാ​നു​ള​ള ശേ​ഷി ഇ​ഞ്ചി​ക്കു​ണ്ട്. 

പ​നി കു​റ​യ്ക്കു​ന്ന​തി​നും സ​ഹാ​യ​കം. പ​നി​യു​ള​ള​പ്പോ​ൾ ഇ​ഞ്ചി ദി​വ​സ​വും പ​ല​ത​വ​ണ ക​ഴി​ക്കു​ന്ന​തു ശ​രീ​ര​ത്തി​ലെ വി​ഷ​മാ​ലി​ന്യ​ങ്ങ​ൾ പു​റ​ന്ത​ള​ളു​ന്ന പ്ര​വ​ർ​ത്ത​ന​ങ്ങ​ൾ​ക്കു (ഡീ​ടോ​ക്സി​ഫി​ക്കേ​ഷ​ൻ) സ​ഹാ​യ​കം. ച​ത​ച്ച ഇ​ഞ്ചി ചേ​ർ​ത്തു വെ​ള​ളം തി​ള​പ്പി​ച്ച് ആ​വി കൊ​ള​ളു​ന്ന​തു പ​നി​യു​മാ​യി ബ​ന്ധ​പ്പെട്ട മൂ​ക്ക​ട​പ്പും ക​ഫക്കെട്ടും മ​റ്റു ല​ക്ഷ​ണ​ങ്ങ​ളും ഒ​ഴി​വാ​ക്കു​ന്ന​തി​നു ഫ​ല​പ്ര​ദം.

കാ​ൻ​സ​ർ ത​ട​യു​ന്ന​തി​ന്

അണ്ഡാ​ശ​യ കാ​ൻ​സ​ർ ചി​കി​ത്സ​യ്ക്ക് ഇ​ഞ്ചി ഫ​ല​പ്ര​ദ​മാ​ണെ​ന്നു മി​ഷി​ഗ​ണ്‍ സ​ർ​വ​ക​ലാ​ശാ​ല ന​ട​ത്തി​യ പ​ഠ​ന​ങ്ങ​ൾ പ​റ​യു​ന്നു. കൊ​ളോ റെ​ക്റ്റ​ൽ കാ​ൻ​സ​ർ കോ​ശ​ങ്ങ​ളു​ടെ വ​ള​ർ​ച്ച​യു​ടെ തോ​തു കു​റ​യ്ക്കു​ന്ന​തി​ന് ഇ​ഞ്ചി ഗു​ണ​പ്ര​ദ​മെ​ന്നു മി​നെ​സോട്ട സ​ർ​വ​ക​ലാ​ശാ​ല​യു​ടെ പ​ഠ​നം വ്യ​ക്ത​മാ​ക്കു​ന്നു. കു​ട​ലി​ലെ കാ​ൻ​സ​ർ സാധ്യത കുറയ്ക്കു ന്നതിനും ഇ​ഞ്ചി ഫ​ല​പ്ര​ദം. ശ്വാ​സ​കോ​ശം, സ്ത​നം, ച​ർ​മം, പ്രോ​സ്റ്റേ​റ്റ്, പാ​ൻ​ക്രി​യാ​സ് എ​ന്നി​വ​യെ ബാ​ധി​ക്കു​ന്ന കാ​ൻ​സ​റു​ക​ൾ ത​ട​യു​ന്ന​തി​നും ഇ​ഞ്ചി ഗു​ണ​പ്ര​ദ​മാ​ണെ​ന്നു വി​വി​ധ പ​ഠ​ന​ങ്ങ​ൾ സൂ​ച​ന ന​ല്കു​ന്നു. 

പ്രാ​യ​മാ​യ​വ​ർക്കും..

നീ​ർ​വീ​ക്ക​വും വേ​ദ​ന​യും ത​ട​യു​ന്ന ഇ​ഞ്ചി​യു​ടെ സ്വ​ഭാ​വം ഗൗട്ട്, ​റു​മാ​റ്റോ​യ്ഡ് ആ​ർ​ത്രൈ​റ്റി​സ്, ഓ​സ്റ്റി​യോ ആ​ർ​ത്രൈ​റ്റി​സ് തു​ട​ങ്ങി​യ രോ​ഗ​ങ്ങ​ളു​മാ​യി ബ​ന്ധ​പ്പെട്ട വേ​ദ​ന കു​റ​യ്ക്കു​ന്ന​തി​നു സ​ഹാ​യ​കം. (സ​ന്ധി​ക​ൾ, പേ​ശി​ക​ൾ എ​ന്നി​വ​യു​മാ​യി ബ​ന്ധ​പ്പെട്ട ആ​രോ​ഗ്യ​പ്ര​ശ്ന​ങ്ങ​ൾ കു​റ​യ്ക്കു​ന്ന​തി​നു സ​ഹാ​യ​കം.) കാ​ൽ​മുട്ടിൽ ഓ​സ്റ്റി​യോ ആ​ർ​ത്രൈ​റ്റി​സു​മാ​യി ബ​ന്ധ​പ്പെട്ട ല​ക്ഷ​ണ​ങ്ങ​ൾ കു​റ​യ്ക്കു​ന്ന​തി​ന് ഇ​ഞ്ചി​യു​ടെ സ​ത്ത് ഫ​ല​പ്ര​ദ​മെ​ന്നു പ​ഠ​നം. ഇ​ഞ്ചി ചേ​ർ​ത്തു പാ​കം ചെ​യ്ത ഭ​ക്ഷ​ണം ക​ഴി​ക്കു​ന്ന​തും അ​ഭി​കാ​മ്യം. 

ഹൃ​ദ​യാ​രോ​ഗ്യം മെ​ച്ച​പ്പെ​ടു​ത്താ​ൻ 

കൊ​ള​സ്ട്രോ​ൾ കു​റ​യ്ക്കു​ന്ന​തി​ന് ഇ​ഞ്ചി ഗു​ണ​പ്ര​ദം. ര​ക്ത​സ​മ്മർ​ദം നി​യ​ന്ത്രി​ത​മാ​ക്കു​ന്നു. ഹൃ​ദ​യ​രോ​ഗ​ങ്ങ​ൾ​ക്ക് ഇ​ട​ന​ല്കു​ന്ന ര​ക്തം കട്ടി​യാ​ക​ൽ ​ത​ട​യു​ന്ന​തി​നും ഇ​ഞ്ചി ഫ​ല​പ്ര​ദം. ഹൃ​ദ​യ​ധ​മ​നി​ക​ളി​ൽ കൊ​ഴു​പ്പ് അ​ടി​ഞ്ഞു​കൂ​ടു​ന്ന​തു ത​ട​യു​ന്നു. ഹൃ​ദ​യാ​ഘാ​തം, സ്ട്രോ​ക്ക് എ​ന്നി​വ​യ്ക്കു​ള​ള സാ​ധ്യ​ത കു​റ​യ്ക്കു​ന്നു. 

പ്ര​മേ​ഹ​നി​യ​ന്ത്ര​ണ​ത്തി​നും ഇ​ഞ്ചി 

ര​ക്ത​ത്തി​ലെ പ​ഞ്ച​സാ​ര​യു​ടെ തോ​തു നിയന്ത്രിതമാക്കുന്ന​തി​ന് ഇ​ഞ്ചി ഫ​ല​പ്ര​ദം. ഒ​രു ഗ്ലാ​സ് ചെ​റു ചൂ​ടു​വെ​ള​ള​ത്തി​ൽ ഒ​രു ടീ ​സ്പൂ​ണ്‍ ഇ​ഞ്ചി​നീ​രു ചേ​ർ​ത്ത് രാ​വി​ലെ വെ​റും​വ​യ​റ്റി​ൽ പ​തി​വാ​യി ക​ഴി​ക്കു​ന്ന​തു ര​ക്ത​ത്തി​ലെ പ​ഞ്ച​സാ​ര നി​യ​ന്ത്രി​ത​മാ​ക്കു​ന്ന​തി​നു ഗു​ണ​പ്ര​ദം. പ്ര​മേ​ഹ അ​നു​ബ​ന്ധ പ്ര​ശ്ന​ങ്ങ​ൾ ഒ​രു പ​രി​ധി​വ​രെ കു​റ​യ്ക്കു​ന്ന​തി​നും ഇ​ഞ്ചി സ​ഹാ​യ​കം. പ്ര​മേ​ഹ​ബാ​ധി​ത​രു​ടെ ഞ​ര​ന്പു​ക​ളു​ടെ ആ​രോ​ഗ്യ​സം​ര​ക്ഷ​ണ​ത്തി​നും ഇ​ഞ്ചി ഗു​ണ​പ്ര​ദം. പ​ക്ഷേ, ഹൃ​ദ​യ​സം​ബ​ന്ധ​മാ​യ രോ​ഗ​ങ്ങ​ൾ, ഉ​യ​ർ​ന്ന ര​ക്ത​സമ്മ​ർ​ദം തു​ട​ങ്ങി​യ​വ​യ്ക്കു മ​രു​ന്നു​ക​ൾ ക​ഴി​ക്കു​ന്ന​വ​ർ ചി​കി​ത്സ​കന്‍റെ അ​റി​വോ​ടെ മാ​ത്ര​മേ ഇ​ഞ്ചി പ​തി​വാ​യി ഉ​പ​യോ​ഗി​ക്കാ​വൂ. 

****** ************ ********* **********
മൈ​ഗ്രേ​ൻ​വേ​ദ​ന​യി​ൽ നി​ന്ന് ആ​ശ്വാ​സ​മേ​കാ​ൻ ഇ​ഞ്ചി ഗു​ണ​പ്ര​ദ​മെ​ന്നു ഗ​വേ​ഷ​ണ​ങ്ങ​ൾ സൂ​ച​ന ന​ല്കു​ന്നു. മൈ​ഗ്രേ​ൻ ത​ല​വേ​ദ​ന​യും അ​നു​ബ​ന്ധ​പ്ര​ശ്ന​ങ്ങ​ളും കു​റ​യ്ക്കു​ന്ന​തി​ന് ഇ​ഞ്ചി ചേ​ർ​ത്ത ചാ​യ ഗു​ണ​പ്ര​ദം. ഗ​ർ​ഭി​ണി​ക​ളെ മ​നം​പി​ര​ട്ടൽ, ഛർ​ദി എ​ന്നി​വ​യി​ൽ നി​ന്നു ര​ക്ഷി​ക്കു​ന്ന​തി​ന് ഇ​ഞ്ചി ഫ​ല​പ്ര​ദം. ഇ​ഞ്ചി ച​ത​ച്ച​തു തേ​ൻ ചേ​ർ​ത്തു ച​വ​ച്ചു​ക​ഴി​ക്ക​ണം. ദ​ഹ​ന​ക്കേ​ടു മൂ​ല​മു​ള​ള മ​നം​പി​ര​ട്ടൽ ത​ട​യു​ന്ന​തി​നും ഫ​ല​പ്ര​ദം. 

ശ​രീ​ര​ത്തിന്‍റെ മെ​റ്റ​ബോ​ളി​ക് നി​ര​ക്ക് കൂട്ടുന്ന​തി​നും ഇ​ഞ്ചി ചേ​ർ​ത്ത ഭ​ക്ഷ​ണം സ​ഹാ​യ​കം. (നാം ​ക​ഴി​ക്കു​ന്ന ഭ​ക്ഷ​ണം യ​ഥാ​വി​ധി ദ​ഹി​ച്ച് ഉൗ​ർ​ജ​മാ​യി മാ​റു​ന്ന പ്ര​വ​ർ​ത്ത​ന​ങ്ങ​ളാ​ണ് മെ​റ്റ​ബോ​ളി​സം എ​ന്ന​റി​യ​പ്പെ​ടു​ന്ന​ത്). ഭ​ക്ഷ​ണ​ത്തി​ൽ നി​ന്നു പോ​ഷ​ക​ങ്ങ​ൾ ശ​രീ​ര​ത്തി​ലേ​ക്ക് ആ​ഗി​ര​ണം ചെ​യ്യ​പ്പെ​ടു​ന്ന പ്ര​വ​ർ​ത്ത​നം കാ​ര്യ​ക്ഷ​മ​മാ​ക്കു​ന്ന​തി​നു സ​ഹാ​യ​കം. ഇ​ഞ്ചി​യി​ലു​ള​ള ക്രോ​മി​യം, മ​ഗ്നീ​ഷ്യം, സി​ങ്ക് എ​ന്നീ പോ​ഷ​ക​ങ്ങ​ൾ ര​ക്ത​സ​ഞ്ചാ​രം മെ​ച്ച​പ്പെ​ടു​ത്തു​ന്ന​തി​നു സ​ഹാ​യ​കം. ചു​രു​ക്ക​ത്തി​ൽ അ​ടു​ക്ക​ള​യി​ൽ​നി​ന്ന് അ​ക​റ്റി നി​ർ​ത്താ​നാ​കാ​ത്ത സു​ഗ​ന്ധ​ദ്ര​വ്യ​മാ​ണ് ഇ​ഞ്ചി.