എത്രയധികം ധനം സമ്പാദിച്ചുകൂട്ടിയാലും സജ്ജനങ്ങൾ അത്യാവശ്യത്തിനായി യാചിച്ചാൽപ്പോലും സ്വല്പമെങ്കിലും അതിൽ നിന്ന് ചില ദുഷ്ടന്മാർ കൊടുക്കുന്നില്ല. എത്രതന്നെ സമ്പന്നനായാലും മരിക്കുമ്പോൾ ഒരു ഉടുതുണി പോലും അവന് പരലോകത്തേക്ക് കൊണ്ടുപോകാൻ സാദ്ധ്യമല്ല.ചിലർ ചെയ്തു പോയ തെറ്റിനേപ്പറ്റി ലവലേശം പോലും പശ്ചാത്താപം തോന്നാത്തവരാണ്. അവർ വിശ്വാസവഞ്ചന ചെയ്വാൻ മടിക്കുന്നില്ല.
      അത്രയധികം സമ്പാദിച്ചു വച്ചവനെക്കൊണ്ട് മറ്റൊരാൾക്ക് യാതൊരു ഉപകാരവുമില്ല. കാരണം ഇരന്നാൽപ്പോലും അവൻ മറ്റൊരുവനെ സഹായിക്കുകയില്ല. ഇത്രയൊക്കെ സമ്പാദിച്ചുകൂട്ടിയവൻ, മരിച്ചു പോകുമ്പോൾ ഒന്നും പരലോകത്തേക്ക് കൊണ്ടു പോകുന്നില്ലല്ലോ എന്ന സത്യം അറിയുന്നില്ല.