ശ്രീശങ്കരഭഗവത്പാദസ്തുതിഃ 

അഷ്ടവര്‍ഷേ ചതുര്‍വേദീ ദ്വാദശേഖിലശാസ്ത്രവിത് ।
സര്‍വലോകഖ്യാതശീലഃ പ്രസ്ഥാനത്രയഭാഷ്യകൃത് ॥ 1॥

പദ്മപാദാദിസച്ഛിഷ്യഃ പാഖണ്ഡധ്വാന്തഭാസ്കരഃ ।
അദ്വൈതസ്ഥാപനാചാര്യഃ ദ്വൈതമത്തേഭകേസരീ ॥ 2॥

വ്യാസനന്ദിതസിദ്ധാന്തഃ വാദനിര്‍ജിതമണ്ഡനഃ ।
ഷണ്‍മതസ്ഥാപനാചാര്യഃ ഷഡ്ഗുണൈശ്വര്യമണ്ഡിതഃ ॥ 3॥

സര്‍വലോകാനുഗ്രഹകൃത് സര്‍വജ്ഞത്വാദിഭൂഷണഃ ।
ശ്രുതിസ്മൃതിപുരാണജ്ഞഃ ശ്രുത്യേകശരണപ്രിയഃ ॥ 4॥

സകൃത്സ്മരണസന്തുഷ്ടഃ ശരണാഗതവത്സലഃ ।
നിര്‍വ്യാജകരുണാമൂര്‍തിഃ നിരഹംഭാവഗോചരഃ ॥ 5॥

സംശാന്തഭക്തഹൃത്താപഃ സാമരസ്യഫലപ്രദഃ ।
സംന്യാസകുലപദ്മാര്‍കഃ സംവിന്‍മയകലേവരഃ ॥ 6॥

സാക്ഷാച്ഛ്രീദക്ഷിണാമൂര്‍തിഃ ശങ്കരാഖ്യോ ജഗദ്ഗുരുഃ ।
സന്തനോതു ദൃഢാം നിഷ്ഠാം അദ്വൈതാഽധ്വനി നഃ സദാ ॥ 7॥

ഇതി ശ്രീ ഈശ്വരാനന്ദഗിരിമഹാരാജകൃതാ ശ്രീശങ്കരഭഗവത്പാദസ്തുതിഃ സമാപ്താ ॥