തമസ്സ് അത്ര മോശമായ ഗുണമല്ല ( Tamas is a Good Attribute )
"ചത്തു പോയി" എന്നത് ഒരു ഗ്രാമീണപ്രയോഗം എന്ന നിലയിൽ കഠിനമാണെങ്കിലും, പ്രകൃതിയുടെ ഭാഷയിൽ സത്യത്തോടേറ്റവും അടുത്ത് നിൽക്കുന്നതുമാണ്.

മറ്റെന്തിനേക്കാളും "ചത്തു പോയി" എന്ന പ്രയോഗം അന്വർത്ഥമാണെന്ന് പറയാതെ വയ്യ!

മനുഷ്യൻറ്റെ "സത്ത്" അതായത് ആത്മാവ് പോയി എന്നർത്ഥം!

ഭാരതീയ യോഗവേദാന്തപ്രകാരം ജീവജാലങ്ങളിലെ കോശഘടനയും ജീവതത്വവും

ഭൗതികം / ആകാരം - അന്നമയകോശം,

ഊർജ്ജം , പ്രവൃത്തി - പ്രാണമയകോശം,

മനസ്സ് / വികാരം - മനോമയകോശം,

ബുദ്ധി / വിവേകം - വിജ്ഞാനമയകോശം,

ഹർഷം / നിർവൃതി - അനന്ദാമയകോശം,

പിന്നെ ആത്മനും! എന്ന രീതിയിൽ ആണ്.

ബാക്കിയെല്ലാം നിലപ്പിച്ചു കൊണ്ട് ആത്മൻ പോയി!

സത്ത് പോയ ജഡം പഞ്ചഭൂതങ്ങളിൽ വിലയം പ്രാപിയ്ക്കുന്നു.


ഇങ്ങനെ ബഹിർഗമിയ്ക്കുന്ന അസംസ്കൃതശക്തിയെ "ചാവ്" എന്ന് വിശേഷിപ്പിയ്ക്കുന്നു.

അതിനെ അപരബ്രഹ്മത്തിലൂടെ കൂട്ടിക്കൊണ്ട് പോകുന്ന മോഡുലേറ്റിംഗ് ശക്തിയെ യമദൂതൻ എന്നു വിളിയ്ക്കാം. അന്താരാഷ്ട്ര വിമാനത്താലവളങ്ങളിൽ എമിഗ്രേഷന് മുമ്പ് ഒരു മഞ്ഞ വരയുണ്ടല്ലോ, അത് കടന്നാൽ പിന്നെ ഒരു രാജ്യത്തുമല്ല; ഇല്ലത്തൂന്ന് പോന്ന് അമ്മാത്തെത്താത്ത അവസ്ഥ. വീണ്ടും അടുത്ത രാജ്യത്തെ എമിഗ്രേഷ്നു മുമ്പ് മഞ്ഞ വര, ആ രാജ്യത്തേയ്ക്ക് പ്രവേശനം . അത് പോലെ ഒരു വൈതരണീ നദിയുണ്ട് കടുത്ത തമസ്സിന്റെ പ്രവാഹമുള്ള നദി. ഇത് കടക്കാൻ ആർജ്ജിത പുണ്യം വേണമത്രേ! ഒരു തരാം റിവേഴ്സ് ഒസ്സ്മോസ്സിസ്സ് ആത്മനെന്ന ശക്തിയെ ഉറച്ച് നോക്കി മാറ്റ് നിശ്ച്ചയിയ്ക്കുന്ന പ്രക്രിയ.

ചാവിനെ ശുദ്ധീകരിയ്ക്കുന്ന പ്രക്രിയയിൽ ഏർപ്പെട്ട ശക്തിയെ യമധർമ്മൻ എന്നും ആ പ്രക്രിയ നടക്കുന്ന ഇടത്തെ പോസിറ്റീവ് ശക്തികളെ ശുദ്ധീകരിയ്ക്കുന്ന സ്വർഗ്ഗമെന്നോ,നെഗറ്റീവ് ശക്തികളെ ശുദ്ധീകരിയ്ക്കുന്ന നരകമെന്നോ വിളിയ്ക്കാം.



ശുദ്ധീകരിയ്ക്കപ്പെട്ട ആത്മശക്തി ഒന്നുകിൽ പരബ്രഹ്മത്തിൽ വിലയം പ്രാപിയ്ക്കുന്നു, അല്ലെങ്കിൽ അടുത്തജന്മത്തിനായി കാത്തിരിയ്ക്കുന്നു. ഇതെല്ലാം സംഭവിയ്ക്കുന്നത് തുടർച്ചയ്ക്ക് ഹേതുവായ തമോഗുണം ഹേതുവായാണ്.

ഒരുവൻറ്റെ ജന്മങ്ങളായി ആർജ്ജിച്ച പാപഫലം നരകത്തിൽ വച്ച് പൂർണ്ണമായി ശുദ്ധീകരിയ്ക്കാൻ കഴിയാതെ വന്നാൽ അവനത് പ്രത്യക്ഷത്തിൽ ധരിച്ച് അടുത്ത ജന്മം കൊള്ളും എന്ന് ചില ഗ്രന്ഥങ്ങൾ പറയുന്നു. വികലാംഗൻ ആയി ജനിയ്ക്കുന്നത് ഇതിനുദാഹരണമായി പറയപ്പെടുന്നു.