*ബ്രഹ്മജ്ഞാനാവലീമാല*
*ഭാഗം -15*
*സദ്ഗമയ സത്സംഗ വേദി*
*26/08/2019, തിങ്കൾ*

*പ്രജ്ഞാനഘന ഏവാഹം വിജ്ഞാനഘന ഏവ ച അകർതാഹമഭോക്താഹമഹമേവാഹമവ്യയഃ*

പ്രകർഷേണയുളള ജ്ഞാനം, അനുഭവജ്ഞാനം, അതാണ് ഞാൻ. ഞാൻ ബോധ സ്വരൂപനാണ്. വിജ്ഞാനമെന്നു പറയുമ്പോൾ അനുഭവജ്ഞാനമെന്നു പറയാം. ജ്ഞാനം വസ്തു സംബന്ധമായത്. ആ വസ്തു സംബന്ധമായ ജ്ഞാനത്തെ നാം അനുഭവത്തിൽ കൊണ്ടുവരുമ്പോൾ അത് വിജ്ഞാനമായി. അഗ്നിക്ക് ചൂടും പ്രകാശവുമുണ്ട് എന്ന അറിവാണ് ജ്ഞാനം അത് സ്പർശിച്ച് നോക്കിയാൽ വിജ്ഞാനമായി. തൊട്ടു നോക്കി ഞാൻ അറിയുമ്പോൾ അത് എന്നെ സംബന്ധിച്ച് വിജ്ഞാനമാണ്.

ഞാനൊന്നിന്റെയും കർത്താവും ഭോക്താവുമല്ല. എനിക്ക് കർമ്മമോ കർമ്മഫലമോ ഇല്ല എന്നാൽ എല്ലാ കർമ്മങ്ങളുടെയും അധിഷ്ഠാനം ഞാനാണ്. കർമ്മങ്ങൾ ഇല്ലെങ്കിൽ എന്നിൽ അതിന്റെ ഫലവും ഉണ്ടാവില്ല. ഞാൻ ഞാൻ മാത്രമാണ്. ഞാൻ ഒരു തരത്തിലും കുറവില്ലാത്തവനാണ്.

തുടരും...

*ശ്രീശങ്കരാചാര്യവിരചിതം*
••••••••••••••••••••••••••••••••••••••••••
*ലേഖനം : വിഷ്ണു ശ്രീലകം*