॥ ശ്രീപരശുരാമകല്‍പസൂത്രം ॥

    അനുക്രമണികാ 
പ്രഥമോഭാഗസ്യ ഖണ്ഡാഃ
1. ദീക്ഷാവിധിഃ
2. ശ്രീഗണനായകപദ്ധതിഃ
3. ശ്രീക്രമഃ ലലിതാഽധികാരഃ
4. ലലിതാക്രമഃ ശ്രീചക്രേ പരചിത്യാവാഹനം
5. ലലിതാനവാവരണപൂജാ
6. ശ്യാമാക്രമഃ
7. വാരാഹീക്രമഃ
8. പരാക്രമഃ
9. ഹോമവിധിഃ
10. സര്‍വസാധാരണക്രമഃ

ദ്വിതീയോഭാഗസ്യ ഖണ്ഡാഃ
11. യന്ത്രവിധാനം
12. മന്ത്രവിധാനം
13. പ്രസ്താരക്രമഃ
14. നഷ്ടോദ്ദിഷ്ടകഥനം
15. കൃതനഷ്ടനിരൂപണം
16. യോനിലിങ്ഗയന്ത്രരചനാവിധാനം
17. അങ്ഗവിദ്യാ
18. വാസനാധ്യായഃ

പ്രഥമോഭാഗഃ
പ്രഥമഃ ഖണ്ഡഃ ദീക്ഷാവിധിഃ

അഥാതോ ദീക്ഷാം വ്യാഖ്യാസ്യാമഃ ॥ 1.1॥

ഭഗവാന്‍ പരമശിവഭട്ടാരകഃ ശ്രുത്യാദ്യഷ്ടാദശവിദ്യാഃ സര്‍വാണി
ദര്‍ശനാനി ലീലയാ തത്തദവസ്ഥാഽഽപന്നഃ പ്രണീയ സംവിന്‍മയ്യാ ഭഗവത്യാ
ഭൈരവ്യാ സ്വാത്മാഭിന്നയാ പൃഷ്ടഃ പഞ്ചഭിഃ മുഖൈഃ പഞ്ചാംനായാന്‍
പരമാര്‍ഥസാരഭൂതാന്‍ പ്രണിനായ ॥ 1.2॥

തത്രായം സിദ്ധാന്തഃ ॥ 1.3॥

ഷട്ത്രിംശത്തത്ത്വാനി വിശ്വം ॥ 1.4॥

ശരീരകഞ്ചുകിതഃ ശിവോ ജീവോ നിഷ്കഞ്ചുകഃ പരശിവഃ ॥ 1.5॥

സ്വവിമര്‍ശഃ പുരുഷാര്‍ഥഃ ॥ 1.6॥

വര്‍ണാത്മകാ നിത്യാഃ ശബ്ദാഃ ॥ 1.7॥

മന്ത്രാണാമചിന്ത്യശക്തിതാ ॥ 1.8॥

സമ്പ്രദായവിശ്വാസാഭ്യാം സര്‍വസിദ്ധിഃ ॥ 1.9॥

വിശ്വാസഭൂയിഷ്ഠം പ്രാമാണ്യം ॥ 1.10॥

ഗുരുമന്ത്രദേവതാഽഽത്മമനഃപവനാനാം
ഐക്യനിഷ്ഫാലനാദന്തരാത്മവിത്തിഃ ॥ 1.11॥

ആനന്ദം ബ്രഹ്മണോ രൂപം തച്ച ദേഹേ വ്യവസ്ഥിതം തസ്യാഭിവ്യഞ്ജകാഃ

പഞ്ചമകാരാഃ തൈരര്‍ചനം ഗുപ്ത്യാ പ്രാകട്യാന്നിരയഃ ॥ 1.12॥

ഭാവനാദാര്‍ഢ്യാദാജ്ഞാസിദ്ധിഃ ॥ 1.13॥

സര്‍വദര്‍ശനാനിന്ദാ ॥ 1.14॥

അഗണനം കസ്യാപി ॥ 1.15॥

സച്ഛിഷ്യേ രഹസ്യകഥനം ॥ 1.16॥

സദാ വിദ്യാഽനുസംഹതിഃ ॥ 1.17॥

സതതം ശിവതാസമാവേശഃ ॥ 1.18॥

കാമക്രോധലോഭമോഹമദമാത്സര്യാവിഹിതഹിംസാസ്തേയലോകവിദ്വിഷ്ടവര്‍ജനം ॥ 1.19॥

ഏകഗുരൂപാസ്തിരസംശയഃ ॥ 1.20॥

സര്‍വത്ര നിഷ്പരിഗ്രഹതാ ॥ 1.21॥

ഫലം ത്യക്ത്വാ കര്‍മകരണം ॥ 1.22॥

അനിത്യകര്‍മലോപഃ ॥ 1.23॥

മപഞ്ചകാലാഭേഽപി നിത്യക്രമപ്രത്യവമൃഷ്ടിഃ ॥ 1.24॥

നിര്‍ഭയതാ സര്‍വത്ര ॥ 1.25॥

സര്‍വം വേദ്യം ഹവ്യമിന്ദ്രിയാണി സ്രുചഃ ശക്തയോജ്വാലാഃ
സ്വാത്മാ ശിവഃ പാവകഃ സ്വയമേവ ഹോതാ ॥ 1.26॥

നിര്‍വിഷയചിദ്വിമൃഷ്ടിഃ ഫലം ॥ 1.27॥

ആത്മലാഭാന്ന പരം വിദ്യതേ ॥ 1.28॥

സൈഷാ ശാസ്ത്രശൈലീ ॥ 1.29॥

വേശ്യാ ഇവ പ്രകടാ വേദാദിവിദ്യാഃ ।

സര്‍വേഷു ദര്‍ശനേഷു ഗുപ്തേയം വിദ്യാ ॥ 1.30॥

തത്ര സര്‍വഥാ മതിമാന്‍ ദീക്ഷേത ॥ 1.31॥

ദീക്ഷാസ്തിസ്രഃ ശാക്തീ ശാംഭവീ മാന്ത്രീ ചേതി ।
തത്ര ശാക്തീ ശക്തിപ്രവേശനാത് ശാംഭവീ ചരണവിന്യാസാത്
മാന്ത്രീ മന്ത്രോപദിഷ്ടയാ സര്‍വാശ്ച കുര്യാത് ॥ 1.32॥

ഏകൈകാം വേത്യേകേ ॥ 1.33॥

സദ്ഗുരുഃ ക്രമം പ്രവര്‍ത്യ സാങ്ഗം ഹുത്വാ തരുണോല്ലാസവാന്‍ ശിഷ്യമാഹൂയ വാസസാ
മുഖം ബദ്ധ്വാ ഗണപതിലലിതാശ്യാമാവാര്‍താലീപരാപാത്ര
ബിന്ദുഭിസ്തമവോക്ഷ്യ സിദ്ധാന്തം ശ്രാവയിത്വാ ॥ 1.34॥

തച്ഛിരസി രക്തശുക്ലചരണം ഭാവയിത്വാ തദമൃതക്ഷാലിതം
സര്‍വശരീരമലങ്കുര്യാത് ॥ 1.35॥

തസ്യാമൂലമാബ്രഹ്മബിലം പ്രജ്വലന്തീം പ്രകാശലഹരീം ജ്വലദനലനിഭാം
ധ്യാത്വാ തദ്രശ്മിഭിസ്തസ്യ പാപപാശാന്‍ ദഗ്ധ്വാ ॥ 1.36॥

ത്രികടുത്രിഫലാചതുര്‍ജാതതക്കോലമദയന്തീസഹദേവീദൂര്‍വാ
ഭസ്മമൃത്തികാചന്ദനകുങ്കുമരോചനാകര്‍പൂരവാസിതജലപൂര്‍ണം
വസ്ത്രയുഗവേഷ്ടിതം നൂതനകലശം ബാലാഷഡങ്ഗേനാഭ്യര്‍ച്യ
ശ്രീശ്യാമാവാര്‍താലീചക്രാണി നിക്ഷിപ്യ തിസൃണാമാവരണ
മന്ത്രൈരഭ്യര്‍ച്യ സംരക്ഷ്യാസ്ത്രേണ പ്രദര്‍ശ്യ ധേനുയോനീ ॥ 1.37॥

ശിവയുക്സൌവര്‍ണകര്‍ണികേ സ്വരദ്വന്ദ്വജുഷ്ടകിഞ്ജല്‍കാഷ്ടകേ ।
ക ച ട ത പ യ ശ ളാക്ഷരവര്‍ഗാഷ്ടയുക്താഷ്ടദലേ ॥

ദിഗഷ്ടകസ്ഥിത ഠം വം ചതുരശ്രേ മാതൃകായന്ത്രേ ശിഷ്യം നിവേശ്യ ।
തേന കുംഭാംഭസാ തിസൃഭിഃ വിദ്യാഭിഃ സ്നപയേത് ॥ 1.38॥

സദുകൂലം സാലേപം സാഭരണം സമാലം സുപ്രസന്നം ശിഷ്യം പാര്‍ശ്വേ
നിവേശ്യ മാതൃകാം തദങ്ഗേ വിന്യസ്യ വിമുക്തമുഖകര്‍പടസ്യ തസ്യ
ഹസ്തേ ത്രീന്‍ പ്രഥമസിക്താന്‍ ചന്ദനോക്ഷിതാന്‍ ദ്വിതീയഖണ്ഡാന്‍
പുഷ്പഖണ്ഡാന്നിക്ഷിപ്യ തത്ത്വമന്ത്രൈര്‍ഗ്രാസയിത്വാ
ദക്ഷിണകര്‍ണേ ബാലമുപദിശ്യ പശ്ചാദിഷ്ടമനും വദേത് ॥ 1.39॥

തതസ്തസ്യ ശിരസി സ്വചരണം നിക്ഷിപ്യ സര്‍വാന്‍ മന്ത്രാന്‍ സകൃദ് വാ
ക്രമേണ വാ യഥാഽധികാരമുപദിശ്യ സ്വാങ്ഗേഷു കിമപ്യങ്ഗം ശിഷ്യം
സ്പര്‍ശയിത്വാ തദങ്ഗമാതൃകാവര്‍ണാദി ദ്വയക്ഷരം ത്ര്യക്ഷരം
ചതുരക്ഷരം വാ ആനന്ദനാഥശബ്ദാന്തം തസ്യ നാമ ദിശേത് ॥ 1.40॥

ബാലോപദിഷ്ടേഃ പൂര്‍വമാത്മനഃ പാദുകാം ഷട്താരയുക്താം ദദ്യാത് ॥ 1.41॥

ആചാരാനനുശിഷ്യ ഹാര്‍ദചൈതന്യമാമൃശ്യ വിദ്യാത്രയേണ
തദങ്ഗം ത്രിഃ പരിമൃജ്യ പരിരഭ്യ മൂര്‍ധന്യവഘ്രായ സ്വാത്മരൂപം
കുര്യാത് ॥ 1.42॥

ശിഷ്യോഽപി പൂര്‍ണതാം ഭാവയിത്വാ കൃതാര്‍ഥസ്തം ഗുരും യഥാശക്തി
വിത്തൈരുപചര്യ വിദിതവേദിതവ്യോഽശേഷമന്ത്രാധികാരീ ഭവേദിതി
ശിവം ॥ 1.43॥

ഇതി രേണുകാഗര്‍ഭസംഭൂത-ശ്രീദുഷ്ടക്ഷത്രിയകുലാന്തക-
ശ്രീഭാര്‍ഗവോപാധ്യായ-ജാമദഗ്ന്യ-മഹാദേവപ്രധാനശിഷ്യ-
മഹാകൌലാചാര്യ-ശ്രീമത്പരശുരാമകൃതൌ-കല്‍പസൂത്രേ
ദീക്ഷാവിധിര്‍ നാമ പ്രഥമഃ ഖണ്ഡഃ സമാപ്തഃ ॥ 1॥



ദ്വിതീയഃ ഖണ്ഡഃ ശ്രീഗണനായകപദ്ധതിഃ

ഇത്ഥം സദ്ഗുരോരാഹിതദീക്ഷഃ മഹാവിദ്യാഽഽരാധനപ്രത്യൂഹാപോഹായ
ഗാണനായകീം പദ്ധതിമാമൃശേത് ॥ 2.1॥

ബ്രാഹ്മേ മുഹൂര്‍തേ ഉത്ഥായ ദ്വാദശാന്തേ
സഹസ്രദലകമലകര്‍ണികാമധ്യനിവിഷ്ടഗുരുചരണയുഗല
വിഗലദമൃതരസവിസരപരിപ്ലുതാഖിലാങ്ഗോ
ഹൃദയകമലമധ്യേ ജ്വലന്തം
ഉദ്യദരുണകോടിപാടലമശേഷദോഷനിര്‍വേഷഭൂതം
അനേകപാനനം നിയമിതപവനമനോഗതിര്‍ധ്യാത്വാ
തത്പ്രഭാപടലപാടലീകൃതതനുഃ ബഹിര്‍നിര്‍ഗത്യ മുക്തമലമൂത്രോ
ദന്തധാവനസ്നാന-വസ്ത്രപരിധാനസൂര്യാര്‍ഘ്യദാനാനി വിധായ
ഉദ്യദാദിത്യവര്‍തിനേ മഹാഗണപതയേ തത്പുരുഷായ വിദ്മഹേ
വക്രതുണ്ഡായ ധീമഹി ॥ തന്നോ ദന്തീ പ്രചോദയാത് ഇത്യര്‍ഘ്യം ദത്വാ
നിത്യകൃത്യം വിധായ ചതുരാവൃത്തിതര്‍പണം കുര്യാത് ।
ആയുരാരോഗ്യമൈശ്വര്യം ബലം പുഷ്ടിര്‍മഹദ്യശഃ ।
കവിത്വം ഭുക്തിമുക്തീ ച ചതുരാവൃത്തിതര്‍പണാത് ॥ 2.2॥

പ്രഥമം ദ്വാദശവാരം മൂലമന്ത്രേണ തര്‍പയിത്വാ മന്ത്രാഷ്ടാവിംശതിവര്‍ണാന്‍
സ്വാഹാഽന്താനേകൈകം ചതുര്‍വാരം മൂലം ച ചതുര്‍വാരം തര്‍പയിത്വാ പുനഃ
ശ്രീശ്രീപതിഗിരിജാഗിരിജാപതിരതിരതിപതിമഹീമഹീപതി
മഹാലക്ഷ്മീമഹാലക്ഷ്മീപതി ഋദ്ധ്യാമോദസമൃദ്ധിപ്രമോദകാന്തി
സുമുഖമദനാവതീദുര്‍മുഖമദദ്രവാഽവിഘ്നദ്രാവിണീവിഘ്നകര്‍തൃ
വസുധാരാശങ്ഖനിധിവസുമതീപദ്മനിധിത്രയോദശ
മിഥുനേഷ്വേകൈകാം ദേവതാം ചതുര്‍വാരം മൂലം ചതുര്‍വാരം ച തര്‍പയേതേവം
ചതുശ്ചത്വാരിംശദധികചതുശ്ശതതര്‍പണാനി ഭവന്തി ॥ 2.3॥

അഥ യാഗവിധിഃ - ഗൃഹമാഗത്യ സ്ഥണ്ഡിലമുപലിപ്യ ദ്വാരദേശ
ഉഭയപാര്‍ശ്വയോര്‍ഭദ്രകാല്യൈ ഭൈരവായ-ദ്വാരോര്‍ധ്വേ ലംബോദരായ
നമഃ ഇതി അന്തഃപ്രവിശ്യ ആസനമന്ത്രേണ ആസനേ സ്ഥിത്വാ പ്രാണാന്‍
ആയംയ ഷഡങ്ഗാനി വിന്യസ്യ മൂലേന വ്യാപകം കൃത്വാ സ്വാത്മനി ദേവം
സിദ്ധലക്ഷ്മീസമാശ്ലിഷ്ടപാര്‍ശ്വമര്‍ധേന്ദുശേഖരമാരക്തവര്‍ണം
മാതുലുങ്ഗഗദാപുണ്ഡ്രേക്ഷുകാര്‍മുകശൂലസുദര്‍ശനശങ്ഖ-
പാശോത്പലധാന്യ-മഞ്ജരീനിജദന്താഞ്ചലരത്ന
കലശപരിഷ്കൃതപാണ്യേകാദശകം
പ്രഭിന്നകടമാനന്ദപൂര്‍ണമശേഷവിഘ്നധ്വംസനിഘ്നം
വിഘ്നേശ്വരം ധ്യാത്വാ ॥ 2.4॥

പുരതോ മൂലസപ്താഭിമന്ത്രിതേന ഗന്ധാക്ഷതപുഷ്പപൂജിതേന ശുദ്ധേന
വാരിണാ ത്രികോണഷട്കോണവൃത്തചതുരശ്രാണി വിധായ തസ്മിന്‍
പുഷ്പാണി വികീര്യ വഹ്നീശാസുരവായുഷു മധ്യേ ദിക്ഷു ച ഷഡങ്ഗാനി
വിന്യസ്യ അഗ്നിമണ്ഡലായ ദശകലാഽഽത്മനേ അര്‍ഘ്യപാത്രാധാരായ
നമഃ സൂര്യമണ്ഡലായ ദ്വാദശകലാഽഽത്മനേ അര്‍ഘ്യപാത്രായ
നമഃ സോമമണ്ഡലായ ഷോഡശകലാഽഽത്മനേ അര്‍ഘ്യാമൃതായ നമഃ
ഇതി ശുദ്ധജലമാപൂര്യ അസ്ത്രേണ സംരക്ഷ്യ കവചേനാവകുണ്ഠ്യ
ധേനുയോനിമുദ്രാം പ്രദര്‍ശയേത് ॥ 2.5॥

സപ്തവാരമഭിമന്ത്ര്യ തജ്ജലവിപ്രുഡ്ഭിരാത്മാനം പൂജോപകരണാനി
ച സമ്പ്രോക്ഷ്യ തജ്ജലേന പൂര്‍വോക്തം മണ്ഡലം പരികല്‍പ്യ തദ്വദ്
ആദിമം സംയോജ്യ തത്രോപാദിമം മധ്യമം ച നിക്ഷിപ്യ
വഹ്ന്യര്‍കേന്ദുകലാഃ അഭ്യര്‍ച്യ വക്രതുണ്ഡഗായത്ര്യാ ഗണാനാം
ത്വേത്യനയാ ഋചാ ചാഭിമന്ത്ര്യ അസ്ത്രാദിരക്ഷണം കൃത്വാ
തദ്ബിന്ദുഭിസ്ത്രിശഃ ശിരസി ഗുരുപാദുകാമാരാധയേത് ॥ 2.6॥

പുരതോ രക്തചന്ദനനിര്‍മിതേ പീഠേ മഹാഗണപതിപ്രതിമായാം
വാ ചതുരസ്രാഷ്ടദലഷട്കോണത്രികോണമയേ ചക്രേ
വാ തീവ്രായൈ ജ്വാലിന്യൈ നന്ദായൈ ഭോഗദായൈ കാമരൂപിണ്യൈ ഉഗ്രായൈ
തേജോവത്യൈ സത്യായൈ വിഘ്നനാശിന്യൈ ഋം ധര്‍മായ ൠം ജ്ഞാനായ
ഌം വൈരാഗ്യായ ൡം ഐശ്വര്യായ ഋം അധര്‍മായ ൠം അജ്ഞാനായ
ഌം അവൈരാഗ്യായ ൡം അനൈശ്വര്യായ നമ ഇതി പീഠശക്തീര്‍ധര്‍മാദ്യഷ്ടകം
ചാഭ്യര്‍ച്യ മൂലമുച്ചാര്യ മഹാഗണപതിം
ആവാഹയാമീത്യാവാഹ്യ പഞ്ചധോപചര്യ ദശധാ സന്തര്‍പ്യ മൂലേന
മിഥുനാങ്ഗബ്രാഹ്ംയാദീന്ദ്രാദിരൂപപഞ്ചാവരണപൂജാം കുര്യാത്
 ॥ 2.7॥

ത്രികോണേ ദേവഃ തസ്യ ഷഡസ്രസ്യാന്തരാലേ
ശ്രീശ്രീപത്യാദിചതുര്‍മിഥുനാനി അങ്ഗാനി ച
ഋദ്ധ്യാമോദാദിഷണ്‍മിഥുനാനി ഷഡസ്രേ മിഥുനദ്വയം
ഷഡസ്രോഭയപാര്‍ശ്വയോസ്തത്സന്ധിഷ്വങ്ഗാനി ബ്രാഹ്മയാദ്യാഃ
അഷ്ടദലേ ചതുരസ്രാഷ്ടദിക്ഷ്വിന്ദ്രാദ്യാഃ പൂജ്യാഃ സര്‍വത്ര
ദേവതാനാമസു ശ്രീപൂര്‍വം പാദുകാമുച്ചാര്യ പൂജയാമീത്യഷ്ടാക്ഷരീം
യോജയേത് ॥ 2.8॥

ഏവം പഞ്ചാവരണീമിഷ്ട്വാ പുനര്‍ദേവം ഗണനാഥം ദശധോപതര്‍പ്യ
ഷോഡശോപചാരൈരുപചര്യ പ്രണവമായാഽന്തേ സര്‍വവിഘ്നകൃദ്ഭയഃ
സര്‍വഭൂതേഭ്യോ ഹും സ്വാഹാ - ഇതി ത്രിഃ പഠിത്വാ ബലിം ദത്വാ
ഗണപതിബുദ്ധ്യൈകം ബടുകം സിദ്ധലക്ഷ്മീബുദ്ധ്യൈകാം ശക്തിം ചാഹൂയ
ഗന്ധപുഷ്പാക്ഷതൈരഭ്യര്‍ച്യാദിമോപാദിമമധ്യമാന്‍ ദത്വാ മമ
നിര്‍വിഘ്നം മന്ത്രസിദ്ധിര്‍ഭൂയാദിത്യനുഗ്രഹം കാരയിത്വാ നമസ്കൃത്യ
യഥാശക്തി ജപേത് ॥ 2.9॥

യദ്യഗ്നികാര്യസമ്പത്തിഃ ബലേഃ പൂര്‍വം വിധിവത് സംസ്കൃതേഽഗ്നൌ
സ്വാഹാഽന്തൈഃ ശ്രീശ്രീപത്യാദിവിഘ്നകര്‍തൃപര്യന്തൈഃ
മന്ത്രൈര്‍ഹുത്വാ പുനരാഗത്യ ദേവം ത്രിവാരം സന്തര്‍പ്യ യോഗ്യൈസ്സഹ
മപഞ്ചകം ഉരരീകൃത്യ മഹാഗണപതിമാത്മന്യുദ്വാസ്യ
സിദ്ധസങ്കല്‍പഃ സുഖീ വിഹരേത് ഇതി ശിവം ॥ 2.10॥

ഇതി രേണുകാഗര്‍ഭസംഭൂത-ശ്രീദുഷ്ടക്ഷത്രിയകുലാന്തക-
ശ്രീഭാര്‍ഗവോപാധ്യായ-ജാമദഗ്ന്യ-മഹാദേവപ്രധാനശിഷ്യ-
മഹാകൌലാചാര്യ-ശ്രീമത്പരശുരാമകൃതൌ-കല്‍പസൂത്രേ
ഗണനായകപദ്ധതിര്‍ നാമ ദ്വിതീയഃ ഖണ്ഡഃ സമാപ്തഃ ॥ 2॥



തൃതീയഃ ഖണ്ഡഃ ശ്രീക്രമഃ ലലിതാഽധികാരഃ

ഏവം ഗണപതിമിഷ്ട്വാ വിധൂതസമസ്തവിഘ്നവ്യതികരഃ
ശക്തിചക്രൈകനായികായാഃ ശ്രീലലിതായാഃ ക്രമമാരഭേത ॥ 3.1॥

ബ്രാഹ്മേ മുഹൂര്‍തേ ബ്രാഹ്മണോ മുക്തസ്വാപഃ പാപവിലാപായ പരമശിവരൂപം
ഗുരുമഭിമൃശ്യ ॥ 3.2॥

മൂലാദിവിധിബിലപര്യന്തം തഡിത്കോടികഡാരാം
തരുണദിവാകരപിഞ്ജരാം ജ്വലന്തീം മൂലസംവിദം ധ്യാത്വാ
തദ്രശ്മിനിഹതകശ്മലജാലഃ കാദിം ഹാദിം വാ മൂലവിദ്യാം മനസാ
ദശവാരമാവര്‍ത്യ ॥ 3.3॥

സ്നാനകര്‍മണി പ്രാപ്തേ മൂലേന ദത്വാ ത്രിഃ സലിലാഞ്ജലീന്‍ ത്രിസ്തദഭിമന്ത്രിതാഃ
പീത്വാഽപസ്ത്രിസ്സന്തര്‍പ്യ ത്രിഃ പ്രോക്ഷ്യാത്മാനം
പരിധായ വാസസീ ഹ്രാം ഹ്രീം ഹ്രൂം സഃ ഇത്യുക്ത്വാ മാര്‍താണ്ഡഭൈരവായ
പ്രകാശശക്തിസഹിതായ സ്വാഹേതി ത്രിസ്സവിത്രേ ദത്താര്‍ഘ്യഃ ॥ 3.4॥

തന്‍മണ്ഡലമധ്യേ നവയോനിചക്രമനുചിന്ത്യ വാചമുച്ചാര്യ
ത്രിപുരസുന്ദരി വിദ്മഹേ കാമമുച്ചാര്യ പീഠകാമിനി ധീമഹി ശക്തിം
ഉച്ചാര്യ തന്‍ നഃ ക്ലിന്നാ പ്രചോദയാദ് ഇതി ത്രിര്‍മഹേശ്യൈ ദത്താര്‍ഘ്യഃ
ശതമഷ്ടോത്തരമാമൃശ്യ മനും മൌനമാലംബ്യ ॥ 3.5॥

യാഗമന്ദിരം ഗത്വാ കൢപ്താകല്‍പസ്സങ്കല്‍പാകല്‍പോ വാ പീഠമനുനാ ആസനേ
സമുപവിഷ്ടഃ ॥ 3.6॥

ത്രിതാരീമുച്ചാര്യ രക്തദ്വാദശശക്തിയുക്തായ ദീപനാഥായ നമ
ഇതി ഭൂമൌ മുഞ്ചേത് പുഷ്പാഞ്ജലിം ॥ 3.7॥

സര്‍വേഷാം മന്ത്രാണാമാദൌ ത്രിതാരീസംയോഗഃ । ത്രിതാരീ വാങ്മായാകമലാഃ
 ॥ 3.8॥

പുരതഃ പഞ്ചശക്തിചതുഃശ്രീകണ്ഠമേലനരൂപം
ഭൂസദനത്രയവലിത്രയഭൂപപത്രദിക്പത്രഭുവനാര
ദ്രുഹിണാരവിധികോണദിക്കോണത്രികോണബിന്ദുചക്രമയം
മഹാചക്രരാജം സിന്ദൂരകുങ്കുമലിഖിതം
ചാമീകരകലധൌതപഞ്ചലോഹരത്നസ്ഫടികാദ്യുത്കീര്‍ണം വാ
നിവേശ്യ ॥ 3.9॥

തത്ര മഹാചക്രേ അമൃതാംഭോനിധയേ രത്നദ്വീപായ
നാനാവൃക്ഷമഹോദ്യാനായ കല്‍പവൃക്ഷവാടികായൈ
സന്താനവാടികായൈ ഹരിചന്ദനവാടികായൈ മന്ദാരവാടികായൈ
പാരിജാതവാടികായൈ കദംബവാടികായൈ പുഷ്പരാഗരത്നപ്രാകാരായ
പദ്മരാഗരത്നപ്രാകാരായ ഗോമേധരത്നപ്രാകാരായ
വജ്രരത്നപ്രാകാരായ വൈഡൂര്യരത്നപ്രാകാരായ
ഇന്ദ്രനീലരത്നപ്രാകാരായ മുക്താരത്നപ്രാകാരായ
മരകതരത്നപ്രാകാരായ വിദ്രുമരത്നപ്രാകാരായ
മാണിക്യമണ്ഡപായ സഹസ്രസ്തംഭമണ്ഡപായ അമൃതവാപികായൈ
ആനന്ദവാപികായൈ വിമര്‍ശവാപികായൈ ബാലാതപോദ്ഗാരായ
ചന്ദ്രികോദ്ഗാരായ മഹാശൃങ്ഗാരപരിഘായൈ
മഹാപദ്മാടവ്യൈ ചിന്താമണിഗൃഹരാജായ
പൂര്‍വാംനായമയപൂര്‍വദ്വാരായ ദക്ഷിണാംനായമയദക്ഷിണദ്വാരായ
പശ്ചിമാംനായമയപശ്ചിമദ്വാരായോത്തരാംനായമയോത്തരദ്വാരായ
രത്നപ്രദീപവലയായ മണിമയമഹാസിംഹാസനായ
ബ്രഹ്മമയൈകമഞ്ചപാദായ വിഷ്ണുമയൈകമഞ്ചപാദായ
രുദ്രമയൈകമഞ്ചപാദായ ഈശ്വരമയൈകമഞ്ചപാദായ
സദാശിവമയൈകമഞ്ചഫലകായ ഹംസതൂലതല്‍പായ
ഹംസതൂലമഹോപധാനായ കൌസുംഭാസ്തരണായ മഹാവിതാനകായ
മഹാജവനികായൈ നമഃ - ഇതി ചതുശ്ചത്വാരിംശന്‍മന്ത്രൈസ്തത്തദഖിലം
ഭാവയിത്വാ അര്‍ചയിത്വാ ॥ 3.10॥

ഗന്ധപുഷ്പാക്ഷതാദീംശ്ച ദക്ഷിണഭാഗേ ദീപാന്‍ അഭിതോ ദത്ത്വാ മൂലേന
ചക്രമഭ്യര്‍ച്യ മൂലത്രിഖണ്ഡൈഃ പ്രഥമത്ര്യസ്രേ ॥ 3.11॥

വായ്വഗ്നിസലിലവര്‍ണയുക്പ്രാണായാമൈഃ ശോഷണം സന്ദഹനമാപ്ലാവനം
ച വിധായ ॥ 3.12॥

ത്രിഃ പ്രാണാന്‍ ആയംയ ॥ 3.13॥

അപസര്‍പന്തു തേ ഭൂതാ യേ ഭൂതാ ഭുവി സംസ്ഥിതാഃ ।
യേ ഭൂതാ വിഘ്നകര്‍താരസ്തേ നശ്യന്തു ശിവാജ്ഞയാ ।
ഇതി വാമപാദപാര്‍ഷ്ണിഘാതകരാസ്ഫോടസമുദഞ്ചിതവക്ത്രസ്താലത്രയം
ദത്വാ ദേവ്യഹംഭാവയുക്തഃ സ്വശരീരേ
വജ്രകവചന്യാസജാലം വിദധീത ॥ 3.14॥

ബിന്ദുയുക് ശ്രീകണ്ഠാനന്തതാര്‍തീയൈഃ മധ്യമാദിതലപര്യന്തം
കൃതകരശുദ്ധിഃ ॥ 3.15॥

കുമാരീമുച്ചാര്യ മഹാത്രിപുരസുന്ദരീപദമാത്മാനം രക്ഷ രക്ഷേതി
ഹൃദയേ അഞ്ജലിം ദത്ത്വാ ॥ 3.16॥

മായാകാമശക്തീരുച്ചാര്യ ദേവ്യാത്മാസനായ നമഃ - ഇതി സ്വസ്യാസനം
ദത്ത്വാ ॥ 3.17॥

ശിവയുഗ്ബാലാമുച്ചാര്യ ശ്രീചക്രാസനായ നമഃ -
ശിവഭൃഗുയുഗ്ബാലാമുച്ചാര്യ സര്‍വമന്ത്രാസനായ നമോ
ഭുവനാ - മദനൌ ബ്ലേമുച്ചാര്യ സാധ്യസിദ്ധാസനായ നമഃ - ഇതി
ചക്രമന്ത്രദേവതാഽഽസനം ത്രിഭിര്‍മന്ത്രൈശ്ചക്രേ കൃത്വാ ॥ 3.18॥

ബാലാ-ദ്വിരാവൃത്ത്യാ ത്രിദ്വ്യേകദശത്രിസങ്ഖ്യാഽങ്ഗുലിവിന്യാസൈഃ
കൢപ്തഷഡങ്ഗഃ ॥ 3.19॥

സബിന്ദൂനചോബ്ലൂമുച്ചാര്യ വശിനീവാഗ്ദേവതായൈ നമഃ - ഇതി
ശിരസി । സര്‍വത്ര വര്‍ഗാണാം ബിന്ദുയോഗഃ । കവര്‍ഗം കലഹ്രീം ച
നിഗദ്യ കാമേശ്വരീവാഗ്ദേവതായൈ നമഃ - ഇതി ലലാടേ । ചും ഗദിത്വാ
ന്വ്ലീം മോദിനീവാഗ്ദേവതായൈ നമഃ - ഇതി ഭ്രൂമധ്യേ । ടും ഭണിത്വാ
യ്ലൂം വിമലാവാഗ്ദേവതായൈ നമഃ - ഇതി കണ്ഠേ । തും ച പ്രോച്യ ജ്ംരീം
അരുണാവാഗ്ദേവതായൈ നമഃ - ഇതി ഹൃദി । പും ച ഹ്സ്ല്വ്യൂം ഉച്ചാര്യ
ജയിനീവാഗ്ദേവതായൈ നമഃ - ഇതി നാഭൌ । യാദിചതുഷ്കം ഝ്ംര്യൂം
ഉച്ചാര്യ സര്‍വേശ്വരീവാഗ്ദേവതായൈ നമഃ - ഇതി ലിങ്ഗേ । ശാദിഷട്കം
ക്ഷ്ംരീം ആഖ്യായ കൌലിനീവാഗ്ദേവതായൈ നമഃ - ഇതി മൂലേ ॥ 3.20॥

മൂലവിദ്യാപഞ്ചദശവര്‍ണാന്‍ മൂര്‍ധ്നി മൂലേ ഹൃദി ചക്ഷുസ്ത്രിതയേ
ശ്രുതിദ്വയമുഖഭുജയുഗലപൃഷ്ഠജാനുയുഗലനാഭിഷു
വിന്യസ്യ ഷോഢാ ചക്രേ ന്യസ്യാന്യസ്യ വാ ॥ 3.21॥

ശുദ്ധാംഭസാ വാമഭാഗേ ത്രികോണഷട്കോണവൃത്തചതുരശ്രമണ്ഡലം
കൃത്വാ പുഷ്പൈരഭ്യര്‍ച്യ സാധാരം ശങ്ഖം പ്രതിഷ്ഠാപ്യ
ശുദ്ധജലമാപൂര്യ ആദിമബിന്ദും ദത്ത്വാ ഷഡങ്ഗേനാഭ്യര്‍ച്യ വിദ്യയാ അഭിമന്ത്ര്യ
തജ്ജലവിപ്രുഡ്ഭിഃ ആത്മാനം പൂജോപകരണാനി ച സമ്പ്രോക്ഷ്യ ॥ 3.22॥

തജ്ജലേന ത്രികോണഷട്കോണവൃത്തചതുരസ്രമണ്ഡലം കൃത്വാ
മധ്യം വിദ്യയാ വിദ്യാഖണ്ഡൈസ്ത്രികോണം ബീജാവൃത്ത്യാ ഷഡശ്രം
സമ്പൂജ്യ വാചമുച്ചാര്യ അഗ്നിമണ്ഡലായ ദശകലാഽഽത്മനേ
അര്‍ഘ്യപാത്രാധാരായ നമഃ - ഇതി പ്രതിഷ്ഠാപ്യ ആധാരം പ്രപൂജ്യ പാവകീഃ
കലാഃ ॥ 3.23॥

മദനാദുപരി സൂര്യമണ്ഡലായ ദ്വാദശകലാഽഽത്മനേ അര്‍ഘ്യപാത്രായ
നമഃ ഇതി സംവിധായ പാത്രം സംസ്പൃശ്യ കലാഃ സൌരീഃ സൌഃ സോമമണ്ഡലായ
ഷോഡശകലാഽഽത്മനേ അര്‍ഘ്യാമൃതായ നമഃ - ഇതി പൂരയിത്വാ ആദിമം
ദത്ത്വോപാദിമമധ്യമൌ പൂജയിത്വാ വിധോഃ കലാഷോഡശകം ॥ 3.24॥

തത്ര വിലിഖ്യ ത്ര്യസ്രമകഥാദിമയരേഖം
ഹലക്ഷയുഗാന്തസ്ഥിതഹംസഭാസ്വരം
വാക്കാമശക്തിയുക്തകോണം ഹംസേനാരാധ്യ ബഹിര്‍വൃത്തഷട്കോണം
കൃത്വാ ഷഡസ്രം ഷഡങ്ഗേന പുരോഭാഗാദ്യഭ്യര്‍ച്യ മൂലേന സപ്തധാ
അഭിമന്ത്ര്യ ദത്തഗന്ധാക്ഷതപുഷ്പധൂപദീപഃ തദ്വിപ്രുഡ്ഭിഃ
പ്രോക്ഷിതപൂജാദ്രവ്യഃ സര്‍വം വിദ്യാമയം കൃത്വാ തത് സ്പൃഷ്ട്വാ
ചതുര്‍നവതിമന്ത്രാന്‍ ജപേത് ॥ 3.25॥

ത്രിതാരീനമസ്സമ്പുടിതാഃ തേജസ്ത്രിതയകലാ അഷ്ടത്രിംശത് ।
സൃഷ്ടിഋദ്ധിസ്മൃതിമേധാകാന്തിലക്ഷ്മീദ്യുതിസ്ഥിരാ-
സ്ഥിതിസിദ്ധയോ ബ്രഹ്മകലാ ദശ । ജരാ പാലിനീ
ശാന്തിരീശ്വരീ രതികാമികേ വരദാഹ്ലാദിനീ പ്രീതിര്‍ദീര്‍ഘാ വിഷ്ണുകലാ ദശ ।
തീക്ഷ്ണാ രൌദ്രീ ഭയാ നിദ്രാ തന്ദ്രീ ക്ഷുധാ ക്രോധിനീ
ക്രിയോദ്ഗാരീമൃത്യവോ രുദ്രകലാ ദശ ।
പീതാ ശ്വേതാഽരുണാഽസിതാശ്ചതസ്ര ഈശ്വരകലാഃ ।
നിവൃത്തിപ്രതിഷ്ഠാവിദ്യാശാന്തീന്ധികാദീപികാരേചികാമോചികാ
പരാസൂക്ഷ്മാസൂക്ഷ്മാമൃതാ-ജ്ഞാനാജ്ഞാനാമൃതാപ്യായിനീവ്യാപിനീ
വ്യോമരൂപാഃ ഷോഡശ സദാശിവകലാഃ ॥

ഹംസശ്ശുചിഷദ്വസുരന്തരിക്ഷസദ്ധോതാവ്വേദിഷദതിഥിര്‍ദുരോണസത് ।
നൃഷദ്വരസദൃതസദ്വയോമസദബ്ജാ ഗോജാ ഋതജാ
അദ്രിജാ ഋതം ബൃഹത് ॥

പ്ര തദ്വിഷ്ണുഃ സ്തവതേ വീര്യേണ മൃഗോ ന ഭീമഃ കുചരോ ഗിരിഷ്ഠാഃ ।
യസ്യോരുഷു ത്രിഷു വിക്രമണേഷ്വധിക്ഷിയന്തി ഭുവനാനി (?) വ്വിശ്വാ ॥

ത്ര്യംബകം യജാമഹേ സുഗന്ധിം പുഷ്ടിവര്‍ധനം ।
ഉര്‍വാരുകമിവ ബന്ധനാന്‍ മൃത്യോര്‍മുക്ഷീയ മാമൃതാത് ॥

തദ്വിഷ്ണോഃ പരമം പദം സദാ പശ്യന്തി സൂരയഃ ।
ദിവീവ ചക്ഷുരാതതം ॥

തദ്വിപ്രാസോ വിപന്യവോ ജാഗൃവാംസഃ സമിന്ധതേ ।
വിഷ്ണോര്യത് പരമം പദം ॥

വിഷ്ണുര്യോനിം കല്‍പയതു ത്വഷ്ടാ രൂപാണി പിംശതു ।
ആസിഞ്ചതു പ്രജാപതിര്‍ധാതാ ഗര്‍ഭം ദധാതു തേ ॥

ഗര്‍ഭം ധേഹി സിനീവാലി ഗര്‍ഭം ധേഹി സരസ്വതി ।
ഗര്‍ഭം തേ അശ്വിനൌ ദേവാവാധത്താം പുഷ്കരസ്രജാ ॥

ഇത്യേതേ പഞ്ചമന്ത്രാഃ ॥

മൂലവിദ്യാ ചാഹത്യ ചതുര്‍നവതിമന്ത്രാഃ ॥ 3.26॥

അഥ ഹൈകേ പഞ്ചഭിരഖണ്ഡാദ്യൈരഭിമന്ത്രണമാമനന്തി ॥ 3.27॥

അഖണ്ഡൈകരസാനന്ദകരൈ പരസുധാഽഽത്മനി ।
സ്വച്ഛന്ദസ്ഫുരണമത്ര നിധേഹ്യകുലനായികേ ॥

അകുലസ്ഥാമൃതാകാരേ ശുദ്ധജ്ഞാനകരേ പരേ ।
അമൃതത്വം നിധേഹ്യസ്മിന്‍ വസ്തുനി ക്ലിന്നരൂപിണി ॥

തദ്രൂപിണ്യൈകരസ്യത്വം കൃത്വാ ഹ്യേതത്സ്വരൂപിണി ।
ഭൂത്വാ പരാമൃതാകാരാ മയി ചിത്സ്ഫുരണം കുരു ॥

ഇതി തിസ്രോഽനുഷ്ടുഭോ വിദ്യാഃ ॥ 3.28॥

അഥോ വാചം ബ്ലൂം ഝൌമിതി ജൂം സഃ - ഇതി ചോക്ത്വാ അമൃതേ അമൃതോദ്ഭവേ
അമൃതേശ്വരി അമൃതവര്‍ഷിണി അമൃതം സ്രാവയ സ്രാവയ സ്വാഹേതി ചതുര്‍ഥോ
മന്ത്രഃ ॥ 3.29॥

വാഗ്ഭവോ വദ വദ തതോ വാഗ്വാദിനി വാങ്മദനക്ലിന്നേ
ക്ലേദിനി ക്ലേദയ മഹാക്ഷോഭം കുരുയുഗലം മാദനം ശക്തിര്‍മോക്ഷം
കുരു കുരു ശബ്ദോ ഹസ ചതുര്‍ദശപഞ്ചദശപിണ്ഡഃ
സഹചതുര്‍ദശഷോഡശപിണ്ഡശ്ചേതി പഞ്ചമീയം വിദ്യൈതാഭിഃ
അഭിമന്ത്ര്യ ജ്യോതിര്‍മയം തദ് അര്‍ഘ്യം വിധായ ॥ 3.30॥

തദ്ബിന്ദുഭിസ്ത്രിശഃ ശിരസി ഗുരുപാദുകാമിഷ്ട്വാ ആര്‍ദ്രം ജ്വലതി
ജ്യോതിരഹമസ്മി ജ്യോതിര്‍ജ്വലതി ബ്രഹ്മാഹമസ്മി യോഽഹമസ്മി
ബ്രഹ്മാഹമസ്മി അഹമസ്മി ബ്രഹ്മാഹമസ്മി അഹമേവാഹം മാം ജുഹോമി
സ്വാഹേതി തദ്ബിന്ദുമാത്മനഃ കുണ്ഡലിന്യാം ജുഹുയാത് ॥ 3.31॥

ഏതദര്‍ഘ്യശോധനമിതി ശിവം ॥ 3.32॥

ഇതി രേണുകാഗര്‍ഭസംഭൂത-ശ്രീദുഷ്ടക്ഷത്രിയകുലാന്തക-
ശ്രീഭാര്‍ഗവോപാധ്യായ-ജാമദഗ്ന്യ-മഹാദേവപ്രധാനശിഷ്യ-
മഹാകൌലാചാര്യ-ശ്രീമത്പരശുരാമകൃതൌ-കല്‍പസൂത്രേ
ശ്രീക്രമ നാമ തൃതീയഃ ഖണ്ഡഃ സമാപ്തഃ ॥ 3॥



ചതുര്‍ഥഃ ഖണ്ഡഃ ലലിതാക്രമഃ ശ്രീചക്രേ പരചിത്യാവാഹനം

അഥ ഹൃച്ചക്രസ്ഥിതാം
അന്തസ്സുഷുംണാപദ്മാടവീനിര്‍ഭേദനകുശലാം നിരസ്തമോഹതിമിരാം
ശിവദീപദീപ്തിമാദ്യാം സംവിദം വഹന്നാസപുടേന നിര്‍ഗമയ്യ
ലീലാഽഽകലിതവപുഷം താം ത്രിഖണ്ഡമുദ്രാശിഖണ്ഡേ കുസുമാഞ്ജലൌ
ഹസ്തേ സമാനീയ ॥ 4.1॥

മായാലക്ഷ്മീ പരാ ഉച്ചാര്യ ദേവീനാമ ചാമൃതചൈതന്യമൂര്‍തിം
കല്‍പയാമി നമഃ - ഇതി കല്‍പയിത്വാ ॥ 4.2॥

ഹസരയുജം വാചം ഹസയുക്താം കലരീം
ഹസരചതുര്‍ദശഷോഡശാനപ്യുച്ചാര്യ
മഹാപദ്മവനാന്തഃസ്ഥേ കാരണാനന്ദവിഗ്രഹേ ।
സര്‍വഭൂതഹിതേ മാതരേഹ്യേഹി പരമേശ്വരി ॥

ഇതി ബൈന്ദവചക്രേ പരചിതിമാവാഹ്യ ॥ 4.3॥

ചതുഷ്ഷഷ്ട്യുപചാരാന്‍ കുര്യാത് । സര്‍വേ ഉപചാരമന്ത്രാഃ ത്രിതാരീപൂര്‍വാഃ
കല്‍പയാമി നമഃ - ഇത്യന്താഃ കര്‍തവ്യാഃ ॥ 4.4॥

ത്രിതാരീമുച്ചാര്യ പാദ്യം കല്‍പയാമി നമഃ ഇതി ക്രമേണ
ആഭരണാവരോപണം സുഗന്ധിതൈലാഭ്യങ്ഗം മജ്ജനശാലാപ്രവേശനം
മജ്ജനമണ്ഡപമണിപീഠോപവേശനം ദിവ്യസ്നാനീയോദ്വര്‍തനം
ഉഷ്ണോദകസ്നാനം കനകകലശച്യുതസകലതീര്‍ഥാഭിഷേകം
ധൌതവസ്ത്രപരിമാര്‍ജനം
അരുണദുകൂലപരിധാനം അരുണകുചോത്തരീയം
ആലേപമണ്ഡപപ്രവേശനമാലേപമണ്ഡപമണിപീഠോപവേശനം
ചന്ദനാഗരുകുങ്കുമ സങ്കുമൃഗമദകര്‍പൂരകസ്തൂരീഗോരോചനാദി
ദിവ്യഗന്ധസര്‍വാങ്ഗീണവിലേപനം കേശഭരസ്യ കാലാഗരുധൂപം
മല്ലികാമാലതീജാതീചമ്പകാശോകശതപത്രപൂഗകുഡ്മലീ
പുന്നാഗകല്‍ഹാര-മുഖ്യസര്‍വര്‍തുകുസുമമാലാം
ഭൂഷണമണ്ഡപപ്രവേശനം ഭൂഷണമണ്ഡപമണിപീഠോപവേശനം
നവമണിമകുടം ചന്ദ്രശകലം സീമന്തസിന്ദൂരം തിലകരത്നം
കാലാഞ്ജനം പാലീയുഗലം മണികുണ്ഡലയുഗലം നാസാഭരണം
അധരയാവകം പ്രഥമഭൂഷണം കനകചിന്താകം പദകം മഹാപദകം
മുക്താവലിമേകാവലിം ഛന്നവീരം കേയൂരയുഗലചതുഷ്ടയം
വലയാവലിമൂര്‍മികാവലിം കാഞ്ചീദാമ കടിസൂത്രം സൌഭാഗ്യാഭരണം
പാദകടകം രത്നനൂപുരം പാദാങ്ഗുലീയകമേകകരേ പാശമന്യകരേ
അങ്കുശമിതരകരേ പുണ്ഡ്രേക്ഷുചാപമപരകരേ പുഷ്പബാണാന്‍
ശ്രീമന്‍മാണിക്യപാദുകേ സ്വസമാനവേഷാഭിരാവരണദേവതാഭിഃ
സഹ മഹാചക്രാധിരോഹണം കാമേശ്വരാങ്കപര്യങ്കോപവേശനം
അമൃതാസവചഷകമാചമനീയം കര്‍പൂരവീടികാം
ആനന്ദോല്ലാസവിലാസ-ഹാസം മങ്ഗലാരാര്‍തികം ഛത്രം ചാമരയുഗലം
ദര്‍പണം താലവൃന്തം ഗന്ധം പുഷ്പം ധൂപം ദീപം നൈവേദ്യം കല്‍പയാമി
നമഃ - ഇതി ചതുഷ്ഷഷ്ട്യുപചാരാന്‍ വിധായ ॥ 4.5॥

നവമുദ്രാശ്ച പ്രദര്‍ശ്യ ॥ 4.6॥

മൂലേന ത്രിധാ സന്തര്‍പ്യ ॥ 4.7॥

ദേവ്യാ അഗ്നീശാസുരവായുഷു മധ്യേ ദിക്ഷു ച ഷഡങ്ഗാനി പൂജയിത്വാ ॥ 4.8॥

വാക്സകലഹ്രീം നിത്യക്ലിന്നേ മദദ്രവേ സൌഃ - ഇതി കാമേശ്വരീ ।
സര്‍വത്ര നിത്യാശ്രീപാദുകേതി യോജ്യം । വാഗ്ഭഗഭുഗേ ഭഗിനി
ഭഗോദരി ഭഗമാലേ ഭഗാവഹേ ഭഗഗുഹ്യേ ഭഗയോനി ഭഗനിപാതിനി
സര്‍വഭഗവശങ്കരി ഭഗരൂപേ നിത്യക്ലിന്നേ ഭഗസ്വരൂപേ സര്‍വാണി
ഭഗാനി മേ ഹ്യാനയ വരദേ രേതേ സുരേതേ ഭഗക്ലിന്നേ ക്ലിന്നദ്രവേ
ക്ലേദയ ദ്രാവയ അമോഘേ ഭഗവിച്ചേ ക്ഷുഭ ക്ഷോഭയ സര്‍വസത്ത്വാന്‍
ഭഗേശ്വരി ഐം ബ്ലൂം ജേം ബ്ലൂം ഭേം ബ്ലൂം ഹേം ബ്ലൂം ഹേം
ക്ലിന്നേ സര്‍വാണി ഭഗാനി മേ വശമാനയ സ്ത്രീം ഹര ബ്ലേം ഹ്രീം
ഭഗ-മാലിനീ । താരോ മായാ നിത്യ-ക്ലിന്നേ മദ-ദ്രവേ സ്വാഹാ - ഇതി
നിത്യക്ലിന്നാ । പ്രണവഃ ക്രോം ഭ്രോം ക്രൌം ഝ്രൌം ഛ്രൌം ജ്രൌം സ്വാഹാ -
ഇതി ഭേരുണ്ഡാ । പ്രണവോ മായാ വഹ്നിവാസിന്യൈ നമഃ - ഇതി വഹ്നിവാസിനീ ।
മായാക്ലിന്നേ വാക് ക്രോം നിത്യമദദ്രവേ ഹ്രീം - ഇതി മഹാവജ്രേശ്വരീ ।
മായാ ശിവദൂത്യൈ നമഃ - ഇതി ശിവദൂതീ । പ്രണവോ മായാ ഹും ഖേ ച ഛേ
ക്ഷഃ സ്ത്രീം ഹും ക്ഷേം ഹ്രീം ഫട് - ഇതി ത്വരിതാ । കുമാരീ കുലസുന്ദരീ ।
ഹസകലരഡവാഗ്ഭവഹസകലരഡബിന്ദുമാലിനീ
ഹസകലരഡചതുര്‍ദശഷോഡശാ- ഇതി നിത്യാ । മായാ ഫ്രേം സ്രൂം
അങ്കുശപാശസ്മരവാഗ്ഭവബ്ലൂമ്പദനിത്യമദദ്രവേ വര്‍മ
ഫ്രേം മായേതി നീലപതാകാ । ഭമരയഊമിതി വിജയാ । സ്വൌമിതി സര്‍വമങ്ഗലാ ।
താരോ നമോ ഭഗവതി ജ്വാലാമാലിനി ദേവദേവി
സര്‍വഭൂതസംഹാരകാരികേ ജാതവേദസി ജ്വലന്തി ജ്വല ജ്വല പ്രജ്വല
പ്രജ്വല ത്രിജാതിയുക്തമായാരേഫസപ്തകജ്വാലാമാലിനി
വര്‍മഫഡഗ്നിജായേതി ജ്വാലാമാലിനീ ।
(അം) ച്കൌം - ഇതി ചിത്രേതി പഞ്ചദശ നിത്യാഃ
പ്രഥമത്ര്യസ്രരേഖാസ്ഥിതപഞ്ചദശസ്വരേഷു പൂജ്യഃ ।
വിസൃഷ്ടൌ ഷോഡശീം മൂലവിദ്യയാ ചാഭ്യര്‍ച്യ ॥ 4.9॥

മധ്യേ പ്രാക്ത്ര്യസ്രമധ്യാന്തഃ മുനിവേദനാഗസങ്ഖ്യാന്‍
യഥാസമ്പ്രദായം പാദുകാന്‍ ദിവ്യസിദ്ധമാനവൌഘസിദ്ധാനിഷ്ട്വാ
പശ്ചാത് സ്വശിരസി നാഥം യജേത് । ഏതല്ലയാങ്ഗപൂജനം - ഇതി
ശിവം ॥ 4.10॥

ഇതി രേണുകാഗര്‍ഭസംഭൂത-ശ്രീദുഷ്ടക്ഷത്രിയകുലാന്തക-
ശ്രീഭാര്‍ഗവോപാധ്യായ-ജാമദഗ്ന്യ-മഹാദേവപ്രധാനശിഷ്യ-
മഹാകൌലാചാര്യ-ശ്രീമത്പരശുരാമകൃതൌ-കല്‍പസൂത്രേ
ലലിതാക്രമോ നാമ ചതുര്‍ഥഃ ഖണ്ഡഃ സമാപ്തഃ ॥ 4॥



പഞ്ചമഃ ഖണ്ഡഃ ലലിതാനവാവരണപൂജാ

അഥ പ്രാഥമികേ ചതുരസ്രേ അണിമാലഘിമാമഹിമേശിത്വവശിത്വ
പ്രാകാംയഭുക്തീച്ഛാപ്രാപ്തിസര്‍വകാമസിദ്ധ്യന്താഃ മധ്യമേ ചതുരസ്രേ
ബ്രാഹ്ംയാദ്യാമഹാലക്ഷ്ംയന്താഃ തൃതീയേ ചതുരസ്രേ
സംക്ഷോഭണദ്രാവണകര്‍ഷണവശ്യോന്‍മാദനമഹാങ്കുശഖേചരീ
ബീജയോനിത്രിഖണ്ഡാഃ സര്‍വപൂര്‍വാസ്താഃ സമ്പൂജ്യാഃ ॥ 5.1॥

ഏതാഃ പ്രകടയോഗിന്യസ്ത്രൈലോക്യമോഹനചക്രേ സമുദ്രാഃ സസിദ്ധയഃ
സായുധാഃ സശക്തയഃ സവാഹനാഃ സപരിവാരാഃ സര്‍വോപചാരൈഃ സമ്പൂജിതാഃ
സന്ത്വിതി താസാമേവ സമഷ്ട്യര്‍ചനം കൃത്വാ ॥ 5.2॥

കരശുദ്ധിമുച്ചാര്യ ത്രിപുരാചക്രേശ്വരീമവമൃശ്യ ദ്രാമിതി
സര്‍വസംക്ഷോഭിണീമുദ്രാം പ്രദര്‍ശയേത് । ചക്രയോഗിനീചക്രേശീനാം
നാമാനി ഭിന്നാനി । ശിഷ്ടം സമാനം ॥ 5.3॥

ഷോഡശപത്രേ കാമാകര്‍ഷിണീ നിത്യാകലേതി നിത്യാകലാഽന്താഃ
ബുദ്ധ്യാകര്‍ഷിണീ-അഹങ്കാരാകര്‍ഷിണീ-ശബ്ദാകര്‍ഷിണീ-സ്പര്‍ശാകര്‍ഷിണീ-
രൂപാകര്‍ഷിണീ-രസാകര്‍ഷിണീ-ഗന്ധാകര്‍ഷിണീ-ചിത്താകര്‍ഷിണീ-
ധൈര്യാകര്‍ഷിണീ-സ്മൃത്യാകര്‍ഷിണീ-നാമാകര്‍ഷിണീ-ബീജാകര്‍ഷിണീ-
ആത്മാകര്‍ഷിണീ-അമൃതാകര്‍ഷിണീ-ശരീരാകര്‍ഷിണീ-ഏതാ
ഗുപ്തയോഗിന്യഃ സര്‍വാശാപരിപൂരകേ ചക്രേ സമുദ്രാഃ ഇത്യാദി
പൂര്‍വവത് ആത്മരക്ഷാമുച്ചാര്യ ത്രിപുരേശീമിഷ്ട്വാ ദ്രീം - ഇതി
സര്‍വവിദ്രാവിണീം പ്രദര്‍ശയേത് ॥ 5.4॥

ദിക്പത്രേ കുസുമാമേഖലാമദനാമദനാതുരാരേഖാവേഗിന്യങ്കുശാ
മാലിനീരനങ്ഗപൂര്‍വാഃ സമ്മൃശ്യൈതാ ഗുപ്തതരയോഗിന്യഃ
സര്‍വസംക്ഷോഭണചക്രേ സമുദ്രാഃ ഇത്യാദി പൂര്‍വവദാത്മാസനമുച്ചാര്യ
ത്രിപുരസുന്ദരീമിഷ്ട്വാ ക്ലീമിതി സര്‍വാകര്‍ഷിണീമുദ്രാം പ്രദര്‍ശയേത് ॥ 5.5॥

ഭുവനാരേ സംക്ഷോഭിണീദ്രാവിണ്യാകര്‍ഷിണ്യാഹ്ലാദിനീസമ്മോഹിനീസ്തംഭിനീ
ജൃംഭിണീവശങ്കരീരഞ്ജന്യുന്‍മാദിന്യര്‍ഥസാധിനീ-
സമ്പത്തിപൂരണീ-മന്ത്രമയീ-ദ്വന്ദ്വക്ഷയങ്കരീഃ
സര്‍വാദീരവമൃശ്യൈതാഃ സമ്പ്രദായയോഗിന്യഃ സര്‍വസൌഭാഗ്യദായകചക്രേ സമുദ്രാഃ
- ഇത്യാദി മന്ത്രശേഷഃ ചക്രാസനമുച്ചാര്യ ത്രിപുരവാസിനീം
ചക്രേശ്വരീമിഷ്ട്വാ ബ്ലൂം - ഇതി സര്‍വവശങ്കരീമുദ്രാമുദ്ഘാടയേത് ॥ 5.6॥

ബഹിര്‍ദശാരേ സിദ്ധിപ്രദാസമ്പത്പ്രദാപ്രിയങ്കരീമങ്ഗലകാരിണീ
കാമപ്രദാദുഃഖവിമോചിനീമൃത്യുപ്രശമനീവിഘ്നനിവാരിണ്യങ്ഗ-
സുന്ദരീസൌഭാഗ്യദായിനീഃ സര്‍വപൂര്‍വാഃ സമ്പൂജ്യൈതാഃ
കുലോത്തീര്‍ണയോഗിന്യഃ സര്‍വാര്‍ഥസാധകചക്രേ മനുശേഷമുക്ത്വാ
മന്ത്രാസനമുച്ചാര്യ ത്രിപുരാശ്രീചക്രേശ്വരീം പ്രത്യവമൃശ്യ
സ ഇത്യുന്‍മാദിനീമുദ്രാം ദദ്യാത് ॥ 5.7॥

അന്തര്‍ദശാരേ ജ്ഞാനശക്ത്യൈശ്വര്യപ്രദാജ്ഞാനമയീവ്യാധിവിനാശിന്യാധാരസ്വരൂപാ-
പാപഹരാഽഽനന്ദമയീരക്ഷാസ്വരൂപിണീപ്സിതഫലപ്രദാഃ
സര്‍വോപപദാഃ യഷ്ടവ്യാ ഏതാനി ഗര്‍ഭയോഗിന്യഃ
സര്‍വരക്ഷാകരചക്രേ ശിഷ്ടം തദ്വത് സാധ്യസിദ്ധാസനമുച്ചാര്യ
ത്രിപുരമാലിനീ മാന്യാ ക്രോമിതി സര്‍വമഹാങ്കുശാം ദര്‍ശയേത് ॥ 5.8॥

അഷ്ടാരേ വശിന്യാദ്യഷ്ടകം നമഃസ്ഥാനേ പൂജാമന്ത്രസന്നാമ ഏതാ
രഹസ്യയോഗിന്യഃ സര്‍വരോഗഹരചക്രേ ശിഷ്ടം സ്പഷ്ടം മൂര്‍തിവിദ്യാമുച്ചാര്യ
ത്രിപുരാസിദ്ധാമാരാധ്യ ശിവഭൃഗുഋദ്ധി-യുക്ഫ്രേം -
ഇതി ഖേചരീ ദേയാ ॥ 5.9॥

ബാണബീജാന്യുച്ചാര്യ സര്‍വജൃംഭണേഭ്യോ ബാണേഭ്യോ നമഃ ധം
ഥം സര്‍വസമ്മോഹനായ ധനുഷേ ആം ഹ്രീം സര്‍വവശീകരണായ
പാശായ ക്രോം സര്‍വസ്തംഭനായാങ്കുശായ നമഃ - ഇതി
മഹാത്ര്യസ്രബാഹ്യചതുര്‍ദിക്ഷു ബാണാദ്യായുധപൂജാ ॥ 5.10॥

ത്രികോണേ വാക്കാമശക്തിസമസ്തപൂര്‍വാഃ
കാമേശ്വരീവജ്രേശ്വരീഭഗമാലിനീമഹാദേവ്യഃ ബിന്ദൌ ചതുര്‍ഥീ ॥ 5.11॥

തിസൃണാമാസാമനന്തരമഭേദായ മൂലദേവ്യാഃ പൂജാ ।
കാമേശ്വര്യാദിചതുര്‍ഥീ നിത്യാനാം ഷോഡശീ ചക്രദേവീനാം നവമീ
ബിന്ദുചക്രസ്ഥാ ചേത്യേകൈവ । ന തത്ര മന്ത്രദേവതാഭേദഃ കാര്യഃ
। തന്‍മഹാദേവ്യാ ഏവ । ചതുര്‍ഷു സ്ഥലേഷു വിശേഷാര്‍ചനമാവര്‍തതേ
 ॥ 5.12॥

ഏതാ അതിരഹസ്യയോഗിന്യഃ സര്‍വസിദ്ധിപ്രദേ ചക്രേ । പരിശിഷ്ടം
ദ്രഷ്ടവ്യം । ആവാഹനീമുച്ചാര്യ ത്രിപുരാംബാം സംഭാവ്യ ഹ്സൌം - ഇതി
ബീജമുദ്രാകൃതിഃ ॥ 5.13॥

ബിന്ദുചക്രേ മൂലേന ദേവീമിഷ്ട്വാ ഏഷാ പരാപരരഹസ്യയോഗിനീ
സര്‍വാനന്ദമയേ ചക്രേ സമുദ്രാ സസിദ്ധിഃ സായുധാ സശക്തിഃ സവാഹനാ
സപരിവാരാ സര്‍വോപചാരൈഃ സമ്പൂജിതാഽസ്ത്വിതി പുനര്‍മൂലമുച്ചാര്യ
മഹാചക്രേശ്വരീമിഷ്ട്വാ വാഗ്ഭവേന യോനിം പ്രദര്‍ശ്യ ॥ 5.14॥

പൂര്‍വവദ്ധൂപദീപമുദ്രാതര്‍പണനൈവേദ്യാദി ദത്ത്വാ ॥ 5.15॥

ബിന്ദുനാ മുഖം ബിന്ദുദ്വയേന കുചൌ സപരാര്‍ധേന യോനിം കൃത്വാ
കാമകലാമിതി ധ്യാത്വാ ॥ 5.16॥

സൌഭാഗ്യഹൃദയമാമൃശ്യ ॥ 5.17॥

വാമഭാഗവിഹിതത്രികോണവൃത്തചതുരസ്രേ
ഗന്ധാക്ഷതാര്‍ചിതേ വാഗ്ഭവമുച്ചാര്യ വ്യാപകമണ്ഡലായ നമഃ
ഇത്യര്‍ധഭക്തഭരിതാംഭസാ ആദിമോപാദിമമധ്യമഭാജനം തത്ര ന്യസ്യ
 ॥ 5.18॥

പ്രണവമായാഽന്തേ സര്‍വവിഘ്നകൃദ്ഭ്യഃ സര്‍വഭൂതേഭ്യോ ഹും
സ്വാഹാ - ഇതി ത്രിഃ പഠിത്വാ ബലിം ദത്ത്വാ ॥ 5.19॥

പ്രദക്ഷിണനമസ്കാരജപസ്തോത്രൈഃ സന്തോഷ്യ ॥ 5.20॥

തദ്രൂപിണീമേകാം ശക്തിം ബാലയോപചാരൈഃ സമ്പൂജ്യ താം മപഞ്ചകേന
സന്തര്‍പ്യ ॥ 5.21॥

ശിഷ്ടൈഃ സാര്‍ധം ചിദഗ്നൌ ഹവിശ്ശേഷം ഹുത്വാ ॥ 5.22॥

ഖേചരീം ബദ്ധ്വാ ക്ഷമസ്വേതി വിസൃജ്യ താമാത്മനി
സംയോജയേത് ഇതി ശിവം ॥ 5.23॥

ഇതി രേണുകാഗര്‍ഭസംഭൂത-ശ്രീദുഷ്ടക്ഷത്രിയകുലാന്തക-
ശ്രീഭാര്‍ഗവോപാധ്യായ-ജാമദഗ്ന്യ-മഹാദേവപ്രധാനശിഷ്യ-
മഹാകൌലാചാര്യ-ശ്രീമത്പരശുരാമകൃതൌ-കല്‍പസൂത്രേ
ലലിതാനവാവരണപൂജാ നാമ പഞ്ചമഃ ഖണ്ഡഃ സമാപ്തഃ ॥ 5॥



ഷഷ്ഠഃ ഖണ്ഡഃ ശ്യാമാക്രമഃ

ഇയമേവ മഹതീ വിദ്യാ സിംഹാസനേശ്വരീ സാംരാജ്ഞീ തസ്യാഃ
പ്രധാനസചിവപദം ശ്യാമാ തത്ക്രമവിമൃഷ്ടിഃ സദാ കാര്യാ
 ॥ 6.1॥

പ്രധാനദ്വാരാ രാജപ്രസാദനം ഹി ന്യായ്യം ॥ 6.2॥

ബ്രാഹ്മേ മുഹൂര്‍തേ ചോത്ഥായ ശയനേ സ്ഥിത്വൈവ ശ്രീപാദുകാം പ്രണംയ
പ്രാണാന്‍ ആയംയ മൂലാദിദ്വാദശാന്തപര്യന്തം ജ്വലന്തീം പരസംവിദം
വിചിന്ത്യ മനസാ മൂലം ത്രിശോ ജപ്ത്വാ ബഹിര്‍നിര്‍ഗത്യ വിമുക്തമലമൂത്രോ
ദന്തധാവനജിഹ്വാഘര്‍ഷണകഫവിമോചനനാസശോധന-
വിംശതിഗണ്ഡൂഷാന്‍ വിധായ ॥ 6.3॥

മന്ത്രഭസ്മജലസ്നാനേഷ്വിഷ്ടം വിധായ വസ്ത്രം പരിധായ ॥ 6.4॥

സന്ധ്യാമുപാസ്യ സവിതൃമണ്ഡലേ ദേവീം സാവരണാം വിചിന്ത്യ മൂലേന
ത്രിരര്‍ഘ്യം ദത്ത്വാ യഥാശക്തി സന്തര്‍പ്യ ॥ 6.5॥

യാഗഗൃഹം പ്രവിശ്യാസനേ ആധാരശക്തികമലാസനായ
നമ ഇത്യുപവിശ്യ ॥ 6.6॥

സമസ്തപ്രകടഗുപ്തസിദ്ധയോഗിനീചക്രശ്രീപാദുകാഭ്യോ നമ
ഇതി ശിരസ്യഞ്ജലിമാധായ സ്വഗുരുപാദുകാപൂജാം ച വിധായ ॥ 6.7॥

ഐം ഹ്രഃ അസ്ത്രായ ഫട് ഇത്യസ്ത്രമന്ത്രേണ അങ്ഗുഷ്ഠാദികനിഷ്ഠാന്തം
കരതലയോഃ കൂര്‍പരയോഃ ദേഹേ ച വ്യാപകത്വേന വിന്യസ്യ ॥ 6.8॥

യം - ഇതി വായും പിങ്ഗലയാഽഽകൃഷ്യ ദേഹമുപവിശോഷ്യ രം -
ഇതി വായുമാകൃഷ്യ ദേഹം ദഗ്ധ്വാ വം - ഇതി വായുമാകൃഷ്യാമൃതേന
ദഗ്ധദേഹഭസ്മ സിക്ത്വാ ലം - ഇതി വായുമാകൃഷ്യ ദൃഢം വിധായ
ഹംസ - ഇതി വായുമാകൃഷ്യ ശിവചൈതന്യമുത്പാദ്യ ॥ 6.9॥

മൂലമേകശ ഉച്ചാര്യ വായുമാകൃഷ്യ ത്രിശഃ ഉച്ചാര്യ കുംഭയിത്വാ
സകൃദ് ഉച്ചാര്യ രേചയേത് । ഏവം രേചകപൂരകകുംഭകം ത്രിധാ
സപ്തധാ ദശധാ ഷോഡശധാ വാ വിരച്യ തേജോമയതനുഃ ॥ 6.10॥

ഷഡങ്ഗം ബാലാസഹിതാം മാതൃകാം മൂലഹൃന്‍മുഖേഷു
രതിപ്രീതിമനോഭവാന്‍ വിന്യസ്യ ॥ 6.11॥

മൂലം സപ്തദശധാ ഖണ്ഡയിത്വാ ഷട് ബ്രഹ്മബിലേ ത്രീണി ലലാടേ
ചത്വാരി ഭ്രൂമധ്യേ ദക്ഷവാമേക്ഷണയോഃ ഷട് ചാഷ്ടൌ സപ്താസ്യേ
ദക്ഷവാമശ്രുതികണ്ഠേഷ്വേകൈകം ദക്ഷവാമാംസയോരഷ്ടൌ ച
ദശ ഹൃദി ദശ ദക്ഷവാമസ്തനയോരഷ്ടാവഷ്ടൌ നവ നാഭൌ ദ്വിഃ
സ്വാധിഷ്ഠാനേ ഷഡ് ആധാര ഏവം വിന്യസ്യ ॥ 6.12॥

പുനരാധാരാദിബ്രഹ്മബിലപര്യന്തം
സപ്തദശഖണ്ഡാനുക്തസ്ഥാനേഷു വിന്യസ്യ ॥ 6.13॥

അമൃതോദധിമധ്യരത്നദ്വീപേ മുക്താമാലാദ്യലങ്കൃതം
ചതുര്‍ദ്വാരസഹിതം മണ്ഡപം വിചിന്ത്യ തസ്യ
പ്രാഗാദിചതുര്‍ദ്വാരേഷു -
സാം സരസ്വത്യൈ ലാം ലക്ഷ്ംയൈ ശം ശങ്ഖനിധയേ പം പദ്മനിധയേ നമഃ ।
ലാം ഇന്ദ്രായ വജ്രഹസ്തായ സുരാധിപതയേ ഐരാവതവാഹനായ സപരിവാരായ നമഃ ।
രാം അഗ്നയേ ശക്തിഹസ്തായ തേജോഽധിപതയേ അജവാഹനായ സപരിവാരായ നമഃ ।
ടാം യമായ ദണ്ഡഹസ്തായ പ്രേതാധിപതയേ മഹിഷവാഹനായ സപരിവാരായ നമഃ ।
ക്ഷാം നിരൃതയേ ഖഡ്ഗഹസ്തായ രക്ഷോഽധിപതയേ നരവാഹനായ
സപരിവാരായ നമഃ ।
വാം വരുണായ പാശഹസ്തായ ജലാധിപതയേ മകരവാഹനായ സപരിവാരായ നമഃ ।
യാം വായവേ ധ്വജഹസ്തായ പ്രാണാധിപതയേ രുരുവാഹനായ സപരിവാരായ നമഃ ।
സാം സോമായ ശങ്ഖഹസ്തായ നക്ഷത്രാധിപതയേ അശ്വവാഹനായ സപരിവാരായ നമഃ ।
ഹാം ഈശാനായ ത്രിശൂലഹസ്തായ വിദ്യാഽധിപതയേ വൃഷഭവാഹനായ
സപരിവാരായ നമഃ ।
ഓം ബ്രഹ്മണേ പദ്മഹസ്തായ സത്യലോകാധിപതയേ ഹംസവാഹനായ സപരിവാരായ നമഃ ।
ശ്രീം വിഷ്ണവേ ചക്രഹസ്തായ നാഗാധിപതയേ ഗരുഡവാഹനായ സപരിവാരായ നമഃ ।
ഓം വാസ്തുപതയേ ബ്രഹ്മണേ നമഃ ।
ഇത്യേകാദശദിക്ഷു ഏകാദശദേവാനര്‍ചയേത് ॥ 6.14॥

ശ്യാമാക്രമമന്ത്രാണാമാദൌ ത്രിതാരീകുമാരീയോഗഃ കുമാരീയോഗോ വാ
ത്രിതാരീ പൂര്‍വോക്താ കുമാരീ ബാലാ ശേഷമുത്താനം ॥ 6.15॥

ഗന്ധദ്രവ്യേണ ലിപ്താങ്ഗസ്താംബൂലാമോദിതവദനഃ പ്രസന്നമനാ ഭൂത്വാ
 ॥ 6.16॥

സുവര്‍ണരജതതാംരചന്ദനമണ്ഡലേഷു ബിന്ദുത്രികോണ
പഞ്ചകോണാഷ്ടദലഷോഡശദലാഷ്ടദലചതുര്‍ദല
ചതുരസ്രാത്മകം ചക്രരാജം വിലിഖ്യ ॥ 6.17॥

മൂലേന ത്രിവാരജപ്തേന ശുദ്ധജലേന
ചതുരസ്രവൃത്തഷട്കോണത്രികോണബിന്ദൂന്‍ പ്രവേശേന
മത്സ്യമുദ്രയാ വിധായ - അം ആത്മതത്ത്വായ ആധാരശക്തയേ വൌഷട്
ഇത്യാധാരം പ്രതിഷ്ഠാപ്യ ധൂംരാര്‍ചിരൂഷ്മാ ജ്വലിനീ ജ്വാലിനീ വിസ്ഫുലിങ്ഗിനീ
സുശ്രീഃ സുരൂപാ കപിലാ ഹവ്യവാഹാ കവ്യവാഹേത്യഗ്നികലാ അഭ്യര്‍ച്യ
- ഉം വിദ്യാതത്ത്വായ പദ്മാനനായ വൌഷട് - ഇതി പാത്രം പ്രതിഷ്ഠാപ്യ
- തപിനീ താപിനീ ധൂംരാ മരീചിര്‍ജ്വാലിനീ രുചിഃ സുഷുംനാ ഭോഗദാ
വിശ്വാ ബോധിനീ ധാരിണീ ക്ഷമാ - ഇതി പാത്രേ സൂര്യകലാ അഭ്യര്‍ച്യ -
മം ശിവതത്ത്വായ സോമമണ്ഡലായ നമഃ - ഇതി ശുദ്ധജലമാപൂര്യ
- അമൃതാ മാനദാ പൂഷാ തുഷ്ടിഃ പുഷ്ടീ രതിഃ ധൃതിഃ ശശിനീ
ചന്ദ്രികാ കാന്തിര്‍ജ്യോത്സ്നാ ശ്രീഃ പ്രീതിരങ്ഗദാ പൂര്‍ണാ പൂര്‍ണാമൃതാ -
ചേതി ചന്ദ്രകലാ അഭ്യര്‍ച്യ അഗ്നീശാസുരവായുഷു മധ്യേ ദിക്ഷു ച
ഷഡങ്ഗാനി വിന്യസ്യ അസ്ത്രേണ സംരക്ഷ്യ കവചേനാവകുണ്ഠ്യ ധേനുയോനീ
പ്രദര്‍ശ്യ - മൂലമന്ത്രേണ സപ്തശോഽഭിമന്ത്ര്യ തജ്ജലവിപ്രുഡ്ഭിഃ
യാഗഗൃഹം പൂജോപകരണാനി ചാവോക്ഷ്യ ॥ 6.18॥

താഭിരീകാരാങ്കിതത്രികോണവൃത്തചതുരസ്രം മണ്ഡലം വിധായ
തസ്മിന്‍ പുഷ്പാണി വികീര്യ പൂര്‍വവദാധാരം പ്രതിഷ്ഠാപ്യ അഗ്നികലാ
അഭ്യര്‍ച്യ പാത്രം പ്രതിഷ്ഠാപ്യ തസ്മിന്‍ പാത്രേ ഹ്രീം ഐം മഹാലക്ഷ്മീശ്വരി
പരമസ്വാമിനി ഊര്‍ധ്വ ശൂന്യപ്രവാഹിനി സോമസൂര്യാഗ്നിഭക്ഷിണി
പരമാകാശഭാസുരേ ആഗച്ഛാഗച്ഛ വിശ വിശ പാത്രം പ്രതിഗൃഹ്ണ
പ്രതിഗൃഹ്ണ ഹും ഫട് സ്വാഹേതി പുഷ്പാഞ്ജലിം വികീര്യ സൂര്യകലാ അഭ്യര്‍ച്യ

ബ്രഹ്മാണ്ഡാഖണ്ഡസംഭൂതമശേഷരസസംഭൃതം ।
ആപൂരിതം മഹാപാത്രം പീയൂഷരസമാവഹ ॥

ഇത്യാദിമമാപൂര്യ ദ്വിതീയം നിക്ഷിപ്യ അകഥാദിത്രിരേഖാഽങ്കിതകോണത്രയേ
ഹലക്ഷാന്‍ മധ്യേ ഹംസം ച വിലിഖ്യ - മൂലേന ദശധാ അഭിമന്ത്ര്യ
- ചന്ദ്രകലാഃ അഭ്യര്‍ച്യ - അഗ്നീശാസുരവായുഷു മധ്യേ ദിക്ഷു
ഷഡങ്ഗാനി വിന്യസ്യ -അസ്ത്രേണ സംരക്ഷ്യ - കവചേനാവകുണ്ഠ്യ
ധേനുയോനീ പ്രദര്‍ശയേത് ॥ 6.19॥

ചക്രമധ്യേ ശ്രീമാതമുക്ത്വാ ഗീശ്വരീമൂര്‍തയേ
നമഃ - ഇതി മൂര്‍തിം കല്‍പയിത്വാ ഭൂയഃ ശ്രീമാതമുക്ത്വാ
ഗീശ്വര്യമൃതചൈതന്യമാവാഹയാമി - ഇത്യാവാഹ്യ ഷോഡശഭിരുപചര്യ
ആശുശുക്ഷണിത്ര്യക്ഷരക്ഷഃപ്രഭഞ്ജനദിഷു ദേവ്യാ
മൌലൌ പരിതശ്ച പൂജ്യാ അങ്ഗദേവ്യഃ । തന്‍മന്ത്രാഃ സര്‍വജനാദയഃ
അഷ്ടൌ സപ്തൈകാദശ ദശ പുനര്‍ദശാഷ്ടാവിംശതിഖണ്ഡാഃ
ത്രിതാരീകുമാരീവാഗാദയഃ സജാതയഃ സാമാന്യമനുയുക്താഃ ॥ 6.20॥

പശ്ചാദാവരണപൂജാം കുര്യാത് ॥ 6.21॥

സര്‍വചക്രദേവതാഽര്‍ചനാനി വാമകരാങ്ഗുഷ്ഠാനാമികാസന്ദഷ്ട
ദ്വിതീയശകലഗൃഹീതശ്രീപാത്രപ്രഥമബിന്ദുസഹപതിതൈഃ
ദക്ഷകരാക്ഷതപുഷ്പക്ഷേപൈഃ കുര്യാത് ॥ 6.22॥

ത്രികോണേ രതിപ്രീതിമനോഭവാന്‍ ॥ 6.23॥

പഞ്ചാരമൂലേ പുര ആദിക്രമേണ ദ്രാം ദ്രാവണബാണായ - ദ്രീം
ശോഷണബാണായ - ക്ലീം ബന്ധനബാണായ - ബ്ലൂം മോഹനബാണായ -
സഃ ഉന്‍മാദനബാണായ നമഃ - ഇതി തദഗ്രേ മായാകാമവാഗ്ബ്ലൂം സ്ത്രീമുപജുഷ്ടാഃ
കാമമന്‍മഥകന്ദര്‍പമകരകേതനമനോഭവാഃ ॥ 6.24॥

അഷ്ടദലമൂലേ ബ്രാഹ്മീ-മഹേശ്വരീ-കൌമാരീ
-വൈഷ്ണവീ-വാരാഹീ-മാഹേന്ദ്രീ-ചാമുണ്ഡാ-ചണ്ഡികാഃ,
സേന്ദുസ്വരയുഗ്മാന്ത്യാദയഃ പൂജ്യാഃ । തദഗ്രേ
ലക്ഷ്മീസരസ്വതീ-രതി-പ്രീതി-കീര്‍തി-ശാന്തി-പുഷ്ടി-തുഷ്ടയഃ ॥ 6.25॥

ഷോഡശദലേ വാമാ-ജ്യേഷ്ഠാ-രൌദ്രീ-ശാന്തി-ശ്രദ്ധാ-സരസ്വതീ-
ക്രിയാശക്തി-ലക്ഷ്മീ-സൃഷ്ടി-മോഹിനീ-പ്രമഥിനീ-
ആശ്വാസിനീ-വീചീ-വിദ്യുന്‍മാലിനീ-സുരാനന്ദാ-നാഗബുദ്ധികാഃ ॥ 6.26॥

അഷ്ടദലേ അസിതാങ്ഗ-രുരു-ചണ്ഡ-ക്രോധന-ഉന്‍മത്ത-കപാല-ഭീഷണ-
സംഹാരാഃ സദണ്ഡിസ്വരയുഗ്മാദിസംയുക്താ ഭൈരവാന്താശ്ച ഭാവനീയാഃ ॥ 6.27॥

ചതുര്‍ദലം മായുക്തതങ്ഗീ സിദ്ധലക്ഷ്മീശ്ച
മഹാമായുക്തതങ്ഗീ മഹാസിദ്ധലക്ഷ്മീശ്ച ॥ 6.28॥

ഗം ഗണപതി - ദും ദുര്‍ഗാ - ബം ബടുക - ക്ഷം ക്ഷേത്രപാലാഃ
ചതുരസ്രേ സമ്പൂജ്യാഃ ॥ 6.29॥

സാം സരസ്വത്യൈ നമഃ ഇതിപ്രഭൃതി വാസ്തുപതയേ ബ്രഹ്മണേ നമഃ
ഇതിപര്യന്തം പുനസ്തത്രൈവാഭ്യര്‍ച്യ ॥ 6.30॥

ഹംസമൂര്‍തിപരപ്രകാശപൂര്‍ണനിത്യകരുണസമ്പ്രദായ
ഗുരൂംശ്ചതുരസ്രപൂര്‍വരേഖായാമഭ്യര്‍ച്യ ॥ 6.31॥

സ്വശിരസി സാമാന്യവിശേഷപാദുകേ അഭ്യര്‍ചയേത് ॥ 6.32॥

പുനര്‍ദേവീമഭ്യര്‍ച്യ ബാലയാ ഷോഡശോപചാരാന്‍ വിധായ ॥ 6.33॥

ശുദ്ധജലേന ത്രികോണവൃത്തചതുരസ്രം
വിധായാര്‍ധാന്നപൂര്‍ണസലിലം സാദിമോപാദിമമധ്യമം
സു[സ]ഗന്ധപുഷ്പം സാധാരം പാത്രം നിധായ ॥ 6.34॥

ശ്രീമാതമുക്ത്വാ ഗീശ്വരീമം ബലിം ഗൃഹ്ണ ഗൃഹ്ണ
ഹും ഫട് സ്വാഹാ ശ്രീമാതമുക്ത്വാ ഗീശ്വരി ശരണാഗതം
മാം ത്രാഹി ത്രാഹി ഹും ഫട് സ്വാഹാ ക്ഷേത്രപാലനാഥേമം
ബലിം ഗൃഹ്ണ ഗൃഹ്ണ ഫട് സ്വാഹാ - ഇതി മന്ത്രത്രയേണ
വാമപാര്‍ഷ്ണിഘാതകരാസ്ഫോടസമുദഞ്ചിതവക്ത്രനാരാചമുദ്രാഭിഃ
ബലിം പ്രദായ ॥ 6.35॥

ശ്യാമലാം ശക്തിമാഹൂയ ബാലയാ താമഭ്യര്‍ച്യ തസ്യാ ഹസ്ത ആദിമോപാദിമൌ
ദത്ത്വാ തത്ത്വം ശോധയിത്വാ തച്ഛേഷമുരരീകൃത്യ യോഗ്യൈഃ സഹ
ഹവിശ്ശേഷം സ്വീകുര്യാത് ॥ 6.36॥

ഏവം നിത്യസപര്യാം കുര്‍വന്‍ ലക്ഷജപം ജപ്ത്വാ തദ്ദശാംശക്രമേണ
ച ഹോമതര്‍പണബ്രാഹ്മണഭോജനാനി വിദധ്യാത് ॥ 6.37॥

ഏതന്‍മനുജാപീ ന കദംബം ഛിന്ദ്യാത് ഗിരാ കാലീതി ന വദേത്
വീണാവേണുനര്‍തനഗായനഗാഥാഗോഷ്ഠീഷു ന പരാങ്മുഖോ ഗച്ഛേത്
ഗായകം ന നിന്ദ്യാത് ॥ 6.38॥

ലലിതോപാസകോ നേക്ഷുഖണ്ഡം ഭക്ഷയേത്
ന ദിവാ സ്മരേദ് വാര്‍താലീം - ന ജുഗുപ്സേത സിദ്ധദ്രവ്യാണി -
ന കുര്യാത് സ്ത്രീഷു നിഷ്ഠുരതാം - വീരസ്ത്രിയം ന ഗച്ഛേത് -
ന തം ഹന്യാത് - ന തദ്ദ്രവ്യമപഹരേത് -
നാത്മേച്ഛയാമപഞ്ചകമുരരീ കുര്യാത് കുലഭ്രഷ്ടൈഃ സഹ നാസീത്
- ന ബഹു പ്രലപേത് - യോഷിതം സംഭാഷമാണാമപ്രതിസംഭാഷമാണോ ന
ഗച്ഛേത് - കുലപുസ്തകാനി ഗോപായേത് - ഇതി ശിവം ॥ 6.39॥

॥ ഇതി രേണുകാഗര്‍ഭസംഭൂത-ശ്രീദുഷ്ടക്ഷത്രിയകുലാന്തക-
ശ്രീഭാര്‍ഗവോപാധ്യായ-ജാമദഗ്ന്യ-മഹാദേവപ്രധാനശിഷ്യ-
മഹാകൌലാചാര്യ-ശ്രീമത്പരശുരാമകൃതൌ-കല്‍പസൂത്രേ
ശ്യാമാക്രമോപ നാമ ഷഷ്ഠഃ ഖണ്ഡഃ സമാപ്തഃ ॥ 6॥



സപ്തമഃ ഖണ്ഡഃ വാരാഹീക്രമഃ

ഇത്ഥം സാങ്ഗാം സങ്ഗീതമാതൃകാമിഷ്ട്വാ
സംവിത്സാംരാജ്ഞീസിംഹാസനാധിരൂഢായാ
ലലിതായാ മഹാരാജ്ഞ്യാ ദണ്ഡനായികാസ്ഥാനീയാം
ദുഷ്ടനിഗ്രഹശിഷ്ടാനുഗ്രഹനിരര്‍ഗലാജ്ഞാചക്രാം സമയസങ്കേതാം
കോലമുഖീം വിധിവദ്വരിവസ്യേത് ॥ 7.1॥

തത്രായം ക്രമോ മഹാരാത്രേ ബുദ്ധ്വാ സ്വഹൃദയപരമാകാശേ ധ്വനന്തം
അനാഹതധ്വനിമൂര്‍ജിതാനന്ദദായകമവമൃശ്യ ॥ 7.2॥

ശിവാദിശ്രീഗുരുഭ്യോ നമഃ - ഇതി മൂര്‍ധ്നി ബധ്നീയാദഞ്ജലിം ॥ 7.3॥

വാചമുച്ചാര്യ ഗ്ലൌം - ഇതി ച പദ്ധതാവസ്യാം സര്‍വേ മനവോ ജപ്യാഃ ॥ 7.4॥

മൂലാദിഷണ്‍മന്ത്രൈഃ യഥാമന്ത്രം ലിങ്ഗദേഹം ശോധയേത് ॥ 7.5॥

മൂലശൃങ്ഗാടകാത് സുഷുംനാപഥേന ജീവശിവം പരശിവേ
യോജയാമി സ്വാഹാ - യം സങ്കോചശരീരം ശോഷയ ശോഷയ സ്വാഹാ
- രം സങ്കോചശരീരം ദഹ ദഹ പച പച സ്വാഹാ - വം
പരമശിവാമൃതം വര്‍ഷയ വര്‍ഷയ സ്വാഹാ -
ലം ശാംഭവശരീരമുത്പാദയോത്പാദയ സ്വാഹാ -
ഹംസഃ സോഽഹമവതരാവതര ശിവപദാത് ജീവ
സുഷുംനാപഥേന പ്രവിശ മൂലശൃങ്ഗാടകമുല്ലസോല്ലസ ജ്വല ജ്വല
പ്രജ്വല പ്രജ്വല ഹംസഃ സോഽഹം സ്വാഹാ - ഇതി ഭൂതശുദ്ധിം വിധായ
 ॥ 7.6॥

മാതൃകാസമ്പുടിതാം ദ്വിതാരീം കാനനവൃത്തദ്വ്യക്ഷിശ്രുതി
നാസാഗണ്ഡോഷ്ഠദന്തമൂര്‍ധാസ്യദോഃ പത്സന്ധ്യഗ്രപാര്‍ശ്വ-
ദ്വയപൃഷ്ഠനാഭിജഠരഹൃദ്ദോര്‍മൂലാപരഗല
കക്ഷഹൃദാദിപാണിപാദയുഗലജഠരാനനേഷു വിന്യസ്യ ॥ 7.7॥

അന്ധേ പ്രഭൃതി സപ്താര്‍ണപഞ്ചകമങ്ഗുഷ്ഠാദികനിഷ്ഠാന്തം ॥ 7.8॥

വാങ്നമോ ഭഗവതീത്യാരഭ്യ ത്രയോദശഭിര്‍ഹൃദയം ഷഡ്ഭിഃ ശിരഃ -
ദശഭിഃ ശിഖാം, സപ്തഭിഃ സപ്തഭിഃ സപ്തഭിഃ കവചനേത്രാസ്ത്രാണി
വിന്യസ്യ ॥ 7.9॥

ഗന്ധാദിഭിരലങ്കൃത്യ അര്‍ഘ്യം ശോധയേത് ॥ 7.10॥

ആത്മനോഽഗ്രഭാഗേ ഗോമയേന വിലിപ്തേ ഹേതുമിശ്രിതജലേന
ചതുരസ്രം വര്‍തുലം ഷട്കോണം ത്രികോണമന്തരാന്തരം - വിലിഖ്യ -
അര്‍ഘ്യശോധനമനുഭിഃ ശ്യാമാക്രമോക്തൈഃ ആധാരാര്‍ഘ്യപാത്രാണി
സംശോധ്യ - സാമാന്യേനാഭ്യര്‍ച്യ - തദര്‍ഘ്യം വഷഡിത്യുദ്ധൃത്യ -
സ്വാഹേതി സംസ്ഥാപ്യ ഹും - ഇത്യവകുണ്ഠ്യ - വൌഷട് ഇത്യമൃതീകൃത്യ
ഫഡിതി സംരക്ഷ്യ - നമഃ - ഇതി പുഷ്പം നിക്ഷിപ്യ മൂലേന നിരീക്ഷ്യ
തത്പൃഷതൈഃ പാവയിത്വാ സപര്യാവസ്തൂനി ॥ 7.11॥

(1) ശിരോവദനഹൃദ്ഗുഹ്യപാദേഷു പൂര്‍വോക്തസപ്തകപഞ്ചകം വിന്യസ്യ
(2) വിദ്യാമഷ്ടധാ ഖണ്ഡയിത്വാ പാദാദിജാനു-ജാന്വാദികടി-കട്യാദിനാഭി-നാഭ്യാദി
ഹൃദയ - ഹൃദയാദികണ്ഠ - കണ്ഠാദിഭ്രൂമധ്യ - ഭ്രൂമധ്യാദിലലാട -
ലലാടാദിമൌലിഷു ഏകത്രിംശത് സപ്ത സപ്ത സപ്ത
സപ്ത സപ്ത പഞ്ചത്രിംശദേകാദശാര്‍ണഖണ്ഡാന്‍
(3) മാതൃകാസ്ഥാനേഷു മൂലമനുപദാനി ച ന്യസ്യ ॥ 7.12॥

പൂര്‍വോക്താനഷ്ടഖണ്ഡാനേകൈകശ ഉച്ചാര്യ പൂര്‍വോക്തേഷു സ്ഥാനേഷു ഹ്ലാം
ശര്‍വായ ക്ഷിതിതത്ത്വാധിപതയേ - ഹ്ലീം ഭവായ അംബു-തത്ത്വാധിപതയേ ഹ്ലൂം
രുദ്രായ വഹ്നി തത്ത്വാധിപതയേ - ഹ്ലൈം ഉഗ്രായ വായുതത്ത്വാധിപതയേ ഹ്ലൌം
ഈശാനായ ഭാനു-തത്ത്വാധിപതയേ സോം മഹാദേവായ സോമതത്ത്വാധിപതയേ ഹം
മഹാദേവായ യജമാനതത്ത്വാധിപതയേ ഔം ഭീമായ ആകാശതത്ത്വാധിപതയേ
നമഃ - ഇതി തത്ത്വന്യാസഃ ॥ 7.13॥

മൂലേന സര്‍വേണ വ്യാപകം കൃത്വാ ദേവീം ധ്യാത്വാ ॥ 7.14॥

പുരതഃ പടപട്ടസുവര്‍ണരജതതാംരചന്ദനപീഠാദിനിര്‍മിതം
ദൃഷ്ടിമനോഹരം
ചതുരസ്രത്രയ-സഹസ്രപത്ര-ശതപത്രാഷ്ടപത്ര-ഷഡസ്ര
പഞ്ചാസ്രത്ര്യസ്ര-ബിന്ദുലക്ഷണം കോലമുഖീചക്രം വിരച്യ ॥ 7.15॥

തത്ര കുസുമാഞ്ജലിം വികീര്യ സ്വര്‍ണപ്രാകാരായ സുധാഽബ്ധയേ
വരാഹദ്വീപായ വരാഹപീഠായ നമഃ ഇതി । ആം -ആധാരശക്തയേ കും
കൂര്‍മായ കം കന്ദായ അം -അനന്തനാലായ നമഃ - ഇതി ച ധര്‍മാദിഭിഃ
സഹ ഷോഡശമന്ത്രൈഃ പീഠേ അഭ്യര്‍ച്യ ॥ 7.16॥

ത്രിപഞ്ചഷഡരദലാഷ്ടകശതസഹസ്രാരപദ്മാസനായ നമഃ
- ഇതി ചക്രമനുനാ ചക്രമിഷ്ട്വാ ॥ 7.17॥

വഹ്നിമണ്ഡലായ സൂര്യമണ്ഡലായ സോമമണ്ഡലായ നമഃ - ഇതി ത്രയോ
ഗുണമന്ത്രാഃ -ആത്മമന്ത്രാഃ ചത്വാരഃ - ഇതി സപ്തവിംശതികമിദം
പീഠേ വരിവസനീയം ॥ 7.18॥

ഹൌം പ്രേതപദ്മാസനായ സദാശിവായ നമഃ - ഇതി ചക്രോപരി
ദേവ്യാസനവിമൃഷ്ടിഃ ॥ 7.19॥

ൡ ഷാ ഈ വാരാഹീമൂര്‍തയേ ഠഃ ഠഃ ഠഃ ഠഃ ഹും ഫട് - ഇതി
വാഗ്ഗ്ലൌമാദി ഗ്ലൌംവാഗന്താ മൂര്‍തികരണീ വിദ്യാ ॥ 7.20॥

മൂലവിദ്യയാ ആവാഹനസംസ്ഥാപനസംനിധാപനസംനിരോധന
സമ്മുഖീ കരണാവകുണ്ഠനവന്ദനധേനുയോനീര്‍ബദ്ധ്വാ ॥ 7.21॥

ദേവ്യങ്ഗന്യസ്തഷഡങ്ഗപഞ്ചാങ്ഗഃ ॥ 7.22॥

പാദ്യാര്‍ഘ്യാചമനീയസ്നാനവാസോഗന്ധപുഷ്പധൂപദീപനീരാജന
ഛത്രചാമരദര്‍പണരക്ഷാചമനീയനൈവേദ്യപാനീയതാംബൂലാഖ്യ
ഷോഡശോപചാരകൢപ്ത്യന്തേ ॥ 7.23॥

ധ്യാനം ദേവ്യാഃ മേഘമേചകാ
കുടിലദംഷ്ട്രാ കപിലനയനാ ഘനസ്തനമണ്ഡലാ
ചക്രഖഡ്ഗമുസലാഭയശങ്ഖഖേടഹലവരപാണിഃ പദ്മാസീനാ
വാര്‍താലീ ധ്യേയാ ॥ 7.24॥

ദശധാ തസ്യാസ്തര്‍പണം കുര്യാത് ॥ 7.25॥

ത്ര്യസ്രേ ജംഭിനീമോഹിനീസ്തംഭിന്യഃ ॥ 7.26॥

പഞ്ചാരേ അന്ധിനീരുന്ധിന്യൌ താശ്ച ॥ 7.27॥

ഷട്കോണേ ആക്ഷാഈ ബ്രഹ്മാണീ ഈലാഈ മാഹേശ്വരീ ഊഹാഈ കൌമാരീ ൠസാഈ
വൈഷ്ണവീ ഐശാഈ ഇന്ദ്രാണീ ഔവാഈ ചാമുണ്ഡാ തസ്യൈവാഗ്രേഷു മധ്യേ
ച യമരയൂം യാം യീം യൂം യൈം യൌം യഃ യാകിനി ജംഭയ ജംഭയ
മമ സര്‍വശത്രൂണാം ത്വഗ്ധാതും ഗൃഹ്ണ ഗൃഹ്ണ അണിമാഽഽദിവശം
കുരു കുരു സ്വാഹേതി । അന്യാസാം ധാതുനാഥാനാമപ്യേവം ബീജേ നാമനി
ധാതൌ ത്വാരാധനകര്‍മണി മന്ത്രസന്നാമഃ ।
രമരയൂം രാകിണി രക്തധാതും
പിബ പിബ ലമരയൂം ലാകിനി മാംസധാതും ഭക്ഷയ ഭക്ഷയ
ഡമരയൂം ഡാകിനി മേദോധാതും ഗ്രസ ഗ്രസ കമരയൂം കാകിനി
അസ്ഥിധാതും ജംഭയ ജംഭയ സമരയൂം സാകിനി മജ്ജാധാതും
ഗൃഹ്ണ ഗൃഹ്ണ ഹമരയൂം ഹാകിനി ശുക്രധാതും പിബ പിബ
അണിമാഽഽദിവശം കുരു കുരു സ്വാഹാ - ഇതി ധാതുനാഥയജനം ॥ 7.28॥

അനന്തരം ഷഡസ്രോഭയപാര്‍ശ്വയോഃ ക്രോധിനീസ്തംഭിന്യൌ
ചാമരഗ്രാഹിണ്യൌ തത്രൈവ സ്തംഭനമുസലായുധായ
ആകര്‍ഷണഹലായുധായ നമഃ ഷഡരാദ്ബഹിഃ പുരതോ ദേവ്യാഃ ക്ഷ്രൌം
ക്രൌം ചണ്ഡോച്ചണ്ഡായ നമഃ - ഇതി തദ്യജനം ॥ 7.29॥

അഷ്ടദലേ വാര്‍താലീവാരാഹീവരാഹമുഖ്യന്ധിന്യാദയഃ പഞ്ച
തദ്ബഹിഃ മഹാമഹിഷായ ദേവീവാഹനായ നമഃ ॥ 7.30॥

(1) ശതാരേ ദേവീപുരതോ ദലസന്ധൌ ജംഭിന്യാ ഇന്ദ്രായാപ്സരോഭ്യഃ
സിദ്ധേഭ്യോ ദ്വാദശാദിത്യേഭ്യോഽഗ്നയേ സാധ്യേഭ്യോ വിശ്വേഭ്യോ ദേവേഭ്യോ
വിശ്വകര്‍മണേ യമായ മാതൃഭ്യോ രുദ്രപരിചാരകേഭ്യോ രുദ്രേഭ്യോ
മോഹിന്യൈ നിരൃതയേ രാക്ഷസേഭ്യോ മിത്രേഭ്യോ ഗന്ധര്‍വേഭ്യോ ഭൂതഗണേഭ്യോ
വരുണായ വസുഭ്യോ വിദ്യാധരേഭ്യഃ കിന്നരേഭ്യോ വായവേ സ്തംഭിന്യൈ
ചിത്രരഥായ തുംബുരവേ നാരദായ യക്ഷേഭ്യഃ സോമായ കുബേരായ ദേവേഭ്യോ
വിഷ്ണവേ ഈശാനായ ബ്രഹ്മണേ അശ്വിഭ്യാം ധന്വന്തരയേ വിനായകേഭ്യോ നമഃ -
ഇതി ദേവതാമണ്ഡലമിഷ്ട്വാ (2) തദ്ബഹിഃ ഔം ക്ഷൌം ക്ഷേത്രപാലായ
നമഃ സിംഹവരായ ദേവീവാഹനായ നമഃ - ഇതി ച തദുഭയം
വരിവസ്യേത് । തദ്ബഹിഃ മഹാകൃഷ്ണായ മൃഗരാജായ ദേവീവാഹനായ
നമഃ - ഇതി തത്പൂജാ ॥ 7.31॥

(1) സഹസ്രാരേ അഷ്ടധാ വിഭക്തേ ഐരാവതായ പുണ്ഡരീകായ വാമനായ
കുമുദായാഞ്ജനായ പുഷ്പദന്തായ സാര്‍വഭൌമായ സുപ്രതീകായ നമഃ - ഇതി
തത്പൂജാ ബഹിഃ സുധാഽബ്ധേര്‍വാ । (2) ബാഹ്യപ്രാകാരാഷ്ടദിക്ഷു അധ
ഉപരി ച ഹേതുകാദയഃ - ഭൈരവക്ഷേത്രപാലശബ്ദയുക്താഃ
പ്രത്യേകം ക്ഷൌമാദയശ്ച യഷ്ടവ്യാഃ ।
ഹേതുകത്രിപുരാന്തകാഗ്നിയമജിഹ്വൈകപാദകാലകരാലഭീമരൂപ
ഹാടകേശാചലാഃ ദശ ഭൈരവാഃ ॥ 7.32॥

ഏവം ഷഡാവരണീമിഷ്ട്വാ പുനര്‍ദേവീം ത്രിധാ സന്തര്‍പ്യ
സര്‍വൈരുപചാരൈരുപചര്യ ॥ 7.33॥

പുരതോ വാമഭാഗേ ഹസ്തമാത്രം ജലേനോപലിപ്യ
രുധിരാന്നഹരിദ്രാഽന്നമഹിഷപലസക്തുശര്‍കരാഹേതു
ഫലത്രയമാക്ഷികമുദ്ഗത്രയമാഷചൂര്‍ണദധിക്ഷീരഘൃതൈഃ
ശുദ്ധോദനം സമ്മര്‍ദ്യ ചരണായുധാണ്ഡപ്രമാണാന്‍ ദശപിണ്ഡാന്‍ വിധായ
തത്ര നിധായ കപിത്ഥഫലമാനമേകം പിണ്ഡം ച തത്സമീപേ
സാദിമോപാദിമമധ്യമം ചഷകം ച നിക്ഷിപ്യ ദശപിണ്ഡാന്‍ ഹേതുകാദിഭ്യോ
മധ്യമപിണ്ഡം ചഷകം ച ചണ്ഡോച്ചണ്ഡായ തത്തന്‍മന്ത്രൈഃ ദത്വാ
വൃന്ദമാരാധ്യ ॥ 7.34॥

യഥാവിഭവം ശ്രീഗുരും സന്തോഷ്യ ॥ 7.35॥

സമ്പൂര്‍ണയൌവനാഃ സലക്ഷണാമദനോന്‍മാദിനീസ്തിസ്രഃ ശക്തീരാഹൂയ
ബടുകം ചൈകമഭ്യര്‍ച്യ സ്നപയിത്വാ ഗന്ധാദിഭിരലങ്കൃത്യ
വാര്‍താലീബുദ്ധ്യാ ഏകാം ശക്തിം മധ്യേ ക്രോധിനീസ്തംഭിനീബുദ്ധ്യാ ദ്വേ
ഇതരേ പാര്‍ശ്വയോശ്ചണ്ഡോച്ചണ്ഡധിയാ ബടുകമഗ്രേ സ്ഥാപയിത്വാ
സര്‍വൈര്‍ദ്രവ്യൈഃ സന്തോഷ്യ മമ ശ്രീവാര്‍താലീമന്ത്രസിദ്ധിര്‍ഭൂയാദിതി താഃ
പ്രതിവദേത് താശ്ച പ്രസീദന്ത്വധിദേവതാഃ - ഇതി ബ്രൂയുഃ ॥ 7.36॥

ഏവം സപരിവാരാമുദാരാം ഭൂദാരവദനാമുപതോഷ്യ ലക്ഷം
പുരശ്ചരണം കൃത്വാ തദ്ദശാംശം താപിച്ഛകുസുമൈര്‍ഹുത്വാ മന്ത്രം
സാധയേത് ॥ 7.37॥

തതശ്ച പൂജിതാം ദേവീമാത്മനി യോജയിത്വാ സ്വൈരം വിഹരന്നാജ്ഞാസിദ്ധഃ
സുഖീ വിഹരേത് - ഇതി ശിവം ॥ 7.38॥

ഇതി രേണുകാഗര്‍ഭസംഭൂത-ശ്രീദുഷ്ടക്ഷത്രിയകുലാന്തക-
ശ്രീഭാര്‍ഗവോപാധ്യായ-ജാമദഗ്ന്യ-മഹാദേവപ്രധാനശിഷ്യ-
മഹാകൌലാചാര്യ-ശ്രീമത്പരശുരാമകൃതൌ-കല്‍പസൂത്രേ
വാരാഹീക്രമോ നാമ സപ്തമഃ ഖണ്ഡഃ സമാപ്തഃ ॥ 7॥



അഷ്ടമഃ ഖണ്ഡഃ പരാക്രമഃ

ഇതി വിധിവത്കൃതവാര്‍താലീവരിവസ്യഃ സിംഹാസനവിദ്യാഹൃദയമുനുത്തരം
പരാബീജരൂപം ധാമ തത്ക്രമപൂര്‍വം വിമൃശേത് ॥ 8.1॥

പ്രഭുഹൃദയജ്ഞാതുഃ പദേ പദേ സുഖാനി ഭവന്തി ॥ 8.2॥

അഥോഽനുത്തരപദ്ധതിം വ്യാഖ്യാസ്യാമഃ ॥ 8.3॥

കല്യേ സമുത്ഥായ ബ്രഹ്മകോടരവര്‍തിനി
സഹസ്രദലകമലേ സന്നിവിഷ്ടായാഃ സൌവര്‍ണരൂപായാഃ
പരായാശ്ചരണയുഗലവിഗലദമൃതരസവിസരപരിപ്ലുതം
വപുഃ ധ്യാത്വാ ॥ 8.4॥

സ്നാതഃ ശുചിവാസോവസാനഃ സൌഃ വര്‍ണേന ത്രിരാചംയ ദ്വിഃ
പരിമൃജ്യ സകൃദ് ഉപസ്പൃശ്യ ചക്ഷുഷീ നാസികേ ശ്രോത്രേ അംസേ
നാഭിം ഹൃദയം ശിരശ്ചാവമൃശ്യ ഏവം ത്രിരാചംയ ॥ 8.5॥

ഊര്‍ണാമൃദുശുചിതമമാസനം സൌവര്‍ണസൂര്യജപാഭിമന്ത്രിതം
മൂലമന്ത്രോക്ഷിതമധിഷ്ഠായ ॥ 8.6॥

ഉദഗ്വദനോ മൌനീ ഭൂഷിതവിഗ്രഹോ മൂലപൂര്‍വേണ ദേശികമനുനാ
മസ്തകേ ദേശികമിഷ്ട്വാ ॥ 8.7॥

വാമപാര്‍ഷ്ണിഘാതൈഃ ഛോടികാത്രയേണ പാതാലാദിഗതാന്‍ ഭേദാവഭാസിനഃ
വിഘ്നാനുത്സാര്യ ॥ 8.8॥

ശിരോമുഖഹൃന്‍മൂലസര്‍വാങ്ഗേഷു മൂലം വിന്യസ്യ ॥ 8.9॥

കാകചഞ്ചൂപുടാകൃതിനാ മുഖേന സഞ്ചോഷ്യാനിലം സപ്തവിംശതിശോ മൂലം
ജപ്ത്വാ വേദ്യം നാഭൌ സമ്മുദ്ര്യ പുനഃ സപ്തവിംശതിശോ ജപ്ത്വാ അങ്ഗുഷ്ഠേന
ശിഖാം ബധ്വാ പുനരനിലമാപൂര്യ തേന മൂലേ ചിദഗ്നിമുത്ഥാപ്യ തത്ര
വേദ്യസ്യ വിലയം വിഭാവ്യ ॥ 8.10॥

ഗോമയേനോപലിപ്തചതുരസ്രഭൂതലേ
പ്രവഹത്പാര്‍ശ്വകരകൃതയാ മത്സ്യമുദ്രയാ ദിവ്യഗന്ധാംബുയുതയാ
ഭൂവ്യോമവായുവഹ്നിമണ്ഡലാനി കൃത്വാ ॥ 8.11॥

ശ്യാമാവത് സാമാന്യവിശേഷാര്‍ഘ്യേ സാദയേത് ॥ 8.12॥

സര്‍വേഽപി പരാക്രമമനവഃ സൌഃ വര്‍ണപൂര്‍വാഃ കാര്യാഃ ॥ 8.13॥

ഭൃഗുചതുര്‍ദശഷോഡശദ്വിരാവൃത്യാ വര്‍ണഷഡങ്ഗം
സര്‍വമൂലഷഡാവൃത്യാ മന്ത്രഷഡങ്ഗം ച കൃത്വാ ॥ 8.14॥

ഉഭാഭ്യാമര്‍ചയിത്വാ ॥ 8.15॥

മൂലമുച്ചാര്യ താം ചിന്‍മയീമാനന്ദലക്ഷണാം
അമൃതകലശപിശിതഹസ്തദ്വയാം പ്രസന്നാം ദേവീം പൂജയാമി നമഃ
സ്വാഹാ - ഇതി സുധാദേവീമഭ്യര്‍ച്യ തയാ സമ്പ്രോക്ഷ്യ വരിവസ്യാവസ്തൂനി
 ॥ 8.16॥

പൂര്‍വം നാഭൌ സമ്മുദ്രിതം ചിദഗ്നിവിലീനം തപ്തായോദ്രവവത്
ഷട്ത്രിംശത്തത്ത്വകദംബകം ഹൃത്സരോജേ സമാനീയ ॥ 8.17॥

മൂലജപ്തൈഃ കുസുമക്ഷേപൈഃ വക്ഷ്യമാണൈശ്ച മന്ത്രൈരാസനകൢപ്തിം
കുര്യാത് - മൂലാദി-യോഗ-പീഠായ നമഃ - ഇത്യന്താനി താനി ച
പൃഥിവ്യപ്തേജോവായ്വാകാശഗന്ധരസരൂപസ്പര്‍ശ
ശബ്ദോപസ്ഥപായുപാദപാണിവാഗ്ഘ്രാണജിഹ്വാചക്ഷുസ്ത്വക്ശ്രോത്രാ
ഹങ്കാരബുദ്ധിമനഃപ്രകൃതിപുരുഷനിയതികാല
രാഗകലാവിദ്യാമായാശുദ്ധവിദ്യേശ്വരസദാശിവശക്തിശിവാഃ
। ഏവം പരാചക്രം കൃത്വാ ॥ 8.18॥

തത്രൈതദൈക്യവിമര്‍ശരൂപിണീം ഷോഡശകലാം പരാം ദേവീമാവാഹ്യ
 ॥ 8.19॥

അകലങ്കശശാങ്കാഭാ ത്ര്യക്ഷാ ചന്ദ്രകലാവതീ ।
മുദ്രാപുസ്തലസദ്ബാഹുഃ പാതു മാം പരമാ കലാ ॥

ഇതി ധ്യാത്വാ ॥ 8.20॥

മൂലാദിമുച്ചാര്യ പ്രകാശരൂപിണീ പരാഭട്ടാരികാ
മൂലമധ്യമുച്ചാര്യ വിമര്‍ശരൂപിണീ പരാഭട്ടാരികാ
മൂലാന്ത്യമുച്ചാര്യ പ്രകാശവിമര്‍ശരൂപിണീ പരാഭട്ടാരികേതി
ത്രിഭിഃ ദേവ്യാ മൂലഹൃന്‍മുഖേഷ്വഭ്യര്‍ച്യ സമസ്തമുച്ചാര്യ
മഹാപ്രകാശവിമര്‍ശരൂപിണീ പരാഭട്ടാരികേതി ദശവാരമവമൃശ്യ
താമേവ ദേവീം കാലാഗ്നികോടിദീപ്താം ധ്യാത്വാ ॥ 8.21॥

തസ്യാം ക്രിയാസമഭിവ്യാഹാരേണ വേദ്യമഖിലം ഹുത്വാ ॥ 8.22॥

മൂലമുച്ചാര്യ സാമാന്യപാദുകയാ സ്വമസ്തകസ്ഥായ ഗുരവേ അര്‍ഘ്യം
നിവേദ്യ ॥ 8.23॥

പുനശ്ചിദഗ്നിമുദ്ദീപ്തം വിഭാവ്യ ॥ 8.24॥

ദിവ്യൌഘം തിസ്രഃ പാദുകാഃ സിദ്ധൌഘം തിസ്രഃ മാനവൌഘമഷ്ടാവഭ്യര്‍ച്യ
 ॥ 8.25॥

പരാഭട്ടാരികാഽഘോരശ്രീകണ്ഠശക്തിധരക്രോധത്ര്യംബകാനന്ദ
പ്രതിഭാദേവ്യംബാ വീരസംവിദാനന്ദമധുരാദേവ്യംബാ
ജ്ഞാനശ്രീരാമയോഗാഃ - ഇതി പരാക്രമപാദുകാഃ ॥ 8.26॥

തതഃ കലാമനുനാ ബലിം നിവേദ്യ ॥ 8.27॥

ഹവിശ്ശേഷമാത്മസാത്കുര്യാത് । ഇതി ശിവം ॥ 8.28॥

ഇതി രേണുകാഗര്‍ഭസംഭൂത-ശ്രീദുഷ്ടക്ഷത്രിയകുലാന്തക-
ശ്രീഭാര്‍ഗവോപാധ്യായ-ജാമദഗ്ന്യ-മഹാദേവപ്രധാനശിഷ്യ-
മഹാകൌലാചാര്യ-ശ്രീമത്പരശുരാമകൃതൌ-കല്‍പസൂത്രേ
പരാക്രമോ നാമാഷ്ടമഃ ഖണ്ഡഃ സമാപ്തഃ ॥ 8॥



നവമഃ ഖണ്ഡഃ ഹോമവിധിഃ

അഥ സ്വേഷ്ടമന്ത്രസ്യ ഹോമവിധാനം വ്യാഖ്യാസ്യാമഃ ॥ 9.1॥

ചതുരസ്രം കുണ്ഡമഥവാ ഹസ്തായാമമങ്ഗുഷ്ഠോന്നതം സ്ഥണ്ഡിലം
കൃത്വാ ॥ 9.2॥

സാമാന്യാര്‍ഘ്യമുപശോധ്യ തേനാവോക്ഷ്യ ॥ 9.3॥

പ്രാചീരുദീചീസ്തിസ്രസ്തിസ്രോ രേഖാ ലിഖിത്വാ ॥ 9.4॥

താസു രേഖാസു ബ്രഹ്മയമസോമരുദ്രവിഷ്ണ്വിന്ദ്രാന്‍
ഷട്താരീനമസ്സമ്പുടിതാനഭ്യര്‍ച്യ ॥ 9.5॥

സഹസ്രാര്‍ചിഷേ ഹൃദയായ നമഃ സ്വസ്തിപൂര്‍ണായ ശിരസേ സ്വാഹാ ഉത്തിഷ്ഠ
പുരുഷായ ശിഖായൈ വഷട് ധൂമവ്യാപിനേ കവചായ ഹും സപ്തജിഹ്വായ
നേത്രത്രയായ വൌഷട് ധനുര്‍ധരായ അസ്ത്രായ ഫട് - ഇതി ഷഡങ്ഗം
വിധായ തേന ഷഡങ്ഗേന കുണ്ഡമഭ്യര്‍ച്യ ॥ 9.6॥

തത്രാഷ്ടകോണഷട്കോണത്രികോണാത്മകം അഗ്നിചക്രം
വിലിഖ്യ പീതായൈ ശ്വേതായൈ അരുണായൈ കൃഷ്ണായൈ ധൂംരായൈ തീവ്രായൈ
സ്ഫുലിങ്ഗിന്യൈ രുചിരായൈ ജ്വാലിന്യൈ നമ - ഇതി ത്രികോണമധ്യേ വഹ്നേഃ
പീഠശക്തീഃ സമ്പൂജ്യ - തം തമസേ രം രജസേ സം സത്ത്വായ ആം
ആത്മനേ അം അന്തരാത്മനേ പം പരമാത്മനേ ഹ്രീം ജ്ഞാനാത്മനേ നമഃ -
ഇതി തത്രൈവാഭ്യര്‍ചയേത് ॥ 9.7॥

തതോ ജനിഷ്യമാണവഹ്നേഃ പിതരൌ വാഗീശ്വരീവഗീശ്വരൌ
പീഠേഽഭ്യര്‍ച്യ തയോര്‍മിഥുനീഭാവം ഭാവയിത്വാ ഹ്രീം
വാഗീശ്വരീവാഗീശ്വരാഭ്യാം നമഃ - ഇതി ധ്യാത്വാ ॥ 9.8॥

അരണേഃ സൂര്യകാന്താത് ദ്വിജഗൃഹാദ്വാ വഹ്നിമുത്പാദ്യ
മൃത്പാത്രേ താംരപാത്രേ വാ ആഗ്നേയ്യാമൈശാന്യാം നൈരൃത്യാം
വാ നിധായ അഗ്നിശകലം ക്രാവ്യാദാംശം നൈരൃത്യാം വിസാര്യ
നിരീക്ഷണപ്രോക്ഷണതാഡനാവകുണ്ഠനാദിഭിഃ വിശോധ്യ ഓം
വൈശ്വാനര ജാതവേദ ഇഹാവഹ ലോഹിതാക്ഷ സര്‍വകര്‍മാണി സാധയ സ്വാഹാ
- ഇതി മൂലാധാരോദ്ഗതസംവിദം ലലാടനേത്രദ്വാരാ നിര്‍ഗമയ്യ തം
ബാഹ്യാഗ്നിയുക്തം പാതയേത് ॥ 9.9॥

കവചമന്ത്രേണ ഇന്ധനൈരാച്ഛാദ്യ ॥ 9.10॥

അഗ്നിം പ്രജ്വലിതം വന്ദേ ജാതവേദം ഹുതാശനം ।
സുവര്‍ണവര്‍ണമനലം സമിദ്ധം വിശ്വതോമുഖം ॥

ഇത്യുപസ്ഥായ ॥ 9.11॥

ഉത്തിഷ്ഠ ഹരിതപിങ്ഗല ലോഹിതാക്ഷ സര്‍വകര്‍മാണി സാധയ മേ ദേഹി
ദാപയ സ്വാഹാ - ഇതി വഹ്നിമുത്ഥാപ്യ ॥ 9.12॥

ചിത്പിങ്ഗല ഹന ഹന ദഹ ദഹ പച പച സര്‍വജ്ഞാജ്ഞാപയ സ്വാഹാ
ഇതി പ്രജ്വാല്യ ॥ 9.13॥

ഷട്താരവാചോ നമോമന്ത്രേണ പുംസവനസീമന്തജാതകര്‍മ
നാമകരണാന്നപ്രാശനചൌലോപനയനഗോദാനവിവാഹ
കര്‍മാണ്യമുകാഗ്നേരമുകം കര്‍മ കല്‍പയാമി നമഃ - ഇതി വിധായ ॥ 9.14॥

പരിഷിച്യ പരിസ്തീര്യ പരിധായ ॥ 9.15॥

ത്രിണയനമരുണാഭം ബദ്ധമൌലിം സുശുക്ലാം-
ശുകമരുണമനേകാകല്‍പമംഭോജസംസ്ഥം ।
അഭിമതവരശക്തിസ്വസ്തികാഭീതിഹസ്തം
നമത കനകമാലാലങ്കൃതാംസം കൃശാനും ॥

ഇതി ധ്യാത്വാ ॥ 9.16॥

(1) അഷ്ടകോണേ ജാതവേദസേ സപ്തജിഹ്വായ ഹവ്യവാഹായ അശ്വോദരായ
വൈശ്വാനരായ കൌമാരതേജസേ വിശ്വമുഖായ ദേവമുഖായ നമഃ - ഇതി
(2) ഷട്കോണേ ഷഡങ്ഗം (3) ത്രികോണേ അഗ്നിമന്ത്രേണ അഗ്നിം പൂജയിത്വാ
 ॥ 9.17॥

ഹിരണ്യായൈ കനകായൈ രക്തായൈ കൃഷ്ണായൈ സുപ്രഭായൈ അതിരക്തായൈ
ബഹുരൂപായൈ നമഃ - ഇത്യഗ്നേഃ സപ്തജിഹ്വാസു മൂലശുദ്ധേനാജ്യേന
സപ്താഹുതീഃ കുര്യാത് ॥ 9.18॥

വൈശ്വാനരോത്തിഷ്ഠ ചിത്പിങ്ഗലൈരഗ്നേസ്ത്രിധാഽഽഹുതിം വിധായ ॥ 9.19॥

ബഹുരൂപജിഹ്വായാമിഷ്ടാം ദേവതാമാവാഹ്യ പഞ്ചോപചാരൈരുപചര്യ ॥ 9.20॥

സര്‍വാസാം ചക്രദേവീനാമേകാഹുതിം ഹുത്വാ നമോഽന്താന്‍ പാദുകാഽന്താന്‍
ശേഷാന്‍ മന്ത്രാന്‍ സ്വാഹാഽന്താന്‍ വിധായ ജുഹുയാത് ॥ 9.21॥

അഥ പ്രധാനദേവതായൈ ദശാഹുതീര്‍ജുഹുയാത് ॥ 9.22॥

യദി കാംയമീപ്സേദഭീഷ്ടദേവതായൈ വിജ്ഞാപ്യ സങ്കല്‍പം
കൃത്വൈതാവത്കര്‍മസിദ്ധ്യര്‍ഥമേതാവദാഹുതീഃ കരിഷ്യാമീതി ॥ 9.23॥

തിലാജ്യൈഃ ശാന്ത്യാ, അന്നേനാന്നായാമൃതായ, സമിച്ചൂത
പല്ലവൈര്‍ജ്വരശമായ, ദൂര്‍വാഭിരായുഷേ,
കൃതമാലൈര്‍ധനായ, ഉത്പലൈര്‍ഭാഗായ, ബില്വദലൈ
രാജ്യായ, പദ്മൈഃ സാംരാജ്യായ,
ശുദ്ധലാജൈഃ കന്യായൈ, നന്ദ്യാവര്‍തൈഃ കവിത്വായ,
വഞ്ജുലൈഃ പുഷ്ടയൈ, മല്ലികാജാതീപുന്നാഗൈര്‍ഭാഗ്യായ,
ബന്ധൂകജപാകിംശുകബകുലമധുകരൈരൈശ്വര്യായ,
ലവണൈരാകര്‍ഷണായ, കദംബൈഃ സര്‍വവശ്യായ, ശാലിതണ്ഡുലൈര്‍ധാന്യായ,
കുങ്കുമരോചനാദിസുഗന്ധൈഃ സൌഭാഗ്യായ, പലാശപുഷ്പൈഃ
കപിലാഘൃതൈര്‍വാ തേജസേ, ധത്തൂരകുസുമൈരുന്‍മാദായ,
വിഷവൃക്ഷൈഃ നിംബശ്ലേഷ്മാതകവിഭീതകസമിദ്ഭിഃ
ശത്രു-നാശായ, നിംബതൈലാക്തലവണൈര്‍മാരണായ,
കാകോലൂകപക്ഷൈര്‍വിദ്വേഷണായ, തിലതൈലാക്തമരീചൈഃ
കാസശ്വാസനാശായ ജുഹുയാത് ॥ 9.24॥

ബലിം പ്രദായ ॥ 9.25॥

ഓം ഭൂരഗ്നയേ ച പൃഥിവ്യൈ ച മഹതേ ച സ്വാഹാ ।
ഓം ഭുവോ വായവേ ചാന്തരിക്ഷായ ച മഹതേ ച സ്വാഹാ ।
ഓം സുവരാദിത്യായ ച ദിവേ ച മഹതേ ച സ്വാഹാ ।
ഓം ഭൂര്‍ഭുവസ്സുവശ്ചന്ദ്രമസേ ച നക്ഷത്രേഭ്യശ്ച ദിഗ്ഭ്യശ്ച
മഹതേ ച സ്വാഹാ । ഇതി ചതുര്‍ഭിര്‍മന്ത്രൈഃ മഹാവ്യാഹൃതിഹോമം
കൃത്വാ ॥ 9.26॥

ഇതഃ പൂര്‍വം പ്രാണബുദ്ധിദേഹധര്‍മാധികാരതോ
ജാഗ്രത്സ്വപ്നസുഷുപ്ത്യവസ്ഥാസു മനസാ വാചാ കര്‍മണാ ഹസ്താഭ്യാം
പദ്ഭ്യാമുദരേണ ശിശ്നാ യത് സ്മൃതം യദുക്തം യത് കൃതം തത്
സര്‍വം ബ്രഹ്മാര്‍പണം ഭവതു സ്വാഹാ, ഇതി ബ്രഹ്മാര്‍പണാഹുതിം കൃത്വാ ॥ 9.27॥

ചിദഗ്നിം ദേവതാം ചാത്മന്യുദ്വാസയാമി നമഃ - ഇത്യുദ്വാസ്യ ॥ 9.28॥

തദ്ഭസ്മതിലകധരോ ലോകസമ്മോഹനകാരഃ സുഖീ വിഹരേത് । ഇതി ശിവം ॥ 9.29॥

ഇതി രേണുകാഗര്‍ഭസംഭൂത-ശ്രീദുഷ്ടക്ഷത്രിയകുലാന്തക-
ശ്രീഭാര്‍ഗവോപാധ്യായ-ജാമദഗ്ന്യ-മഹാദേവപ്രധാനശിഷ്യ-
മഹാകൌലാചാര്യ-ശ്രീമത്പരശുരാമകൃതൌ-കല്‍പസൂത്രേ
ഹോമവിധിര്‍ നാമ നവമഃ ഖണ്ഡഃ സമാപ്തഃ ॥ 9॥



ദശമഃ ഖണ്ഡഃ സര്‍വസാധാരണക്രമഃ

അഥാതഃ സര്‍വേഷാം മന്ത്രാണാം സാമാന്യപദ്ധതിം വ്യാഖ്യാസ്യാമഃ ॥ 10.1॥

ശ്യാമാവത് സന്ധ്യാഽഽദ്യര്‍ഘ്യശോധനപര്യന്തം ന്യാസവര്‍ജം
 ॥ 10.2॥

അനുക്തഷഡങ്ഗസ്യ ഷഡ്ജാതിയുക്തമായയാ ഷഡങ്ഗം ॥ 10.3॥

ബിന്ദുത്രിഷഡരനാഗദലചതുഷ്പത്രചതുരസ്രമയം
ചക്രം ॥ 10.4॥

ബിന്ദൌ മുഖ്യദേവതേച്ഛാജ്ഞാനക്രിയാശക്തയസ്ത്ര്യസ്രേ
ഷഡരേ തത്തത്ഷഡങ്ഗാന്യഷ്ടദലേ ബ്രാഹ്ംയാദ്യാഃ ചതുര്‍ദലേ
ഗണപതിദുര്‍ഗാബടുകക്ഷേത്രേശാശ്ചതുരസ്രേ ദിക്പാലാഃ ॥ 10.5॥

ത്രിതാരീകുമാരീഭ്യാം സര്‍വേ ക്രമമന്ത്രാഃ പ്രയോക്തവ്യാഃ ॥ 10.6॥

തത്തന്‍മൂലേനാവാഹനം കലാമനുനാ ബലിരനേന ക്രമേണാഹുതിഃ ॥ 10.7॥

അഥ രശ്മിമാലാ ॥ 10.8॥

സുപ്തോത്ഥിതേനൈഷാ മനസൈകവാരമാവര്‍ത്യാ ॥ 10.9॥

ഗായത്ര്യാദി പ്രഥമം രശ്മിപഞ്ചകം
(1) പ്രണവോ ഭൂര്‍ഭുവസ്സുവഃ -
തത്സവിതുര്‍വരേണിയം ഭര്‍ഗോ ദേവസ്യ ധീമഹി ।
ധിയോ യോ നഃ പ്രചോദയാത് ॥

ഇതി ത്രിംശദ്വര്‍ണാ ഗായത്രീ ॥

(2) യത ഇന്ദ്ര ഭയാമഹേ തതോ നോ അഭയം കുരു ।
മഘവഞ്ഛഗ്ധി തവ തന്‍ ന ഊതയേ വിദ്വിഷോ വിമൃധോ ജഹി ॥

സ്വസ്തിദാ വിശസ്പതിര്‍വൃത്രഹാ വിമൃധോ വശീ ।
വൃഷേന്ദ്രഃ പുര ഏതു നഃ സ്വസ്തിദാ അഭയങ്കരഃ ॥

ഇത്യൈന്ദ്രീ സപ്തഷഷ്ട്യര്‍ണാ സങ്കടേ ഭയനാശിനീ ॥

(3) പ്രണവോ ഘൃണിസ്സൂര്യ ആദിത്യ ഇത്യഷ്ടാര്‍ണാ സൌരീ തേജോദാ ॥

(4) പ്രണവഃ കേവലോ ബ്രഹ്മവിദ്യാ മുക്തിദാ ॥

(5) താരഃ പരോരജസേ സാവദോം ഇതി നവാര്‍ണാ തുര്യഗായത്രീ
സ്വൈക്യവിമര്‍ശിനീ ॥

രശ്മിപഞ്ചകമേതന്‍മൂലഹൃത്ഫാലവിധിബിലദ്വാദശാന്തബീജതയാ വിമൃഷ്ടവ്യം
 ॥ 10.10॥

ചാക്ഷുഷ്മതീവിദ്യാഽദി ദ്വിതീയം രശ്മിപഞ്ചകം
(1) സൂര്യാക്ഷിതേജസേ നമഃ । (2) ഖേചരായ നമഃ । (3) അസതോ മാ സദ്
ഗമയ । (4) തമസോ മാ ജ്യോതിര്‍ഗമയ । (5) മൃത്യോര്‍മാഽമൃതം ഗമയ ।
(6) ഉഷ്ണോ ഭഗവാന്‍ ശുചിരൂപഃ । (7) ഹംസോ ഭഗവാന്‍ ശുചിരപ്രതിരൂപഃ ॥

(8) വിശ്വരൂപം ഘൃണിനം ജാതവേദസം
ഹിരണ്‍മയം ജ്യോതിരേകം തപന്തം ।
സഹസ്രരശ്മിഃ ശതധാ വര്‍തമാനഃ
പ്രാണഃ പ്രജാനാമുദയത്യേഷ സൂര്യഃ ॥

(9) ഓം നമോ ഭഗവതേ സൂര്യായ അഹോ വാഹിനി വാഹിന്യഹോ വാഹിനി വാഹിനി
സ്വാഹാ ॥

(10) വയസ്സുപര്‍ണാ ഉപസേദുരിന്ദ്രം പ്രിയമേധാ ഋഷയോ നാഥമാനാഃ ।
അപധ്വാന്തമൂര്‍ണുഹി പൂര്‍ധി ചക്ഷുര്‍മുമുഗ്ധ്യസ്മാന്നിധയേവ ബദ്ധാന്‍ ॥

(11) പുണ്ഡരീകാക്ഷായ നമഃ । (12) പുഷ്കരേക്ഷണായ നമഃ । (13)
അമലേക്ഷണായ നമഃ । (14) കമലേക്ഷണായ നമഃ । (15) വിശ്വരൂപായ
നമഃ । (16) ശ്രീമഹാവിഷ്ണവേ നമഃ ॥

ഇതി ഷോഡശമന്ത്രസമഷ്ടിരൂപിണീ ദൂരദൃഷ്ടിപ്രദാ ചാക്ഷുഷ്മതീ
വിദ്യാ ॥ 10.11॥

പ്രണവോ ഗന്ധര്‍വരാജ വിശ്വാവസോ മമ അഭിലഷിതാമുകാം കന്യാം
പ്രയച്ഛ തതോഽഗ്നിവല്ലഭേത്യുത്തമകന്യാവിവാഹദായിനീ വിദ്യാ
 ॥ 10.12॥

താരോ നമോ രുദ്രായ പഥിഷദേ സ്വസ്തി മാ സമ്പാരയ - ഇതി
മാര്‍ഗസങ്കടഹാരിണീ വിദ്യാ ॥ 10.13॥

താരസ്താരേ പദമുക്ത്വാ തുത്താരേ തുരേ ശബ്ദം ച ദഹനദയിതേതി
ജലാപച്ഛമനീ വിദ്യാ ॥ 10.14॥

അച്യുതായ നമഃ അനന്തായ നമഃ ഗോവിന്ദായ നമഃ - ഇതി
മഹാവ്യാധിവിനാശിനീ നാമത്രയീ വിദ്യാ ॥ 10.15॥

പഞ്ചേമാ രശ്മയോ മൂലാദിപരികരതയാ പ്രപഞ്ച്യാഃ ॥ 10.16॥

പ്രണവഃ കമലാ ഭുവനാ മദനോ ഗ്ലാച്ചതുര്‍ദശപഞ്ചദശൌ
ഗം ഗണപതയേ വരയുഗലം ദ സര്‍വജനം മേ ശബ്ദോ
വശമാനയാഗ്നിവാമലോചനേതി മഹാഗണപതിവിദ്യാ പ്രത്യൂഹ ശമനീ ॥ 10.17॥

പ്രണവോ നമഃ ശിവായൈ പ്രണവോ നമഃ ശിവായേതി ദ്വാദശാര്‍ണാ
ശിവതത്ത്വവിമര്‍ശിനീ വിദ്യാ ॥ 10.18॥

പ്രണവഃ കാഷ്ടമ ദക്ഷശ്രുതിബിന്ദുപിണ്ഡോ ഭൃഗുഷോഡശോ മാം
പാലയദ്വന്ദ്വമിതി ദശാര്‍ണാ മൃത്യോരപി മൃത്യുരേഷാ വിദ്യാ ॥ 10.19॥

താരഃ നമോ ബ്രഹ്മണേ ധാരണം മേ അസ്ത്വനിരാകരണം ധാരയിതാ ഭൂയാസം
കര്‍ണയോഃ ശ്രുതം മാച്യോഢ്വം മമാമുഷ്യ ഓം - ഇതി ശ്രുതധാരിണീ വിദ്യാ
 ॥ 10.20॥

ശ്രീകണ്ഠാദിക്ഷാന്താഃ സര്‍വേ വര്‍ണാഃ ബിന്ദുസഹിതാഃ മാതൃകാ
സര്‍വജ്ഞതാകരീ വിദ്യാ ॥ 10.21॥

രശ്മയഃ പഞ്ച മൂലാദിരക്ഷാഽഽത്മകതയാ യഷ്ടവ്യാഃ ॥ 10.22॥

ശിവശക്തികാമക്ഷിതിമായാരവീന്ദുസ്മരഹംസ
പുരന്ദരഭുവനാപരാമന്‍മഥവാസവഭൌവനാശ്ച ശിവാദിവിദ്യാ
സ്വസ്വരൂപവിമര്‍ശിനീ ॥ 10.23॥

ക്ലശബ്ദാദ്വാമേക്ഷണബിന്ദുരേകോഽനന്തയോനിബിന്ദവോഽന്യഃ
ശങ്കരപരാത്രിശൂലവിസൃഷ്ടയോഽപരശ്ചൈത ഏവ ഖണ്ഡാഃ
പ്രതിലോമാഃ ഷട്കൂടാ സമ്പത്കരീ വിദ്യാ ॥ 10.24॥

സമുച്ചാര്യ സൃഷ്ടിനിത്യേ സ്വാഹേതി ഹമിത്യുക്ത്വാ സ്ഥിതിപൂര്‍ണേ നമഃ -
ഇത്യനലബിന്ദുമഹാസംഹാരിണീ കൃശേ പദാച്ചണ്ഡശബ്ദഃ കാലി ഫട്
- ഇത്യഗ്നിബിന്ദുസപ്തമമുദ്രാബീജം മഹാനാഖ്യേ അനന്തഭാസ്കരി
മഹാചണ്ഡപദാത് കാലി ഫട് - ഇതി സൃഷ്ടിസ്ഥിതിസംഹാരാഖ്യാനാം
പ്രാതിലോംയം ഖേചരീബീജം മഹാചണ്ഡവാണീ ച യോഗീശ്വരീതി
വിദ്യാപഞ്ചകരൂപിണീ കാലസങ്കര്‍ഷിണീ പരമായുഃ പ്രദായിനീ ॥ 10.25॥

ത്രിതാരീ സപ്തമമുദ്രാ ശിവയുക്ശക്തിരഹംയുഗലമേതത്പഞ്ചൈവ
ലോംയമിതി ശുദ്ധജ്ഞാനമയീ ശാംഭവീ വിദ്യാ ॥ 10.26॥

ഭൃഗുത്രിശൂലവിസൃഷ്ടയഃ പരാവിദ്യാ ॥ 10.27॥

പഞ്ചേമാ രശ്മയോ മൂലാദ്യധിഷ്ഠാനതയാ പരികല്‍പനീയാഃ ॥ 10.28॥

വാക്കാമശക്തയോഽനുലോമവിലോമാഃ പുനരനുലോമാഃ - ഇതി ശ്രിയോ
ഽങ്ഗബാലാ ॥ 10.29॥

ഭുവനാ കമലാ സുഭഗാ താരോ നമോ ഭഗവതി പൂര്‍ണേ ശേഖരമന്ന
മമാഭിലഷിതമുക്ത്വാഽന്നം ദേഹി ദഹനജായേതി ശ്രിയ
ഉപാങ്ഗമന്നപൂര്‍ണാ ॥ 10.30॥

പ്രണവഃ പാശാദിത്ര്യര്‍ണാ ഏഹി പരമേശ്വരീത്യുക്ത്വാ
വഹ്നിവാമാക്ഷ്യുക്തിരിതി ശ്രീപ്രത്യങ്ഗമശ്വാരൂഢാ ॥ 10.31॥

താരിത്രികം സപ്തമമുദ്രാ
ശിവശക്തിസംവര്‍തപുപഞ്ചമപുരന്ദരവരയൂം
ശക്തിശിവക്ഷമാന്തേ വാദിവരയീം
ശിവഭൃഗുത്രിശൂലബിന്ദുഭൃഗുശിവത്രിശൂലവിസൃഷ്ടയഃ
ശ്രീപൂര്‍വം സ്വഗുരുനാമതോഽഷ്ടാക്ഷരീ ചേതി ശ്രീപാദുകാ ച ॥ 10.32॥

ഏതാഭിശ്ചതസൃഭിര്യുക്താ മൂലവിദ്യാ സാംരാജ്ഞീ മൂലാധാരേ വിലോചനീയാ
 ॥ 10.33॥

മാദനശക്തിബിന്ദുമാലിനീവാസവമായാഘോഷദോഷാകര
കന്ദര്‍പഗഗനമഘവദ്ഭുവനഭൃഗുപുഷ്പബാണഭൂമായേതി
സേയം തസ്യാ മഹാവിദ്യാ ॥ 10.34॥

വാങ്നതിരുച്ഛിഷ്ടചാണ്ഡലി മാതമുക്ത്വാ ഗി സര്‍വപദാദ്വശങ്കരി
വഹ്നിവാമലോചനേതി ശ്യാമാഽങ്ഗം ലഘുശ്യാമാ ॥ 10.35॥

കുമാരീമുച്ചാര്യ വദദ്വന്ദ്വം വാക്പദം വാദിനി വഹ്നിപ്രിയേതി
ശ്യാമോപാങ്ഗം വാഗ്വാദിനീ ॥ 10.36॥

പ്രണവ ഓപിനാകുദമ്പവൃപസസ്യൈചശാചാമാഹദശബ്ദാഃ
ഷ്ഠാധാനലീതൈഃരിതാവിഃര്‍വവാഈനാരുമിഹവായേച്ഛേഖരാ
നകുലീ ശ്യാമാപ്രത്യങ്ഗം ॥ 10.37॥

ലലിതാപാദുകാദിത്രികസ്ഥാനേ കുമാരീ യോജ്യാ ശിഷ്ടം തദ്വത് - ഇതി
ശ്യാമാപാദുകാ ച ॥ 10.38॥

ചതസൃഭിര്യുക്താ ഹൃച്ചക്രേ ശ്യാമാ യഷ്ടവ്യാ ॥ 10.39॥

തദ്വിദ്യാ തു ത്രിതാരീ കുമാരീ നഭവശ്രീതംശ്വസജമ
ഹാസമുരംനിമായാസരാവകസസ്ത്രീരുവകസ
ദുമൃവകസസവകസലോവകാകംവമായഹാവര്‍ണാ
 ഓമ്മോഗതിമാഗീരിര്‍വനനോരിര്‍വഖ
ജിമദനശ്രീംര്‍വജശംരിര്‍വപുഷശംരിര്‍വ
ഷ്ടഗശംരിര്‍വത്വശംരിര്‍വകശംരിമുമേശനസ്വാഽന്ത
മന്ത്രാദി ബീജഷട്കം പ്രാതിലോംയമിതി അഷ്ടനവതിവര്‍ണാഃ ॥ 10.40॥

ഹരഃ സബിന്ദുര്‍വാപൂര്‍വരാഹി സ്ഥാണുഃ സബിന്ദുരുന്‍മത്തപദം
ഭൈശബ്ദോ രവിപാദുകാഭ്യാം നമ - ഇതി വാര്‍താല്യങ്ഗം ലഘുവാര്‍താലീ
 ॥ 10.41॥

വേദാദിഭുവനം നമോ വാരാഹി ഘോരേ സ്വപ്നം ഠദ്വിതയം അഗ്നിദാരാ -
ഇതി വാര്‍താല്യുപാങ്ഗം സ്വപ്നവാര്‍താലീ സ്വപ്നേ ശുഭാശുഭഫലവക്ത്രീ
 ॥ 10.42॥

വാഗ്ഘൃദയം ഭഗവതി തിരസ്കരിണി മഹാമായേ
പശുപദാജ്ജനമനശ്ചക്ഷുസ്തിരസ്കരണം കുരു ദ്വിതയം വര്‍മ ഫട്
പാവകപരിഗ്രഹ ഇതി വാര്‍താലീപ്രത്യങ്ഗം തിരസ്കരിണീ ॥ 10.43॥

ശ്യാമാപാദുകാമന്ത്രാദിത്രിബീജമപഹായ വാഗ്ഗ്ലൌം - ഇതി യോജ്യം ।
ഏഷാ വാര്‍താലീപാദുകാ ॥ 10.44॥

വിദ്യാഭിരേതാഭിര്യുക്താ ഫാലചക്രേ പരിപൂജ്യാ ഭഗവതീയം
ഭൂദാരമുഖീ ॥ 10.45॥

മനുരിദമീയോഽയം വാക്പുടിതം ഗ്ലൌം
ന ഭവവാലിര്‍താവാഹിരാവഹഖിരാമുഅംഅംനിമഃ-
ധേധിനജഞ്ജംനിമഃ ഹേഹിന സ്തംസ്തംനിമഃര്‍വഷ്ട
ദുനാംര്‍വേസവാക്ത്തക്ഷുഖതിഹ്വാഭകുകുശീവശബ്ദാ
യഥാക്രമം മോഗതിര്‍താവാലിരാവാഹിരാമുവഹഖി
ധേധിനരുംരുംനിമഃ ഭേഭിനമോമോനിമഃ ഭേഭി
നസദുപ്രഷ്ടാസഷാംര്‍വചിചര്‍മുഗജിസ്തംനം
രുരുഘ്രംശ്യംശബ്ദോപേതാ വാക് ഗ്ലൌം വിസൃഷ്ട്യന്താശ്ച
സപ്തമാശ്ചത്വാരോ വര്‍മാസ്ത്രായ ഫഡിതി ദ്വാദശോത്തരശതാക്ഷരാ ॥ 10.46॥

പഞ്ചമൈകാദശബീജവര്‍ജാ ശ്രീരേവ ശ്രീപൂര്‍തിവിദ്യാ ബ്രഹ്മകോടരേ
യഷ്ടവ്യാ ॥ 10.47॥

ശ്യാമാപാദുകാപ്രഥമത്രികസ്ഥാനേ താരത്രയം കുമാരീ വാക് ഗ്ലൌം
ഇതി യോജ്യം । തതഃ പരസ്താച്ഛേഷം സമാനം ॥ 10.48॥

ഇയം മഹാപാദുകാ സര്‍വമന്ത്രസമഷ്ടിരൂപിണീ സ്വൈക്യവിമര്‍ശിനീ
മഹാസിദ്ധിപ്രദായിനീ ദ്വാദശാന്തേ യഷ്ടവ്യാ ॥ 10.49॥

ഏവം രശ്മിമാലാ സമ്പൂര്‍ണാ । സര്‍വഗാത്രഃ ശുദ്ധവിദ്യാമയതനുഃ
സ ഏവ പരമശിവഃ ॥ 10.50॥

അഥ വിഘ്ന-ദേവതാഃ । ഇരിമിലികിരികിലിപദാത് പരിമിരോമിത്യേകഃ
। പ്രണവോ മായാ നമോ ഭഗവതി മഹാത്രിപുരാദ്ഭൈവര്‍ണാദ്രവിപദമനു
മമ ത്രൈപുരരക്ഷാം കുരു കുരു - ഇതി ദ്വിതീയഃ । സംഹര സംഹര
വിഘ്നരക്ഷോവിഭീഷകാന്‍ കാലയ ഹും ഫട് സ്വാഹാ - ഇതി തൃതീയഃ । ബ്ലൂം
രക്താഭ്യോ യോഗിനീഭ്യോ നമഃ - ഇതി ചതുര്‍ഥഃ । സാം സാരസായ ബഹ്വാശനായ
നമഃ - ഇതി പഞ്ചമഃ । ദുമുലുഷുമുലുഷു മായാ ചാമുണ്ഡായൈ നമഃ -
ഇതി ഷഷ്ഠഃ । ഏതേ മനവോ ലലിതാജപവിഘ്നദേവതാഃ ॥ 10.51॥

ഹസന്തി ഹസിതാലാപേ പദം മാതമുക്ത്വാ ഗീപരിചാരികേ മമ
ഭയവിഘ്നനാശം കുരുദ്വിതയം സവിസര്‍ഗഠത്രിതയമിതി
ശ്യാമാവിഘ്നദേവീ ॥ 10.52॥

സ്തം സ്തംഭിന്യൈ നമഃ - ഇതി കോലമുഖീവിഘ്നദേവീ ॥ 10.53॥

ഏതേ തത്തജ്ജപാരംഭേ ജപ്തവ്യാഃ ॥ 10.54॥

ലലിതാ പ്രാഹ്ണേ । അപരാഹ്ണേ ശ്യാമാ । വാര്‍താലീ രാത്രൌ । ബ്രാഹ്മേ മുഹൂര്‍തേ പരാ
 ॥ 10.55॥

വ്യവഹാരദേശസ്വാത്മ്യപ്രാണോദ്വേഗസഹായാമയവയാംസി പ്രവിചാര്യൈവ
തദനുകൂലഃ പഞ്ചമാദിപരാമര്‍ശഃ ॥ 10.56॥

സര്‍വഭൂതൈരവിരോധഃ ॥ 10.57॥

പരിപന്ഥിഷു നിഗ്രഹഃ ॥ 10.58॥

അനുഗ്രഹഃ സംശ്രിതേഷു ॥ 10.59॥

ഗുരുവത് ഗുരുപുത്രകലത്രാദിഷു വൃത്തിഃ ॥ 10.60॥

ആദിമസ്യ സ്വയം സേവനമാഗമദൃഷ്ട്യാ ദോഷദം ത്യാജ്യം ॥ 10.61॥

സാനന്ദസ്യ രുചിരസ്യാമോദിനോ ലഘുനോ വാര്‍ക്ഷസ്യ ഗൌഡസ്യ
പിഷ്ടപ്രകൃതിനഃ അന്ധസോ വാല്‍കലസ്യ കൌസുമസ്യ വാ
യഥാദേശസിദ്ധസ്യ വാ തസ്യ പരിഗ്രഹഃ ॥ 10.62॥

തദനന്തരം മധ്യമയോരസ്വയമസുവിമോചനം । ഉപാദിമേ നായം
നിയമഃ । മധ്യമേ തു സ്വയം സംജ്ഞപനേ തത്രായം മന്ത്രഃ -
ഉദ്ബുധ്യസ്വ പശോ ത്വം ഹി നാശിവസ്ത്വം ശിവോ ഹ്യസി ।
ശിവോത്കൃത്തമിദം പിണ്ഡം മത്തസ്ത്വം ശിവതാം വ്രജ ॥

ഇതി ॥ 10.63॥

സര്‍വത്ര വചനപൂര്‍വം പ്രവൃത്തിഃ ॥ 10.64॥

ദശകുലവൃക്ഷാനുപപ്ലവഃ ॥ 10.65॥

സ്ത്രീവൃന്ദാദിമകലശസിദ്ധലിങ്ഗിക്രീഡാഽഽകുലകുമാരീകുല
സഹകാരാശോകൈകതരുപരേതാവനിമത്തവേശ്യാശ്യാമാരക്ത
വസനാമത്തേഭാനാം ദര്‍ശനേ വന്ദനം ॥ 10.66॥

പഞ്ചപര്‍വസു വിശേഷാര്‍ചാ ॥ 10.67॥

ആരംഭതരുണയൌവനപ്രൌഢതദന്തോന്‍മനാനവസ്ഥോല്ലാസേഷു
പ്രൌഢാന്താഃ സമയാചാരാഃ । തതഃ പരം യഥാകാമീ । സ്വൈരവ്യവഹാരേഷു
വീരാവീരേഷ്വയഥാമനനാദധഃപാതഃ ॥ 10.68॥

രക്താത്യാഗവിരക്താഽഽക്രമണോദാസീനാപ്രലോഭനവര്‍ജനം ॥ 10.69॥

ഘൃണാശങ്കാഭയലജ്ജാജുഗുപ്സാകുലജാതിശീലാനാം
ക്രമേണാവസാദനം ॥ 10.70॥

ഗുരുപ്രഗുരുസന്നിപാതേ പ്രഗുരോഃ പ്രഥമം പ്രണതിഃ തദഗ്രേ
തദനുരോധേന തന്നതിവര്‍ജനം ॥ 10.71॥

അഭ്യര്‍ഹിതേഷ്വപരാങ്മുഖ്യം ॥ 10.72॥

മുഖ്യതയാ പ്രകാശവിഭാവനാ ॥ 10.73॥

അധിജിഗമിഷാ ശരീരാര്‍ഥാസൂനാം ഗുരവേ ധാരണം ॥ 10.74॥

ഏതദുക്തകരണം ॥ 10.75॥

അപരീക്ഷണം തദ്വചനേ വ്യവസ്ഥാ ॥ 10.76॥

സര്‍വഥാ സത്യവചനം ॥ 10.77॥

പരദാരധനേഷ്വനാസക്തിഃ ॥ 10.78॥

സ്വസ്തുതിപരനിന്ദാമര്‍മവിരുദ്ധവചനപരിഹാസ
ധിക്കാരാക്രോശത്രാസനവര്‍ജനം ॥ 10.79॥

പ്രയത്നേന വിദ്യാഽഽരാധനദ്വാരാ പൂര്‍ണഖ്യാതിസമാവേശനേച്ഛാ
ചേത്യേതേ സാമായികാചാരാഃ ॥ 10.80॥

പരേ ച ശാസ്ത്രാനുശിഷ്ടാഃ ॥ 10.81॥

ഇത്ഥം വിദിത്വാ വിധിവദനുഷ്ഠിതവതഃ കുലനിഷ്ഠസ്യ സര്‍വതഃ
കൃതകൃത്യതാ ശരീരത്യാഗേ ശ്വപചഗൃഹകാശ്യോര്‍നാന്തരം
ജീവന്‍മുക്തഃ ॥ 10.82॥

യ ഇമാം ദശഖണ്ഡീം മഹോപനിഷദം
മഹാത്രൈപുരസിദ്ധാന്തസര്‍വസ്വഭൂതാമധീതേ സഃ - സര്‍വേഷു
യജ്ഞേഷു യഷ്ടാ ഭവതി യം യം ക്രതുമധീതേ തേന തേനാസ്യേഷ്ടം ഭവതി
ഇതി ഹി ശ്രൂയതേ ഇത്യുപനിഷത് - ഇതി ശിവം ॥ 10.83॥

അഥാതഃ സര്‍വേഷാം മന്ത്രാണാം അഥ സ്വേഷ്ടമന്ത്രസ്യ ഇതി വിധിവത്,
ഇത്ഥം സാങ്ഗാം, ഇയമേവ മഹതീ വിദ്യാ, അഥ പ്രാഥമികേ ചതുരസ്രേ,
അഥ ഹൃച്ചക്രസ്ഥിതാം, ഏവം ഗണപതിമിഷ്ട്വാ, ഇത്ഥം സദ്ഗുരോഃ,
അഥാതോ ദീക്ഷാം വ്യാഖ്യാസ്യാമഃ । അഥ ഏവം, അഥ ഇത്ഥം, അഥ സ്വേഷ്ടേതി
പഞ്ച ॥ 10.84॥

ഇതി രേണുകാഗര്‍ഭസംഭൂത-ശ്രീദുഷ്ടക്ഷത്രിയകുലാന്തക-
ശ്രീഭാര്‍ഗവോപാധ്യായ-ജാമദഗ്ന്യ-മഹാദേവപ്രധാനശിഷ്യ-
മഹാകൌലാചാര്യ-ശ്രീമത്പരശുരാമകൃതൌ-കല്‍പസൂത്രേ
സര്‍വസാധാരണക്രമ നാമ ദശമഃ ഖണ്ഡഃ സമാപ്തഃ ॥ 10॥

ഇതി ശ്രീപരശുരാമകല്‍പസൂത്രം പ്രഥമോഭാഗഃ സമ്പൂര്‍ണം ॥



ദ്വിതീയോഭാഗഃ (അനുബന്ധഃ - പരശുരാമകല്‍പസൂത്രപരിശിഷ്ടം)
ഏകാദശഃ ഖണ്ഡഃ യന്ത്രവിധാനം

അഥാതോ വാര്‍താലീസിദ്ധിയന്ത്രം വ്യാഖ്യാസ്യാമഃ ॥ 11.1॥

ഭുവനേശ്വരീബീജമധ്യേ വൃത്തദ്വയം വിധായ തന്‍മധ്യേ വ്യതിഭിന്നം
ചതുരശ്രദ്വയം വിധായ തദന്തര്‍വൃത്തം കൃത്വാ
തദന്തര്‍വൃത്തസപ്തകയുക്താനി സപ്തഷട്കോണാനി
യഥാസമ്പ്രദായം വിദധ്യാത് ॥ 11.2॥

തത്ര അഷ്ടസു കോണേഷു അഷ്ടസ്വന്തരാളേഷു ച
ദശോത്തരശതാക്ഷരീവിദ്യായാഃ ഷോഡശവര്‍ണാന്‍
അകാരാദികകാരാന്തഷോഡശസ്വരരഹിതഷോഡശവര്‍ണസഹിതാന്‍ സംലിഖ്യ
പൂര്‍വഷട്കോണഷട്സു കോണേഷു ഷട്സു അന്തരാലേഷു ച ഖകാരാദിഡകാരാന്താന്‍
തദ്ദ്വാദശവര്‍ണാന്‍ സംലിഖ്യ പുനരഗ്നികോണസ്ഥഷട്കോണേ ഢകാരാദിമകാരാന്താന്‍
ദ്വാദശവര്‍ണസഹിതാന്‍ ദ്വാദശവര്‍ണാന്‍ രാക്ഷസകോണസ്ഥഷട്കോണേ
യകാരാദ്യാകാരാന്തദ്വാദശവര്‍ണയുക്താന്‍ ദ്വാദശവര്‍ണാന്‍ പശ്ചിമകോണേ
ഇകാരാദ്യൌകാരാന്തസഹിതാന്‍ വസുകോണേ അങ്കാരാദിടകാരാന്തസഹിതാന്‍ ദശ (ഈശ)കോണേ
ഠകാരാദിബകാരാന്തയുതാന്‍ മധ്യഷട്കോണേ ഭകാരാദിക്ഷകാരാന്തസംയുക്താന്‍
വിലിഖ്യ ലക്ഷതാദ്യദ്വയവൃത്താന്തരാലവീഥ്യാം ശിഷ്ടാന്‍ ദശവര്‍ണാന്‍
ഓഗജഡദബലകൃസംയുക്താന്‍ വിലിഖേത് ॥ 11.3॥

അഥ നവഗ്രഹയന്ത്രം വ്യാഖ്യാസ്യാമഃ । നവകോഷ്ഠാന്‍ വിധായ, നവസു
കോണേഷു വൃത്തത്രയം വിധായ, നവകര്‍ണികാസു നവകോഷ്ഠാന്‍ വിലിഖ്യ,
നവസു കോഷ്ഠേഷു മധ്യകോഷ്ഠേഷു മധ്യകോഷ്ഠ- വൃത്തത്രയം
കര്‍ണികാസ്ഥ നവകോഷ്ഠം, മധ്യകോഷ്ഠേ മകാരസഹിതം പ്രണവം
വിലിഖ്യ, ശിഷ്ടേഷ്വഷ്ടസു കോഷ്ഠേഷു അകാരാദ്യൄകാരാന്താനഷ്ടസ്വരാന്‍
വിലിഖ്യ, അന്തര്‍വൃത്താന്തരാലേ മകാരസഹിതാന്‍ ഷോഡശസ്വരാന്‍ ലിഖിത്വാ
ബഹിര്‍വൃത്താന്തരാലേ അകാരാദക്ഷകാരാന്താന്‍ മാതൃകാര്‍ണാന്‍ വിലിഖേത് ॥ 11.4॥

ഏവം ഭാസ്കരമണ്ഡലം മധ്യേ കൃത്വാ പൂര്‍വകോഷ്ഠവൃത്തത്രയ-
കര്‍ണികാസ്ഥിതനവസു കോഷ്ഠേഷു മധ്യകോഷ്ഠേ ഌകാരഗര്‍ഭം പ്രണവം
വിലിഖ്യ, പൂര്‍വാദ്യഷ്ടുസു കോഷ്ടേഷു ഌകാരാദിവിസര്‍ഗാന്താനഷ്ടസ്വരാംശ്ച
വിലിഖ്യ, അന്തര്‍വൃത്താന്തരാലേ ൡകാരസഹിതാന്‍ ഷോഡശ-
സ്വരാന്‍, സംലിഖ്യ ബാഹ്യവൃത്താന്തരാലേ അകാരാദിക്ഷകാ-
രാന്താന്‍ ലിഖേത് ॥ 11.5॥

ഏവം ചന്ദ്രമണ്ഡലം വിധായ, അഗ്നിസ്ഥിതവൃത്തത്രയകര്‍ണികാ-
നവകോഷ്ഠമധ്യകോഷ്ഠേ പ്രണവഗര്‍ഭകകാരം വിലിഖ്യ, ഈശാനകോഷ്ഠാ-
ദിരാക്ഷസകോഷ്ഠാന്തം കവര്‍ഗം വിലിഖ്യ, പശ്ചിമകോഷ്ഠാദിസോമ-
കോഷ്ഠാന്തകോഷ്ഠത്രയേ ഭൌമായേതി വര്‍ണത്രയം വിലിഖ്യ, അന്തര്‍വൃത്താ-
ന്തരാലേ കകാരസഹിതാന്‍ ഷോഡശസ്വരാന്‍ സംലിഖ്യ, ബാഹ്യവൃത്താ-
ന്തരാലവീഥ്യാം മാതൃകാം ലിഖേത് । ഏവം ഭൌമമണ്ഡലം വിധായ
ബുധമണ്ഡലം ലിഖേത് ॥ 11.6॥

ദക്ഷിണകോഷ്ഠസ്ഥവൃത്തത്രയകര്‍ണികാസ്ഥിതനവകോഷ്ഠേഷു മധ്യ-
കോഷ്ഠേ ച കാഗര്‍ഭം പ്രണവം വിലിഖ്യ, ഈശാനാദിപഞ്ചകോഷ്ഠേഷു ചവര്‍ഗം
വിലിഖ്യ, കോഷ്ടത്രയേ ബുധായേതി വര്‍ണത്രയം ച വിലിഖ്യ പൂര്‍വവത്
ഷോഡശസ്വരസഹിതം ചകാരം വിലിഖ്യ, മാതൃകാര്‍ണം ച വിലിഖ്യ,
നൈരൄതികോഷ്ഠസ്ഥവൃത്തത്രയകര്‍ണികാസ്ഥിതനവകോഷ്ഠകേ മധ്യകോഷ്ഠേ
പകാരഗര്‍ഭം പ്രണവം വിലിഖ്യ, ശിവാദികോഷ്ഠപഞ്ചകേ പവര്‍ഗം
വിലിഖ്യ, ശിഷ്ടകോഷ്ഠത്രയേ സൌരയേ ഇതി ശനിനാമവര്‍ണാന്‍
ആലിഖ്യ, അന്തരാലദ്വയേ പകാരം മാതൃകാം ച വിലിഖ്യ,
പശ്ചിമകോഷ്ഠസ്ഥവൃത്തത്രയകര്‍ണികാമധ്യേ കോഷ്ഠനവകം വിധായ,
തന്‍മധ്യകോഷ്ഠേ ടകാരഗര്‍ഭം പ്രണവം വിലിഖ്യ, ഈശാനാദികോഷ്ഠ-
പഞ്ചകേ ടവര്‍ണാന്‍ വിലിഖ്യ, കോഷ്ഠത്രയേ ഗുരവ ഇതി വിലിഖ്യ,
പൂര്‍വവദന്തരാലദ്വയേ ടവര്‍ഗം മാതൃകാം ച വിലിഖേത് ॥ 11.7॥

ഏവം ഗുരുമണ്ഡലം വിധായ വായുകോഷ്ഠേ മധ്യേ യകാരഗര്‍ഭം പ്രണവം
വിലിഖ്യ, ഈശാനാദികോഷ്ഠപഞ്ചകേ യവര്‍ഗം വിലഖ്യ, രാഹവ ഇതി
ലിഖിത്വാ, സോമകോഷ്ഠമധ്യേ കോഷ്ഠേ തകാരഗര്‍ഭം പ്രണവം ലിഖിത്വാ,
ഈശാദികോഷ്ഠേഷു തവര്‍ഗം ശുക്രായേതി വിലിഖ്യ, ഈശാനകോഷ്ഠേ മധ്യേ
ശകാരം വിലിഖ്യ, ഈശാദ്യഷ്ടസു കോഷ്ഠേഷു ഷവര്‍ഗം കേതവ - ഇതി ച
വിലിഖ്യ, അന്തരാലദ്വയേ ഷോഡശസ്വരസഹിതം ശകാരം മാതൃകാം ച
വിലിഖേത് ഇതി നവഗ്രഹചക്രം വിധായ, നവഗ്രഹപൂജാം കുര്യാത് - ഇതി ശിവം
 ॥ 11.8॥

ഇതി രേണുകാഗര്‍ഭസംഭൂത-ശ്രീദുഷ്ടക്ഷത്രിയകുലാന്തക-
ശ്രീഭാര്‍ഗവോപാധ്യായ-ജാമദഗ്ന്യ-മഹാദേവപ്രധാനശിഷ്യ-
മഹാകൌലാചാര്യ-ശ്രീമത്പരശുരാമകൃതൌ-കല്‍പസൂത്രേ
യന്ത്രവിധാന നാമൈകാദശഃ ഖണ്ഡഃ സമാപ്തഃ ॥ 11॥



ദ്വാദശഃ ഖണ്ഡഃ മന്ത്രവിധാനം

അഥാതഃ ശിവാത്മകാന്‍ മന്ത്രാന്‍ വ്യാഖ്യാസ്യാമഃ ॥ 12.1॥

ഐം ഹ്രീം ശ്രീം ഹ്സ്ഖ്ഫ്രേം ഹസഹഹരൌഃ അമൃതവിഗ്രഹാ
പഞ്ചാര്‍ണാ (5) ॥ 12.2॥

ഓം ജും സഃ പാലയ പാലയ സഃ ജും ഓം ഇതി മൃത്യുഞ്ജയ
വിദ്യാ ദ്വാദശാര്‍ണാ (12) ॥ 12.3॥

ശ്രീം ഹ്രീം ക്ലീം - ത്രിപുടാവിദ്യാ - ഇതി ത്രിവര്‍ണാ (3) ॥ 12.4॥

ഓം ഹ്രാം ഹ്രീം ഹ്രൂം വൈരിമോഹി ഗരുഡപക്ഷി ഹര ഹര ഹിംസ
ഹിംസ സ്വാഹാ - ഇതി ഗരുഡമന്ത്രഃ ത്രയോവിംശത്യക്ഷരാത്മകഃ (23) ॥ 12.5॥

ഓം ഏഹി പരമേശ്വരി സ്വാഹാ - ഇത്യശ്വാരൂഢാ ദശാക്ഷരീ (10) ॥ 12.6॥

ഓം നമോ ഭഗവതി മാഹേശ്വരി അന്നപൂര്‍ണേ സ്വാഹാ -
ഇത്യന്നപൂര്‍ണാവിദ്യാ സപ്തദശാക്ഷരീ (17) ॥ 12.7॥

ഹസക്ഷമലവരയൂം - ഇത്യേകാക്ഷരോ നവാത്മകോ മന്ത്രഃ (1) ॥ 12.8॥

സഹക്ഷമലവരയീം - ഇത്യേകാക്ഷരാ നവാത്മികാ (1) ॥ 12.9॥

ഓം ഹ്രീം നമ - ഇതി ദേവീഹൃദയവിദ്യാ ചതുര്‍വര്‍ണാ (4) ॥ 12.10॥

ഓം രുദ്രദയിതേ യോഗേശ്വരി സ്വാഹാ ഇതി ദ്വാദശാര്‍ണാ
ഗൌരീവിദ്യാ (12) ॥ 12.11॥

ഇടി ഇടി മുടി മുടി കാകടമുണ്ഡി സ്വാഹാ - ഇതി
ലക്ഷസുവര്‍ണപ്രദാ പഞ്ചദശാക്ഷരീ (15) ॥ 12.12॥

ഓം നവകേശീ കനകവതീ സ്വാഹാ - ഇതി നിഷ്കത്രയപ്രദാ
വിദ്യാ ദ്വാദശാക്ഷരീ (12) ॥ 12.13॥

ഏകായകുണാണാതുകേ - ഇത്യഭീഷ്ടദായിനീ വിദ്യാഽഷ്ടാക്ഷരീ (8) ॥ 12.14॥

ഐം ഹ്രീം ശ്രീം മാതങ്ഗിന്യൈ സ്വാഹാ ശ്രീം ഹ്രീം ഐം - ഇതി
മാതങ്ഗിനീവിദ്യാ ദ്വാദശാക്ഷരീ (12) ॥ 12.15॥

ഹ്രീം ശ്രീം ക്ലേം അ ഇ രാജ്യദേ രാജ്യലക്ഷ്മീ സഃ ക്ലേം ശ്രീം ഹ്രീ
- ഇതി രാജ്യലക്ഷ്മീവിദ്യാ ഷോഡശാക്ഷരീ (16) ॥ 12.16॥

ഓം ശ്രീം ഹ്രീം ശ്രീം കമലേ കമലാലയേ പ്രസീദ പ്രസീദ
ശ്രീം ഹ്രീം ശ്രീം മഹാലക്ഷ്ംയൈ നമഃ - ഇതി മഹാലക്ഷ്മീവിദ്യാ
സപ്തവിംശതിവര്‍ണാ (27) ॥ 12.17॥

ജ ഝ രീ മ ഹാ ച ണ്ഡ തേ ജ സ്സ ക ര്‍ഷി ണീ കാ ല മം ഥാ നേ ഹഃ
- ഇതി സിദ്ധലക്ഷ്മീവിദ്യാ സപ്തദശാര്‍ണാ (17) ॥ 12.18॥

ഓം ഗലയൌം ഓം, ഹ്രീം ഗലയൌം ഹ്രീം, ക്ലീം ഗലയൌം ക്ലീം, ഐം
ഗലയൌം ഐം, ക്ലൂം ഗലയൌം ക്ലൂം, സ്ത്രീം ഗലയൌം സ്ത്രീം,
ഹ്രീം ക്ലീം ഐം ക്ലൂം സ്ത്രീം ഗലയൌം ദ്രാം ദ്രീം ക്ലീം ക്ലൂം സഃ,
ഏതേ സപ്തഗോപാലമന്ത്രാഃ ॥ 12.19॥

ഏതേഷാം പാരായണാത് സര്‍വസിദ്ധീശ്വരോ ഭവേത് - ഇതി ശിവം ॥ 12.20॥

ഇതി രേണുകാഗര്‍ഭസംഭൂത-ശ്രീദുഷ്ടക്ഷത്രിയകുലാന്തക-
ശ്രീഭാര്‍ഗവോപാധ്യായ-ജാമദഗ്ന്യ-മഹാദേവപ്രധാനശിഷ്യ-
മഹാകൌലാചാര്യ-ശ്രീമത്പരശുരാമകൃതൌ-കല്‍പസൂത്രേ
മന്ത്രവിധാന നാമ ദ്വാദശഃ ഖണ്ഡഃ സമാപ്തഃ ॥ 12॥



ത്രയോദശഃ ഖണ്ഡഃ പ്രസ്താരക്രമഃ

അഥാതഃ പ്രസ്താരക്രമം വ്യാഖ്യാസ്യാമഃ ॥ 13.1॥

അഥാതഃ സ്വേച്ഛയാ കതിചിത് ധുവാക്ഷരാണി കേനചിത് പ്രകാരേണ
വിലിഖ്യ, തേഷ്വന്ത്യശിരസി ബിന്ദും വിലിഖ്യ, ഉപാന്ത്യവര്‍ണമാരഭ്യ
പ്രഥമവര്‍ണപര്യന്തം വ്യുത്ക്രമേണ ഏകൈകസ്യ വര്‍ണസ്യ ശിരസ്യേകൈകമങ്കം
ഏകദ്വിത്രിചതുഃപഞ്ചഷഡാദിരൂപമേകോത്തരാഭിവൃദ്ധിം വിലിഖ്യ, തത
ഏകേന ദ്വയം ദ്വാഭ്യാം ത്രയം ത്രിഭിശ്ചതുഷ്ടയമിത്യേവം ക്രമേണ
താനങ്കാന്‍ ഗുണയേത് ॥ 13.2॥

തേന ഹസകലഹ്രീംരൂപേഷു ധ്രുവേഷു മായാബീജസ്യ ശിരസി
ശൂന്യം ലകാരസ്യ ശിരസ്യേകം കകാരസ്യ ദ്വൌ സകാരസ്യ ഷട്
ഹകാരസ്യ ചതുര്‍വിംശതിഃ - ഇതി സിധ്യതി ॥ 13.3॥

ഈദൃശസ്യ ബിന്ദ്വാദ്യം കവര്‍ഗസ്യ ഖണ്ഡാങ്ക - ഇതി സംജ്ഞാ,
നഷ്ടോദ്ദിഷ്ടാദിഷു വ്യവഹാരാര്‍ഥം കൃതാ ॥ 13.4॥

തത ഔത്തരാധര്യേണ ചതുര്‍വിംശതിവാരം വിലിഖ്യ തദധസ്തഥൈവ
സകാരാംസ്തദധഃ കകാരാംസ്തദധഃ ലകാരാംസ്തദധഃ മായാം വിലിഖേത് ॥ 13.5॥

തതഃ അനയൈവ രീത്യാ സാദിചതുഷ്ടയം ഷട്ഷഡ്വാരം ലിഖേത് ॥ 13.6॥

കാദിത്രയം ദ്വിദ്വിവാരം ലിഖേത് ॥ 13.7॥

ലകാരമായാം ച ഏകൈകവാരം ലിഖേത് ॥ 13.8॥

ഏവം സതി ദ്വിതീയപങ്കൌ ഏകമക്ഷരം ന്യൂനം സമ്പദ്യതേ ॥ 13.9॥

തം ലകാരം പഞ്ചമസ്ഥാനേ ലിഖേത് ॥ 13.10॥

പ്രഥമപങ്കിസ്തു പൂര്‍വമേവ പൂര്‍ണാസ്തീതി ന തത്ര ലേഖനപ്രസക്തിഃ ॥ 13.11॥

തൃതീയാദിഷു പങ്ക്തിഷു ദ്വൌ ദ്വൌ വര്‍ണൌ ന്യൂനൌ ഭവതഃ,
താവേകസ്യാം പങ്ക്തൌ ക്രമാദ്വിലിഖ്യ തദധസ്തനപങ്കൌ വ്യുത്ക്രമാത്
താവേവ ലിഖേത് ॥ 13.12॥

പുനസ്തനപങ്ക്തിദ്വയേ വിശിഷ്ടൌ ധ്രുവൌ തൌ ക്രമാന്‍ ക്രമാഭ്യാം
ലിഖേത് ॥ 13.13॥

ഏവമാന്തകരണേനൈകഃ പ്രസ്താരഖണ്ഡോ ഭവതി ॥ 13.14॥

യാവന്തോ ധ്രുവാസ്താവന്ത ഏവ തത്പ്രസ്താരസ്യ ഖണ്ഡാഃ
സമസങ്ഖ്യാവൃത്തകാ ഭവന്തി ॥ 13.15॥

തേഷ്വാദ്യേ ഖണ്ഡേ വൃത്താദ്യോ ധ്രുവാദ്യ ഏവ, ദ്വിതീയേ ഖണ്ഡേ
ധ്രുവദ്വിതീയ ഏവ വൃത്താദ്യഃ, തൃതീയേ ഖണ്ഡേ ധുവതൃതീയ ഏവേത്യപി
നിയമോഽസ്തി ॥ 13.16॥

തതശ്ച ദ്വിതീയഖണ്ഡപ്രഥമവൃത്തേ പൂര്‍വ ഏവ കൢപ്തദ്വിതീയസ്യ
സകാരാത് പരതഃ സംസ്ഥാപയേത് ॥ 13.17॥

ഏവം തൃതീയഖണ്ഡാദിമവൃത്തേ കഹസലഹ്രീമിതി ക്രമഃ ॥ 13.18॥

ചതുര്‍ഥഖണ്ഡാദൌ ലഹസകഹ്രീം പഞ്ചമഖണ്ഡാദൌ ഹ്രീം
ഹസകല ഇതി ക്രമഃ ॥ 13.19॥

പ്രഥമഖണ്ഡാന്തതൃതീയവൃത്തേഽപി യൌ ദ്വൌ ശിഷ്യേതേ തൌ
ദ്വാവപി കഹ്രീമിതി ലേഖ്യൌ പ്രഥമവൃത്തേ തയോഃ പൌര്‍വാപര്യസ്യ കൣപ്തസ്യ
ത്യാഗേ മാനാഭാവാത് ॥ 13.20॥

ഏതേന നവമാദിവൃത്തേഷ്വപി സകാരഹ്രീങ്കാരയോഃ ക്രമേണ
ലേഖ ഇത്യാദി സിധ്യതി ॥ 13.21॥

തത്തത്ഖണ്ഡദ്വിതീയാദിവൃത്താനി പ്രഥമഖണ്ഡവദേവ ലേഖനീയാനി ॥ 13.22॥

യാവത്പ്രഥമഖണ്ഡാദ്യവൃത്താക്ഷരാണി വ്യുത്ക്രമേണ പതന്തി താവത്പര്യന്തോഽയം
പ്രസ്താരഃ പ്രഥമവൃത്തപ്രഥമാക്ഷരശിരോങ്കോ ധ്രുവാര്‍ണസങ്ഖ്യയാ
ഗുണിതശ്ചേത് പ്രസ്താരവൃത്തസങ്ഖയാപി നിഷ്പദ്യതേ ॥ 13.23॥

തേന പഞ്ചധ്രുവകേ ചതുര്‍വിംശതിഃ ചതുര്‍ധ്രുവകേ ഷട് ദ്വിതീയധ്രുവകേ
ദ്വൌ ഏകധ്രുവകേ ഏകം - ഇതി ശിവം ॥ 13.24॥

ഇതി രേണുകാഗര്‍ഭസംഭൂത-ശ്രീദുഷ്ടക്ഷത്രിയകുലാന്തക-
ശ്രീഭാര്‍ഗവോപാധ്യായ-ജാമദഗ്ന്യ-മഹാദേവപ്രധാനശിഷ്യ-
മഹാകൌലാചാര്യ-ശ്രീമത്പരശുരാമകൃതൌ-കല്‍പസൂത്രേ
പ്രസ്താരക്രമ നാമ ത്രയോദശഃ ഖണ്ഡഃ സമാപ്തഃ ॥ 13॥



ചതുര്‍ദശഃ ഖണ്ഡഃ നഷ്ടോദ്ദിഷ്ടകഥനം

അഥാതോ നഷ്ടോദ്ദിഷ്ടം വ്യാഖ്യാസ്യാമഃ ॥ 14.1॥

ഹസകലഹ്രീം ഇത്യേഷാം പഞ്ചാനാമക്ഷരാണാം ധുവപ്രസ്താരേ
വിംശത്യധികശതം വൃത്താനി തേഷു ചതുരശീതിതമവൃത്തജിജ്ഞാസായാം
ചതുരശീതിസങ്ഖയൈവ നഷ്ടോഽങ്കഃ ॥ 14.2॥

ഖണ്ഡാങ്കാസ്തു ചതുര്‍വിംശതിഃ ഷട് (ദ്വേ) ഏകം ശൂന്യം ചേതി
പൂര്‍വമേവോക്ത്യാ തേനൈകൈകേന നഷ്ടാങ്കം വിഭജേത് ॥ 14.3॥

തഥാ ചതുര്‍വിംശത്യാ ചതുരശീതേര്‍ഹരണേ ത്രയോ ലബ്ധാഃ
ദ്വാദശശിഷ്ടാസ്തതഃ ഷഡ്ഭിഃ ദ്വാദശാനാം ഹരണേ യദ്യപി നിശ്ശേഷതാ
ഭവതി തഥാഽഽപി വിഭാജകാനാം സശേഷത്വാദത്രാപ്യേകം ഷട്കമവശേഷ്യം
 തേനൈകലബ്ധം ഷട് ഷഷ്ഠാ തതോ ദ്വാഭ്യാം ഷണ്ണാം ഹരണേ സാവശേഷ
 വിഭജനേന ദ്വൌ ലബ്ധൌ ദ്വൌ ശിഷ്ടൌ തത ഏകേന സശേഷഹരണേ ഏകം
ലബ്ധം ഏകം ശിഷ്ടം । തസ്യ ശൂന്യേന വിഭജനേന ശൂന്യം ലബ്ധം
ശൂന്യം ശിഷ്ടം തേന ത്ര്യേകദ്വയേകശൂന്യാനി ലബ്ധാങ്കാഃ - ഏതേ പ്രത്യേകം
സൈകാ കാര്യാഃ । തേന ചതുര്‍ദ്വിത്രിദ്വയേകാങ്കാ ഭവന്തി ॥ 14.4॥

തതശ്ച പൂര്‍വകൢപ്തക്രമേഷു ഹസകലഹ്രീം ഇത്യാകാരകേഷു
ധ്രുവവര്‍ണേഷു ചതുര്‍ദ്വിദ്വയേകസങ്ഖ്യാവര്‍ണാസ്താന്‍ സങ്ഖയായൈ നിഷ്കാസ്യ
പൃഥക് ലിഖേത് ॥ 14.5॥

യഥാ വാഗ്ബീജാത്മകബീജചതുര്‍ഥേ ലകാരഃ ॥ 14.6॥

സജിജ്ഞാസിതവൃത്തേ പ്രഥമോ വാഗ്ബീജാത്മകേ ദ്വിതീയഃ
സകാര ഏവ തത്ര ദ്വിതീയഃ ॥ 14.7॥

അഥാനയോഃ ലകാരസകാരയോഃ പൂര്‍വലിഖിതത്വാത് പരിത്യാഗേ
ഗണനേ വാഗ്ബീജപഞ്ചമ ഏവ തൃതീയോ ഭവതി ॥ 14.8॥

മായയൈവ ജിജ്ഞാസിതവൃത്തേ തൃതീയാ കഥകവര്‍ഗാത്
ദ്വിതീയോപാത്തസകാരപരിത്യാഗേന ഗണനയാ കകാര ഏവ പൂര്‍വോ
ഭവതീതി സ തത്ര ചതുര്‍ഥഃ ॥ 14.9॥

വാഗ്ബീജസ്യ പ്രഥമോ ഹകാരഃ സ തത്ര പഞ്ചമോ ഭവതീതി
ലസഹ്രീങ്കഹ ഇത്യാകാരകം ചതുരശീതിതമം വൃത്തം നിഷ്പദ്യതേ - ഇതി
ശിവം ॥ 14.10॥

ഇതി രേണുകാഗര്‍ഭസംഭൂത-ശ്രീദുഷ്ടക്ഷത്രിയകുലാന്തക-
ശ്രീഭാര്‍ഗവോപാധ്യായ-ജാമദഗ്ന്യ-മഹാദേവപ്രധാനശിഷ്യ-
മഹാകൌലാചാര്യ-ശ്രീമത്പരശുരാമകൃതൌ-കല്‍പസൂത്രേ
നഷ്ടോദ്ദിഷ്ടകഥന നാമ ചതുര്‍ദശഃ ഖണ്ഡഃ സമാപ്തഃ ॥ 14॥



പഞ്ചദശഃ ഖണ്ഡഃ കൃതനഷ്ടനിരൂപണം

ഇത്ഥം കൃതനഷ്ടോ ലസഹ്രീങ്കഹ ഇത്യാകാരകം വൃത്തം പഞ്ച-
ധുവപ്രസ്താരേ കതിതമമിതി ജിജ്ഞാസായാം തദ്വൃത്തം ഭൂമൌ വിലിഖ്യ
തച്ഛിരസി ഖണ്ഡാങ്കാന്‍ ലിഖേത് ॥ 15.1॥

തേ യഥാ - ചതുര്‍വിംശതിഃ ഷട് ദേ ഏകം ശൂന്യം ചേതി ॥ 15.2॥

തേ ച ലകാരാദയഃ വര്‍ണാഃ കൢപ്തക്രമേഷു ഹസകലഹ്രീം -
ഇത്യാകാരകേഷു പഞ്ചസു ധ്രുവവര്‍ണേഷു പൂര്‍വലിഖിതപരിത്യാഗേന ഗണനയാ
ചതുര്‍ഥദ്വിതീയതുതീയദ്വിതീയപ്രഥമാഃ ക്രമേണ ഭവന്തി ॥ 15.3॥

തേന തേഷ്വങ്കേഷു പ്രത്യേകമേകാങ്കനിരാസേ സതി ത്ര്യേകദ്വ്യേകശൂന്യാനി
 സമ്പദ്യന്തേ ॥ 15.4॥

തേ ചാങ്കാഃ ലകാരാദീനാമധഃ ക്രമാല്ലേഖ്യാഃ ॥ 15.5॥

അഥ അധോങ്കേനോര്‍ധ്വാങ്കം ഗുണയിത്വാ തത്തദക്ഷരാ-
ധോങ്കാധഃക്രമേണ ലിഖേത് ॥ 15.6॥

യഥാ ചതുര്‍വിംശതിസ്ത്രിഭിര്‍ഹനനാത് ദ്വാസപ്തതിഭിഃ ഷണ്ണാ-
മേകേന ഹനനാത് ഷട് ദ്വയോര്‍ദ്വാഭ്യാം ഘാതേ ചത്വാരഃ ഏകസ്യൈകേന
ഹനനേ ഏകം ശൂന്യസ്യ ശൂന്യേന ഗുണനേ ശൂന്യം ഏവമേതേഷാം സര്‍വേഷാം
മേലനേ ത്ര്യശീതിഃ തേഷ്വങ്കാങ്കപ്രക്ഷേപേ ചതുരശീതിഃ സമ്പദ്യതേ - ഇതി
ശിവം ॥ 15.7॥

ഇതി രേണുകാഗര്‍ഭസംഭൂത-ശ്രീദുഷ്ടക്ഷത്രിയകുലാന്തക-
ശ്രീഭാര്‍ഗവോപാധ്യായ-ജാമദഗ്ന്യ-മഹാദേവപ്രധാനശിഷ്യ-
മഹാകൌലാചാര്യ-ശ്രീമത്പരശുരാമകൃതൌ-കല്‍പസൂത്രേ
കൃതനഷ്ടനിരൂപണ നാമ പഞ്ചദശഃ ഖണ്ഡഃ സമാപ്തഃ ॥ 15॥



ഷോഡശഃ ഖണ്ഡഃ യോനിലിങ്ഗയന്ത്രരചനാവിധാനം

അഥാതോ യോനിയന്ത്രം വ്യാഖ്യാസ്യാമഃ ॥ 16.1॥

സ്വേഷ്ടമാനേന ത്രികോണം വിലിഖ്യ, തിസൃഷു രേഖാസു
ദശദശ ചിഹ്നാനി സമാംശാങ്കാനി കൃത്വാ, തേഷു ദശദശസൂത്രാണി
പാതയേത് ഇത്യേകവിംശത്യധികശതസങ്ഖ്യാകാഃ പ്രസ്തോത്പന്നഭേദാ
ഭവന്തി തേ തത്ര ലേഖ്യാഃ സര്‍വമധ്യത്രികോണേ കര്‍മ ലേഖ്യം ॥ 16.2॥

ഇത്ഥം യോനിചക്രം വിധായ, ലിങ്ഗചക്രം വ്യാകുര്‍മഃ ॥ 16.3॥

പൂര്‍വേ ഏകം ചതുഷ്കോഷ്ഠാത്മകം കോഷ്ഠം വിലിഖ്യ, തദധഃ
കോഷ്ഠത്രയം തദധഃ പഞ്ച തദധഃ പാര്‍ശ്വയോഃ ഷട് ഷഡ്വിഹായ
യഥാസമ്പ്രദായം ചത്വാരിംശത്കോഷ്ഠാത്മകം ലിങ്ഗം വിലിഖ്യ, തത്സംലഗ്നം
ചതുരശ്രദ്രയം വഹ്നയാദികോണചതുഷ്ടയം കോഷ്ഠചതുഷ്ടയവിശിഷ്ടം
വിലിഖ്യ, തത്ര സമ്പ്രദായേന വാഗ്ഭവേ ബീജഭേദാന്‍ വിംശത്യധിക-
ശതസങ്ഖ്യാകാന്‍ പ്രസ്താരസഞ്ജനിതാന്‍ വിലിഖ്യ, വിശിഷ്ടേഷു
തൃതീയബീജസ്യ പ്രസ്താരസഞ്ജനിതചതുര്‍വിംശതിഭേദാന്‍ വിലിഖേത് ॥

അഥ ചതുരശ്രദ്വയാന്തരാലേ ഷഡ്രേഖായാ(പാ)തനേന സപ്തകോഷ്ഠാന്‍
സംവിധായ, തത്ര ദിനനിത്യായുഗനിത്യാക്ഷരാണി ഷട് സംവിലിഖ്യ,
ശിഷ്ടേ കോഷ്ഠേ ചോദയാക്ഷരം വിലിഖ്യ തത്രാവാഹ്യ പൂജയേത് - ഇതി
ശിവം ॥ 16.5॥

ഇതി രേണുകാഗര്‍ഭസംഭൂത-ശ്രീദുഷ്ടക്ഷത്രിയകുലാന്തക-
ശ്രീഭാര്‍ഗവോപാധ്യായ-ജാമദഗ്ന്യ-മഹാദേവപ്രധാനശിഷ്യ-
മഹാകൌലാചാര്യ-ശ്രീമത്പരശുരാമകൃതൌ-കല്‍പസൂത്രേ
യോനിലിങ്ഗയന്ത്രരചനാവിധാന നാമ ഷോഡശഃ ഖണ്ഡഃ സമാപ്തഃ ॥ 16॥



സപ്തദശഃ ഖണ്ഡഃ അങ്ഗവിദ്യാ

അഥാതഃ സര്‍വമങ്ഗവിദ്യായാഃ സ്വരൂപബാഹുല്യോപദേശം തദ്വി-
നിയോഗപ്രസ്താവം ച കരോതി ॥ 17.1॥

തത്ര വാതാദ്യൈഃ ഗ്രാസമയാന്തൈഃ അകാരാദ്യൈഃ ക്ഷകാരാന്തൈഃ
മാതൃകാവിസരാക്ഷരൈഃ പ്രോക്തസങ്ഖ്യൈരിത്യര്‍ഥഃ ॥ 17.2॥

ശതൈഃ പഞ്ചഭിഃ അകാരാദീനാം ഷോഡശസ്വരാണാം കകാരാദീനാം
ച പഞ്ചത്രിംശതാം ക്ഷകാരാന്താനാം പ്രത്യേകം ഷോഡശസ്വരയോ-
ജനതഃ ഷോഡശാനാം ഷോഡശാനാമപ്യേവം ഷട്സപ്തത്യധികപഞ്ചശത-
സങ്ഖ്യാനാം മാതൃകാവിസരാക്ഷരാണാം മൂലവിദ്യായാഃ ആദൌ ക്രമശഃ
പ്രത്യേകം യോജനതഃ ഷട്സപ്തത്യധികപഞ്ചശതസങ്ഖ്യാവിദ്യാരൂപാണി
സന്തീതി തസ്യാനവസ്ഥാനേ മൂലവിദ്യായാശ്ചതുര്‍ദശസ്വരസ്ഥാനേ
സ്വരാന്‍ ഷോഡശ യോജയേത് ॥ 17.3॥

പൂര്‍വോക്തൈര്‍വിദ്യാദിയോജിതൈഃ ഷട്സപ്തത്യധികപഞ്ചശതൈരക്ഷരൈഃ
തത്സങ്ഖ്യാരൂപഭേദായ അന്ത്യേ പ്രത്യേകം ക്രമാത് ഷോഡശസ്വരയോ-
ജനതഃ ഷോഡശാധികദ്വിശതോത്തരനവസഹസ്രസങ്ഖ്യാവിദ്യാരൂപാണി
ഭവന്തീതി തൈഃ സമ്പ്രോക്തസങ്ഖ്യൈഃ വിദ്യാരൂപൈഃ പ്രയോജയേദ്യന്ത്രൈരിതി
ആദൌ വൃത്തത്രയം തദ്വഹിഃ ഷട്കോണം തദ്ബഹിരഷ്ടദലം വിധായ
തദ്ബഹിര്‍വൃത്തത്രയം വിദധ്യാത് ॥ 17.4॥

തേഷു വിദ്യാകൂടാനുക്തക്രമേണ ന്യസേത് ॥ 17.5॥

തേഷ്വാദ്യം മധ്യതഃ സാധ്യസമേതം വിലിഖേത് ॥ 17.6॥

ഷട്കോണേഷു ചത്വാരി ചത്വാരി വിലിഖേത് ॥ 17.7॥

അഷ്ടച്ഛദേഷു പ്രത്യേകം പഞ്ചപഞ്ച സമാലിഖേത് ॥ 17.8॥

ബഹിര്‍വൃത്താന്തരയുഗേ മാതൃകാം മായയാ ചിതാം വിലോമാമനുലോമാം സ്വേന
സംയക് സമാലിഖേത് ॥ 17.9॥

അന്തഃഷഡന്തരാലേഷു പര്യായദിനസംഭവേ നിത്യേ ലിഖേത് ॥ 17.10॥

പ്രാദക്ഷിണ്യേന സര്‍വത ഏവം യന്ത്രാണി ജായന്തേ ॥ 17.11॥

തൈഃ കൂടൈരുക്തയോഗതഃ ശതം ച ചത്വാരിംശച്ച ചത്വാരി ച
തതഃ ക്രമാദിതി വൃതം, ഏവമന്യാനി കൂടാനി പ്രോക്താനി ക്രമേണ
വിലിഖേത് ॥ 17.12॥

മധ്യേ നാമസമേതാനി തദന്യാന്യഭിതോ ലിഖേത് ॥ 17.13॥

ത്രയോദശമിതൈര്ലക്ഷ്യൈഃ സപ്തവിംശതിസങ്ഖ്യാകൈഃ സഹസ്രൈശ്ച
ശതേനാപി ചതുര്‍ഭിഃ താനി സങ്ഖ്യയാ യന്ത്രാണി ജായന്തേ ॥ 17.14॥

തൈശ്ച സാ സര്‍വമങ്ഗലാ ഏവം കാമേശ്വര്യാദിഷോഡശനിത്യാനാം
പൃഥക് പൃഥക് യന്ത്രാണി സ്യുഃ ॥ 17.15॥

തസ്മാദാഭിരസാധ്യാനി ന കദാചിച്ച കുത്രചിത് വിദ്യതേ
തേഷു യത്കിഞ്ചിത് വക്ഷ്യേ കോശേഷു തോന്യൈ വദേന്നാഥാത്മകാനി യേന
സ്യുസ്തേന ച മൈര്‍ഭിത്ത്വാ ഷോഡശധാ മന്ത്രീ വിദധ്യാത് ॥ 17.16॥

വിനിയോജകം വിശാലമധ്യവിന്യാസം വിദധ്യാത് ॥ 17.17॥

നവകോഷ്ഠകം പ്രാഗാദിമധ്യപര്യന്തം പ്രാദക്ഷിണ്യക്രമാല്ലിഖേത് ॥ 17.18॥

നവാനി നവസു പ്രാജ്ഞസ്തേഷു ഋക്ഷാണി ചാലിഖേത് ।
സപ്തംയാ സാധ്യസംയുക്തം നാഥാം ദേവീശ്ച തത്ക്രമാത് ॥ 17.19॥

യദ്യദ്വി (ദ്ധി) വാഞ്ഛിതം കര്‍മ തത്തത്തേഷു വിലിഖ്യ വൈ ।
പീഠേ വാ ഭൂതലേ വാഽപി പൂജയേത് പ്രോക്തവാസരം ॥ 17.20॥

തതഃ പ്രാപ്തേ വാഞ്ഛിതാര്‍ഥേ സ്വാത്മന്യുദ്വാസ്യ ദേവതാഃ ।
ചക്രം പ്രക്ഷാല്യ തത്തോയം കേദാരാദിഷു നിക്ഷിപേത് ॥ 17.21॥

ഏവമന്യാനി യന്ത്രാണി പ്രോക്താനി ക്രമശോ ഭുവി ।
വിനിയോജ്യാന്യഭീഷ്ടേഷു കാര്യേഷൂക്തക്രമേണ വൈ ॥ 17.22॥

പരസങ്ഖ്യാസമേതാനി തേഷു തേഷ്വപ്യയം വിധിഃ ।
സര്‍വതഃ സൌംയകര്‍മാണി സിദ്ധ്യന്തേ വാഽനയാ ദ്രുതം ॥ 17.23॥

വശ്യേഷു ജ്ഞാനസമ്പത്ത്യൈ സര്‍വപ്രത്യൂഹശാന്തയേ ।
ലക്ഷ്മീപ്രാപ്തൌ തഥാരോഗ്യസിദ്ധൌ രോഗാര്‍തിശാന്തിഷു ॥ 17.24॥

വിജയായ സമസ്താപത്തരണായാഭിവൃദ്ധയേ ।
പുത്രാവാപ്ത്യൈ ച രക്ഷായൈ പൂജയേത് തേഷു തത്ക്രമാത് ॥ 17.25॥

ഗജാശ്വഗോഖരോഷ്ട്രാജമഹിഷീണാം വിവൃദ്ധയേ ।
തേഷാം രോഗാദിപീഡാസു തച്ഛാന്ത്യൈ ച യഥാക്രമം ॥ 17.26॥

നിര്‍മായ നവയന്ത്രാണി തത്ര തത്രാര്‍ചയേച്ഛിവാം ।
തേഷു തേഷൂക്തകാര്യേഷു തത്തത്സമ്പ്രാപ്തിഹേതവേ ॥ 17.27॥

നവപ്രകാരയുക്താനി ഷോഡശപ്രഥമാദിഷു ।
തിഥിഷു പ്രോക്തരൂപാണി തത്ര താം സര്‍വമങ്ഗലാം ॥ 17.28॥

പൂജയേത് കാങ്ക്ഷിതാവാപ്ത്യൈ തേന സര്‍വസിദ്ധിര്‍ഭവേദിതി ശിവം ॥ 17.29॥

ഇതി രേണുകാഗര്‍ഭസംഭൂത-ശ്രീദുഷ്ടക്ഷത്രിയകുലാന്തക-
ശ്രീഭാര്‍ഗവോപാധ്യായ-ജാമദഗ്ന്യ-മഹാദേവപ്രധാനശിഷ്യ-
മഹാകൌലാചാര്യ-ശ്രീമത്പരശുരാമകൃതൌ-കല്‍പസൂത്രേ
അങ്ഗവിദ്യാ നാമ സപ്തദശഃ ഖണ്ഡഃ സമാപ്തഃ ॥ 17॥



അഷ്ടാദശഃ ഖണ്ഡഃ വാസനാധ്യായഃ

അഥാതോ വാസനാം വ്യാഖ്യാസ്യാമഃ ॥ 18.1॥

തദാത്മകം സമുദയം മദാത്മികാപി വിശ്രിതം ।
ഹയാത്മകം ആത്മസ്വരൂപം തൈര്‍ഭാവയേത് ॥ 18.2॥

കാലേനാന്യത്വദുഃഖാര്‍തിവാസനാശതശോ ധ്രുവം ।
പരാഹന്താമയം സര്‍വസ്വരൂപസ്വാത്മവിഗ്രഹം ॥ 18.3॥

സദാത്മകം സ്ഫുരത്താഖ്യം അശേഷോപാധിവര്‍ജിതം ।
പ്രകാശരൂപമാത്മത്വേ വസ്തു സദ്ഭാസതേ പരം ॥ 18.4॥

വരയന്തേ ഏവമതോ ലോകേ നാന്യത്ര മന്ത്രവദക്ഷരം ।
യദ്വിദ്യേതി ഹി മന്വീത സര്‍വധാ സര്‍വതഃ സദാ ॥ 18.5॥

അഥ മന്ത്രാര്‍ഥഃ-
ലലിതായാസ്ത്രിഭിര്‍വര്‍ണൈഃ സകലാര്‍ഥോഽഭിധീയതേ ।
ശേഷേണ ദേവീരൂപേണ തേന സ്യാദിദമീരിതം ॥ 18.6॥

അശേഷതോ ജഗത് കൃത്സ്നം ഹൃല്ലേഖാത്മകതഃ പരം ।
തസ്യാശ്ചാര്‍ഥസ്തു കഥിതഃ സര്‍വതന്ത്രേഷു ഗോപിതഃ ॥ 18.7॥

വ്യോംനാ പ്രകാശമാനത്വം ഗ്രസമാനത്വമഗ്നിനാ ।
തേ യോ വിമര്‍ശ ഈകാര ബിന്ദുനാ തന്നിഫാലനം ॥ 18.8॥

  1. ഹ്രീം ശ്രീം അം കാമേശ്വരീപാദുകാം പൂജയാമി ।
  2. ഹ്രീം ശ്രീം ആം ഭഗമാലിനീപാദുകാം പൂജയാമി
  3. ഹ്രീം ശ്രീം ഇം നിത്യക്ലിന്നാപാദുകാം പൂജയാമി ।
  4. ഹ്രീം ശ്രീം ഈം ഭേരുണ്ഡാപാദുകാം പൂജയാമി ।
  5. ഹ്രീം ശ്രീം ഉം വഹ്നിവാസിനീപാദുകാം പൂജയാമി ।
  6. ഹ്രീം ശ്രീം ഊം മഹാവജ്രേശ്വരീപാദുകാം പൂജയാമി
  7. ഹ്രീം ശ്രീം ഋം ശിവദൂതീപാദുകാം പൂജയാമി ।
  8. ഹ്രീം ശ്രീം ൠം ത്വരിതാപാദുകാം പൂജയാമി ।
  9. ഹ്രീം ശ്രീം ഌം കുലസുന്ദരീപാദുകാം പൂജയാമി ।
  10. ഹ്രീം ശ്രീം ൡം നിത്യാപാദുകാം പൂജയാമി ।
  11. ഹ്രീം ശ്രീം ഏം നീലപതാകാപാദുകാം പൂജയാമി ।
  12. ഹ്രീം ശ്രീം ഐം വിജയാപാദുകാം പൂജയാമി ।
  13. ഹ്രീം ശ്രീം ഓം സര്‍വമങ്ഗലാപാദുകാം പൂജയാമി ।
  14. ഹ്രീം ശ്രീം ഔം ജ്വാലാമാലിനീപാദുകാം പൂജയാമി
  15. ഹ്രീം ശ്രീം അം ചിത്രാപാദുകാം പൂജയാമി ।
  16. ഹ്രീം ശ്രീം അഃ ത്രിപുരസുന്ദരീപാദുകാം പൂജയാമി ॥ 18.9॥

ശങ്കുച്ഛായയാ ദിക്പരിജ്ഞാനക്രമം പ്രസ്താവസഹിതം
ഉപദിശതി ॥ 18.10॥

തത്ര ഭാനോര്‍ഗത്യാ ആദിത്യദക്ഷിണോത്തരായണക്രമഗതി-
ഭേദജ്ഞാനച്ഛായയേതി യാവത് ॥ 18.11॥

തന്‍മധ്യം ബിന്ദുമധ്യം ഇത്യേതത്ക്രിയാവിശേഷണം ॥ 18.12॥

പൂര്‍വാപരദ്വയേ പൂര്‍വാപരാത്മികയോഃ ദിശോഃ പ്രാഗ്വച്ഛിന്നേ
കൃത്വേത്യര്‍ഥഃ ॥ 18.13॥

തദഭിമതഃ തദ്ദ്വയമവഷ്ടഭ്യ സമമാനപാരഭ്രാന്ത്യാ തച്ചി-
ഹ്നദ്വയാന്തരാലമാനപരിഭ്രാന്ത്യാം സ്വേച്ഛാധികേനാര്‍ധേന മാനേന
അന്യോന്യതുല്യേന പരിഭ്രാന്ത്യാം കൃത്വാ വൃത്തദ്വയം കൃത്വേത്യര്‍ഥഃ ॥ 18.14॥

തയോഃ പൂര്‍വാപരയോഃ സംശ്ലേഷസഞ്ജാതമധ്യദക്ഷോത്തരസ്ഥിത
ഇത്യസ്യ ഉത്തരത്ര സന്ധിദ്വയേ ഇത്യേതേ വിശേഷം പ്രാക്പ്രത്യക്
സൂത്രമധ്യേ പ്രാക്പ്രത്യഗാത്മസൂത്രമധ്യേ തു സംഹാരേ ദക്ഷോത്തരം
ദക്ഷിണോത്തരം തേഷാം മണ്ഡപാദീനാമഗ്രൈഃ സൂത്രാഗ്രൈഃ ॥ 18.15॥

ഏതദുക്തം ഭവതി - ജീമൂതാദ്യപരിവേഷ്ടിതഭാനൌ ദിവസേ
ഛായാദിഭിരനാവൃതദേശേ ജലയന്ത്രാദിഭിഃ സുസമീകൃതസ്യ ദര്‍പ-
ണോദരസങ്കാശസ്യ ഭൂതലസ്യ മധ്യേ ബിന്ദും കൃത്വാ തദവഷ്ടംഭതഃ
പ്രതിദിശം ദ്വാദശാങ്ഗലമാനേന വൃത്തം കൃത്വാ തത്ര ഷഡങ്ഗലമാന-
പരിണാഹമൂലമുത്തരോത്തരപരിണാഹാപചയേന സൂചീമാത്രീകൃതാഗ്ര -
പരിണാഹം മൃദ്വാകൃതിം ശങ്കുമൂലമാനോച്ഛ്രാ(ഛാ)യസഹിതം വൃത്താകാരം
ശില്‍പിവരേണ നിര്‍മിതം വൃത്തമധ്യസ്ഥബിന്ദുമധ്യേ യഥാ ശങ്കുമൂല-
പരിണാഹമധ്യം ഭവതി തഥാ തച്ഛങ്കുച്ഛായാഗ്രസ്യ പൂര്‍വാഹ്ണേ
തത്തദ്വൃത്തരേഖാപശ്ചിമഭാഗേ യത്ര സമ്പാതസ്തത്ര തതോഽപരാഹ്ണേ
തച്ഛങ്കുച്ഛായാഗ്രസ്യ തദ്വൃത്തരേഖാപൂര്‍വഭാഗേ ചിഹ്നം വിധായ
തച്ചിഹ്നദ്വയം പ്രാപയത് സൂത്രം തത്പൂര്‍വാപരം പരികല്‍പ്യ തച്ചിഹ്നദ്വയാ-
വഷ്ടംഭേന തച്ചിഹ്നാന്തരാലമാനസ്യ ചേഷ്ടാധികേനാര്‍ധമാനേനാന്യോന്യ-
സമേതേ കിഞ്ചിദന്യോന്യസംശ്ലിഷ്ടം പൂര്‍വാപരം വൃത്തദ്വയം വിധായ
തദ്വൃത്തരേഖാദക്ഷിണോത്തരസന്ധിദ്വയപ്രാപി പ്രാക്പശ്ചിമസൂത്രമധ്യ -
ഗത്യാ തിര്യഗ്രൂപേണ യത് സൂത്രം ദക്ഷിണോത്തരം പരികല്‍പ്യ തത്പ്രാക്
പ്രത്യക്ദക്ഷിണോത്തരസൂത്രദ്വയസമ്പാതാദ്വൃത്തവക്ഷ്യമാണമാനേന തുല്യ-
രൂപപരികല്‍പിതസൂത്രാഗ്രൈസ്തൈസ്തേഷാം മണ്ഡപാദീനാം പ്രാക്പ്രത്യഗ്ദ-
ക്ഷിണോത്തരാത്മകദിക്ചതുഷ്ടയം പരികല്‍പയേത് ॥ 18.16॥

സര്‍വപ്രയത്നേന വിദ്യാഽഽരാധിതദ്വാരാ പൂര്‍ണതാഖ്യാതിസമാ-
വേശനേച്ഛാ ചേത്യേതേ സമയാചാരികാഃ । പരേ ച ശാസ്ത്രാനുശിഷ്ടാഃ ॥ 18.17॥

ഇത്ഥം വിദിത്വാ വിധിവദനുഷ്ഠിതവതഃ കുലനിഷ്ഠസ്യ
സര്‍വതഃ കൃതകൃത്യതാ ശരീരത്യാഗേ ശ്വപചഗ്രഹകാശ്യോര്‍നാന്തരം
ജീവന്‍മുക്തോ ഭവതി ॥ 18.18॥

യ ഇമാമഷ്ടാദശഖണ്ഡീം മഹോപനിഷദം മഹാത്രൈപുര-
സിദ്ധാന്തസര്‍വസ്വഭൂതാമധീതേ സ സര്‍വേഷു യജ്ഞേഷു യഷ്ടാ ഭവതി ।
യം യം ക്രതുമധീതേ തേന തേനാസ്യേഷ്ടം ഭവതി ഇതി ഹി ശ്രൂയതേ
ഇത്യുപനിഷത് - ഇതി ശിവം ॥ 18.19॥

യ ഏവം വേദേത്യുപനിഷത് ॥ 18.20॥

ഭദ്രം നോ അപി വാദയ മനഃ ഓം ശാന്തിഃ ശാന്തിഃ ശാന്തിഃ ॥ 18.21॥

ഇതി രേണുകാഗര്‍ഭസംഭൂത-ശ്രീദുഷ്ടക്ഷത്രിയകുലാന്തക
ശ്രീഭാര്‍ഗവോപാധ്യായ-ജാമദഗ്ന്യ-മഹാദേവപ്രധാനശിഷ്യ-
മഹാകൌലാചാര്യ-ശ്രീമത്പരശുരാമകൃതൌ-കല്‍പസൂത്രേ
വാസനാ നാമാഷ്ടാദശഃ ഖണ്ഡഃ സമാപ്തഃ ॥ 18॥

ഇതി ശ്രീപരശുരാമകല്‍പസൂത്രപരിശിഷ്ടം ദ്വിതീയഭാഗഃ സമ്പൂര്‍ണം ॥

ഇതി ശ്രീദുഷ്ടക്ഷത്രിയകുലകാലാന്തകരേണുകാഗര്‍ഭസംഭൂത
മഹാദേവപ്രധാനശിഷ്യജാമദഗ്ന്യശ്രീപരശുരാമഭാര്‍ഗവ-
മഹോപാധ്യായമഹാകുലാചാര്യനിര്‍മിതം കല്‍പസൂത്രം സമ്പൂര്‍ണം ॥
.sanskritdocuments