ചാതുർമാസ്യം

1.ചാതുർമാസ്യം എന്നാൽ എന്ത് ?

വർഷത്തിൽ 4 മാസം വ്രതം അനുഷ്ഠിച്ചു കഴിയുന്നത് ആണ് ചാതുർ മാസ്യം

2.ആർക്കു ഈ വ്രതം നോക്കാം ?
സാധാരണ സന്യാസികൾ ,ആചാര്യന്മാർ ആണ് ഈ വ്രതം നോക്കുന്നത്. എന്നാൽ ഏതു സാധകനും ഈ വ്രതം അനുഷ്ഠിക്കാം

3.എപ്പോൾ ആണ് വ്രതം തുടങ്ങേണ്ടത് ?

ഏകാദശി നാളിലോ ,ആഷാഢ പൂർണിമയിലോ ആണ് വ്രതം ആരംഭിക്കുന്നത് .മഴകാലത്ത് പുറത്തു പോകാതെ ആചരിക്കാൻ സൗകര്യം ആണ്

4.എന്താണ് വ്രത ലക്ഷ്യം ?

വിഷ്ണു പ്രീതി ,ആഭീഷ്ട സിദ്ധി ,മോക്ഷം ഏതും ആകാം

5.വ്രതത്തിനു വേണ്ടത് എന്താണ് ?

ബ്രഹ്മചര്യം ,സാത്വിക ജീവിതം ,വിഷ്ണു ഭജനം ഒഴിവാക്കാൻ പറ്റില്ല

6.വ്രതം എങ്ങനെ തുടങ്ങണം ?

ഈ പ്രാർത്ഥന യോടെ തുടങ്ങാം -
അല്ലയോ കേശവ ,ഈ വ്രതം അങ്ങയുടെ മുന്നിൽ തുടങ്ങുന്നു .അങ്ങ് പ്രസന്നനായി ഈ വ്രതം പൂർത്തിയാക്കാൻ അനുഗ്രഹിക്കണം .വ്രതം അപൂർണ മായാലോ ,അതിനു ഇടയിൽ മരിച്ചു പോയാലോ അങ്ങയുടെ കൃപയാൽ ഇത് സമ്പൂർണ്ണമാക്കണം .അങ്ങയുടെ കൃപയാൽ അത് സാധിക്കും
എന്റെ എല്ലാ പാപങ്ങളും മനോ മാലിന്യങ്ങളും നശിക്കട്ടെ

നാല് മാസം പ്രഭാതത്തിൽ കുളിച്ചു ഒരു നേരം പൂജ ചെയ്തു ഭഗവാനിൽ സർവവും സമർപ്പിക്കുന്നവൻ പാപ രഹിതൻ ആയി വിഷ്ണു പ്രീതി നേടുന്നു .

മദ്യം ,മാംസം വെടിയണം
എണ്ണ തേക്കാതെ വേണം കുളിക്കാൻ

വൈഷ്ണവർ ഓരോ മാസം വിഷ്ണുവിന്റെ ഓരോ വ്യൂഹം മായി പൂജിക്കണം .(വാസുദേവൻ ,സംഘർഷണൻ ,പ്രദ്യുമ്‌നൻ ,അനിരുദ്ധൻ )

അല്ലാത്തവർ വിഷ്ണു പൂജ ,വിഷ്ണു പുരാണം ,ഭാഗവത പാരായണം ഇവയിൽ മുഴുകാം

ഓം നമോ വാസുദേവായ ,ഓം നമോ നാരായണായ മുതലായ മന്ത്രങ്ങൾ ജപിക്കാം

ഒരു രാത്രിയിൽ ഉപവസിച്ചാൽ -ദേവ ലോകം പ്രാപിക്കും

മൂന്നു ദിവസം ഉപവസിച്ചാൽ -ശ്വേതദ്വീപിൽ എത്തും

14.ദിവസം -ഹരി സനിധിയിൽ എത്തും

4 മാസവും ഉപവസിച്ചാൽ വിഷ്ണു ലോകം പ്രാപിക്കാം

നാലു മാസം ഈശ്വര ചിന്തയിൽ മുഴുകി ജീവിക്കുന്നത് ആണ് ചാതുർമാസ്യം

എല്ലാം വ്രതങ്ങളും അവസാനിപ്പിക്കുന്നത് ദാനം ചെയ്തു ആകണം

(പൂർണ്ണ ഉപവാസം നിർബന്ധമില്ല )

പദ്മപുരാണം
ആചാര്യ പുണ്ണ്യശീൽ ശർമ്മ