വിവേക സ്പർശം*

*" രജപുത്രരായ നിങ്ങൾ പ്രാചീനഭാരതത്തിന്റെ യശസ്തംഭങ്ങളായിരുന്നു. നിങ്ങൾ അധ:പതിച്ചപ്പോൾ ജനതയും ക്ഷയിച്ചു. ക്ഷത്രിയരുടെ പിന്തുടർച്ചക്കാർ ബ്രാഹ്മണരുടെ പിന്തുടർച്ചക്കാരനായി സഹകരിച്ചാൽ മാത്രമേ ഭാരതത്തെ ഉന്നമിപ്പിക്കാൻ കഴിയൂ. ഈ സഹകരണം പണവും പെരുമയും പങ്കിടാനാവരുത് ;മറിച്ച്, ദുർബ്ബലരെ തുണയ്ക്കാനും അജ്ഞർക്ക് വെളിച്ചം കൊടുക്കാനും, സ്വപൂർവികരുടെതായ പവിത്ര ഭൂമിയുടെ പൊയ്പോയ മഹത്വം വീണ്ടെടുക്കുവാനുമാവണം .*

*കാലം അനുകൂലമല്ലെന്ന് ആർക്ക് പറയാം? ചക്രം വീണ്ടും മേല്പോട്ട് തിരിയുകയാണ്. വിദൂരഭാവിയിലല്ലാതെതന്നെ ഭൂമിയുടെ അങ്ങേയറ്റംവരെ ചെന്ന്പറ്റുന്ന തുടിപ്പുകൾ ഭാരതത്തിൽ നിന്നും പുറപ്പെട്ടകഴിഞ്ഞിട്ടുണ്ട്. പ്രതിദിനം കൂടുതൽ ശക്തിമത്തായി മുന്നോട്ടുനീങ്ങുന്ന മാറ്റൊലികൾ ഇളക്കിവിടുന്ന ഒരു ശബ്ദം മുഴങ്ങിയിരിക്കുന്നു. ഈശബ്ദം അതിനുമുമ്പുണ്ടായിട്ടുള്ളവയെപ്പോലും അപേക്ഷിച്ച് കൂടുതൽ കരുത്തുറ്റതാണ്; അവയൊക്കെ ആകെത്തുകയായ ഒരു ശബ്ദമാണത് .സരസ്വതീതീരത്തിലെ ഋഷിമാരോടു സംസാരിച്ച ആ ശബ്ദം, പർവ്വതഗുരുവായ ഹിമവാന്റെ കൊടുമുടികളിൽ ചെന്നലച്ചു മാറ്റൊലികളുളവാക്കിയതും, കൃഷ്ണൻ ബുദ്ധൻ ചൈതന്യൻ എന്നിവരിലൂടെ സമതലങ്ങളിലേക് സർവ്വപ്ലാവകങ്ങളായ പ്രവാഹങ്ങളായി കടന്നു വന്നതുമായ ആ ശബ്ദം, വീണ്ടുമിതാ സംസാരിച്ചിരിക്കുന്നു. വീണ്ടും കവാടങ്ങൾ തുറക്കപ്പെട്ടിരിക്കുന്നു. പ്രകാശത്തിന്റെ മണ്ഡലങ്ങളിലേക്ക് കടന്നുവരിക -C&P