F

॥ श्रीविष्णुपञ्जरस्तोत्रम् ॥
.. shrIviShNupanjarastotram ..

॥ ശ്രീവിഷ്ണുപഞ്ജരസ്തോത്രം ॥

ശ്രീഗണേശായ നമഃ ।
ഓം അസ്യ ശ്രീവിഷ്ണുപഞ്ജരസ്തോത്രമന്ത്രസ്യ നാരദ ഋഷിഃ । അനുഷ്ടുപ് ഛന്ദഃ ।
ശ്രീവിഷ്ണുഃ പരമാത്മാ ദേവതാ । അഹം ബീജം । സോഹം ശക്തിഃ । ഓം ഹ്രീം കീലകം ।
മമ സര്‍വദേഹരക്ഷണാര്‍ഥം ജപേ വിനിയോഗഃ ।
നാരദ ഋഷയേ നമഃ മുഖേ । ശ്രീവിഷ്ണുപരമാത്മദേവതായൈ നമഃ ഹൃദയേ ।
അഹം ബീജം ഗുഹ്യേ । സോഹം ശക്തിഃ പാദയോഃ । ഓം ഹ്രീം കീലകം പാദാഗ്രേ ।
ഓം ഹ്രാംഹ്രീംഹ്രൂംഹ്രൈംഹ്രൌംഹ്രഃ ഇതി മന്ത്രഃ ।
ഓം ഹ്രാം അങ്ഗുഷ്ഠാഭ്യാം നമഃ । ഓം ഹ്രീം തര്‍ജനീഭ്യാം നമഃ ।
ഓം ഹ്രൂം മധ്യമാഭ്യാം നമഃ । ഓം ഹ്രൈം അനാമികാഭ്യാം നമഃ ।
ഓം ഹ്രൌം കനിഷ്ഠികാഭ്യാം നമഃ । ഓം ഹ്രഃ കരതലകരപൃഷ്ഠാഭ്യാം നമഃ ।
ഇതി കരന്യാസഃ ।
അഥ ഹൃദയാദിന്യാസഃ । ഓം ഹ്രാം ഹൃദയായ നമഃ । ഓം ഹ്രീം ശിരസേ സ്വാഹാ ।
ഓം ഹ്രൂം ശിഖായൈ വഷട് । ഓം ഹ്രൈം കവചായ ഹും ।
ഓം ഹ്രൌം നേത്രത്രയായ വൌഷട് । ഓം ഹ്രഃ അസ്ത്രായ ഫട് । ഇതി അങ്ഗന്യാസഃ ।
അഹംബീജപ്രാണായാമം മന്ത്രത്രയേണ കുര്യാത് ।
                     അഥ ധ്യാനം ।
പരം പരസ്മാത്പ്രകൃതേരനാദിമേകം നിവിഷ്ടം ബഹുധാ ഗുഹായാം ।
സര്‍വാലയം സര്‍വചരാചരസ്ഥം നമാമി വിഷ്ണും ജഗദേകനാഥം ॥ 1॥

ഓം വിഷ്ണുപഞ്ജരകം ദിവ്യം സര്‍വദുഷ്ടനിവാരണം ।
ഉഗ്രതേജോ മഹാവീര്യം സര്‍വശത്രുനികൃന്തനം ॥ 2॥

ത്രിപുരം ദഹമാനസ്യ ഹരസ്യ ബ്രഹ്മണോദിതം ।
തദഹം സമ്പ്രവക്ഷ്യാമി ആത്മരക്ഷാകരം നൃണാം ॥ 3॥

പാദൌ രക്ഷതു ഗോവിന്ദോ ജങ്ഘേ ചൈവ ത്രിവിക്രമഃ ।
ഊരൂ മേ കേശവഃ പാതു കടിം ചൈവ ജനാര്‍ദനഃ ॥ 4॥

നാഭിം ചൈവാച്യുതഃ പാതു ഗുഹ്യം ചൈവ തു വാമനഃ ।
ഉദരം പദ്മനാഭശ്ച പൃഷ്ഠം ചൈവ തു മാധവഃ ॥ 5॥

വാമപാര്‍ശ്വം തഥാ വിഷ്ണുര്‍ദക്ഷിണം മധുസൂദനഃ ।
ബാഹൂ വൈ വാസുദേവശ്ച ഹൃദി ദാമോദരസ്തഥാ ॥ 6॥

കണ്ഠം രക്ഷതു വാരാഹഃ കൃഷ്ണശ്ച മുഖമണ്ഡലം ।
മാധവഃ കര്‍ണമൂലേ തു ഹൃഷീകേശശ്ച നാസികേ ॥ 7॥

നേത്രേ നാരായണോ രക്ഷേല്ലലാടം ഗരുഡധ്വജഃ ।
കപോലൌ കേശവോ രക്ഷേദ്വൈകുണ്ഠഃ സര്‍വതോദിശം ॥ 8॥

ശ്രീവത്സാങ്കശ്ച സര്‍വേഷാമങ്ഗാനാം രക്ഷകോ ഭവേത് ।
പൂര്‍വസ്യാം പുണ്ഡരീകാക്ഷ ആഗ്നേയ്യാം ശ്രീധരസ്തഥാ ॥ 9॥

ദക്ഷിണേ നാരസിംഹശ്ച നൈരൃത്യാം മാധവോഽവതു ।
പുരുഷോത്തമോ മേ വാരുണ്യാം വായവ്യാം ച ജനാര്‍ദനഃ ॥ 10॥

ഗദാധരസ്തു കൌബേര്യാമീശാന്യാം പാതു കേശവഃ ।
ആകാശേ ച ഗദാ പാതു പാതാലേ ച സുദര്‍ശനം ॥ 11॥

സന്നദ്ധഃ സര്‍വഗാത്രേഷു പ്രവിഷ്ടോ വിഷ്ണുപഞ്ജരഃ ।
വിഷ്ണുപഞ്ജരവിഷ്ടോഽഹം വിചരാമി മഹീതലേ ॥ 12॥

രാജദ്വാരേഽപഥേ ഘോരേ സങ്ഗ്രാമേ ശത്രുസങ്കടേ ।
നദീഷു ച രണേ ചൈവ ചോരവ്യാഘ്രഭയേഷു ച ॥ 13॥

ഡാകിനീപ്രേതഭൂതേഷു ഭയം തസ്യ ന ജായതേ ।
രക്ഷ രക്ഷ മഹാദേവ രക്ഷ രക്ഷ ജനേശ്വര ॥ 14॥

രക്ഷന്തു ദേവതാഃ സര്‍വാ ബ്രഹ്മവിഷ്ണുമഹേശ്വരാഃ ।
ജലേ രക്ഷതു വാരാഹഃ സ്ഥലേ രക്ഷതു വാമനഃ ॥ 15॥

അടവ്യാം നാരസിംഹശ്ച സര്‍വതഃ പാതു കേശവഃ ॥

ദിവാ രക്ഷതു മാം സൂര്യോ രാത്രൌ രക്ഷതു ചന്ദ്രമാഃ ॥ 16॥

പന്ഥാനം ദുര്‍ഗമം രക്ഷേത്സര്‍വമേവ ജനാര്‍ദനഃ ।
രോഗവിഘ്നഹതശ്ചൈവ ബ്രഹ്മഹാ ഗുരുതല്‍പഗഃ ॥ 17॥

സ്ത്രീഹന്താ ബാലഘാതീ ച സുരാപോ വൃഷലീപതിഃ ।
മുച്യതേ സര്‍വപാപേഭ്യോ യഃ പഠേന്നാത്ര സംശയഃ ॥ 18॥

അപുത്രോ ലഭതേ പുത്രം ധനാര്‍ഥീ ലഭതേ ധനം ।
വിദ്യാര്‍ഥീ ലഭതേ വിദ്യാം മോക്ഷാര്‍ഥീ ലഭതേ ഗതിം ॥ 19॥

ആപദോ ഹരതേ നിത്യം വിഷ്ണുസ്തോത്രാര്‍ഥസമ്പദാ ।
യസ്ത്വിദം പഠതേ സ്തോത്രം വിഷ്ണുപഞ്ജരമുത്തമം ॥ 20॥

മുച്യതേ സര്‍വപാപേഭ്യോ വിഷ്ണുലോകം സ ഗച്ഛതി ।
ഗോസഹസ്രഫലം തസ്യ വാജപേയശതസ്യ ച ॥ 21॥

അശ്വമേധസഹസ്രസ്യ ഫലം പ്രാപ്നോതി മാനവഃ ।
സര്‍വകാമം ലഭേദസ്യ പഠനാന്നാത്ര സംശയഃ ॥ 22॥

ജലേ വിഷ്ണുഃ സ്ഥലേ വിഷ്ണുര്‍വിഷ്ണുഃ പര്‍വതമസ്തകേ ।
ജ്വാലാമാലാകുലേ വിഷ്ണുഃ സര്‍വം വിഷ്ണുമയം ജഗത് ॥ 23॥

ഇതി ശ്രീബ്രഹ്മാണ്ഡപുരാണേ ഇന്ദ്രനാരദസംവാദേ ശ്രീവിഷ്ണുപഞ്ജരസ്തോത്രം സമ്പൂര്‍ണം ॥


Encoded and proofread by Dinesh Agarwal  dinesh.garghouse at gmail.com, NA, PSA

BACK TO TOP